ભારતીય ટીમે શરૂઆતથી જ બોલ પર નિયંત્રણ બતાવ્યું હતું. બીજી મિનિટમાં જાપાનનો યામાતો કવાહરા ગ્રીન કાર્ડને કારણે બે મિનિટ સુધી રમતની બહાર રહ્યો. મનપ્રીત સિંહે પ્રથમ ગોલની તક બનાવી પરંતુ ગોલ થયો નહીં. ટૂંક સમયમાં મનદીપ સિંહે ભારતનું ખાતું ખોલ્યું. છેલ્લી મેચમાં કોઈ ફિલ્ડ ગોલ નહોતો થયો પરંતુ આ મેચની ચોથી મિનિટમાં મનદીપ સિંહે ભારત માટે પહેલો ગોલ કર્યો. પાંચમી મિનિટમાં ભારતને પેનલ્ટી કોર્નર પર પેનલ્ટી કોર્નર મળ્યા. ત્રણ વખત નિષ્ફળ રહ્યા બાદ ભારતે ચોથા પ્રયાસમાં પીસીને ગોલમાં રૂપાંતરિત કર્યો. આ વખતે પણ કેપ્ટન હરમનપ્રીત સિંહ પીસી દ્વારા ગોલ કરનાર ખેલાડી હતો.

જાપાનની ટીમને મેચની 13મી મિનિટમાં બે પેનલ્ટી કોર્નર મળ્યા, પરંતુ ટીમ એક પણ ગોલ કરી શકી નહીં. ભારતીય ડિફેન્સ સારું હતું. અમિત રોહિદાસને 23મી મિનિટે ગ્રીન કાર્ડ મળ્યું અને તે બીજા ક્વાર્ટરમાં બે મિનિટ માટે રમતની બહાર રહ્યો. જાપાનને 24મી મિનિટમાં ત્રણ પીસી મળ્યા, પરંતુ એક પણ પીસી ગોલમાં રૂપાંતરિત થઈ શક્યો નહીં. ભારતને 27મી મિનિટે પીસી મળ્યો પરંતુ ભારત તેને ગોલમાં રૂપાંતરિત કરી શક્યું નહીં. જાપાન માટે ત્રીજા ક્વાર્ટરની શરૂઆત સારી રહી. ભારતે પણ હુમલો કર્યો પરંતુ જાપાનને સફળતા મળી.

જાપાન માટે મેચનો પહેલો ગોલ 38મી મિનિટે કોશી કાવાબેએ કર્યો અને લીડ થોડી ઓછી કરી કારણ કે ભારત આ મેચમાં પહેલાથી જ બે ગોલ કરી ચૂક્યું હતું. ભારતે ત્રીજા ક્વાર્ટરનો અંત ગોલ સાથે કર્યો. 45મી મિનિટની છેલ્લી થોડી સેકન્ડમાં ભારતને પીસી મળ્યો અને હરમનપ્રીત સિંહે તેને ગોલમાં રૂપાંતરિત કરીને ભારતને 3-1 થી આગળ કરી દીધું અને હવે જો ભારત મેચમાં રક્ષણાત્મક રીતે રમશે, તો પણ તે મેચ જીતી જશે, કારણ કે જાપાન માટે ૨ ગોલના અંતરને પૂરવું સરળ રહેશે નહીં. ત્રીજો ક્વાર્ટર 1-1 થી બરાબરી પર સમાપ્ત થયો, કારણ કે બંને ટીમોએ આ ક્વાર્ટરમાં એક-એક ગોલ કર્યો.

આ પણ વાંચો: કેન્દ્રીય મંત્રી નીતિન ગડકરીએ કહ્યું, “જે લોકોને મૂર્ખ બનાવી શકે છે તે શ્રેષ્ઠ નેતા બની શકે છે”

ચોથો ક્વાર્ટર ધીમો શરૂ થયો પરંતુ જાપાનને 49 મી મિનિટે પેનલ્ટી કોર્નર મળ્યો. જોકે ભારતના ડિફેન્સ અને ગોલકીપર સૂરજ કરકેરાએ આ પીસીને ગોલમાં રૂપાંતરિત થવા દીધો નહીં. 58 મી મિનિટે જાપાનને પીસી મળ્યો, કેટલાક રીટેક થયા અને અંતે જાપાને ગોલ કર્યો. આ રીતે સ્કોરલાઇન 3-2 થઈ ગઈ. મેચમાં થોડી મિનિટો બાકી હતી. આવી સ્થિતિમાં ભારતે બચાવ કરીને મેચ જીતવી પડી. ભારતે પણ એવું જ કર્યું અને મેચ 3-2થી જીતી લીધી.

મેન્ટર બનાવવા માટે ધોનીનો સંપર્ક કરવામાં આવ્યો

ક્રિકબ્લોગરના એક રિપોર્ટ અનુસાર બીસીસીઆઇના એક સૂત્રએ આ વાતની પુષ્ટિ કરી છે કે ધોનીનો મેન્ટર બનવા માટે સંપર્ક કરવામાં આવ્યો છે. સૂત્રએ કહ્યું કે ધોનીને ફરી એક વખત ભારતીય ક્રિકેટનું નેતૃત્વ કરવાની ઓફર કરવામાં આવી છે. બોર્ડ માને છે કે તેની વ્યુહાત્મક વિચારસરણી, સંયમિત નેતૃત્વ ક્ષમતા અને હાઈ-પ્રેશર ટૂર્નામેન્ટ્સ જીતવાનો અનુભવ ટીમને વધુ એક વર્લ્ડ કપ ટાઈટલ માટે તૈયાર કરવામાં મદદગાર સાબિત થઈ શકે છે.

જોકે અંદરના સૂત્રોનું માનવું છે કે ગૌતમ ગંભીર ટીમના મુખ્ય કોચ હોવાને કારણે ધોની આ ઓફર સ્વીકારવામાં ખચકાટ અનુભવી શકે છે. ગંભીર અને ધોની ભારતીય ક્રિકેટમાં તેમના યોગદાન માટે આદર ધરાવે છે, પરંતુ તેમના રમવાના દિવસોથી જ તેમનામાં વૈચારિક મતભેદો રહ્યા છે.

આ પણ વાંચો – વાત સંજુ સેમસનના ટ્રેડ થવાની થઇ રહી હતી પણ રાજસ્થાન રોયલ્સમાંથી કોચ રાહુલ દ્રવિડે અલવિદા કહ્યું

ધોનીએ 2021 માં મેન્ટર તરીકે સેવા આપી હતી

પૂર્વ ભારતીય કેપ્ટને 2021 માં યુએઈમાં ટી -20 વર્લ્ડ કપ દરમિયાન મેન્ટર તરીકે સેવા આપી હતી, જેમાં વિરાટ કોહલી અને રવિ શાસ્ત્રી ટીમના કેપ્ટન અને કોચ હતા. જોકે ટીમ ઇન્ડિયા 2021ના ટી-20 વર્લ્ડ કપના નોકઆઉટમાં સ્થાન મેળવવામાં નિષ્ફળ રહી હતી. 2021ના ટી-20 વર્લ્ડ કપમાં ભારત ગ્રુપ સ્ટેજથી આગળ વધી શક્યું ન હતું, પણ એક મેન્ટર તરીકે ધોનીને ઘણા ખેલાડીઓએ પ્રશંસા કરી હતી. આ ટૂર્નામેન્ટ દરમિયાન ભારત પાકિસ્તાન સામે 10 વિકેટથી હાર્યું હતું અને વર્લ્ડ કપમાં તેમની સામે ભારતનો આ પ્રથમ પરાજય હતો.

ભારતીય ટીમના મુખ્ય કોચ પદેથી રાજીનામું આપ્યા બાદ રાહુલ દ્રવિડે ગત વર્ષે આઇપીએલમાં રાજસ્થાન રોયલ્સના કોચ બન્યા હતા. દ્રવિડની હેડ કોચ પદેથી વિદાય માત્ર એક સિઝન બાદ એવા સમયે થઇ છે જ્યારે ફ્રેન્ચાઇઝી અને કેપ્ટન સંજૂ સેમસન વચ્ચે મતભેદ હોવાની ચર્ચા ચાલી રહી હતી. એવા અહેવાલો આવ્યા હતા કે સંજુએ રાજસ્થાન રોયલ્સને ટ્રેડ કરવા અથવા રિલીઝ કરવા જણાવ્યું હતું.

રાજસ્થાન રોયલ્સે શું કહ્યું?

રાહુલ દ્રવિડના પદથી હટવાની જાણકારી આપતા ફ્રેન્ચાઇઝીએ કહ્યું કે રાજસ્થાન રોયલ્સે આજે જાહેરાત કરે છે કે મુખ્ય કોચ રાહુલ દ્રવિડનો આઈપીએલ 2026 પહેલા ફ્રેન્ચાઇઝી સાથે તેમનો કાર્યકાળ સમાપ્ત થશે. રાહુલ ઘણા વર્ષોથી રોયલ્સની સફરના કેન્દ્રમાં છે. તેમના નેતૃત્વએ ખેલાડીઓની એક પેઢીને પ્રભાવિત કરી છે, ટીમમાં મજબૂત મૂલ્યોનું સિંચન કર્યું છે અને ફ્રેન્ચાઇઝીની એક સંસ્કૃતિ પર અમિટ છાપ છોડી છે.

આ પણ વાંચો – લલિત મોદીએ હરભજન-શ્રીસંત થપ્પડ કાંડનો VIDEO જાહેર કર્યો, 17 વર્ષ પછી આખી ઘટના જણાવી

રાહુલ દ્રવિડે ટોચના પદની ઓફર ફગાવી

રાજસ્થાન રોયલ્સે કહ્યું કે ફ્રેન્ચાઇઝીમાં માળખાકીય પરિવર્તનના ભાગરૂપે, રાહુલને ફ્રેન્ચાઇઝીમાં મોટા પદની ઓફર કરવામાં આવી હતી, પરંતુ તેમણે તે સ્વીકાર્યો કર્યો ન હતો. રાજસ્થાન રોયલ્સના ખેલાડીઓ અને વિશ્વભરના લાખો ચાહકો ફ્રેન્ચાઇઝી માટે તેમની ઉલ્લેખનીય સેવા માટે રાહુલનો હૃદયપૂર્વક આભાર માને છે.

ભારતીય ક્રિકેટ ટીમ પાસે ઈતિહાસ રચવાની તક

ભારતીય ક્રિકેટ ટીમ પાસે એશિયા કપ 2025માં ઈતિહાસ રચવાની તક છે. ભારતીય ટીમ સૌથી મજબૂત ટીમ છે. તેનું ટી-20 ઈન્ટરનેશનલ ફોર્મ શાનદાર રહ્યું છે, જેમાં છેલ્લી 40 મેચમાંથી 35 જીત મળી છે. જોતે 28 સપ્ટેમ્બરે આ ચેમ્પિયમ બનશે તો તે એક એવી સિદ્ધિ હાંસલ કરી લેશે જે અત્યાર સુધી કોઈ ટીમે મેળવી નથી.

ભારતીય ક્રિકેટ ટીમ ચેમ્પિયન બનશે તો ટી-20 આંતરરાષ્ટ્રીય ફોર્મેટમાં એશિયા કપની બે સિઝન જીતનારી પ્રથમ ટીમ બની શકે છે. એશિયા કપની અત્યાર સુધીમાં 16માંથી 14 એડિશન વન-ડે ફોર્મેટમાં રમાઈ છે. માત્ર 2016 અને 2022માં જ ટી-20 ઈન્ટરનેશનલ ફોર્મેટમાં આ ટૂર્નામેન્ટ રમાઇ છે. 2016માં ભારતે અને શ્રીલંકાએ 2022માં જીત્યો હતો. એમએસ ધોની અત્યાર સુધી બંને ફોર્મેટમાં એશિયા કપ જીતનારો એકમાત્ર કેપ્ટન છે. હવે ભારતને બે ટી-20 આંતરરાષ્ટ્રીય એશિયા કપ જીતવાની તક છે, જે પહેલી વખત થશે.

આ પણ વાંચો – એશિયા કપ 2025 નો કાર્યક્રમ, …તો ભારત અને પાકિસ્તાન ત્રણ વખત ટકરાશે

2026ના ટી-20 વર્લ્ડ કપ માટે ભારતીય ક્રિકેટ ટીમની તૈયારી

એશિયા કપ 2025નો પ્રારંભ 9મી સપ્ટેમ્બરથી થશે અને 2026માં ભારતની ભૂમિ પર યોજાનારા ટી-20 વર્લ્ડ કપની ભારતની તૈયારીનો પ્રારંભ થશે. એશિયા કપ 2025 બાદ ભારત 15 દ્વિપક્ષીય ટી-20 આંતરરાષ્ટ્રીય મેચો રમશે, જેના કારણે તે આઇસીસીની ઈવેન્ટ માટે સંપૂર્ણપણે તૈયાર થઈ જશે. ભારતે છેલ્લે 2023માં એશિયા કપ જીત્યો હતો, પણ તે વન ડે ફોર્મેટમાં હતો. ઓવરઓલ ભારતે અત્યાર સુધી રમાયેલી કુલ 16 સિઝનમાંથી 8માં વિજય મેળવ્યો છે.

મીટિંગમાં ટીમ ઇન્ડિયાનો નવો સ્પોન્સર શોધવા અંગે ચર્ચા થઈ

મીડિયા રિપોર્ટ પ્રમાણે BCCIની એપેક્સ કમિટીની બેઠક બુધવારે યોજાઈ હતી. રાજીવ શુક્લાએ સર્વોચ્ચ પરિષદની બેઠકની અધ્યક્ષતા કરી હતી. બેઠકનો મુખ્ય એજન્ડા સ્પોન્સરશિપ હતો. તેમાં ડ્રીમ11 સાથેનો કરાર સમાપ્ત કરવા અને આગામી અઢી વર્ષ માટે નવો સ્પોન્સર શોધવા અંગે ચર્ચા થઈ હતી.

અહેવાલ મુજબ એશિયા કપમાં બે અઠવાડિયા પણ બાકી નથી તેથી ત્યાં સુધીમાં નવો સ્પોન્સર શોધવો મુશ્કેલ છે. અહેવાલમાં સૂત્રને ટાંકીને કહેવામાં આવ્યું છે કે હવે બે અઠવાડિયા પણ બાકી નથી. અમે પ્રયાસ કરી રહ્યા છીએ પરંતુ નવું ટેન્ડર જારી કરવામાં, કાનૂની પ્રક્રિયા અને અન્ય તકનીકી બાબતોનું પાલન કરવામાં સમય લાગે છે.

સૂત્રએ શોર્ટ ટર્મ એટલે કે ફક્ત એશિયા કપ માટે અલગ સ્પોન્સર લાવવાના સવાલ પર કહ્યું કે આવું કરવામાં આવશે નહીં. 2027 ના ODI વર્લ્ડ કપ સુધી સ્પોન્સર લાવવા પર ધ્યાન કેન્દ્રિત કરવામાં આવી રહ્યું છે.

આ પણ વાંચો – લલિત મોદીએ હરભજન-શ્રીસંત થપ્પડ કાંડનો VIDEO જાહેર કર્યો, 17 વર્ષ પછી આખી ઘટના જણાવી

રાજીવ શુક્લા કાર્યકારી પ્રમુખની ભૂમિકામાં રહેશે

નવા BCCI પ્રમુખની ચૂંટણી સુધી રાજીવ શુક્લા કાર્યકારી પ્રમુખની ભૂમિકામાં રહેશે. રાષ્ટ્રીય રમતગમત વહીવટ કાયદો બન્યા પછી BCCI એ આવતા મહિને પોતાની વાર્ષિક સામાન્ય સભા કરાવવા સવાય ચૂંટણી પર કરાવવી પડશે.

હાલમાં BCCIનો વહીવટ લોઢા સમિતિની ભલામણો પર સુપ્રીમ કોર્ટના આદેશ પછી બનાવેલા બંધારણ અનુસાર ચાલે છે. જ્યાં સુધી સંસદ દ્વારા પસાર કરાયેલા નવા રમતગમત કાયદાની સૂચના જારી ન થાય ત્યાં સુધી BCCI અને રાજ્ય ક્રિકેટ એસોસિયેશને તે સંવિધાન પ્રમાણે ચાલવું પડશે. લોઢા સમિતિની ભલામણો તેમના પર લાગુ રહેશે. તે મુજબ, અધિકારીઓ 70 વર્ષની ઉંમર પછી પદ સંભાળી શકતા નથી. નવા કાયદાની સૂચના જારી થયા પછી ઉંમરનું આ બંધન રહેશે નહીં.

આ ઘટનાના થોડા મહિના પહેલા હરભજન ઓસ્ટ્રેલિયામાં એન્ડ્ર્યૂ સાયમંડ્સ સાથે મંકીગેટ કાંડના કારણે વિવાદમાં સપડાયો હતો. હરભજને થપ્પડ મારતા શ્રીસંતે આઈપીએલની પહેલી સિઝનને હચમચાવી દીધી હતી. તેનાથી હરભજનની પ્રોફેશનલ કારકિર્દી પર એક ડાઘ પડી ગયો હતો, જે ક્યારેય ભરી શકાય તેમ નથી. ત્યારબાદ તે સિઝનમાં મુંબઈ ઈન્ડિયન્સની બાકીની 11 મેચો માટે હરભજન પર પ્રતિબંધ મૂકવામાં આવ્યો હતો. આ ઉપરાંત બીસીસીઆઇએ તેના પર પાંચ વન ડેનો પ્રતિબંધ મૂક્યો હતો.

લલિત મોદીએ જણાવ્યું શું થયું હતું?

માઇકલ ક્લાર્કના પોડકાસ્ટ પર લલિત મોદીએ ખુલાસો કર્યો હતો કે કેવી રીતે તેમણે હરભજન સિંહ અને શ્રીસંત વચ્ચે થયેલા વિવાદના વિવાદિત વીડિયો ક્લિપ 17 વર્ષ સુધી છુપાવી રાખી હતી. મોદીએ ક્લાર્કને કહ્યું કે શું થયું તે હું તમને કહું છું. હું તમને વીડિયો આપીશ. મેં તેને સંભાળીને રાખ્યો છે. ભજ્જી મારો ખૂબ સારા મિત્ર છે. હું તેને ખૂબ જ પસંદ કરું છું. તે મેદાન પર બન્યું અને હું ત્યાં હતો. તે ભજ્જી અને શ્રીસંત હતા.

આ પણ વાંચો – વીરેન્દ્ર સેહવાગના પુત્ર આર્યવીરનું ડેબ્યૂ, પિતા જેવી આક્રમક રમત બતાવી, જુઓ VIDEO

તેમણે કહ્યું કે રમત પૂરી થઈ ગઈ હતી અને કેમેરા બંધ થઈ ગયા હતા. મારો એક જ સિક્યોરિટી કેમેરો ચાલુ હતો. જેવી ટીમોએ રમવાનું બંધ કર્યું કે તરત જ ખેલાડીઓ હાથ મિલાવીને એકબીજા સાથે હાઈ-ફાઈવ કરી રહ્યા હતા. જ્યારે શ્રીસંત અને ભજ્જીની વાત આવી ત્યારે હરભજને તેને કહ્યું કે અહીં આવો, અને એક ઉંઘા હાથે થપ્પડ મારી હતી.

શ્રીસંત પર ગુસ્સે કેમ થયો હરભજન?

