IPL Flashback GT vs PBKS : આઈપીએલ 2024ની 17મી મેચમાં ગુજરાત ટાઇટન્સ અને પંજાબ કિંગ્સ વચ્ચે મુકાબલો થશે. આ મેચ 4 એપ્રિલના રોજ સાંજે 7.30 કલાકે અમદાવાદના નરેન્દ્ર મોદી સ્ટેડિયમમાં રમાશે. ગુજરાતની ટીમ આ સિઝનમાં ત્રણ મેચ રમી છે અને 2 મેચમાં વિજય મેળવ્યો છે અને 1 મેચમાં પરાજય થયો છે. જ્યારે પંજાબની ટીમનો ત્રણ મેચમાંથી એકમાં વિજય થયો છે અને બે મેચમાં પરાજય થયો છે. આઈપીએલમાં દિલ્હી અને કેકેઆર વચ્ચે રમાયેલા અત્યાર સુધીના મુકાબલાની વાત કરવામાં આવે તો ગુજરાતનું પલડું ભારે જોવા મળે છે.
ગુજરાત ટાઇટન્સ અને પંજાબ કિંગ્સ હેડ ટુ હેડ
આઈપીએલમાં કોલકાતા અને દિલ્હી વચ્ચે અત્યાર સુધીમાં 3 મુકાબલા થયા છે. જેમાં 2 મેચમાં ગુજરાતનો વિજય થયો છે. જ્યારે 1 મેચમાં પંજાબનો વિજય થયો છે. બન્ને વચ્ચેના મુકાબલામાં ગુજરાતનો હાઈએસ્ટ સ્કોર 189 અને લોએસ્ટ સ્કોર 143 રન છે. જ્યારે કેકેઆરનો હાઇએસ્ટ સ્કોર 189 અને લોએસ્ટ સ્કોર 153 રન છે. 2023ની સિઝનમાં બન્ને વચ્ચે એક મેચ રમાઇ હતી. જેમાં ગુજરાતનો વિજય થયો હતો.
આ પણ વાંચો – આઈપીએલ 2024 : અમદાવાદ અને કોલકાતામાં રમાનાર એક-એક મેચની તારીખ બદલાઈ, જાણો કેમ
હોમગ્રાઉન્ડમાં ગુજરાત અને પંજાબનો રેકોર્ડ
ગુદરાત ટાઇટન્સના હોમગ્રાઉન્ડ નરેન્દ્ર મોદી સ્ટેડિયમમાં બન્ને ટીમોના રેકોર્ડની વાત કરવામાં આવે તો આ મેદાનમાં બન્ને ટીમો પ્રથમ વખત ટકરાશે. બીજી તરફ પંજાબના હોમગ્રાઉન્ડ પીસીએ સ્ટેડિયમની વાત કરવામાં આવે તો બન્ને વચ્ચે 1 મેચ રમાઇ છે અને આ મેચમાં ગુજરાતનો વિજય થયો છે.
હોમગ્રાઉન્ડ સિવાય તટસ્થ સ્થળની વાત કરવામાં આવે તો બન્ને વચ્ચે 2 મેચો રમાઇ છે. જેમાં 1 મેચમાં ગુજરાતનો વિજય થયો છે. જ્યારે 1 મેચમાં પંજાબનો વિજય થયો છે.
GT vs PBKS : વરસાદની કોઈ શક્યતા નથી
હવામાનની વાત કરીએ તો અહીં ખેલાડીઓને વધારે મુશ્કેલીનો સામનો કરવો પડશે નહીં. હવામાન ચોખ્ખું રહેશે અને ચાહકો સંપૂર્ણ ક્રિયા જોઈ શકશે. અમદાવાદમાં મેચ શરૂ થવાના સમયે દિવસનું તાપમાન 35 ડિગ્રી સુધી રહેશે. મેચના અંત સુધીમાં તે 31 થી 29 ડિગ્રી સુધી રહેશે. વરસાદની કોઈ શક્યતા નથી. દિવસની ભેજ 33 ટકાથી વધુ રહેવાની અપેક્ષા નથી.
