દેવારા મુવી 27 સપ્ટેમ્બરે સિનેમાઘરમાં થશે રિલીઝ, જોરશોરથી ફિલ્મ પ્રમોશન શરૂ

આ દિવસોમાં જુનિયર એનટીઆર (Junior NTR) તેની આગામી ફિલ્મ 'દેવારા' (Devara) લઈને સતત ચર્ચામાં છે. આ ફિલ્મમાં પહેલીવાર જુનિયર એનટીઆર અને જાહ્નવી કપૂરની રોમેન્ટિક જોડી જોવા ચાહકો આતુર છે.

કોરાતાલા શિવા દ્વારા નિર્દેશિત આ ફિલ્મ 27મી સપ્ટેમ્બરની નિર્ધારિત રિલીઝ ડેટ પર રિલીઝ થવા જઈ રહી છે. સ્ટાર્સ પણ જોરશોરથી ફિલ્મનું પ્રમોશન કરી રહ્યા છે.

ચાહકો સવારે 1 વાગ્યાથી શો જોઈ શકશે. આ ઉપરાંત, અન્ય સ્ક્રીનો અને મલ્ટિપ્લેક્સ સવારે 4 વાગ્યાથી ખુલશે, જેમાં દિવસ માટે કુલ 6 શોનું આયોજન કરવામાં આવ્યું છે.

તેલંગાણામાં ફિલ્મની ટિકિટની કિંમત સિંગલ સ્ક્રીનમાં ₹ 250 અને મલ્ટિપ્લેક્સમાં ₹ 418 હશે અને આંધ્ર પ્રદેશમાં મલ્ટિપ્લેક્સ માટે ₹ 325 અને સિંગલ સ્ક્રીન માટે ₹ 200 હોવાની ધારણા છે.

આ ફિલ્મ તેલુગુ, હિન્દી, તમિલ, કન્નડ અને મલયાલમ સહિત ઘણી ભાષાઓમાં રિલીઝ થશે. નિર્માતાઓ ઘણા રાજ્યોમાં પ્રમોશનલ ઈવેન્ટ્સનું આયોજન કરી રહ્યા છે, તાજેતરમાં તેઓ ચેન્નાઈમાં જોવા મળ્યા હતા અને આગળ તેઓ દક્ષિણમાં પણ ફિલ્મનું બહોળા પ્રમાણમાં પ્રચાર કરી રહ્યા છે.

'દેવારા'નું નિર્માણ યુવાસુધા આર્ટસ અને એનટીઆર આર્ટ્સ દ્વારા કરવામાં આવ્યું છે. સંગીત અનિરુદ્ધ રવિચંદરે આપ્યું છે. આ ફિલ્મ 27 સપ્ટેમ્બર 2024ના રોજ સિનેમાઘરોમાં રિલીઝ થશે.