25 એપ્રિલ, 2008ના રોજ મોહાલીમાં મુંબઈ ઈન્ડિયન્સનો પંજાબ સામે 66 રનથી પરાજય થયા પછી હરભજન-શ્રીસંતની થપ્પડની ઘટના બની હતી. મેચ બાદ બંને ટીમો હાથ મિલાવી રહી હતી. બાદમાં ખુલાસો થયો હતો કે તે કારમી હાર બાદ શ્રીસંતની હસી-મજાક અને કોમેન્ટ કરવાથી મુંબઈ ઈન્ડિયન્સનો કેપ્ટન હરભજન ગુસ્સે ભરાયો હતો. શ્રીસંતે કહ્યું હતું કે”હાર્ડ લક. હાલમાં જ રિલીઝ થયેલા વીડિયોમાં જોઈ શકાય છે કે હરભજન શ્રીસંતને ઊંધા હાથે થપ્પડ મારી રહ્યો છે.

સાથી ખેલાડીઓએ વચ્ચે પડી શાંત કર્યા હતા

શ્રીસંતને પણ હરભજન તરફ આગળ વધતા જોઇ શકાય છે. હરભજન પણ તેની તરફ આગળ વધે છે. ઝપાઝપી થઇ ગઇ હોત ણ શ્રીસંતના સાથી ખેલાડીઓ ઇરફાન પઠાણ અને મહેલા જયવર્દનેએ વચ્ચે પડીને તેને એક તરફ ખેંચી લીધો હતો. ત્યારબાદ પઠાણ હરભજનને પાછળ લઈ જતા જોઇ શકાય છે. હરભજન મેદાનની બહાર મળવાનો ઇશારો કરતો જોઇ શકાય છે.

હરભજનને આજીવન પ્રતિબંધથી બચાવ્યો

લલિત મોદીએ એમ પણ કહ્યું હતું કે તેણે હરભજનને આજીવન પ્રતિબંધથી બચાવ્યો હતો. અધિકારીઓનો એક વર્ગ પણ ઈચ્છતો હતો કે આ દિગ્ગજ ઓફ સ્પિનર પર આજીવન પ્રતિબંધ મૂકવામાં આવે. તેમણે કહ્યું કે મેં તે બંનેને બેસાડ્યા અને મીટિંગમાં જ ભજ્જીને સજા આપવી પડી અને મેં તેને આઠ મેચની સજા આપી હતી. તેને આઠ મેચનું સસ્પેન્શન મળ્યું હતું અને કેટલાક લોકો તો આજીવન સસ્પેન્શનની માગણી પણ કરી રહ્યા હતા.

વિદર્ભના આ યુવા ખેલાડીએ માત્ર 220 બોલમાં 36 ચોગ્ગા અને એક સિક્સ સાથે 200 રન બનાવ્યા હતા. આ મેચમાં તે 203 રન બનાવીને નિવૃત્ત થયો હતો. થોડા સમય પહેલા જ તે ફર્સ્ટ-ક્લાસ ક્રિકેટમાં માત્ર 16 ઇનિંગ્સમાં 1000 રન બનાવનારા સૌથી ઝડપી ભારતીય ખેલાડીની યાદીમાં સ્થાન પામ્યો હતો.

અગાઉની મેચમાં સેન્ટ્રલ ઝોને બેંગલુરુમાં નોર્થ ઇસ્ટ ઝોન સામે 77 ઓવરમાં 2 વિકેટે 432 રનનો વિશાળ સ્કોર બનાવ્યો હતો , જેમાં દાનિશ માલેવારના અણનમ 198 રન હતા. કેપ્ટન રજત પાટીદારે 96 બોલમાં ઝડપી 125 રન અને ઓપનર આર્યન જુયાલે 60 રનનું યોગદાન આપ્યું હતું.

બ્લોકબસ્ટર રણજી ટ્રોફી સીઝન 2024 ની રણજી ટ્રોફીમાં માલેવારનો દેખાવ નોંધપાત્ર રહ્યો હતો. તેણે પહેલા સેમિફાઇનલમાં 79 અને 29 રનના સ્કોર સાથે પ્રભાવ પાડ્યો હતો. જેના કારણે વિદર્ભ ટીમે મુંબઈની મજબૂત ટીમ સામે 80 રનથી મહત્વપૂર્ણ વિજય મેળવ્યો હતો. કેરળ સામેની ફાઇનલમાં તેની 153 અને 73 રનની સનસનાટીભરી ઇનિંગ્સ પણ નોંધપાત્ર રહી હતી.

દાનિશ માલેવર સ્ટેટ્સ (Danish Malewar Stats)

• સેન્ટ્રલ ઝોન તરફથી રમતાં દુલીપ ટ્રોફી 2025ની 28 ઓગસ્ટ,2025થી શરુ થયેલી ઉત્તર પૂર્વ ઝોન સામેની ડેબ્યૂ મેચમાં બીજા દિવસે 203 રન બનાવી રિટાયર્ડ આઉટ થયો.
• ફર્સ્ટ ક્લાસ ક્રિકેટમાં રણજી ટ્રોફીમાં 9 મેચમાં 15 ઇનિંગ્સમાં 51.34 સ્ટ્રાઇક રેટ સાથે 783 રન બનાવ્યા છે. તેણે 2 સદી અને 6 અર્ધ સદી ફટકારી છે. તેણે 95 ચોગ્ગા અને 6 છગ્ગા લગાવ્યા છે.

દાનિશ માલેવર ઉંમર (Danish Malewar Age)

વિદર્ભ ખેલાડી દાનિશ માલેવરનો જન્મ 8 ઓક્ટોબર, 2003 માં નાગપુર ખાતે થયો હતો. હાલમાં તે 21 વર્ષનો છે. તે રાઇટ હેન્ડ બેટ્સમેન અને બેગબ્રેક બોલિંગ નાંખે છે. તે વિદર્ભ ટીમ તરફથી ફર્સ્ટ ક્લાસ ક્રિકેટ રમી રહ્યો છે.

દાનિશ માલેવર પિતા (Danish Malewar father)

દાનિશમાલેવરના પિતા વિષ્ણુ જે ક્રિકેટના મોટા ચાહક હતા. તેમણે લગ્ન કરતી વખતે નક્કી કર્યું હતું કે જો તેમને દીકરો થશે તો તેઓ તેને ક્રિકેટર બનાવશે. નિમ્ન-મધ્યમ વર્ગના હોવાથી તેના પિતા એ પણ જાણતા હતા કે આ ઘણું મુશ્કેલ હશે.

દાનિશ માલેવરે ધ ઇન્ડિયન એક્સપ્રેસ સાથેની વાતચીતમાં જણાવ્યું કે, મારા પિતા હંમેશા ઇચ્છતા હતા કે હું ક્રિકેટર બનું અને હું સાત વર્ષનો હતો ત્યારે મને એકેડેમીમાં પ્રવેશ અપાવ્યો હતો. તેમણે ઘણી મુશ્કેલીઓનો સામનો કરવો પડ્યો પણ મારી ક્રિકેટની જરૂરિયાતોનું ધ્યાન રાખ્યું હતું. એવા લોકો હતા જેઓ મારા જુનિયર દિવસોમાં જ્યારે હું રન બનાવતો ત્યારે મને બેટ, પેડ અને ગ્લોવ્ઝ આપતા હતા. મારા અંડર-19 પછી જ ઘરમાં પૈસા આવવા લાગ્યા.

ભારતના કોમનવેલ્થ ગેમ્સ યોજાશે કે નહીં તેનો નિર્ણય આ વર્ષે નવેમ્બરના છેલ્લા અઠવાડિયામાં ગ્લાસગોમાં કરાશે. 2026માં ગ્લાસગોમાં કોમનવેલ્થ ગેમ્સ યોજાશે. જો ભારતમાં ગેમ્સ યોજાવાની મંજૂરી મળશે તો બીજી વખત ભારતમાં કોમનવેલ્થ ગેમ્સ યોજાશે. આ પહેલા ભારતમાં 2010માં દિલ્હીમાં કોમનવેલ્થ ગેમ્સનું આયોજન કર્યું હતું.

કોમનવેલ્થ ગેમ્સનો ઇતિહાસ

કોમનવેલ્થ ગેમ્સનો ઇતિહાસ કોમનવેલ્થ નામના સંગઠન સાથે જોડાયેલો છે. આ સંગઠનના મૂળ એપ્રિલ 1949માં લંડન ઘોષણાપત્ર સાથે જોડાયેલા છે. બીજા વિશ્વયુદ્ધ પછી, એશિયા, આફ્રિકા અને કેરેબિયન ખંડોના ઘણા દેશો બ્રિટિશ સામ્રાજ્યવાદથી મુક્ત થયા હતા. આ દેશો યુનાઇટેડ સ્ટેટ્સ ઑફ અમેરિકા કે સોવિયેત રશિયાના જૂથમાં જોડાવવા માંગતા ન હતા. એપ્રિલ 1949માં લંડન ઘોષણાપત્ર બહાર પાડવામાં આવ્યું હતું, જે અંતર્ગત બ્રિટનના ઉપનિવેશ રહેલા દેશોએ જોડાઈને કોમનવેલ્થ નામનું સંગઠન બનાવ્યું હતું. ભારત પણ 16 મે 1949થી સત્તાવાર રીતે આ સંઘનો ભાગ બન્યો હતું.

કોમનવેલ્થ ગેમ્સ દર 4 વર્ષે યોજાય છે

કોમનવેલ્થ ગેમ્સનું આયોજન દર 4 વર્ષે કરવામાં આવે છે. ભારત 1934 થી બ્રિટિશ ઈન્ડિયા એસોસિએશન હેઠળ આ રમતોમાં ભાગ લઈ રહ્યું છે. પરંતુ આઝાદે ભારતે પ્રથમ વાર 1954 માં આ રમતોમાં ભાગ લીધો હતો. ભારતે 1962 અને 1986 ના કોમનવેલ્થ ગેમ્સ સિવાય બધી સિઝનોમાં ભાગ લીધો છે.

આ પણ વાંચો – ભારતની 2030 કોમનવેલ્થ ગેમ્સ માટેની દાવેદારીને કેબિનેટે મંજૂરી આપી

કોમનવેલ્થ ગેમ્સમાં 56 સદસ્ય દેશ

કોમનવેલ્થ ગેમ્સમાં 56 સદસ્ય દેશ છે. જોકે હાલમાં 72 ટીમો ભાગ લે છે કારણ કે ઘણા આશ્રિત પ્રદેશો તેમના પોતાના ધ્વજ હેઠળ સ્પર્ધા કરે છે. યુનાઇટેડ કિંગડમના ચાર ગૃહ રાષ્ટ્રો (ઇંગ્લેન્ડ, સ્કોટલેન્ડ, વેલ્સ અને ઉત્તરી આયર્લેન્ડ) પણ અલગ ટીમો મોકલે છે.

કોમનવેલ્થ ગેમ્સમાં ભારતનું પ્રદર્શન

કોમનવેલ્થ ગેમ્સમાં ભારત સતત પોતાનું પ્રદર્શન સુધારી રહ્યું છે. 2002થી ભારતે આ રમતોમાં ટોચના પાંચ દેશોમાં સતત પોતાનું સ્થાન મેળવ્યું છે. 2010 ની દિલ્હી કોમનવેલ્થ ગેમ્સમાં ભારતે 101 મેડલ સાથે અત્યાર સુધીનું શ્રેષ્ઠ બીજું સ્થાન પણ મેળવ્યું હતું. ભારતે છેલ્લે 2022માં બર્મિંગહામ કોમનવેલ્થ ગેમ્સમાં ભાગ લીધો હતો. જેમાં ભારતે 22 ગોલ્ડ, 16 સિલ્વર અને 23 બ્રોન્ઝ સાથે 61 મેડલ જીત્યા અને મેડલ ટેલીમાં ચોથું સ્થાન મેળવ્યું હતું. કોમનવેલ્થ ગેમ્સમાં ભારતે અત્યાર સુધીમાં કુલ 564 મેડલ જીત્યા છે. જેમાં 203 ગોલ્ડ, 190 સિલ્વર અને 171 બ્રોન્ઝનો સમાવેશ થાય છે.

એશિયા કપમાં કુલ 19 મુકાબલા રમાશે

એશિયા કપની આ સિઝનમાં કુલ 19 મુકાબલા ખેલાશે, જેમાં 8 ટીમો ભાગ લેશે. ભારત અને પાકિસ્તાનને એક જ ગ્રુપમાં સ્થાન આપવામાં આવ્યું છે. આ સિઝનની તમામ મેચ યુએઈમાં બે સ્થળો એટલે કે અબુધાબી અને દુબઈમાં રમાશે. બધી મેચો ભારતીય સમય પ્રમાણે રાત્રે 7.30થી શરુ થશે.

આ ટૂર્નામેન્ટ ટી-20 ફોર્મેટમાં યોજાશે

ભારત અને શ્રીલંકાની સંયુક્ત યજમાનીમાં આવતા વર્ષે ટી-20 વર્લ્ડ કપ યોજાવાનો છે. આવી સ્થિતિમાં એશિયા કપનું આયોજન ટી-20 ફોર્મેટમાં થશે. એશિયા કપની અગાઉની આવૃત્તિ 2023ના ક્રિકેટ વર્લ્ડ કપ અગાઉ વન ડે ફોર્મેટમાં રમાઈ હતી.

એશિયા કપમાં ભારત અને પાકિસ્તાન ત્રણ વખત ટકરાઈ શકે છે

આ વખતે બન્ને ગ્રુપમાંથી બે-બે ટીમો સુપર ફોરમાં ક્વોલિફાય થશે. ત્યાર બાદ સુપર ફોરમાં દરેક ટીમ એક-એક વખત અન્ય ત્રણ ટીમો સામે ટકરાશે. સુપર ફોર સ્ટેજની ટોચની બે ટીમો ફાઈનલ રમશે. આવી સ્થિતિમાં ભારત અને પાકિસ્તાન એશિયા કપમાં ત્રણ વખત ટકરાઈ શકે છે. બન્નેની ગ્રુપ સ્ટેજની મેચ 14મી સપ્ટેમ્બરે યોજાવાની છે. બંને સુપર ફોર સ્ટેજ માટે સાથે ક્વોલિફાય થાય તો તેઓ 22મી સપ્ટેમ્બરે ફરી એક વખત ટકરાઈ શકે છે. આ પછી બન્ને ફાઇનલમાં આવે તો ત્રીજી વખત ટકરાઇ શકે છે.

એશિયા કપ 2025 સંપૂર્ણ કાર્યક્રમ (ગ્રુપ સ્ટેજ)

• 9 સપ્ટેમ્બર (મંગળવાર): અફઘાનિસ્તાન વિ હોંગકોંગ
• 10 સપ્ટેમ્બર (બુધવાર): ભારત વિ યૂએઈ
• 11 સપ્ટેમ્બર (ગુરુવાર): બાંગ્લાદેશ વિ હોંગકોંગ
• 12 સપ્ટેમ્બર (શુક્રવાર): પાકિસ્તાન વિ ઓમાન
• 13 સપ્ટેમ્બર (શનિવાર): બાંગ્લાદેશ વિ શ્રીલંકા
• 14 સપ્ટેમ્બર (રવિવાર): ભારત વિ પાકિસ્તાન
• 15 સપ્ટેમ્બર (સોમવાર): શ્રીલંકા વિ હોંગકોંગ
• 16 સપ્ટેમ્બર (મંગળવાર): બાંગ્લાદેશ વિ અફઘાનિસ્તાન
• 17 સપ્ટેમ્બર (બુધવાર): પાકિસ્તાન વિ યુએઇ
• 18 સપ્ટેમ્બર (ગુરુવાર): શ્રીલંકા વિ અફઘાનિસ્તાન
• 19 સપ્ટેમ્બર (શુક્રવાર): ભારત વિ ઓમાન

Super 4 મેચનો કાર્યક્રમ

• 20 સપ્ટેમ્બર (શનિવાર): ગ્રુપ બી ક્વોલિફાયર 1 વિ ગ્રુપ બી ક્વોલિફાયર 2
• 21 સપ્ટેમ્બર (રવિવાર): ગ્રુપ એ ક્વોલિફાયર 1 વિ ગ્રુપ એ ક્વોલિફાયર 2
• 23 સપ્ટેમ્બર (મંગળવાર): ગ્રુપ એ ક્વોલિફાયર 1 વિ ગ્રુપ બી ક્વોલિફાયર
• 24 સપ્ટેમ્બર (બુધવાર): ગ્રુપ બી ક્વોલિફાયર 1 વિ ગ્રુપ એ ક્વોલિફાયર 2
• 25 સપ્ટેમ્બર (ગુરુવાર): ગ્રુપ એ ક્વોલિફાયર 2 વિ ગ્રુપ બી ક્વોલિફાયર 2
• 26 સપ્ટેમ્બર (શુક્રવાર): ગ્રુપ એ ક્વોલિફાયર 1 વિ ગ્રુપ બી ક્વોલિફાયર 1
• 28 સપ્ટેમ્બર (રવિવાર): ફાઇનલ મેચ

આ પણ વાંચો – જાણો કોણ છે પૃથ્વી શો ની રુમર્ડ ગર્લફ્રેન્ડ આકૃતિ અગ્રવાલ?

એશિયા કપમાં 8 ટીમો

એશિયા કપમાં 8 ટીમો હશે. આ ટૂર્નામેન્ટમાં ભારત, શ્રીલંકા, પાકિસ્તાન, અફઘાનિસ્તાન અને બાંગ્લાદેશ ઉપરાંત હોંગકોંગ, સંયુક્ત આરબ અમીરાત અને ઓમાન પણ ભાગ લેશે.

એશિયા કપ માટે ભારતની ટીમ

સૂર્ય કુમાર યાદવ (કેપ્ટન), શુભમન ગિલ (વાઇસ કેપ્ટન), સંજુ સેમસન (વિકેટકીપર), અભિષેક શર્મા, તિલક વર્મા, હાર્દિક પંડ્યા, શિવમ દુબે, અક્ષર પટેલ, જીતેશ શર્મા (વિકેટકીપર), જસપ્રીત બુમરાહ, અર્શદીપ સિંહ, રિકુ સિંહ, વરુણ ચક્રવર્તી, કુલદીપ યાદવ, હર્ષિત રાણા.

સેન્ટ્રલ દિલ્હી કિંગ્સનો 62 રને વિજય

દિલ્હી પ્રીમિયર લીગ 2025ની 39મી મેચમાં સેન્ટ્રલ દિલ્હી કિંગ્સે ઇસ્ટ દિલ્હી રાઇડર્સને 62 રને પરાજય આપ્યો હતો. સેન્ટ્રલ દિલ્હી કિંગ્સે 20 ઓવરમાં 6 વિકેટે 155 રન કર્યા હતા. તેના જવાબમાં ઈસ્ટ દિલ્હી રાઈડર્સની ટીમ 16 ઓવરમાં 93 રનમાં જ ખખડી ગઈ હતી.

આ મેચમાં મધ્ય દિલ્હી માટે મણિ ગ્રેવાલે ઘાતક બોલિંગ કરતા 4 ઓવરમાં 23 રન આપીને 5 વિકેટ ઝડપી હતી. આ મેચમાં આર્યવીરને મધ્ય દિલ્હી કિંગ્સ તરફથી યશ ધુલની ગેરહાજરીમાં ઓપનિંગની તક મળી હતી અને તેણે પોતાની ડેબ્યૂ મેચમાં પણ પ્રભાવિત કર્યા હતા.

આર્યવીર સેહવાગે 16 બોલમાં 22 રન બનાવ્યા હતા

આ 17 વર્ષીય ખેલાડીએ પોતાની ડેબ્યૂ મેચમાં જ ઇસ્ટ દિલ્હી રાઇડર્સ સામે ટૂંકી પરંતુ પ્રભાવશાળી ઇનિંગ રમી હતી. તેણે આ મેચમાં 16 બોલમાં 4 ફોરની મદદથી 22 રન બનાવ્યા હતા અને નવદીપ સૈનીની એક ઓવરમાં સતત 2 ચોગ્ગા પણ ફટકાર્યા હતા. આ સમયગાળા દરમિયાન આર્યવીરનો સ્ટ્રાઇક રેટ 137.50 હતો. આર્યવીરે આ મેચમાં કુશલ સુમન સાથે ઇનિંગ્સની શરૂઆત કરી હતી.

