ઇરાનમાં (Iran)22 વર્ષીય મહસા અમિનીના (Mahsa Amini)મોત થયા પછી દેશના ઘણા ભાગમાં વિરોધ પ્રદર્શન થઇ રહ્યા છે. મહિલાઓ હિજાબ (Hijab Law)સળગાવીને, પોતાના વાળ કાપીને અને સરકાર વિરોધી નારા લગાવી રોષ વ્યક્ત કરી રહી છે. પ્રદર્શન હવે આંદોલનનું રુપ લઇ રહ્યું છે. જે દેશ-દુનિયાનું ધ્યાન આકર્ષિત કરી રહ્યું છે. મીડિયા રિપોર્ટ્સ પ્રમાણે વિરોધને દબાવવા માટે સુરક્ષાબળો દ્વારા પ્રદર્શનકારીઓ પર ગોળીઓ ચલાવવામાં આવી રહી છે. પ્રદર્શન દરમિયાન ઘણા લોકોના મોત થવાના અને ઇજાગ્રસ્ત થવાની સૂચના પણ છે.
ત્રણ દિવસ કોમામાં રહ્યા પછી અમિનીનું મોત થયું હતું. તેની 13 સપ્ટેમ્બરે ધાર્મિક મામલાની પોલીસે (morality police) હિજાબ યોગ્ય રીતે ના પહેરવાના કારણે ધરપકડ કરી હતી. જ્યારે અમિનીના પરિવારજનોનું કહેવું છે કે તે હંમેશા ડ્રેસ કોડનું પાલન કરતી હતી. અમિનીની ધરપકડ પછી કસ્ટડીમાં માર મારવાનો પોલીસ પર આરોપ છે.
મહસા અમિની પશ્ચિમી ઇરાનના કુર્દિસ્તાનના સક્કેજ શહેરની રહેવાસી હતી. રવિવારે ઇરાનના રાષ્ટ્રપતિ ઇબ્રાહિમ રઇસીએ અમિનીના પરિવાર સાથે વાત કરી હતી.
ઇરાનમાં હિજાબને લઇને શું છે કાનૂન?
1979માં ઇસ્લામી ક્રાંતિ પછી ઇરાનમાં મહિલાઓ પર પ્રતિબંધ વધારે દેવામાં આવ્યા હતા. ઇસ્લામી રીતથી કપડા પહેરવા માટે કાયદો બનાવવામાં આવ્યો હતો. 1981થી ઇરાનમાં હિજાબ પહેરવો અનિવાર્ય છે. નવ વર્ષથી વધારે ઉંમરની યુવતીઓ અને મહિલાઓ કાનૂની રુપથી પોતાનું માથું ઢાંકી રાખવા માટે બાધ્ય છે.
સાર્વજનિક સ્થળો પર બધી મહિલાઓને ઢીલા કપડા અને એક સ્કાર્ફ પહેરવાનો આદેશ છે. નિયમનો ભંગ કરવા પર 50,000 થી 500,000 રિયાલ સુધીનો દંડ અને 2 થી 12 મહિના સુધી જેલની જોગવાઇ છે.
ઇરાનમાં છેલ્લા કેટલાક સમયથી ફરજિયાત હિજાબ નીતિનો મહિલાઓ વિરોધ કરી રહી છે. ઓગસ્ટ 2021માં ઇબ્રાહિમ રઇસીના પદ સંભાળ્યા પછી દેશમાં ડ્રેસ કોડ લાગુ કરાવવાને લઇને કડકાઇ વધી છે. ઇન્ડિયા ટાઇમ્સના એક રિપોર્ટ પ્રમાણે રઇસીના પદ સંભાળ્યા પછી અત્યાર સુધી 18 મહિલાઓને ફાંસી આપવામાં આવી ચૂકી છે.