આ પણ વાંચો – જાણો કોણ છે પૃથ્વી શો ની રુમર્ડ ગર્લફ્રેન્ડ આકૃતિ અગ્રવાલ?

આ મેચમાં આર્યવીર ઉપરાંત સૈનીએ પોતાની ટીમ માટે સૌથી શાનદાર ઈનિંગ રમી હતી અને તેણે 32 બોલમાં 52 રન બનાવ્યા હતા. આ દરમિયાન તેણે 2 સિક્સર અને 5 ફોર પણ ફટકારી હતી. કેપ્ટન જોન્ટી સિદ્ધુ ચાલ્યો ન હતો અને તે માત્ર 2 રન જ બનાવી શક્યો હતો જ્યારે જસવીર સેહરાવતે 35 બોલમાં 37 રન ફટકાર્યા હતા.

પૃથ્વીએ આકૃતિ સાથેની તસવીર શેર કરી

પૃથ્વી શો પહેલા મુંબઈ તરફથી રમતો હતો, પરંતુ હવે તે આ ટીમથી અલગ થઈ ગયો છે અને ડોમેસ્ટિક લેવલ પર હવે તે મહારાષ્ટ્રનું પ્રતિનિધિત્વ કરતો જોવા મળી રહ્યો છે. પૃથ્વીએ જે રીતે આકૃતિ સાથેની પોતાની તસવીર શેર કરી છે તે બાદ ચર્ચાએ જોર પકડ્યું છે કે બંને વચ્ચે કોઇ ખાસ કનેક્શન છે. જોકે આ અંગે હજુ સુધી કોઇનું સત્તાવાર નિવેદન આવ્યું નથી. પૃથ્વી શો એ શેર કરેલી તસવીરમાં તે પોતાની કથિત ગર્લફ્રેન્ડ સાથે જોવા મળી રહ્યો છે અને તેણે લખ્યું છે કે બધાને ગણેશ ચતુર્થીની શુભકામનાઓ.

કોણ છે આકૃતિ અગ્રવાલ?

આકૃતિ અગ્રવાલ એક અભિનેત્રી છે અને તે ફિલ્મ ત્રિમુખા દ્વારા મોટા પડદા પર ડેબ્યૂ કરવા જઈ રહી છે. પૃથ્વી શો એ અગાઉ તેના જન્મદિવસ પર આકૃતિ સાથેની તસવીરો શેર કરી હતી અને ત્યારબાદ બંને વચ્ચે ડેટિંગની અફવાઓ વધુ તીવ્ર બની હતી. અગાઉ પૃથ્વી શો કથિત રીતે નિધિ તાપડિયાને ડેટ કરી રહ્યો હતો, પરંતુ હવે બંનેનું બ્રેકઅપ થઇ ગયું હશે.

આ પણ વાંચો – ISPL : આઈએસપીએલમાં અમદાવાદની ટીમ જોવા મળશે, અજય દેવગણે ફ્રેન્ચાઇઝી ખરીદી

આકૃતિ અગ્રવાલનો જન્મ લખનૌમાં થયો હતો અને તે નિર્મલા મેમોરિયલ કોલેજમાંથી બીએમએસ કરવા માટે મુંબઇ આવી હતી. તે સોશિયલ મીડિયા પ્લેટફોર્મ પર ખૂબ લોકપ્રિય છે અને ઇન્સ્ટાગ્રામ પર તેના 3.5 મિલિયન ફોલોઅર્સ છે. જ્યારે યુટ્યુબ ઉપર પણ મોટી સંખ્યામાં સબ્સ્ક્રાઇબર્સ છે. આકૃતિ માત્ર 22 વર્ષની છે અને સોશિયલ મીડિયા પર ઘણી એક્ટિવ રહે છે.

આ લીગ ભારતના ગલીના પ્રતિભાશાળી ખેલાડીઓને શોધે છે

આ લીગમાં તાજેતરમાં જ નવી દિલ્હી ફ્રેન્ચાઇઝીની માલિક બોલિવૂડ સ્ટાર સલમાન ખાન ખરીદી હતી. હવે અમદાવાદથી આઠમી ટીમ ઉમેરાતા આઈએસપીએલે સાચા અર્થમાં નેશનલ ક્રિકેટિંગ પ્લેટફોર્મ બનાવવા તરફ વધુ એક મહત્વનું પગલું ભર્યું છે. આ પ્લેટફોર્મ સમગ્ર ભારતના ગલી-ગલીના પ્રતિભાશાળી ખેલાડીઓને શોધે છે અને તેમને નેશનલ હીરો બનાવે છે.

સચિન તેંડુલકરે શું કહ્યું

આઈએસપીએલના કોર કમિટી મેમ્બર સચિન તેંડુલકરે જણાવ્યું હતું કે આઈએસપીએલના મૂળિયા ટેનિસ બોલ ક્રિકેટમાં યુવા અને અનુભવી ખેલાડીઓના સ્વપ્નો માટે લોન્ચપેડ પૂરું પાડવાના વિચારમાં રહેલા છે. આપણા ક્રિકેટર્સને ઉચ્ચ સ્તરે રમવાની તક તો મળવી જ જોઈએ, ઉપરાંત ઝળકવા માટે એક મંચ પણ મળવું જોઈએ. આગામી સિઝનમાં નવી ટીમો ઉમેરાવાથી સમગ્ર દેશમાં ઉભરતા ક્રિકેટર્સ માટેના દરવાજા ખુલી જશે.

આઈએસપીએલના કોર કમિટી મેમ્બર આશિષ શેલારે જણાવ્યું હતું કે આઈએસપીએલ ટેનિસ બોલ ક્રિકેટને પ્રોફેશનલ મંચ પર લઈ જઈને તેમાં પરિવર્તન લાવી રહી છે. અજય દેવગણ અમદાવાદની ટીમનું સુકાન સંભાળી રહ્યા છે ત્યારે અમે અમદાવાજ જેવા ક્રિકેટથી સમૃદ્ધ શહેરોમાં પ્રતિભાશાળી ખેલાડીઓ માટે વધુ તકો પૂરી પાડતા રોમાંચિત છીએ.

આઈએસપીએલના કોર કમિટી મેમ્બર અને લીગ કમિશ્નર સુરજ સમતે જણાવ્યું હતું કે અજય દેવગણને અમદાવાદની ટીમના માલિક તરીકે સ્વાગત કરતા અમે રોમાંચિત છીએ. તેઓ આઈએસપીએલમાં ખૂબ જ વિશ્વસનીયતા, પહોંચ અને ઊર્જા લાવે છે. ક્રિકેટ માટે તેમનો જુસ્સો તથા તેમની વ્યાપારી સૂઝ તેમને અમારી લીગમાં એક મૂલ્યવાન ઉમેરો બનાવે છે. તેમની હાજરી નિઃશંકપણે ચાહકો અને ખેલાડીઓ, ખાસ કરીને ગુજરાતમાં, પ્રેરણા આપશે જ્યાં ક્રિકેટ લોકોની રગેરગમાં વહે છે.

આ પણ વાંચો – સંજુ સેમસનની ધમાકેદાર બેટિંગ, 1 બોલમાં 13 રન ફટકાર્યા! જુઓ Video

આઈએસપીએલના કોર કમિટી મેમ્બર મિનલ અમોલ કાલેએ જણાવ્યું હતું કે અમદાવાદ એક સમૃદ્ધ સ્પોર્ટ્સ કલ્ચર ધરાવે છે. અજય દેવગણ નવી ટીમના માલિક બનતા અમે તેને સ્થાનિક સમુદાયોને જોડવાની અને ખેલાડીઓની આગામી પેઢીને પ્રેરણા આપવાની એક શક્તિશાળી તક જોઈએ છીએ. આ પગલું આઈએસપીએલને ખરેખર સમગ્ર ભારતમાં અભિયાનમાં ફેરવવાની અમારી મહત્વાકાંક્ષાને મજબૂત બનાવે છે.

અજય દેવગણે શું કહ્યું

આઈએસપીએલમાં જોડાવા અંગેનો ઉત્સાહ વ્યક્ત કરતા અજય દેવગણે જણાવ્યું હતું કે આઈએસપીએલ તેના નવીન ફોર્મેટ સાથે ન કેવળ નવી પ્રતિભાઓ શોધી છે પરંતુ તેમને ચમકવા માટે ખૂબ જ જરૂરી પ્લેટફોર્મ પણ આપ્યું છે. અમદાવાદ ફ્રેન્ચાઇઝના ટીમ માલિક તરીકે આટલી સમૃદ્ધ રમતગમતની ભાવના ધરાવતા શહેરનું પ્રતિનિધિત્વ કરતા, સમગ્ર રાષ્ટ્ર માટે એક સાથે આવવાનો અને ભારતના ચેમ્પિયન્સની ઉજવણી કરવાનો સમય આવી ગયો છે.

આઈએસપીએલમાં આ સેલેબ્રિટીઓ પણ ટીમના માલિક છે

અજય દેવગણ અને સલમાન ખાનના ઉમેરા સાથે આઈએસપીએલ હવે સેલિબ્રિટી ટીમ માલિકોની પ્રભાવશાળી લાઇન-અપ ધરાવે છે કારણ કે તેઓ ચમકતા સ્ટાર્સના માલિકોના જૂથમાં જોડાય છે, જેમાં અમિતાભ બચ્ચન (માઝી મુંબઈ), સૈફ અલી ખાન અને કરીના કપૂર ખાન (ટાઈગર્સ ઓફ કોલકાતા), અક્ષય કુમાર (શ્રીનગર કે વીર), સૂર્યા (ચેન્નઈ સિંગમ્સ), ઋત્વિક રોશન (બેંગ્લોર સ્ટ્રાઈકર્સ) અને રામ ચરણ (ફાલ્કન રાઇઝર્સ હૈદરાબાદ)નો સમાવેશ થાય છે.

આઈએસપીએલે તેની આગામી ત્રીજી સિઝન માટે 4.2 મિલિયન ખેલાડીઓની નોંધણીનો આંકડો પાર કરી દીધો છે. રજિસ્ટ્રેશન્સ હજુ પણ www.ispl-t10.com પર ચાલુ છે. દેશભરના 101 શહેરોમાં ટ્રાયલ હાથ ધરવામાં આવશે.

આ મહિનાની શરૂઆતમાં, એવા અહેવાલ આવ્યા હતા કે અશ્વિને આઈપીએલ 2026 માં તેની ભૂમિકા અંગે ચેન્નાઈ સુપર કિંગ્સ પાસેથી સ્પષ્ટતા માંગી છે. અશ્વિને 2009માં આઈપીએલમાં ડેબ્યૂ કર્યું હતું.

ખાસ દિવસ અને તેથી એક વિશેષ શરૂઆત

અશ્વિને એક્સ પર લખ્યું હતું કે ખાસ દિવસ અને તેથી એક વિશેષ શરૂઆત. દરેક અંતની એક નવી શરૂઆત હોય છે, આઈપીએલ ક્રિકેટર તરીકેનો મારો સમય આજે સમાપ્ત થાય છે, પરંતુ વિવિધ લીગમાં રમતની શોધ કરવાનો મારો સમય આજથી શરૂ થાય છે. હું તમામ ફ્રેન્ચાઇઝીઓનો વર્ષોથી તેમની અદભૂત યાદો અને સંબંધો માટે આભાર માનું છું અને સૌથી અગત્યનું એ છે કે આઈપીએલ અને બીસીસીઆઈએ મને અત્યાર સુધી માં જે કંઈ પણ આપ્યું છે તેના માટે આભાર. આગળ જે પણ મારી સામે છે તેનો આનંદ લેવા અને તેનો પુરો ફાયદો ઉઠાવવા માટે ઉત્સુક છું.

અશ્વિને આઇપીએલમાં 187 વિકેટ ઝડપી

અશ્વિને આઇપીએલમાં 221 મેચમાં 187 વિકેટ ઝડપી હતી. અશ્વિન ઈન્ડિયન પ્રીમિયર લીગમાં પાંચ ટીમો તરફથી રમ્યો હતો. તે આઈપીએલમાં પંજાબની ફ્રેન્ચાઈઝી ટીમનો કેપ્ટન પણ હતો. તે ચેન્નાઈ સુપર કિંગ્સ, દિલ્હી કેપિટલ્સ, રાજસ્થાન રોયલ્સ અને રાઇઝિંગ પૂણે સુપરજાયન્ટ્સ તરફથી પણ રમ્યો હતો.

રવિચંદ્રન અશ્વિન આઇપીએલના ઇતિહાસમાં યુઝવેન્દ્ર ચહલ, ભુવનેશ્વર કુમાર, સુનીલ નારાયણ અને પીયુષ ચાવલા બાદ સૌથી વધુ વિકેટ ઝડપનાર બોલર છે. તેણે રાજસ્થાન રોયલ્સ માટે એક અડધી સદી સહિત 833 રન પણ બનાવ્યા છે.

2024માં આંતરરાષ્ટ્રીય ક્રિકેટમાંથી નિવૃત્તિ લીધી હતી

ટેસ્ટ ક્રિકેટમાં ભારતનો બીજો સૌથી સફળ બોલર અશ્વિન આંતરરાષ્ટ્રીય ક્રિકેટમાંથી નિવૃત્તિ લઈ ચૂક્યો છે. તેણે ડિસેમ્બર 2024માં બોર્ડર-ગાવસ્કર ટ્રોફી માટે ભારતના ઓસ્ટ્રેલિયા પ્રવાસની વચ્ચે નિવૃત્તિની જાહેરાત કરી હતી.

અશ્વિને 2010 અને 2011માં સીએસકે સાથે આઇપીએલ જીતી હતી, પરંતુ આઠ વર્ષ સુધી અન્ય ટીમો તરફથી રમ્યા બાદ આઇપીએલ 2025માં તેનું કમબેક એટલું સારું ન હતું. અશ્વિનને ચેન્નાઈ સુપર કિંગ્સે 2024ની મેગા હરાજીમાં રુપિયા 9.75 કરોડમાં ખરીદ્યો હતો.

આ પણ વાંચો – ચેતેશ્વર પૂજારા બેટિંગ કરતા સમયે મન માં જાપ કરતો હતો, ક્રિકેટરે જણાવ્યો પોતાનો સીક્રેટ મંત્ર

આઈપીએલ 2025 સારી રહી ન હતી

અશ્વિન આઈપીએલ 2025માં 14માંથી 9 મેચ રમ્યો હતો. 2009 અશ્વિનની પ્રથમ સિઝન હતી. આ પછી પહેલી ઘટના હતી જ્યારે તે એક સિઝનમાં 12થી ઓછી મેચો રમ્યો હોય. આ તેનું સૌથી મોંઘું વર્ષ પણ હતું. તેણે પ્રતિ ઓવર 9.12 રન આપ્યા હતા, તેનો સિઝન ઇકોનોમી રેટ પ્રથમ વખત 8.49થી ઉપર ગયો હતો.

અશ્વિન કાર્તિકની જેમ વિદેશી લીગમાં રમી શકશે

અશ્વિન પણ તેના હોમ સ્ટેટના સાથી દિનેશ કાર્તિકની જેમ હવે દુનિયાભરની અન્ય લીગમાં પણ રમી શકે છે. દિનેશ કાર્તિકે જૂન 2024માં આઇપીએલમાંથી નિવૃત્તિ લીધી હતી અને છ મહિના બાદ 20 વખત સાઉથ આફ્રિકામાં ભાગ લીધો હતો. બીસીસીઆઇ ભારતીય આંતરરાષ્ટ્રીય કે સ્થાનિક ક્રિકેટના હાલના કોઈ પણ ખેલાડીને વિદેશી ટી-20 લીગમાં રમવાની મંજૂરી આપતું નથી. દિનેશ કાર્તિક હવે ભારતીય ક્રિકેટમાં કોચિંગની ભૂમિકા નિભાવી રહ્યો છે અને જ્યારે પણ તક મળે છે ત્યારે તે અન્ય લીગમાં રમે છે.

દિનેશ કાર્તિકની જેમ અશ્વિને પણ વિદેશમાં રમવા માટે ટીએનપીએલ (તમિલનાડુ પ્રીમિયર લીગ)થી દૂર રહેવું પડશે. જો ફ્રેન્ચાઈઝીઓ તેની સેવાઓમાં રસ લેશે તો અશ્વિન પાસે હવે ઓસ્ટ્રેલિયામાં બીબીએલ (બિગ બેશ લીગ), સાઉથ આફ્રિકામાં એસએ20 (સાઉથ આફ્રિકા 20), ઈંગ્લેન્ડમાં ધ હન્ડ્રેડ અને વેસ્ટ ઈન્ડિઝમાં સીપીએલ (કેરેબિયન પ્રીમિયર લીગ)માં રમવાનો વિકલ્પ રહેશે.

સેમસને 1 બોલમાં 13 રન ફટકાર્યા

આ ઓવરના ચોથા બોલ પર સેમસને ડીપ એક્સ્ટ્રા કવર પર સિક્સર ફટકારી હતી. આ બોલને નો બોલ જાહેર કરવામાં આવ્યો હતો. પછીના ફ્રી હીટ બોલ પર સેમસને ડીપ એક્સ્ટ્રા કવર પર વધુ એક સિક્સર ફટકારી હતી. એટલે કે માત્ર એક માન્ય બોલમાં 13 રન બનાવ્યા હતા.

થ્રિસુર ટાઇટન્સ સામે સંજુ સેમસને માત્ર 46 બોલમાં 89 રન ફટકાર્યા હતા. તેણે 4 ફોર અને 9 સિક્સર ફટકારી હતી. અને કોચી બ્લુ ટાઈગર્સને 20 ઓવરમાં 188ના સ્કોર સુધી પહોંચાડયું હતુ.

KCL ઇતિહાસનો સૌથી મોંઘો ખેલાડી

જુલાઈમાં યોજાયેલી હરાજીમાં સંજુ સેમસનને કોચી બ્લુ ટાઈગર્સે 26.8 લાખમાં ખરીદ્યો હતો. તે લીગના ઇતિહાસનો સૌથી મોંઘો ખેલાડી છે. સંજુ સેમસનની બેઝ પ્રાઈઝ રુપિયા 3 લાખ હતી અને બોલી બાદ કોચીએ તેની રુપિયા 50 લાખની રકમમાંથી અડધાથી વધુ રકમ ખર્ચીને તેને ટીમમાં સામેલ કર્યો હતો. સંજુએ તેની આંતરરાષ્ટ્રીય પ્રતિબદ્ધતાઓને પ્રાધાન્ય આપવા માટે લીગની છેલ્લી આવૃત્તિમાં ભાગ લીધો ન હતો.

શું સેમસન એશિયા કપમાં ઓપનર તરીકે રમશે?

ટી-20 ટીમમાં શુભમન ગિલની વાઈસ કેપ્ટન તરીકે વાપસીને કારણે સંજુ સેમસન એશિયા કપમાં ઓપનર તરીકેનું સ્થાન ગુમાવી શકે છે તેવા અહેવાલો વહેતા થયા છે. પરંતુ કેરળના આ બેટ્સમેને સતત બે ઈનિંગમાં બતાવી દીધું છે કે તે આ સ્થાન માટે એકદમ યોગ્ય છે.

સચિન તેંડુલકરે કહ્યું કે ખેલાડી ડીઆરએસ એટલા માટે લે છે કારણ કે તે મેદાન પર હાજર અમ્પાયરના નિર્ણયથી નાખુશ હોય છે, તેથી તે માને છે કે તે નિર્ણયને યથાવત રાખવાનો કોઇ વિકલ્પ ન હોવો જોઇએ. આસ્ક મી એનિથિંગ સેશન દરમિયાન તેંડુલકરે કહ્યું કે હું અમ્પાયરના કોલને લઈને ડીઆરએસના નિયમોમાં ફેરફાર કરીશ. ખેલાડીઓએ મેદાન પર અમ્પાયરના નિર્ણયથી નાખુશ હોવાના કારણે થર્ડ અમ્પાયર પાસે જવાનો નિર્ણય કરે છે. તેથી, તે નિર્ણયને યથાવત્ રાખવાનો કોઈ વિકલ્પ ન હોવો જોઈએ. જેવી રીતે ખેલાડીઓનો સમય ખરાબ હોય છે. આ જ રીતે અમ્પાયરોનો પણ ખરાબ સમય હોય છે.

સચિન તેંડુલકર પહેલા પણ અમ્પાયર કોલની ટીકા કરી ચૂક્યો છે

આ પહેલીવાર નથી જ્યારે સચિન તેંડુલકર અમ્પાયર કોલ હટાવવા માંગતો હતો. 2020માં તેમણે કહ્યું હતું કે બોલ ટ્રેકિંગ દરમિયાન જો બોલ સ્ટમ્પને સહેજ પણ અથડાય તો તેને આઉટ આપવો જોઈએ. તેમણે વેસ્ટ ઇન્ડીઝના દિગ્ગજ બ્રાયન લારા સાથેની વીડિયો ચેટમાં કહ્યું હતું કે હું આઇસીસીના ડીઆરએસ સાથે સંમત નથી, જેનો લાંબા સમયથી ઉપયોગ કરવામાં આવે છે. એલબીડબલ્યુના કિસ્સામાં મેદાન પર લેવાયેલા નિર્ણયને પાછો ખેંચવા માટે 50% થી વધુ બોલ સ્ટમ્પ પર લાગવો જરૂરી છે.

આ પણ વાંચો – સારા તેંડુલકરે શરુ કર્યો નવો બિઝનેસ, પિલેટ્સ સ્ટુડિયો લોન્ચ કર્યો, જાણો શું છે આ

તેમણે કહ્યું કે તે (બેટ્સમેન કે બોલરો) એટલા માટે જ ઉપર ગયા છે કારણ કે તેઓ મેદાન પર લેવાયેલા નિર્ણયથી નાખુશ છે, તેથી જ્યારે નિર્ણય થર્ડ અમ્પાયર પાસે જાય ત્યારે ટેકનિકને તેનું કામ કરવા દો. ટેનિસની જેમ જ, ઇન અથવા આઉટ. વચ્ચેનો રસ્તો ન હોવો જોઈએ.

અમ્પાયર કોલ શું છે?

અમ્પાયર કોલનો ઉપયોગ ત્યારે કરવામાં આવે છે જ્યારે ડીઆરએસ ટેકનિકલ પુરાવાના અભાવે મેદાન પર લેવાયેલા નિર્ણયને ‘શંકાનો લાભ’ આપે છે. બોલ-ટ્રેકિંગ ટેકનિક અનુસાર જ્યારે 50% થી ઓછો બોલ (બેઇલ સિવાય) સ્ટમ્પ્સ પર અથડાય છે ત્યારે તે અમ્પાયર કોલ હોય છે. જોકે આવી સ્થિતિમાં ટીમ તેનો રિવ્યૂ ગુમાવતી નથી.

સવાલ: સમયસર બેટિંગ કરવાની કળામાં તમે કેવી રીતે નિપુણતા મેળવી?

ચેતેશ્વર પુજારા : હું જ્યારે અંડર-14 વયજૂથમાં સૌરાષ્ટ્ર તરફથી રમતો હતો, ત્યારે અમારી બેટિંગ લાઈનઅપ નબળી હતી. ઘણું બધું મારા પર નિર્ભર હતું, તેથી માત્ર સદી ફટકારવી એ મારા માટે પૂરતું ન હતું. મારે ટકી રહેવાનું હતું અને બેવડી સદી કે કદાચ ત્રેવડી સદી કરવાની હતી, નહીંતર ટીમ બહાર થઈ શકતી હતી, તેથી જવાબદારીમાંથી આવી હતી. આ જ વાત જુદા જુદા વયજૂથને પણ લાગુ પડે છે કારણ કે હું રણજી ટ્રોફીમાં હતો ત્યાં સુધી અમે સર્કિટમાં સૌથી વધુ મજબૂત ન હતા. રણજી ટીમમાં અમારી પાસે સારા ખેલાડીઓ હોવા છતાં અમે એક ટીમ બનાવી રહ્યા હતા. તેનાથી મને ખૂબ જ ઝડપથી પરિપક્વ થવાની તક મળી. મને સમજાયું કે મારા ખભા પર વધુ જવાબદારી છે. હું ખૂબ જ ધૈર્ય અને પ્રતિબદ્ધતા સાથે રમવાનું શીખ્યો અને મારી વિકેટ માટે ભારે કિંમત ચૂકવી. આ એક આદત બની ગઈ હતી અને મેં આંતરરાષ્ટ્રીય ક્રિકેટમાં પણ તે ચાલુ રાખ્યું હતું.

સવાલઃ તમે નેટમાં પણ પુરી મહેનતથી તૈયારી કરતા હતા, પછી તમે સારા કે ખરાબ ફોર્મમાં હોવ.

ચેતેશ્વર પૂજારા : મારા માટે આ એક નિયમિત રૂટિન જેવું હતું, કારણ કે ત્યાં જ તમને તમારી સફળતાનો મંત્ર મળે છે. તે નેટ્સ પર જવાનું હતું અને શક્ય તેટલા વધુ દડાને ફટકારવાનું હતું. મેં રન બનાવ્યા કે નહીં તેનાથી કોઈ ફરક પડતો નથી. પરંતુ પાછળથી મારી કારકિર્દીમાં મને એ પણ સમજાયું કે માત્ર આંકડાઓ જ નહીં, પરંતુ ગુણવત્તા પણ મહત્ત્વની છે. તેથી પછીથી હું સમય સંચાલન અને સમજદારીનું મહત્વ સમજ્યો. જો તમે 15 મિનિટમાં આ જ કામ કરી શકો છો, તો તમારે 45 મિનિટ સુધી બેટિંગ કરવાની જરૂર નથી. પરંતુ તે અનુભવમાંથી મળે છે, તેથી પહેલાના દિવસોમાં તે હંમેશા સંખ્યાની વાત હતી, પરંતુ જેમ જેમ હું વધુ ક્રિકેટ રમતો ગયો તેમ તેમ મને સમજાયું કે ગુણવત્તા અને આંકડાઓનું સંતુલન મહત્ત્વનું હતું.

સવાલ : જ્યારે તમે બેટિંગ કરતા હો ત્યારે મનમાં જાપ કરતા રહો છો…?

ચેતેશ્વર પૂજારા: હું તે કરું છું. તે મને ધ્યાન કેન્દ્રિત કરવામાં, ધ્યાન ભટકાવનારી બાબતોથી દૂર રાખવામાં અને મારી ઊર્જાને એક ખાસ વસ્તુ પર કેન્દ્રિત કરવામાં મદદ કરે છે. વર્તમાન ક્ષણમાં રહેવા માટે અને ભવિષ્યમાં શું થઈ શકે છે તે વિશે ચિંતા ન કરવા માટે મદદ મળે છે. આ તમારી એકાગ્રતાને જાળવી રાખે છે અને તમે તમારી આસપાસ બનતી ઘટનાઓને ભૂલી જાઓ છો. તમે વસ્તુઓ તરફ જોઈ રહ્યા છો પરંતુ તેમ છતાં તમે શાંત અને સંયમિત છો, તમારી એકાગ્રતા તેની ટોચ પર છે.

સવાલ : શું તમારી કારકિર્દીમાં એવી ક્ષણો આવી હતી જ્યારે તમને લાગતું હતું કે તમે તમારી ક્ષમતાઓની ટોચ પર છો?

ચેતેશ્વર પૂજારા : તેમાંથી એક શ્રીલંકામાં આવ્યો હતો, જ્યારે મેં નિર્ણાયકમાં ગ્રીન પીચ પર ઓપનિંગ કરતી વખતે 145 રન કર્યા હતા. અલબત્ત, એડીલેડમાં 123 અને ત્યાર બાદ દિલ્હીમાં (ઓસ્ટ્રેલિયા સામે) અણનમ 82 રન, ત્યારે મેં તુટેલી આંગળી સાથે બેટિંગ કરી હતી.

સવાલ: તમારા શરીર પર ઘણી ઈજા થઈ હતી, ખાસ કરીને 2021ના ઓસ્ટ્રેલિયા પ્રવાસમાં?

ચેતેશ્વર પૂજારા : આવી ક્ષણોમાં વ્યાપક દ્રષ્ટીકોણ રાખવો જરૂરી છે. તમે તમારી ટીમ માટે બેટિંગ કરી રહ્યા છો, લાખો લોકો તમારી તરફ જોઈ રહ્યા છે અને ટીમના સારા પ્રદર્શનની પ્રાર્થના અને કામના કરી રહ્યા હોય છે . જ્યારે તમારા શરીરમાં ઇજા થાય છે, ત્યારે તમે ક્યારેક તૂટી જાઓ છો, પરંતુ પછી તમારે ધીરજ જાળવવી પડે છે. તમારે તમારી જાત પર, રમતમાં, તમારી ક્ષમતામાં વિશ્વાસ રાખવો પડશે. એક-બે વાર ઇજા થવી ઠીક છે, પણ જ્યારે એક જ સ્થાન પર વારંવાર ઇજા થાય છે ત્યારે દુખાવો અસહ્ય બની જાય છે. આ તે છે જ્યાં માનસિક મજબૂતી કામમાં આવે છે. અહીંથી જ દેશ પ્રત્યે તમારું સમર્પણ અને પ્રેમ સામે આવે છે. હું ભગવાનમાં વિશ્વાસ રાખું છું અને તે મને શક્તિ આપે છે. મુશ્કેલ સમયમાં, તમારે તે આધ્યાત્મિક શક્તિની જરૂર છે, જે માનવીય સમજની પરે છે. મને શક્તિ મળે છે જેનું વર્ણન હું કરી શકતો નથી, પણ મને શક્તિ મળે છે.

આ પણ વાંચો – ચિન્ટુ આ રીતે બન્યો ચેતેશ્વર, જૂના ગાદલાના પેડ પહેર્યા, રાજકોટ થી ક્રિકેટ મેદાન સુધીની સફર

સવાલ : તમે હંમેશાં તમારો ગુસ્સો કાબુમાં રાખો છો?

ચેતેશ્વર પૂજારાઃ ક્યારેક તમે ભાવુક થઈ જાઓ છો અથવા તો જે થઈ રહ્યું છે તેના વિશે ખરાબ અનુભવો છો. ક્યારેક સારું બેટિંગ નથી કરી શકાતું તો ક્યારેક સ્લેજિંગ. પરંતુ તમે દેશ માટે બેટિંગ કરવા માંગો છો અને પછી તમારા બેટથી વાત કરવા માંગો છો. તેથી જો તમે તેમ કરવા માંગતા હો તો સૌથી સારી બાબત એ છે કે તમે તમારી રમત પર ધ્યાન કેન્દ્રિત કરો, તમે શું કરવા માંગો છો તેના પર ધ્યાન કેન્દ્રિત કરો અને આખરે પરિણામ સકારાત્મક આવે છે, જેમ કે તે 2021 માં ઓસ્ટ્રેલિયા સામે હતું અથવા 2017 માં તેમની સામે હતું, તો તમને ઘણો સંતોષ મળે છે. જો તમે મેદાન પર જે કંઈ બની રહ્યું છે તેનાથી પ્રભાવિત થવાને બદલે તમારે શું કરવાનું છે તેના પર ધ્યાન કેન્દ્રિત કરતા હો, તો કશું જ તમને અસર કરતું નથી.

સવાલ : બેટ્સમેન બોલની વચ્ચે ધ્યાન હટાવવાની વાતો કરે છે? તમારો રૂટીન શું હતો?

ચેતેશ્વર પૂજારા : મને કોઈ ખાસ આદત કે રૂટિન નહોતું. હું સ્ટેડિયમમાં આસપાસ જોતો હતો. કેટલીકવાર, કેટલાક સ્ટેડિયમ એકદમ મનોહર હોય છે અને તમને તે ગમે છે. પછી તમે સ્ટેડિયમમાં એક એવી જગ્યા પસંદ કરો છો જ્યાં તમે બોલની વચ્ચે જુઓ છો. આ સિવાય મને પિચ પર ટેપ કરવાની ટેવ હતી, તેથી હું પિચ પર આમતેમ ફરતો અને થોડી વાર ટેપ કરતો. તેણે મને ધ્યાન હટાવવામાં મદદ મળી, જોકે તમારે મગજને કોઈ સંકેતો આપવાની જરૂર નથી.

સવાલ : શું બોલર નહીં પણ બોલને રમવો મુશ્કેલ હતો?

ચેતેશ્વર પૂજારા : બોલર નહીં પણ બોલને રમવો મારા માટે મુશ્કેલ હતો, કારણ કે મારા માટે મારા એરિયામાં રહેવું ખૂબ જ જરૂરી હતું. બોલની ક્વોલિટી પ્રમાણે રમવું ખૂબ જ જરૂરી હતું. તેથી મેં ક્યારેય બોલરની પ્રતિષ્ઠા પર ધ્યાન આપ્યું ન હતું. જોકે હું સંકેતો પર ધ્યાન આપતો હતો, તેઓ શું કરવાનો પ્રયાસ કરી રહ્યા હતા, શું તેઓ ક્રીઝની બહારથી આવી રહ્યા હતા કે પછી બૉલ કોઈ ચોક્કસ એંગલથી આવતો હતો વગેરે વગેરે. પરંતુ તમે આ બધી બાબતોને અર્ધજાગ્રતપણે સમજો છો, તેથી તમારી પાસે બોલર વિશે વિચારવાનો અને પછી બોલને રમવાનો સમય હોતો નથી.

સવાલ : શું તમને લાગે છે કે આજકાલ બેટ્સમેન ઓછા ધીરજવાન બની ગયા છે?

ચેતેશ્વર પૂજારાઃ રમત બદલાઈ ગઈ છે અને પરિસ્થિતિ ઘણી બદલાઈ ગઈ છે. આધુનિક ક્રિકેટરોની રીત પર નજર કરવામાં આવે તો તેઓ પહેલા ટી-20 ફોર્મેટ રમે છે અને પછી સફળ થયા બાદ ટેસ્ટ ક્રિકેટ રમે છે. આવું માત્ર ભારતમાં જ નહીં પરંતુ સમગ્ર વિશ્વમાં થઈ રહ્યું છે, કારણ કે આ સૌથી લોકપ્રિય ફોર્મેટ છે. તે ખરાબ નથી, કારણ કે ખેલાડીઓએ ત્રણેય ફોર્મેટમાં રમવું જોઈએ, પરંતુ જો તેઓ વ્હાઇટ-બોલ ક્રિકેટમાંથી આવતા હોય તો તેમની શ્રેષ્ઠ રમત આક્રમક અને પછી રક્ષણાત્મક બનવાની છે (જ્યારે તેઓ ટેસ્ટ ક્રિકેટ રમવાનું શરૂ કરે છે). એમાં કશું ખોટું નથી. મને લાગે છે કે રમત બદલાઈ રહી છે અને તે જ રીતે હશે, પરંતુ કોઈએ તેમના આક્રમણ અને સંરક્ષણને સંતુલિત કરવાનો માર્ગ શોધવાની જરૂર છે. આધુનિક ક્રિકેટ એવું જ છે અને તમારે તે સ્વીકારવું પડશે.

સવાલ: ભારતની તાજેતરની શ્રેણીમાં, ખાસ કરીને શુભમન ગિલે ખૂબ જ સંયમ દર્શાવ્યો અને ઘણા બધા બોલનો સામનો કર્યો હતો?

ચેતેશ્વર પૂજારાઃ આ રીતે રમત રમવી જોઇએ. તમે હંમેશાં ટીમની જરૂરિયાતો અનુસાર મોટા દૃશ્યને જુઓ છો. આવી સ્થિતિમાં જો ટીમ ઇચ્છે છે કે તમે બચાવ કરો, તો તમારે તે કરવું પડશે. જો ટીમ ઈચ્છતી હોય કે તમે પોઝિટીવ રમો તો તમારે પોઝિટીવ રમવું પડશે. ફક્ત એક જ રીતે બેટિંગ કરવી હંમેશાં કામ કરતી નથી. તમારે ટીમ માટે શું જરૂરી છે તેનું મૂલ્યાંકન કરવું પડશે અને પછી નિર્ણય લેવો પડશે. જો સ્વાભાવિક રમતને આક્રમક બનાવવી હોય તો તમારે આક્રમક બનવું પડશે. પરંતુ તમારે રક્ષણાત્મક કુશળતાનું કામ કરવું પડશે. મને ખાતરી છે કે તે શીખવાનો પ્રયત્ન કરી રહ્યો છે.

બીસીસીઆઈના એક અધિકારીએ ધ ઈન્ડિયન એક્સપ્રેસને જણાવ્યું હતું કે ડ્રીમ 11 ના પ્રતિનિધિઓએ બીસીસીઆઈની ઓફિસની મુલાકાત લીધી હતી અને સીઈઓ હેમાંગ અમીનને જાણ કરી હતી કે તેઓ આગળ ચાલુ રાખી શકશે નહીં. જેના કારણે હવે તેઓ એશિયા કપ માટેની ટીમના સ્પોન્સર્સ બની શકશે નહીં. બીસીસીઆઈ ટૂંક સમયમાં નવું ટેન્ડર બહાર પાડશે. ”

શું Dream11 ને દંડ ફટકારવામાં આવશે?

બીસીસીઆઇના અન્ય એક અધિકારીના જણાવ્યા અનુસાર ડ્રીમ 11 પર કોન્ટ્રાક્ટમાંથી બહાર નીકળવા પર કોઇ પેનલ્ટી નહીં લાગે. કરારમાં એવી જોગવાઈ છે કે જે મુજબ સરકાર દ્વારા લાવવામાં આવેલા કાયદાથી સ્પોન્સરના મુખ્ય વ્યવસાયને અસર થાય તો તેઓ ક્રિકેટ બોર્ડને કંઈપણ ચૂકવવા માટે જવાબદાર રહેશે નહીં.

ત્રણ વર્ષ માટે 358 કરોડ રૂપિયાની ડિલ

બ્લૂમબર્ગના જણાવ્યા અનુસાર Dream11 18 વર્ષ પહેલાં શરૂ થયું હતું, જેનું વેલ્યુએશન 8 અબજ ડોલર છે અને તે દેશનું સૌથી મોટું ફેન્ટસી ગેમિંગ પ્લેટફોર્મ છે. તેણે જુલાઈ 2023માં બીસીસીઆઈના મુખ્ય પ્રાયોજક બનવાના અધિકારો 358 કરોડ રૂપિયાના ત્રણ વર્ષ માટે ખરીદ્યા હતા. તેણે એડટેક બાયજુસની જગ્યા લીધી હતી.

આ પણ વાંચો – સરકારનો નિર્ણય, પાકિસ્તાન સાથે રમતના સંબંધો ખતમ, પણ એશિયા કપમાં રમવા પર પ્રતિબંધ નહીં

ધોની, રોહિત, હાર્દિક, પંત અને બુમરાહ રહ્યા છે બ્રાન્ડ એમ્બેસેડર

ડ્રીમ 11 ની આઈપીએલમાં પણ મોટી હાજરી છે. તેના વિવિધ ફ્રેન્ચાઇઝી સાથે કરાર છે. મહેન્દ્રસિંહ ધોની, રોહિત શર્મા, હાર્દિક પંડયા, ઋષભ પંત અને જસપ્રીત બુમરાહ સહિતના તેના ટોચના ખેલાડીઓ તેના બ્રાન્ડ એમ્બેસેડર રહી ચૂક્યા છે. વર્ષ 2020માં ચીનની કંપની વીવોએ આઈપીએલમાંથી હટી ગયા બાદ તે આઈપીએલની ટાઈટલ સ્પોન્સર બની હતી.

ડ્રીમ11નો બિઝનેસ ભારતની બહાર પણ ફેલાયેલો છે

ડ્રીમ 11 નો વેપાર ભારતથી બહાર પણ ફેલાયેલો છો. તે કેરેબિયન પ્રીમિયર લીગનું સત્તાવાર ફેન્ટેસી પાર્ટનર હોવાની સાથે ન્યૂઝીલેન્ડની ઘરેલું ટી-20 ટૂર્નામેન્ટ સુપર સ્મેશનું પણ ટાઇટલ સ્પોન્સર છે. તે ઓસ્ટ્રેલિયાની ડોમેસ્ટિક ટી-20 ટૂર્નામેન્ટ બિગ બેશ લીગ અને વિમેન્સ બિગ બેશ લીગ સાથે પણ સંકળાયેલી છે. વર્ષ 2018માં ડ્રીમ11એ આંતરરાષ્ટ્રીય ક્રિકેટ કાઉન્સિલ સાથે ભાગીદારીની જાહેરાત કરી હતી.

ડ્રીમ 11 ફૂટબોલ અને બાસ્કેટબોલ સાથે પણ સંકળાયેલું છે

ડ્રીમ 11 ફૂટબોલ અને બાસ્કેટબોલ સાથે પણ સંકળાયેલું છે. દેશની ટોચની હરોળની ફૂટબોલ ટૂર્નામેન્ટ ઈન્ડિયન સુપર લીગની આધિકારિક ફેન્ટેસી પાર્ટનર છે, જેને હાલમાં અનિશ્ચિત સમય માટે સ્થગિત કરવામાં આવી છે. 2017માં નેશનલ બાસ્કેટબોલ એસોસિએશને પણ ડ્રીમ 11 પ્લેટફોર્મ પર પોતાનો આધિકારિક ફેન્ટેસી રમત શરૂ કરી હતી. પ્રો કબડ્ડી લીગ અને આંતરરાષ્ટ્રીય હોકી ફેડરેશને પણ ઓનલાઇન ગેમિંગ જાયન્ટ સાથે કરાર કરેલા છે.

ઉભરતા ક્રિકેટરનું દર્દનાક મૃત્યુ થયું

ઇન્ડિયા ટુડેના અહેવાલ મુજબ, આ અકસ્માત 20 ઓગસ્ટના રોજ થયો હતો અને આ અકસ્માતનો વીડિયો સામે આવ્યા બાદ ક્રિકેટ જગતમાં શોકનો માહોલ છે. ફરીદ હુસૈનને જમ્મુ અને કાશ્મીરના આશાસ્પદ ક્રિકેટર તરીકે જોવામાં આવી રહ્યો હતો. તેમના અકસ્માતના વીડિયોએ ઇન્ટરનેટ પર તેમજ સ્થાનિક સમુદાયને ચોંકાવી દીધા છે.

આ પણ વાંચો: પહેલી જ મેચમાં કૂપર કોનોલી બન્યો ઓસ્ટ્રેલિયાનો હીરો, 20 વર્ષ જૂનો રેકોર્ડ તોડ્યો

જે વીડિયો સામે આવ્યો છે તેમાં જોવા મળે છે કે ફરીદ હુસૈન તેના સ્કૂટર પર જઈ રહ્યો હતો ત્યારે એક વ્યક્તિએ અચાનક રસ્તાની બાજુમાં પાર્ક કરેલી કારનો દરવાજો ખોલ્યો. દરવાજો અચાનક ખુલવાથી ફરીદનું સ્કૂટર પડી ગયું અને તે ગંભીર રીતે ઘાયલ થયો અને બેભાન થઈ ગયો.

સ્થાનિક લોકો તેને નજીકની હોસ્પિટલમાં લઈ ગયા પરંતુ ડોકટરો તેને બચાવી શક્યા નહીં અને શનિવારે તેનું મૃત્યુ થયું. પોલીસ અધિકારીઓએ અકસ્માતની તપાસ શરૂ કરી દીધી છે અને સીસીટીવી ફૂટેજની તપાસ કરી રહ્યા છે જે અકસ્માતનું કારણ સ્પષ્ટપણે દર્શાવે છે.

ઓસ્ટ્રેલિયાએ મોટો સ્કોર બનાવ્યો

પહેલા બેટિંગ કરવા આવેલી ઓસ્ટ્રેલિયા ટીમે 50 ઓવરમાં 2 વિકેટ ગુમાવીને 431 રન બનાવ્યા. ઓપનર ટ્રેવિસ હેડે 103 બોલમાં 142 રન બનાવ્યા, જ્યારે મિશેલ માર્શે પણ 106 બોલમાં 100 રન બનાવ્યા. તેણે 6 ચોગ્ગા ઉપરાંત 5 છગ્ગા ફટકાર્યા. આ ઉપરાંત કેમેરોન ગ્રીને 55 બોલમાં 118 રનની ઇનિંગ રમી. તેણે ઓસ્ટ્રેલિયા માટે બીજી સૌથી ઝડપી વનડે સદી ફટકારી. એલેક્સ કેરીએ પણ 37 બોલમાં 50 રન બનાવ્યા.

આ પણ વાંચો: પહેલી જ મેચમાં કૂપર કોનોલી બન્યો ઓસ્ટ્રેલિયાનો હીરો, 20 વર્ષ જૂનો રેકોર્ડ તોડ્યો

દક્ષિણ આફ્રિકા 155 રનમાં ઓલઆઉટ

432 રનના લક્ષ્યાંકનો પીછો કરતા દક્ષિણ આફ્રિકા 24.5 ઓવરમાં 155 રનમાં ઓલઆઉટ થઈ ગયું. એડન માર્કરામે 8 બોલમાં 1 રન બનાવ્યો, જ્યારે રાયન રિકેલ્ટને 12 બોલમાં 11 રન બનાવ્યા. ત્રીજા નંબર પર બેટિંગ કરવા આવેલા ટેમ્બા બાવુમાએ 10 બોલમાં 19 રન બનાવ્યા. ટોની ડી જોર્ઝીએ 30 બોલમાં 33 રન બનાવ્યા. છઠ્ઠા નંબર પર બેટિંગ કરવા આવેલા ડેવાલ્ડ બ્રેવિસે 28 બોલમાં સૌથી વધુ 49 રન બનાવ્યા. તેમના સિવાય દક્ષિણ આફ્રિકાનો કોઈ બેટ્સમેન મોટી ઇનિંગ રમી શક્યો નહીં. ઓસ્ટ્રેલિયા માટે 22 વર્ષીય કૂપર કોનોલીએ 6 ઓવરમાં 22 રન આપીને 5 વિકેટ લીધી.

ઓલરાઉન્ડર કૂપર કોનોલીએ 6 ઓવરમાં 22 રન આપીને 5 વિકેટ લીધી. ત્રીજી વનડેમાં તેણે ઓસ્ટ્રેલિયાને મોટી જીત અપાવવામાં મહત્વપૂર્ણ ભૂમિકા ભજવી. કૂપર કોનોલીએ બ્રોડ હોગનો 20 વર્ષ જૂનો રેકોર્ડ તોડ્યો. હોગે 2005માં મેલબોર્નમાં વેસ્ટ ઈન્ડિઝ સામે 10 ઓવરમાં 32 રન આપીને પાંચ વિકેટ લીધી. તેણે પોતાની પાંચમી મેચમાં આ સિદ્ધિ મેળવી. આ સાથે તેણે પાંચ વિકેટ લેનારા ઓસ્ટ્રેલિયન સ્પિનરોની યાદીમાં સ્થાન મેળવ્યું છે. આ યાદીમાં શેન વોર્ન, એડમ ઝામ્પા, માઈકલ ક્લાર્ક અને ખુદ હોગ જેવા મહાન ખેલાડીઓનો સમાવેશ થાય છે.

ટ્રેવિસ હેડ (142), કેપ્ટન મિશેલ માર્શ (100) પછી કેમેરોન ગ્રીન (અણનમ 118) ની પ્રથમ ODI સદીએ ઓસ્ટ્રેલિયાને બે વિકેટે 431 રનનો બીજો શ્રેષ્ઠ વનડે સ્કોર બનાવવામાં મદદ કરી. શ્રેણીની પ્રથમ બે મેચમાં લક્ષ્યનો પીછો કરતી વખતે તે જ ઘરઆંગણાની ટીમ 200 રનનો આંકડો પાર કરવામાં નિષ્ફળ રહી હતી.

આ પણ વાંચો: ધર્મેન્દ્રના બીજા લગ્ન વિશે તેમની પહેલી પત્ની શું વિચારતી હતી? પ્રકાશ કૌરનું વિસ્ફોટક નિવેદન

શ્રેણીની પોતાની પહેલી મેચ રમતા ઓલરાઉન્ડર કૂપર કોનોલીએ 22 રનમાં પાંચ વિકેટ લઈને દક્ષિણ આફ્રિકાને ચોંકાવી દીધું, જેના કારણે મહેમાન ટીમ 24.5 ઓવરમાં 155 રનમાં ઓલઆઉટ થઈ ગઈ. દક્ષિણ આફ્રિકા માટે ડેવાલ્ડ બ્રેવિસ 49 રન બનાવીને ટોપ સ્કોરર રહ્યા. કોનોલીએ તેના ડાબા હાથના સ્પિનથી નીચલા ક્રમને બરબાદ કરી દીધો અને ઓસ્ટ્રેલિયાને ૨૭૬ રનનો વિજય અપાવ્યો.

ઝડપી બોલર સીન એબોટે 27 રન આપીને બે વિકેટ અને ઝેવિયર બાર્ટલેટે 45 રન આપીને બે વિકેટ લીધી હતી. અગાઉ ઓસ્ટ્રેલિયા 2006 માં દક્ષિણ આફ્રિકા સામે બનાવેલા 434 રનના તેમના શ્રેષ્ઠ વનડે સ્કોરથી ઓછું રહ્યું હતું.

દિકરાની વાતો સાંભળી 74 વર્ષીય પિતા અરવિંદ પૂજારા સમજી ગયા કે હવે અત્યંત સફળ અને પ્રિય પ્રોજેક્ટને આખરે બંધ કરવાનો સમય નજીક આવી ગયો છે. ચેતેશ્વરના જણાવ્યા અનુસાર નિવૃત્તિનો નિર્ણય સાંભળીને તેના પિતાની લાગણી એવી જ હતી જેવી તે નેટ્સમાં શ્રેષ્ઠ શોટ રમતો હતો. તેઓ પોતાની ખુરશીની પાછળ શરીર ટેકવીને બેઠા હતા. તેમના ચહેરા પર સંતોષનું મોટું સ્મિત હતું. “તેઓ હળવાશ અનુભવતા હતા અને હું પણ ખૂબ જ હળવાશ અનુભવતો હતો. ”

પિતાને ચિન્ટુમાં એક મહાન બેટ્સમેન બનવાની ઝલક દેખાઇ

આવી રીતે એક અનોખી ક્રિકેટ યાત્રા સમાપ્ત થઇ, જે ગુજરાતના રાજકોટથી શરુ થયેલી અને તમામ અવરોધોને પાર કરીને ભારતીય ક્રિકેટમાં બેટીંગના શિખરે પહોંચી હતી. ચેતેશ્વર પૂજારા જ્યારે ત્રણ વર્ષનો હતો ત્યારે તેનામાં મહાન બેટ્સમેન બનવાની ઝલક જોવા મળી હતી. ત્યારે તેમને ચિન્ટુ કહી બોલાવતા હતા. પિતા જોયું કે તેમનો પુત્ર પ્લાસ્ટિકના એક નાનકડા બેટ સાથે રમી રહ્યો હતો જેની નજર બોલ પર હતી. આઠ વર્ષની ઉંમરે માતા રીનાએ તેના માટે જૂના ગાદલામાંથી મિની પેડ સીવી આપ્યા હતા.

રાહુલ દ્રવિડની ખોટ સાલવા ન દીધી

14 વર્ષની ઉંમરમાં ચેતેશ્વર પૂજારા એ બીસીસીઆઈની એક ટૂર્નામેન્ટમાં ત્રેવડી સદી ફટકારી હતી. 18 વર્ષના થયા બાદ થોડા મહિના બાદ તેને અંડર-19 વર્લ્ડ કપમાં પ્લેયર ઓફ ધ સિરીઝ જાહેર કરવામાં આવ્યા હતા. 22 વર્ષની ઉંમરે ટેસ્ટ ડેબ્યૂ કર્યું હતું અને હવે 37 વર્ષની ઉંમરે ક્રિકેટને અલવિદા કહી દીધું હતું. લાંબા સમય સુધી ભારત તરફથી નંબર 3 પર રમનાર ચેતેશ્વર પૂજારાને રાહુલ દ્રવિડની ખોટ સાલવા દીધી ન હતી. જોકે તે દ્રવિડના રનની આસપાસ પહોંચી શક્યા નહી. ચેતેશ્વર પુજારાએ 103 ટેસ્ટમાં 43ની સરેરાશથી 7,195 રન ફટકાર્યા હતા. તેમણે દિલીપ વેંગસરકર અને મોહમ્મદ અઝહરુદ્દીન જેવા બેટ્સમેનો કરતાં વધુ રન ફટકાર્યા હતા.

ચેતેશ્વર પૂજારા ક્રિકેડ રેકોર્ડ

વર્ષ 2018માં ચેતેશ્વર પૂજારાએ એવી ઊંચાઈ હાંસલ કરી હતી કે, જે ટોચ પર કોઈ ભારતીય ક્રિકેટર પહોંચી શક્યો નહતો. તેમણે ઓસ્ટ્રેલિયાની ટીમને તેમના ઘરમાં એકલા હાથે ધૂળ ચટાડી હતી. તેમણે ત્રણ સદીની મદદથી 521 રન બનાવ્યા હતા અને 1,258 બોલનો સામનો કરીને ભારતની પ્રથમ ટેસ્ટ શ્રેણી જીતમાં પ્લેયર ઓફ ધ સિરીઝ બન્યો હતો. રાજકોટના એક છોકરાએ 71 વર્ષ અને 11 પ્રવાસમાં જે કોઈ ભારતીય ટીમ કરી શકી ન હતી તે તેણે કરી દેખાડ્યું. ભારતીય ક્રિકેટના અન્ય સ્ટાર્સના નામે વધુ રન, સદી, ખ્યાતિ, સંપત્તિ અને એન્ડોર્સમેન્ટ હશે, પણ પુજારા પાસે તેની ‘ઓસ્ટ્રેલિયા’ હશે – એક અમૂલ્ય સ્મૃતિ કે જેની બરોબરી કોઈ કરી શકે તેમ નથી.

ચેતેશ્વર પુજારાએ ઈન્સ્ટાગ્રામ પર ઈમોશનલ નોટ લખીને ક્રિકેટમાંથી નિવૃત્તિની જાહેરાત કરી હતી. “ભારતીય જર્સી પહેરવી, રાષ્ટ્રગીત ગાવું અને જ્યારે પણ તમે મેદાન પર પગ મૂકશો ત્યારે તમારું શ્રેષ્ઠ આપવાનો પ્રયાસ કરવો – આનો વાસ્તવિક અર્થ શબ્દોમાં મૂકવો અશક્ય છે. પરંતુ તેઓ કહે છે તેમ, દરેક સારી બાબતનો અંત આવે છે અને અત્યંત કૃતજ્ઞતા સાથે મેં ભારતીય ક્રિકેટના તમામ સ્વરૂપોમાંથી નિવૃત્તિ લેવાનો નિર્ણય કર્યો છે. ”

ચેતેશ્વર પૂજારાની ક્રિકેટ કારકિર્દી

37 વર્ષીય ચેતેશ્વર પૂજારાએ 2010માં ડેબ્યૂ કર્યા બાદ ભારત માટે 103 ટેસ્ટ અને પાંચ વન ડે રમી હતી. તેણે 43.60ની સરેરાશથી 7,195 ટેસ્ટ રન ફટકાર્યા હતા, જેમાં 19 સદી અને 35 હાફ સેન્ચ્યુરી સામેલ હતી. તેનો સર્વાધિક સ્કોર 205 રન હતો. એક દાયકાથી વધુ સમય સુધી, તે ભારતનો સૌથી વિશ્વસનીય નંબર 3 બેટ્સમેન રહ્યો. ભારત અને વિદેશમાં ટીમના કેટલાક સૌથી મોટા ટેસ્ટ વિજયમાં મુખ્ય ભૂમિકા ભજવી હતી. ભારત તરફથી ટેસ્ટમાં સૌથી વધુ રન ફટકારવામાં પુજારા 8માં ક્રમે છે. ફર્સ્ટ ક્લાસ ક્રિકેટમાં તેણે 21301 રન બનાવ્યા છે.

ચેતેશ્વર પૂજારા IPO કરિયર

ચેતેશ્વર પુજારાએ ઈન્ડિયન પ્રીમિયર લીગમાં ચાર ટીમો – કિંગ્સ ઈલેવન પંજાબ (હવે પંજાબ કિંગ્સ), રોયલ ચેલેન્જર્સ બેંગ્લોર, કોલકાતા નાઈટ રાઈડર્સ અને ચેન્નાઈ સુપર કિંગ્સનું પ્રતિનિધિત્વ કર્યું હતું. તેમને ચેન્નાઈ સુપર કિંગ્સ તરફથી એક પણ મેચ રમવા મળી નહતી. આઇપીએલમાં પુજારાએ 30 મેચમાં 20.52ની એવરેજ અને 99.74ના સ્ટ્રાઇક રેટથી 390 રન ફટકાર્યા હતા. તેમાં 1 અડધી સદી સામેલ છે.

ઓસ્ટ્રેલિયામાં ભારતની પ્રથમ ટેસ્ટ સીરિઝ જીતનો હિસ્સો

ચેતેશ્વર પુજારાએ ડિસેમ્બર 2005માં અને આ વર્ષના પ્રારંભે સૌરાષ્ટ્ર તરફથી ફર્સ્ટ ક્લાસ ક્રિકેટમાં પદાર્પણ કર્યું હતુ. છેલ્લી રણજી ટ્રોફી સીઝનમાં પણ તેના માટે રમ્યો હતો. તેણે 2010ના અંતમાં બેંગાલુરુમાં ઓસ્ટ્રેલિયા સામે ટેસ્ટ ક્રિકેટમાં પદાર્પણ કર્યું હતું અને તે 2018-19 અને 2020-21માં તેમની સામે ઐતિહાસિક સીરિઝ વિજયનો હિસ્સો હતા. તે 2018-19માં 521 રન સાથે ચાર ટેસ્ટની શ્રેણીમાં પ્લેયર ઓફ ધ સિરીઝ બન્યા હતા. ઓસ્ટ્રેલિયાની ભૂમિ પર ભારતનો આ સૌપ્રથમ ટેસ્ટ શ્રેણી વિજય હતો.

.

ઓગસ્ટની શરુઆતમાં રમાયેલી ઓવલ ટેસ્ટમાં ભારતે રોમાંચક વિજય મેળવતા શ્રેણી 2-2થી સરભર કરી હતી. ફાસ્ટ બોલર બુમરાહને બીજા દિવસે ટીમમાંથી રિલીઝ કરવામાં આવ્યો હતો. ત્રણ મેચમાં તેણે 14 વિકેટ લીધી હતી, જેમાં બે વખત પાંચ વિકેટ પણ સામેલ હતી. જોકે વિચિત્ર બોલિંગ એક્શન ધરાવતો બુમરાહ ઈજા સામે ઝઝૂમી રહ્યો છે. ગુજરાતના આ ઝડપી બોલર તેની અનોખી એક્શનની કારણે થતી સમસ્યાઓ સાથે સંબંધ ધણો જૂનો છે.

અંડર-19 ટીમમાં બુમરાહની પસંદગી કરવામાં આવી ન હતી

ભારતના ભૂતપૂર્વ બોલિંગ કોચ ભરત અરુણે તાજેતરમાં ખુલાસો કર્યો હતો કે બુમરાહે સ્પીડ વધારવા માટે એક જ ઝાટકે બર્ગર-પિઝા અને મિલ્કશેક છોડી દીધા હતા. આ 2013ની વાત છે. ત્રણ વર્ષ બાદ બુમરાહે પહેલી વખત ભારતનું પ્રતિનિધિત્વ કર્યું હતું. બુમરાહની અંડર-19 ટીમમાં પસંદગી કરવામાં આવી ન હતી. સ્પીડ વધારવા માટે એક્શન બદલવાનો પ્રયાસ પણ કરવામાં આવ્યો હતો, પરંતુ તેમાં સફળતા મળી ન હતી. આ પછી ફાસ્ટ બોલરે જંકફૂડ છોડી દીધું હતું.

અંડર-19 કેમ્પ માટે એનસીએમાં આવ્યો બુમરાહ

બોમ્બે સ્પોર્ટ એક્સચેન્જ પર ભરત અરુણે કહ્યું હતું કે 2013માં બુમરાહ અંડર -19 કેમ્પ માટે એનસીએ આવ્યો હતો અને પસંદગી માટે પોતાનો દાવો રજૂ કર્યો હતો. તે ટીમમાં જગ્યા બનાવી શક્યો ન હતો પરંતુ નેશનલ ક્રિકેટ એકેડમીના 30 સભ્યોના કેમ્પમાં તેનો સમાવેશ કરવામાં આવ્યો હતો. અરુણે ખુલાસો કર્યો કે એનસીએ કોચે તેની સ્પીડ સુધારવા માટે બુમરાહની એક્શનમાં ફેરફાર કરવાનો પ્રયાસ કર્યો હતો. બદલાયેલી એક્શન ઘણા સારી હતી , પરંતુ તે પૂરતી સ્પીડ બનાવી શક્યો નહીં.

આ પણ વાંચો – ભારતીય ક્રિકેટરો માટે બ્રોનકો ટેસ્ટ ફરજિયાત! જાણો તેના વિશે બધી માહિતી

બુમરાહનો એક્શન બદલવાનો પ્રયાસ

અરુણે કહ્યું કે સાચું કહું તો અમે બુમરાહની એક્શનને બદલવાનો પણ પ્રયાસ કર્યો હતો. તેને એક નવો લુક આપવામાં આવ્યો હતો. એક્શન ખૂબ જ સરસ હતી, પરંતુ બૉલમાં તે ઝડપી ન હતી. જો બોલ અસરકારક ન હોય તો શાનદાર એક્શનનો શું અર્થ છે? તે ફાસ્ટ બોલિંગ કરી શકતો હતો, તેથી અમે ફિઝિયો અને સ્ટ્રેન્થ અને કન્ડિશનિંગ કોચ સાથે વાત કરી હતી. અમે કહ્યું, હું તેની એક્શનને સ્પર્શવા માંગતો નથી કારણ કે તે ખૂબ જ અનન્ય છે અને ઘણી ઝડપી સ્પીડ બનાવે છે. પરંતુ તેનાથી તે તણાવમાં પણ રહે છે.

બુમરાહે પૌષ્ટિક આહાર શરૂ કર્યો

અરુણે કહ્યું કે બુમરાહ પર જંક ફૂડ પ્રત્યેના પોતાના પ્રેમને છોડી દેવા અને તાકાત બનાવવા માટે તેના શરીરમાં ફેરફાર કરવાની જવાબદારી હતી. ફાસ્ટ બોલરે એક જ ઝાટકે ત્યાગ કરી દીધો હતો. તેમણે કહ્યું કે અમે તેને બોલાવ્યો અને કહ્યું કે ફાસ્ટ બોલિંગના દબાણનો સામનો કરવા માટે તમારે બળદ જેવા બનવું પડશે. આ માટે ડાયટ, એક્સરસાઇઝ અને ત્યાગ જરૂરી છે. સાચું કહું તો બુમરાહ તરત જ બદલાઈ ગયો. તેણે પૌષ્ટિક આહાર લેવાનું શરૂ કર્યું, જીમમાં વર્કઆઉટ કરવાનું શરૂ કર્યું. વિરાટ કોહલીની જેમ તે પણ ખૂબ જ સમર્પિત હતો. તેને બર્ગર, પિઝા, મિલ્કશેક ખૂબ જ ગમતા હતા. તેણે રાતોરાત બધું જ છોડી દીધું હતું.

ઓસ્ટ્રેલિયા પ્રવાસ પર ગયેલ દક્ષિણ આફ્રિકા ટીમ વન ડે શ્રેણીમાં પોતાનું પ્રભુત્વ બતાવી રહી છે. ત્રણ મેચની વન ડે શ્રેણીમાં 2-0થી પોતાનો દબદબો બનાવી લીધો છે. શુક્રવારે રમાયેલી 2જી વને ડે મેચમાં દક્ષિણ આફ્રિકાએ ઓસ્ટ્રેલિયાને 84 રનથી હરાવ્યું. પહેલી વન ડે મેચમાં પણ દક્ષિણ આફ્રિકાનો 98 રનથી વિજય થયો હતો.

દક્ષિણ આફ્રિકા 84 રનથી 2જી વન ડે જીત્યું

ઓસ્ટ્રેલિયાના ગ્રેટ બેરિયર રિફ એરેના ખાતે શુક્રવારે રમાયેલી 2જી વન ડે મેચમાં ટોસ જીતી દક્ષિણ આફ્રિકાએ પ્રથમ બેટીંગ લીધી હતી. 49.1 ઓવરમાં 277 રન બનાવી ટીમ ઓલ આઉટ થઇ હતી. જવાબમાં દક્ષિણ આફ્રિકાએ ઓસ્ટ્રેલિયાને 37.4 ઓવરમાં 193 રનના સ્કોર પર ઓલ આઉટ કરી 84 રનથી મેચ જીતી લીધી.

આ પણ વાંચો – શ્રેયસ અય્યર વન ડે કેપ્ટન બનવા અંગે બીસીસીઆઇએ કર્યો મોટો ખુલાસો, શુભમન ગિલ હોટ ફેવરિટ

મેથ્યુ બીટ્ઝકે, ટ્રિસ્ટન સ્ટબ્સ અને લુંગી નગિડી ઝળક્યા

ઓસ્ટ્રેલિયાને 2જી વન ડે મેચમાં હરાવવામાં દક્ષિણ આફ્રિકાના મેથ્યુ બીટ્ઝકે, ટ્રિસ્ટન સ્ટબ્સ અને લુંગી નગિડી ઝળક્યા હતા. મેથ્યુ બ્રીટ્ઝકે 78 બોલમાં 8 ફોર અને 2 સિક્સ સાથે 88 રન બનાવ્યા હતા. સ્ટબ્સે 87 બોલમાં 3 ફોર અને એક સિક્સ સાથે 74 રન બનાવી દક્ષિણ આફ્રિકાને મજબૂત 277 રન બનાવવામાં સિંહફાળો આપ્યો હતો. જ્યારે લુંગી નગિડીએ 8.4 ઓવરમાં 42 રન આપી 5 વિકેટ ઝડપી ઓસ્ટ્રેલિયાની કમર તોડી હતી.

T20 શ્રેણીમાં ઓસ્ટ્રેલિયા જીત્યું

ઓસ્ટ્રેલિયા વિ. દક્ષિણ આફ્રિકા વચ્ચે ટી-20 મેચની શ્રેણી ઓસ્ટ્રેલિયા જીત્યું હતું. ત્રણ મેચની આ શ્રેણીમાં ઓસ્ટ્રેલિયા 2-1થી શ્રેણી જીત્યું હતું. પ્રથમ ટી-20 મેચમાં 17 રનથી ઓસ્ટ્રેલિયા જીત્યું હતું. 2જી ટી-20 મેચમાં દક્ષિણ આફ્રિકા 53 રનથી જીત્યું હતું. જ્યારે 3જી મેચમાં 2 વિકેટથી ઓસ્ટ્રેલિયાનો વિજય થયો હતો.

સચિન તેંડુલકરે પોતાના ઈન્સ્ટાગ્રામ દ્વારા સારા તેંડુલકરના આ નવા કામની શરૂઆત વિશે માહિતી આપી હતી. સચિન તેંડુલકરે પોતાના ઈન્સ્ટાગ્રામ પર એક પોસ્ટ પોસ્ટ કરી છે, જેમાં તે પોતાના આખા પરિવાર સાથે નવા પિલેટ્સ સ્ટુડિયોની રિબીન કાપતો જોવા મળી રહ્યો છે.

સચિન તેંડુલકરે લખ્યું કે એક માતાપિતા તરીકે, તમે હંમેશાં આશા રાખો છો કે તમારા બાળકોને કંઈક એવું મળે જે તેમને ખરેખર ગમે છે. સારાને પિલેટ્સ સ્ટુડિયો ખોલતા જોવું તે એકદમ ભાવનાત્મક ક્ષણ છે. તેણે પોતાના સખત મહેનત અને વિશ્વાસ સાથે આ સફર કરી છે.

સચિન તેંડુલકરે લખ્યું કે યોગ્ય પોષણ અને શારીરિક પ્રવૃત્તિ હંમેશાં અમારા જીવનનો એક અભિન્ન ભાગ રહ્યો છે અને તે પોતાની રીતે આ વિચારને આગળ ધપાવી રહી છે. જેનું જોવું ઘણું ખાસ છે. સારા, અમે આથી વધારે તમારા પર ગર્વ ન કરી શકીએ અને આ સફર માટે અભિનંદન.

આ પણ વાંચો – કોણ છે સાનિયા ચંડોક? અર્જુન તેંડુલકર સાથે કરી સગાઇ, કરોડોની છે વારસદાર, જાણો સંપૂર્ણ પ્રોફાઇલ

શું છે પિલેટ્સ સ્ટુડિયો

પિલેટ્સ સ્ટુડિયો એક એવી જગ્યા છે જ્યાં લોકોને પિલેટ્સ મેથડથી કસરતો કરવાનું શીખવવામાં આવે છે અને તેમને તે કરવા માટે યોગ્ય સૂચનાઓ આપવામાં આવે છે. તે એવી જગ્યા છે જ્યાં લોકો પિલેટ્સની પ્રેક્ટિસ કરી શકે છે, જે ફિઝિકલ સ્ટ્રેન્થ, સુગમતા, પોસ્ચર અને માનસિક જાગૃતિ સુધારવા માટે ડિઝાઇન કરેલી કસરત સિસ્ટમ છે. પિલેટ્સ સ્ટુડિયો સામાન્ય રીતે રિફોર્મર, મેટ જેવા ખાસ સાધનો પૂરા પાડે છે અને અહીં ગ્રુપ ક્લાસ અને વ્યક્તિગત સત્રો પણ ઉપલબ્ધ કરાવવામાં આવે છે.

મીડિયા અહેવાલોમાં એવું કહેવામાં આવ્યું હતું કે, BCCI 2027 વનડે વર્લ્ડ કપને ધ્યાનમાં રાખીને ઓક્ટોબર-નવેમ્બરમાં ઓસ્ટ્રેલિયા શ્રેણી દરમિયાન ભારતીય વનડે ટીમની કમાન શ્રેયસ અય્યરને સોંપવાની યોજના બનાવી રહી છે. જો કે, આવું હોય તેવું લાગતું નથી. બીસીસીઆઇએ આ શક્યતાને નકારી છે.

ભારતીય ક્રિકેટ બોર્ડે રોહિત શર્માના રિપ્લેસમેન્ટના તમામ દાવાને નકારી કાઢ્યા છે. હિન્દુસ્તાન ટાઇમ્સ દ્વારા દેવજીત સૈકિયાને ટાંકીને કહેવામાં આવ્યું હતું કે, “આ મારા માટે સમાચાર છે. આવી કોઈ ચર્ચા થઈ નથી. ’

વર્લ્ડ કપ 2027 સુધી રોહિત 40 વર્ષનો થઈ જશે

રોહિત શર્મા હાલમાં 38 વર્ષની ઉંમરે કારકિર્દીના છેલ્લા પડાવ પર છે. તે પહેલા જ ટી-20 અને ટેસ્ટ ક્રિકેટમાંથી સંન્યાસ લઈ ચૂક્યો છે. જોકે વન ડે ક્રિકેટ તેનું સૌથી મજબૂત ફોર્મેટ રહ્યું છે. જ્યાં તેણે હજુ સુધી નિવૃત થવાના કોઈ સંકેત આપ્યા નથી.

આમ છતાં સવાલ એ ઊભો થાય છે કે રોહિત શર્મા 2027ના વન-ડે વર્લ્ડ કપની ટીમમાં હશે કે કેમ? એ વખતે તે 40 વર્ષની ઉંમરે પહોંચી ગયો હશે, જ્યારે શ્રેયસ અય્યર જેવા ખેલાડીઓ તેની ક્ષમતાની ટોચ પર હશે અને એક દાયકાના આંતરરાષ્ટ્રીય અનુભવ સાથે તેને હજુ પણ જાળવી રાખશે.

આ પણ વાંચો – ભારતીય ક્રિકેટરો માટે બ્રોનકો ટેસ્ટ ફરજિયાત! જાણો તેના વિશે બધી માહિતી

શુભમન ગિલ બની શકે છે વન ડે કેપ્ટન

રિપોર્ટમાં એમ પણ જણાવવામાં આવ્યું છે કે શુભમન ગિલ સમય આવ્યે આગામી વન-ડે કેપ્ટન બનવા માટે તૈયાર છે. શુભમન ગિલ ટીમ માટે એક સારો વનડે ઓપનર રહ્યો છે. આઇપીએલ અને ભારતીય ટેસ્ટ ટીમમાં તેના નેતૃત્વની ગતિને જોતાં તે અય્યરને પાછળ છોડીને રોહિતનો સ્વાભાવિક ઉત્તરાધિકારી બની શકે એમ છે.

આ મામલા સાથે જોડાયેલા એક સૂત્રએ કહ્યું કે, જે પણ હાલમાં જ ટેસ્ટ ટીમનો કેપ્ટન બન્યો છે અને પહેલાથી જ વનડે ટીમનો વાઇસ કેપ્ટન છે તે 50 ઓવરના ફોર્મેટમાં ભારતનું નેતૃત્વ કરનાર આગામી ખેલાડી બની શકે છે.

વન ડે ક્રિકેટમાં ગિલની સરેરાશ 59

શુભમન ગિલ વન-ડે ક્રિકેટમાં 59 ની એવરેજ ધરાવે છે અને તે પહેલાથી જ ટીમનો વાઇસ કેપ્ટન છે. જે વ્યક્તિને તાજેતરમાં જ ટેસ્ટ કેપ્ટન તરીકે નિયુક્ત કરવામાં આવ્યો હોય, તેણે કેટલીક સફળતાઓ હાંસલ કરી હોય અને જેની ઉંમર પણ યુવા હોય, તેણે સમય આવ્યે વન ડે ક્રિકેટમાં આગેવાની ન સંભાળવી જોઈએ તેનું કોઈ કારણ નથી.

પાકિસ્તાની ટીમને ભારતમાં રમવાની મંજૂરી આપીશું નહીં

રમત મંત્રાલયની નીતિનો હવાલો આપત ન્યૂઝ એજન્સી પીટીઆઈના રિપોર્ટમાં કહેવામાં આવ્યું છે કે પાકિસ્તાન સાથે જોડાયેલ રમતગમતની સ્પર્ધાઓ પ્રત્યે ભારતનો દ્રષ્ટીકોણ તે દેશ સાથે વ્યવહાર કરવાની તેની સમગ્ર નીતિને દર્શાવે છે. તેમાં આગળ કહ્યું કે જ્યાં સુધી એકબીજાના દેશમાં દ્વિપક્ષીય રમતગમત આયોજનનો સંબંધ છે, ભારતીય ટીમ પાકિસ્તાનમાં યોજાનારી ઇવેન્ટ્સમાં ભાગ લેશે નહીં. અમે પાકિસ્તાની ટીમોને ભારતમાં રમવાની મંજૂરી આપીશું નહીં. જોકે મલ્ટી નેશન કાર્યક્રમો પર તેની કોઇ અસર નહીં પડે.

ટીમને મલ્ટી નેશન આયોજનોમાં રોકીશું નહીં

ખેલ મંત્રાલયના એક સૂત્રએ કહ્યું કે અમે ભારતીય ક્રિકેટ ટીમને એશિયા કપમાં રમવાથી રોકીશું નહીં કારણ કે તે એક મલ્ટી નેશન સ્પર્ધા છે. તેમણે કહ્યું કે પરંતુ દ્વિપક્ષીય સ્પર્ધાઓ માટે પાકિસ્તાનને ભારતની ધરતી પર આવવા દેવાની મંજૂરી આપવામાં આવશે નહીં. પરંતુ અમે તેમને મલ્ટી નેશન આયોજનોમાં રોકીશું નહીં, કારણ કે અમે ઓલિમ્પિક ચાર્ટરનું પાલન કરીશું.

આ પણ વાંચો – ભારતીય ક્રિકેટરોએ વધુ ફિટ થવું પડશે, યો-યો પછી હવે બ્રોનકો ટેસ્ટ ફરજિયાત! જાણો તેના વિશે બધી માહિતી

શું ભારતીય ટીમને કોઈ પણ બહુપક્ષીય સ્પર્ધા માટે પાકિસ્તાન જવાની મંજૂરી આપવામાં આવશે કે કેમ તે અંગેના સવાલ પર સૂત્રએ જણાવ્યું હતું કે કે આવી સ્થિતિમાં અમે કોઈ પણ નિર્ણય લેતા પહેલા આ મામલાની તપાસ કરીશું. મલ્ટી નેશન સ્પર્ધાઓમાં પણ અમે અમારા એથ્લેટ્સને મુશ્કેલીમાં મૂકી શકીએ નહીં.

એડ્રિયન લે રોઉક્સ ઈચ્છે છે કે ફાસ્ટ બોલરો જીમ પર ધ્યાન કેન્દ્રિત કરવાને બદલે વધુમાં વધુ દોડે. મુખ્ય કોચ ગૌતમ ગંભીરનો પણ આવો જ અભિપ્રાય છે. આ સૂચન ઇંગ્લેન્ડમાં પાંચ ટેસ્ટની શ્રેણી બાદ આવ્યું છે. તેંડુલકર-એન્ડરસન ટ્રોફી દરમિયાન કેટલાક ફાસ્ટ બોલરોનું ફિટનેસ લેવલ સારુ ન હોવાનું જાણવા મળ્યું હતું. માત્ર ફાસ્ટ બોલર મોહમ્મદ સિરાજ જ બધી જ ટેસ્ટમાં રમ્યો હતો.

કેટલાક ટોચના ખેલાડીઓ બેંગલુરુમાં ભારતીય ક્રિકેટ બોર્ડ (બીસીસીઆઇ)ના હાઈ પર્ફોમન્સ સેન્ટર ખાતે અગાઉ પણ બ્રોનકો ટેસ્ટ કરાવી ચૂક્યા છે. બીસીસીઆઇએ ટોચના ક્રિકેટરો માટે ફિટનેસ ટેસ્ટ તરીકે યો-યો ટેસ્ટ અને 2 કિલોમીટરની ટાઈમ ટ્રાયલને પહેલા જ લાગુ કરી દીધી છે.

શું છે બ્રોનકો ટેસ્ટ?

બ્રોનકો ટેસ્ટમાં ખેલાડીની શરૂઆત 20 મીટર શટલ રનથી થાય છે. આ પછી તે 40 મીટર અને 60 મીટર દોડે છે, જે એક સેટ છે. એક ખેલાડીએ અટક્યા વિના જ આવા પાંચ સેટ કરવા પડે છે, જે કુલ મળીને 1,200 મીટર થાય છે. ભારતીય ખેલાડીઓએ 6 મિનિટમાં બ્રોનકો ટેસ્ટ પુરો કરવાનો હોય છે.

આ પણ વાંચો – શુભમન ગિલની પસંદગી પણ હતી મુશ્કેલ, પછી કેવી રીતે મળ્યું ટીમમાં વાઇસ કેપ્ટનનું પદ

એડ્રિયન લે રોઉક્સ જૂનમાં ભારતીય ટીમમાં સ્ટ્રેન્થ અને કન્ડિશનિંગ કોચ તરીકે જોડાયા હતા. તેમણે જાન્યુઆરી 2002 થી મે 2003 સુધી પણ ભારતીય ટીમ સાથે આ જ પદ પર સેવા આપી હતી. તેણે ક્રિકેટ દક્ષિણ આફ્રિકા અને ઇન્ડિયન પ્રીમિયર લીગ ટીમ કોલકાતા નાઇટ રાઇડર્સ અને પંજાબ કિંગ્સ સાથે કામ કરી ચુક્યા છે.

બ્રોનકો ટેસ્ટની જરૂર કેમ પડી?

બીસીસીઆઈના એક સૂત્રએ ઈન્ડિયન એક્સપ્રેસને જણાવ્યું કે સેન્ટર ઓફ એક્સલન્સમાં બ્રોનકો ટેસ્ટ શરૂ કરવામાં આવ્યો છે. ભારતના કેટલાક કરારબદ્ધ ખેલાડીઓ બેંગલુરુ આવીને આ ટેસ્ટ આપી ચૂક્યા છે. બ્રોનકો ટેસ્ટનો ઉપયોગ એ સુનિશ્ચિત કરવા માટે કરવામાં આવી રહ્યો છે કે ફિટનેસના માપડંદ સ્પષ્ટ હોય. એવું પણ જોવા મળ્યું છે કે ભારતીય ક્રિકેટરો ખાસ કરીને ફાસ્ટ બોલરો જિમમાં વધુ સમય પસાર કરતી વખતે પૂરતા પ્રમાણમાં દોડી રહ્યા નથી. ખેલાડીઓને કહેવામાં આવ્યું છે કે તેમને વધુ દોડવું પડશે.

બે કિલોમીટરના ટાઈમ ટ્રાયલમાં ફાસ્ટ બોલરો માટે સ્ટાન્ડર્ડ 8 મિનિટ અને 15 સેકન્ડનું હતું. બેટ્સમેન, વિકેટકીપર અને સ્પિનર્સ માટે તે 8 મિનિટ 30 સેકન્ડની હતી. યો-યો ટેસ્ટમાં 20 મીટરના અંતરે મૂકવામાં આવેલા માર્કર્સ વચ્ચે વધતી જતી ઝડપે દોડવાનો સમાવેશ થાય છે, જેમાં પ્રત્યેક 40 મીટર રેસ વચ્ચે 10 સેકન્ડનો બ્રેક હોય છે. ભારતીય ટીમ માટે યો-યો લેવલ 17.1 નક્કી કરવામાં આવ્યું હતું.

ભારતીય ક્રિકેટમાં ચડાવ-ઉતાર આવતા રહે છે. ટી-20, વન ડે અને ટેસ્ટ ત્રણેય ફોર્મેટમાં રમવાનું દરેક ખેલાડીઓ માટે કપરુ છે. ભારતીય ક્રિકેટનું નેતૃત્વ માળખું પણ પરિવર્તનના આરે છે. ટૂંક સમયમાં આમાં મોટો ફેરફાર થઈ શકે એમ છે.

અજીત અગરકરની આગેવાની હેઠળની પસંદગી સમિતિએ શુભમન ગિલને ટી-20 ટીમના વાઈસ કેપ્ટન તરીકે પસંદ કરતાં એશિયા કપમાં જનારી ટી-20 ટીમનો કેપ્ટન બનાવવાના સંકેત આપ્યાના એક દિવસ બાદ એક મીડિયા રિપોર્ટમાં દાવો કરવામાં આવ્યો છે કે, ભારતીય ક્રિકેટ બોર્ડ રોહિત શર્મા પાસેથી વન ડેની કેપ્ટન્સી કોઇ યુવા ખેલાડીને સોંપવાની યોજના ધરાવે છે.

અહેવાલ મુજબ બીસીસીઆઈ મિડલ ઓર્ડર બેટ્સમેન શ્રેયસ અય્યરને ભારતની વનડે ટીમનો આગામી કેપ્ટન બનાવવા પર વિચાર કરી રહ્યું છે. જો કે હજુ સુધી કોઇ સત્તાવાર નિર્ણય લેવામાં આવ્યો નથી.

શ્રેયસ અય્યરને બીસીસીઆઈના પસંદગીકારો અને ટીમ મેનેજમેન્ટ દ્વારા લાંબા ગાળાના વિકલ્પ તરીકે જોવામાં આવી રહ્યો છે. તેમનું નેતૃત્વ સંભવત: 2027 ના વનડે વર્લ્ડ કપ સુધી ચાલુ રહી શકે છે.

શ્રેયસ અય્યર: વન-ડે કેપ્ટનશીપનો પ્રબળ દાવેદાર

મીડિયા રિપોર્ટમાં જણાવવામાં આવ્યું છે કે, આ નિર્ણય એશિયા કપ (સપ્ટેમ્બર-ઓક્ટોબર 2025) બાદ લેવામાં આવશે. એશિયા કપ 9 થી 28 સપ્ટેમ્બર 2025 દરમિયાન રમાશે.

એશિયા કપ માટે ભારતની ટી-20 ટીમના દાવેદારોમાં શ્રેયસ અય્યરનો પણ સમાવેશ થતો હતો, પરંતુ 15 સભ્યોની ટીમની મર્યાદાઓને કારણે તે ટીમમાં સ્થાન મેળવી શક્યો નહોતો.

શ્રેયસ અય્યરનો તાજેતરનો દેખાવ નોંધપાત્ર રહ્યો છે, ખાસ કરીને ચેમ્પિયન્સ ટ્રોફીમાં શ્રેયસ અય્યરે 5 મેચમાં 15, 56, 79, 45, 48 મળી કૂલ 243 રન બનાવ્યા હતા. તેની વન-ડે કારકિર્દીની સરેરાશ 48.22 રનની છે.

રોહિત અને વિરાટ 2027 સુધી રમી શકશે?

રોહિત અને વિરાટ કોહલી બંનેને તેમના વન-ડે ક્રિકેટ અંગે નિર્ણય લેવાની છૂટ આપવામાં આવશે. પસંદગીકારો પણ રોહિતને કેપ્ટનશીપના બોજમાંથી મુક્ત કરવા માગે છે.

એવું તે શું થયું કે ICC એ વન ડે રેન્કિંગમાંથી રોહિત વિરાટને બહાર કર્યા

એવા અહેવાલો છે કે રોહિત અને વિરાટ ઓસ્ટ્રેલિયા પ્રવાસ પર તેમની છેલ્લી વનડે રમી શકે છે. 36 વર્ષીય વિરાટ કોહલી અને 38 વર્ષીય રોહિત શર્મા આગામી 2027 ના વનડે વર્લ્ડ કપ સુધી રમવાનું ચાલુ રાખી શકશે કે કેમ? એ ચર્ચાનો મુદ્દો છે.

રોહિત-કોહલી આઈસીસી રેન્કિંગમાંથી બહાર થઇ ગયા હતા

આઇસીસીએ આ પહેલા જ્યારે વન ડે બેટ્સમેન રેન્કિંગ જાહેર કર્યું ત્યારે રોહિત શર્માએ બાબર આઝમને પાછળ છોડી દીધો હતો અને તે બીજા ક્રમે પહોંચી ગયો હતો. જ્યારે વિરાટ કોહલી રેન્કિંગમાં ચોથા નંબરે હતો, પરંતુ હવે લેટેસ્ટ રેન્કિંગમાં બંનેના નામ ગાયબ છે. બાબર આઝમ વર્તમાન રેન્કિંગમાં બીજા નંબરે પહોંચી ગયો છે, જ્યારે ચરિત અસાલંકા ચોથા નંબર પર છે. હવે આઈસીસીએ કોહલી અને રોહિતના નામ ટોપ 10માંથી કેમ હટાવી દીધા તેને લઇને પ્રશંસકોમાં પણ અટકળોનો માહોલ જોવા મળ્યો હતો.

આઈસીસીએ પોતાની ભૂલ સુધારી

કોહલી અને રોહિતનું રેન્કિંગમાંથી બહાર થવું ટેકનિકલી ભૂલને કારણે થયું હતું. આઈસીસીએ આ સ્પષ્ટતા કરી હતી. ICC એ કહ્યું કે આ સપ્તાહના રેન્કિંગમાં ઘણી સમસ્યાઓ આવી છે, જેની તપાસ કરવામાં આવી રહી છે. જોકે થોડા સમય પછી ટેકનિકલ ખામીઓ દૂર કરવામાં આવી અને રેન્કિંગ ફરીથી અપડેટ કરવામાં આવ્યું હતું. આમાં નિષ્ક્રિય ખેલાડીઓને દૂર કરવામાં આવ્યા અને રોહિત શર્મા અને વિરાટ કોહલીને ગત સપ્તાહ વાળી પોઝિશને લાવી દીધા હતા. રોહિત શર્મા બીજા અને કોહલી ચોથા સ્થાને છે.

રોહિત-કોહલીની બાદબાકી એક આશ્ચર્યજનક નિર્ણય હતો

અહીં સવાલ એ છે કે બાબર આઝમ જ્યારે અગાઉના રેન્કિંગ બાદ કોઈ મેચ રમ્યો નથી તો તેણે બીજું સ્થાન કેવી રીતે મેળવ્યું. માની લઈએ કે બાબર બીજા સ્થાને ગયો તો પણ રોહિત શર્મા ટોપ 10માંથી કેવી રીતે બહાર થયો. જો તે કોઈ મેચ ન રમ્યો હોત તો તે રેન્કિંગમાં નીચે આવી જાય પણ તે તરત જ રેન્કિંગમાંથી બહાર થઈ જાય તે વધુ વિચિત્ર લાગે છે. આ સાથે જ વિરાટ કોહલીને પણ રેન્કિંગમાંથી બહાર કરી દેવામાં આવ્યો હતો.

આ પણ વાંચો – એશિયા કપ : શુભમન ગિલની પસંદગી પણ હતી મુશ્કેલ, પછી કેવી રીતે મળ્યું ટીમમાં વાઇસ કેપ્ટનનું પદ

આઈસીસી વન-ડે રેન્કિંગ 19 ઓગસ્ટ સુધી

• શુભમન ગિલ – 784 પોઇન્ટ
• બાબર આઝમ – 739 પોઇન્ટ
• ડેરિલ મિશેલ – 720 પોઇન્ટ
• ચરિત અસલંકા – 719 પોઇન્ટ
• હેરી ટેક્ટર – 708 પોઇન્ટ
• શ્રેયસ ઐયરર – 704 પોઇન્ટ
• શાઈ હોપ – 699 પોઇન્ટ
• ઇબ્રાહિમ ઝાદરાન – 676 પોઇન્ટ
• કુસલ મેન્ડિસ – 669 પોઇન્ટ
• ટ્રેવિસ હેડ – 648 પોઇન્ટ

આઇસીસી વન-ડે રેન્કિંગ (13 ઓગસ્ટ સુધી)

• શુભમન ગિલ – ભારત – 784
• રોહિત શર્મા – ભારત – 756
• બાબર આઝમ – પાકિસ્તાન – 751
• વિરાટ કોહલી – ભારત – 736
• ડેરિલ મિશેલ – ન્યૂઝીલેન્ડ – 720
• ચરિત્ર અસલંકા – શ્રીલંકા – 719
• હેરી ટેક્ટર – આયર્લેન્ડ – 708
• શ્રેયસ ઐયર – ભારત – 704
• ઈબ્રાહીમ ઝાદરાન – અફઘાનિસ્તાન – 676
• કુસલ મેન્ડિસ – શ્રીલંકા – 669

મંગળવારની પસંદગી બેઠકમાં આ જ મુદ્દા પર ઘણી ચર્ચા થઈ હતી. ઓનલાઈન જોડાયેલા હેડ કોચ ગૌતમ ગંભીરને પણ લાગ્યું હતુ કે ભારતે ભવિષ્ય માટે કોઈને તૈયાર કરવાની જરુર છે. આવતા મહિને 26 વર્ષનો થનારા ગિલ સૌથી યોગ્ય ઉમેદવાર છે. આ પછી અક્ષર પટેલનું વાઈસ કેપ્ટન પદ જતું રહ્યું હતું. 15 ખેલાડીઓની ટીમમાં યશસ્વી જયસ્વાલની પસંદગી કરવામાં આવી ન હતી.

શુભમન ગિલની 2025માં પ્રથમ વખત ટી-20 ટીમમાં પસંદગી

અજિત અગરકરની આગેવાની હેઠળની પસંદગી સમિતિએ 2025માં પહેલી વખત ટી-20 ટીમમાં શુભમન ગિલની પસંદગી કરી હતી. સૂર્ય કુમાર યાદવ અને અગરકર બંનેએ સ્પષ્ટ કર્યું હતું કે ગિલ હંમેશાં ભારતીય ટી 20 ટીમ માટે પ્રથમ પસંદગી હતી.

શુભમન ગિલ ઇંગ્લેન્ડ સામે ઘરેલુ ટી -20 શ્રેણી રમ્યો ન હતો

સૂર્યકુમાર યાદવે કહ્યું કે જ્યારે અમે શ્રીલંકામાં (ગયા વર્ષે) રમ્યા હતા, ત્યારે તે વાઇસ કેપ્ટન હતો. પરંતુ તે પછી તે ટેસ્ટ ક્રિકેટમાં વ્યસ્ત થઈ ગયો હતો. ગિલ ગત વર્ષે નવેમ્બરમાં સાઉથ આફ્રિકામાં રમાયેલી ટી-20 સિરીઝ ચૂકી ગયો હતો, કારણ કે તે ઓસ્ટ્રેલિયામાં બોર્ડર-ગાવસ્કર ટ્રોફીની તૈયારી કરી રહ્યો હતો. બાદમાં પીઠમાં ખેંચાણને કારણે તે ઈંગ્લેન્ડ સામેની ઘરઆંગણાની ટી-20 શ્રેણીમાંથી બહાર થઈ ગયો હતો.

ઇંગ્લેન્ડ પ્રવાસથી દાવેદારી મજબૂત બનાવી

પસંદગી સમિતિનું માનવું છે કે ગિલને સમજદારીપૂર્વક મેચની પસંદગી કરવાનું કહેવામાં આવ્યું હતું. જો તે સાઉથ આફ્રિકા ગયો હોત અને ઘરઆંગણે રમ્યો હોત તો તે વાઈસ કેપ્ટન હોત. ઈંગ્લેન્ડમાં તેણે રનનો પહાડ ખડકી દીધો હતો અને નેતૃત્વની ઉત્કૃષ્ટ કુશળતા દર્શાવી હતી. આનાથી તેમનો દાવો મજબૂત થયો હતો.

આ પણ વાંચો – શ્રેયસ ઐયરને ટીમમાં કેમ ના મળ્યું સ્થાન, મુખ્ય પસંદગીકાર અજિત અગરકરે કર્યો ખુલાસો

શુભમન ગિલનું પ્રદર્શન અપેક્ષાઓથી વધુ

ગિલને વિરાટ કોહલી-રોહિત શર્મા બાદના યુગમાં ભારતીય બેટિંગની કરોડરજ્જુ તરીકે જોવામાં આવી રહ્યો છે. અગરકરે કહ્યું કે અમે ચોક્કસપણે તેમનામાં નેતૃત્વના ગુણો જોઈએ છીએ. ઇંગ્લેન્ડમાં તેનું પ્રદર્શન અમારી અપેક્ષા મુજબનું જ હતું. તેઓએ અમારી અપેક્ષાઓથી પણ વધારે પ્રદર્શન કર્યું હતું. આટલા દબાણમાં કેપ્ટન તરીકે આ એક સારો સંકેત છે.

શુભમન ગિલની પસંદગી મુશ્કેલ હતી

શરુઆતમાં શુભમન ગિલ પહેલી પસંદ ન હતો અને કેટલાક લોકો એવું માનતા હતા કે, અક્ષર પટેલને વાઈસ કેપ્ટન તરીકે યથાવત્ રાખવો જોઈએ. પણ સિલેક્શન મિટિંગમાં એકંદરે એવો મત હતો કે લાંબા સમય સુધી ભારતીય ક્રિકેટની સેવા કરી શકે તેવા ખેલાડીમાં રોકાણ કરવું વધુ સારુ છે. પેનલને બીજો કોઈ ઉમેદવાર મળ્યો નથી કે જેને તેઓ આગામી પાંચ વર્ષ માટે જવાબદારી સોંપી શકે.

યશસ્વી જયસ્વાલ આઉટ

ગિલ પહેલાથી જ ટેસ્ટ ક્રિકેટમાં કેપ્ટનશીપ કરી રહ્યો છે. આવી સ્થિતિમાં પસંદગીકારોને લાગ્યું કે ભવિષ્યમાં સૂર્યાના સ્થાને તૈયારી કરવાનો આ યોગ્ય સમય છે. જેના કારણે ઈંગ્લેન્ડમાં પ્રભાવક દેખાવ કરનારા યશસ્વી જયસ્વાલને ટીમમાંથી પડતો મુકવામાં આવ્યો હતો. ગિલની પસંદગી બાદ પસંદગીકારો અને ટીમ મેનેજમેન્ટે હવે ટોપ ઓર્ડર પર વિચાર કરવો પડશે કારણ કે સંજુ સેમસન અને અભિષેક શર્માની શાનદાર ઓપનિંગ કરી હતી.

એશિયા કપ માટે ભારતની ટીમ

સૂર્યકુમાર યાદવ (કેપ્ટન), શુભમન ગિલ (વાઈસ કેપ્ટન), અભિષેક શર્મા, હાર્દિક પંડયા, અક્ષર પટેલ, જસપ્રીત બુમરાહ, જીતેશ શર્મા, શિવમ દુબે, અર્શદીપ સિંહ, સંજુ સેમસન, હર્ષિત રાણા, તિલક વર્મા, રિંકુ સિંહ, વરુણ ચક્રવર્તી, કુલદીપ યાદવ.

સ્ટેન્ડબાય : પ્રસિદ્ધ ક્રિષ્ના, વોશિંગ્ટન સુંદર, રિયાન પરાગ, ધ્રુવ જુરેલ, યશસ્વી જયસ્વાલ

વર્લ્ડ કપ 2024 બાદ બુમરાહની આ પ્રથમ ટી-20 ટૂર્નામેન્ટ હશે

વર્લ્ડ કપ 2024 બાદ બુમરાહની આ પ્રથમ ટી-20 ટૂર્નામેન્ટ હશે. ડાબોડી રિસ્ટ સ્પિનર કુલદીપ યાદવને પણ ટીમમાં સામેલ કરવામાં આવ્યો છે, જ્યારે જિતેશ શર્મા બેકઅપ વિકેટકીપર બેટ્સમેન હશે. યશસ્વી જયસ્વાલ સહિત પાંચ ખેલાડીઓ સ્ટેન્ડબાય પર છે. એશિયા કપના ગ્રુપ-એ માં ભારતને પાકિસ્તાન, ઓમાન અને યુએઈ સાથે રાખવામાં આવ્યું છે.

મુખ્ય પસંદગીકાર અજિત અગરકરે મુંબઈમાં ટીમની જાહેરાત બાદ પત્રકારોના સવાલોના જવાબ આપતા કહ્યું કે ઇંગ્લેન્ડમાં શુભમન ગિલનું ફોર્મ તેવું જ હતું જેવી અમને આશા હતી, પરંતુ તેણે તેનાથી વધુ શાનદાર પ્રદર્શન કર્યું હતું. અગરકરે કહ્યું કે તે દુર્ભાગ્યપૂર્ણ છે કે યશસ્વી જયસ્વાલને બહાર રહેવું પડ્યું, પરંતુ તેણે રાહ જોવી પડશે.

ઐયરને ટીમમાં સામેલ ન કરવા બદલ અગરકરે અફસોસ વ્યક્ત કર્યો

ટીમમાં અન્ય એક મહત્વનું નામ શ્રેયસ ઐયરનું નથી, જેણે આ વર્ષની શરૂઆતમાં આઇપીએલની ફાઇનલમાં પંજાબ કિંગ્સનું નેતૃત્વ કરતી વખતે શાનદાર ફોર્મ દર્શાવ્યું હતું. અગરકરે આ માટે ટી-20 ઘણી વધારે પ્રતિભાને જવાબદાર ગણાવ્યું છે. અજીત અગરકરનું કહેવું છે કે આ કારણે જ તેને ટીમમાં સામેલ કરવો મુશ્કેલ થઇ રહ્યો છે. અજીત અગરકરે આ માટે અફસોસ પણ વ્યક્ત કર્યો હતો.

આ પણ વાંચો – ધોનીએ ડ્રોપ કર્યો ત્યારે સેહવાગે નિવૃત્તિનું મન બનાવી લીધું હતું, સચિન તેંડુલકરે આવી રીતે રોક્યો હતો

અજીત અગરકરે કહ્યું કે ફરીથી તેમાં તેનો કોઇ વાંક નથી, અમારો પણ વાંક નથી. મને જણાવો કે તે કોનું સ્થાન લઈ શકે છે? અમારી પાસે ટી-20 ટીમમાં કેટલાક સારા વિકલ્પ છે. કેટલીક વખત ટીમની પસંદગી કરવી સહેલી હોતી નથી, તે માથાનો દુખાવો બની જાય છે.

અગરકરે કહ્યું કે અભિષેક શર્માએ છેલ્લા એક વર્ષમાં જે કર્યું છે તેને જોતા અને સાથે એક બોલિંગનો વિકલ્પ પણ આપવો જરુરી છે, તે જોતા તેમાંથી એકને હંમેશાં બહાર બેસવાનું જ હતું. હાલ તો તેને તકની રાહ જોવી પડશે. આ દુર્ભાગ્યપૂર્ણ છે.

એશિયા કપ 2025 માટે ભારતની ટીમ

સૂર્ય કુમાર યાદવ (કેપ્ટન), શુભમન ગિલ (વાઇસ કેપ્ટન), સંજુ સેમસન (વિકેટકીપર), અભિષેક શર્મા, તિલક વર્મા, હાર્દિક પંડ્યા, શિવમ દુબે, અક્ષર પટેલ, જીતેશ શર્મા (વિકેટકીપર), જસપ્રીત બુમરાહ, અર્શદીપ સિંહ, રિકુ સિંહ, વરુણ ચક્રવર્તી, કુલદીપ યાદવ, હર્ષિત રાણા.

ટીમ ઇન્ડિયા એશિયા કપ સ્ક્વોડ 2025 લાઇવ અપડેટ્સ:

એશિયા કપ 2025 માટે ભારતીય ટીમની પસંદગી કરવા માટે અજિત અગરકરની આગેવાની હેઠળની સિનિયર મેન્સ સિલેક્શન કમિટીની મંગળવારે (19 ઓગસ્ટ) મુંબઇમાં બીસીસીઆઇના મુખ્યાલયમાં બેઠક યોજાઇ હતી.

2025નો એશિયા કપ 9 થી 28 સપ્ટેમ્બર દરમિયાન દુબઈ અને અબુધાબીમાં યોજાશે. ટી-20 ફોર્મેટમાં યોજાનારા એશિયા કપ 2025માં ભારત, પાકિસ્તાન, શ્રીલંકા, બાંગ્લાદેશ, અફઘાનિસ્તાન, સંયુક્ત આરબ અમીરાત, હોંગકોંગ અને ઓમાન એમ કુલ આઠ ટીમો ભાગ લેશે.

એશિયા કપ માટે ભારતની ટીમ

સૂર્ય કુમાર યાદવ (કેપ્ટન), શુભમન ગિલ (વાઇસ કેપ્ટન), સંજુ સેમસન (વિકેટકીપર), અભિષેક શર્મા, તિલક વર્મા, હાર્દિક પંડ્યા, શિવમ દુબે, અક્ષર પટેલ, જીતેશ શર્મા (વિકેટકીપર), જસપ્રીત બુમરાહ, અર્શદીપ સિંહ, રિકુ સિંહ, વરુણ ચક્રવર્તી, કુલદીપ યાદવ, હર્ષિત રાણા.

શ્રેયસ ઐયરની ટીમમાં પસંદગી થવાનું લગભગ નક્કી

શ્રેયસ છેલ્લે ડિસેમ્બર 2023માં ભારત માટે ટી-20 મેચ રમ્યો હતો જ્યારે વિકેટકિપર બેટ્સમેન જીતેશ શર્મા ભારત માટે તેની આખરી મેચ જાન્યુઆરી 2024માં રમ્યો હતો. સ્પોર્ટસ્ટારના મતે ભારતીય પસંદગીકારો અને ટીમ મેનેજમેન્ટે યુએઈની પરિસ્થિતિ અને ધીમી પીચોને ધ્યાનમાં રાખીને કોઈ અનુભવી બેટ્સમેનને મિડલ ઓર્ડરમાં સામેલ કરવા માટે સંમતિ દર્શાવી છે.

જો શ્રેયસની પસંદગી કરવામાં આવે તો શિવમ દુબે કે રિંકુ સિંહમાંથી કોઈ એકની પસંદગી કરવી મુશ્કેલ બની શકે છે. આ બંને જાન્યુઆરીમાં ઇંગ્લેન્ડ સામેની ભારતની છેલ્લી ટી 20નો ભાગ હતા. રોયલ ચેલેન્જર્સ બેંગ્લોરને પોતાનું પ્રથમ ટાઇટલ જીતાડવામાં મદદ કરનાર જીતેશ શર્માને ટીમમાં ધ્રુવ જુરેલના સ્થાને લેવામાં આવે તેવી શક્યતા છે. ઈંગ્લેન્ડ સામેની ટી-20 શ્રેણી દરમિયાન સંજુ-સેમસન બાદ જીતેશ શર્મા ટીમનો રિઝર્વ વિકેટકિપર-બેટ્સમેન હતો.

શુભમન ગિલ-યશસ્વીની પસંદગી ના થાય તેવી શક્યતા

એશિયા કપની ટીમમાં મોહમ્મદ શમીની ગેરહાજરીમાં ફાસ્ટ બોલરનો વિકલ્પ ખુલ્લો છે અને આવી સ્થિતિમાં જસપ્રીત બુમરાહ અને પ્રસિદ્ધ ક્રિષ્નામાંથી કોઈ એકને તક આપી શકાય છે. સ્પોર્ટ્સ હર્નિયામાંથી સાજા થયેલા ટીમના કેપ્ટન સૂર્યકુમાર યાદવ સિલેક્શન મિટિંગમાં હાજરી આપશે. 2026માં ભારતમાં યોજાનારા ટી-20 વર્લ્ડ કપને ધ્યાનમાં રાખીને પસંદગીકારોના આયોજનમાં તેનું યોગદાન મહત્વનું રહેશે.

આ પણ વાંચો – ધોનીને લાગતું હતું કે હું દરેક મેદાનમાંથી એક ગર્લફ્રેન્ડ શોધી લઇશ’, શ્રીસંતે સંભળાવ્યો મજેદાર કિસ્સો

ગિલ અને યશસ્વીની ટી-20 ટીમમાં વાપસીની અટકળો ચાલી રહી છે પરંતુ ટીમ મેનેજમેન્ટ ગંભીરની આગેવાનીમાં શાનદાર પ્રદર્શન કરનાર કોર ગ્રુપ સાથે રહેવા માંગે છે. જેમાં તે કોચ બન્યા બાદ 15 ટી-20 મેચમાંથી 13 મેચ જીત્યા છે. આ ઉપરાંત એશિયા કપની ફાઈનલ 28 સપ્ટેમ્બરે છે અને ભારતને 2 ઓક્ટોબરથી અમદાવાદમાં વેસ્ટ ઇન્ડીઝ સામે પ્રથમ ટેસ્ટ રમવાની છે, જેના કારણે પસંદગીકારો ટેસ્ટ શ્રેણી માટે ગિલ અને યશસ્વીને ફ્રેશ રાખવા માગે છે.

એશિયા કપ માટે ભારતની સંભવિત પ્લેઇંગ ઇલેવન

અભિષેક શર્મા, સંજુ સેમસન, તિલક વર્મા, સૂર્યકુમાર યાદવ (કેપ્ટન), અક્ષર પટેલ (વાઈસ-કેપ્ટન), હાર્દિક પંડ્યા, શિવમ દુબે, વોશિંગ્ટન સુંદર/શ્રેયસ ઐયર, કુલદીપ યાદવ, રિંકુ સિંહ, અર્શદીપ સિંહ, જસપ્રીત બુમરાહ, જીતેશ શર્મા, વરુણ ચક્રવર્તી, હર્ષિત રાણા.

બાબરે વેસ્ટ ઈન્ડિઝ સામેની શ્રેણીમાં ફક્ત 56 રન બનાવ્યા હતા

બાબર આઝમ છેલ્લા કેટલાક સમયથી ખૂબ જ ખરાબ ફોર્મ સાથે સંઘર્ષ કરી રહ્યો હતો. બાબર વેસ્ટ ઈન્ડિઝ સામેની વનડે શ્રેણીમાં સંપૂર્ણ ફ્લોપ રહ્યો હતો અને તે ત્રણ મેચમાં ફક્ત 56 રન જ બનાવી શક્યો હતો. બીજી મેચમાં તે પોતાનું ખાતું પણ ખોલી શક્યો ન હતો. તેના ખરાબ ફોર્મને જોઈને પસંદગીકારોએ તેને ટી-20 ટીમમાં પસંદ કર્યો નથી. તેણે પાકિસ્તાન માટે પોતાની છેલ્લી ટી-20 મેચ 2024 માં રમી હતી અને ત્યારથી તે ટીમની બહાર હતો.

આ પણ વાંચો: પાકિસ્તાની ખેલાડી બાળકની જેમ રન આઉટ થયો, બેટ ફેંકીને સાથી બેટ્સમેન પર બૂમો પાડવા લાગ્યો

મોહમ્મદ રિઝવાન ખરાબ ફોર્મ સાથે સંઘર્ષ કરી રહ્યો હતો

બીજી તરફ મોહમ્મદ રિઝવાન પણ 2024 માં પાકિસ્તાની ટીમ માટે પોતાની છેલ્લી ટી-20 મેચ રમ્યો હતો અને તે પણ રન બનાવવા માટે સંઘર્ષ કરતો હતો. વેસ્ટ ઈન્ડિઝ સામેની વનડે શ્રેણીમાં તેના બેટમાંથી ફક્ત એક અડધી સદી નીકળી હતી અને તેનું ખરાબ ફોર્મ ટીમની શ્રેણી હારનું મુખ્ય કારણ બન્યું હતું.

શું બાબર-રિઝવાનની કારકિર્દી સમાપ્ત થઈ ગઈ છે?

ભલે બાબર આઝમ ટી-20 આંતરરાષ્ટ્રીય ક્રિકેટમાં પાકિસ્તાન માટે સૌથી વધુ રન બનાવનાર ખેલાડી છે. તેના નામે 4223 રન છે. મોહમ્મદ રિઝવાન 3414 રન સાથે બીજા નંબરે છે. પરંતુ હવે આ બંને મજબૂત ખેલાડીઓ ટી-20 ટીમની બહાર છે. બાબર-રિઝવાનની જગ્યાએ ટીમમાં સેમ અયુબ, હસન નવાઝ અને શાહિબઝાદા ફરહાન જેવા યુવા બેટ્સમેનોને સ્થાન આપવામાં આવ્યું છે, જેઓ સારું રમી રહ્યા છે. આવામાં સૌથી મોટો પ્રશ્ન એ છે કે શું બાબર-રિઝવાનની ટી-20 કારકિર્દી સમાપ્ત થઈ ગઈ છે. હાલમાં નજીકના ભવિષ્યમાં ટી-20 ટીમમાં તેમનું પુનરાગમન દેખાતું નથી.

એશિયા કપ 2025 માટે પાકિસ્તાન ટીમ

સલમાન અલી આગા (કેપ્ટન), અબરાર અહેમદ, ફહીમ અશરફ, ફખર ઝમાન, હરિસ રૌફ, હસન અલી, હસન નવાઝ, હુસૈન તલત, ખુશદિલ શાહ, મોહમ્મદ હરિસ (વિકેટકીપર), મોહમ્મદ નવાઝ, મોહમ્મદ વસીમ જુનિયર, સાહિબજાદા ફરહાન, સૈમ અયુબ, સલમાન મિર્ઝા, શાહીન શાહ આફ્રિદી અને સુફિયાન મોકીમ.

ધોનીએ 2007 અને 2011માં પોતાની કેપ્ટન્સીમાં ભારતને વર્લ્ડ ચેમ્પિયન બનાવ્યું ત્યારે શ્રીસંત ભારતીય ટીમનો હિસ્સો હતો. એક બોલર તરીકે તે પોતાની ક્ષમતા અનુસાર પ્રદર્શન કરી શક્યો ન હતો, પરંતુ આ મહત્વપૂર્ણ અવસરો પર મેદાન પર તેની હાજરી ચોક્કસ બતાવવામાં આવી હતી. શ્રીસંતે મેચ ફિક્સિંગ કાંડ પહેલા 2011માં ભારત માટે પોતાની અંતિમ મેચ રમી હતી.

ફિલ્ડિંગ પર ધ્યાન ન આપવા બદલ ધોનીને ઠપકો આપ્યો હતો

શ્રીસંતે એક રમૂજી ઘટનાને યાદ કરી હતી જ્યારે એક મેચ દરમિયાન ધોનીએ તેને ફિલ્ડિંગ પર ધ્યાન ન આપવા બદલ ઠપકો આપ્યો હતો. ધોનીએ મજાકમાં તેને કહ્યું હતું કે શ્રીસંત તે સમયે ઘણી ગર્લફ્રેન્ડ હોવાને કારણે દરેક મેદાન પર એક શોધી શકે છે. શ્રીસંતે પદ્મજીત સેહરાવતના પોટકાસ્ટ પાર વાત કરતા કહ્યું કે તે દિવસોમાં મારી એટલી બધી ગર્લફ્રેન્ડ હતી કે ધોની વિચારતો હતો કે હું દરેક ગ્રાઉન્ડમાંથી એક શોધી લઇશ.

આ પણ વાંચો – ધોનીએ ડ્રોપ કર્યો ત્યારે સેહવાગે નિવૃત્તિનું મન બનાવી લીધું હતું, સચિન તેંડુલકરે આવી રીતે રોક્યો હતો

શ્રીસંતે વધુમાં કહ્યું કે ધોની એકમાત્ર એવો કેપ્ટન અને મિત્ર હતો કે જેણે મને સમજાવ્યું હતુ કે મારી ક્ષમતા મને ઊંચે લઈ જઈ શકે છે, પણ હું મારી ક્ષમતાને સમજી શકતો નથી. તેણે કહ્યું કે આ ઘટના 2010માં ભારત-ન્યૂઝીલેન્ડની મેચ દરમિયાન બની હતી. ત્યારે ધોનીએ મને બૂમ પાડીને તેની ફિલ્ડિંગ પોઝિશન પર આવવા કહ્યું હતું અને એમ પણ કહ્યું હતું કે તે જ્યાં ઉભો છે ત્યાં તેની કોઈ ગર્લફ્રેન્ડ નથી.

સેહવાગે પદ્મજીત સેહરાવતના પોડકાસ્ટ પર તેની કારકિર્દીના ખરાબ તબક્કા વિશે ખુલીને વાત કરી હતી. પ્રથમ ત્રણ મેચ બાદ કેપ્ટન એમએસ ધોનીએ સેહવાગને પ્લેઈંગ 11માંથી પડતો મૂક્યો હતો. આ પછી સેહવાગ 4-5 મેચ માટે બેન્ચ પર બેઠો હતો. આવી સ્થિતિમાં તેણે વન ડે ક્રિકેટને અલવિદા કહેવાનું મન બનાવી લીધું હતું. તે આ અંગે તેંડુલકર સાથે વાત કરવા ગયો અને પોતાનો વિચાર બદલી નાખ્યો હતો.

વન-ડે ક્રિકેટ રમવાનો કોઈ ફાયદો નથી

સેહવાગે કહ્યું કે અમે ઓસ્ટ્રેલિયામાં હતા ત્યારે 2007-08ની આ શ્રેણી હતી. ત્યાં સીબી શ્રેણીની પ્રથમ ત્રણ વનડે રમ્યો હતો. તે પછી એમએસ ધોનીએ મને પ્લેઈંગ 11માંથી પડતો મૂક્યો હતો અને ત્યાર બાદ મને લાંબા સમય સુધી પડતો મૂકવામાં આવ્યો. એટલે કે આગામી 4-5 મેચમાં. ત્યારે મને લાગ્યું કે કદાચ હવે હું પ્લેઈંગ 11નો ભાગ ન બની શકું તો પછી વન-ડે ક્રિકેટ રમવાનો કોઈ ફાયદો નથી. પછી હું સચિન પાસે ગયો અને તેને કહ્યું કે હવે મને લાગે છે કે મારે નિવૃત્તિ લેવી જોઈએ.

આ પણ વાંચો – કોણ છે સાનિયા ચંડોક? અર્જુન તેંડુલકર સાથે કરી સગાઇ, કરોડોની છે વારસદાર, જાણો સંપૂર્ણ પ્રોફાઇલ

આ તમારા માટે ખરાબ સમય છે, તે દૂર થઈ જશે

સેહવાગે કહ્યું કે ત્યારે તેમણે કહ્યું કે 99-2000માં મારા જીવનમાં પણ એક એવો સમય હતો જ્યાં મને લાગ્યું કે કદાચ મારે ક્રિકેટ છોડી દેવું જોઈએ. એ સમયગાળો આવ્યો હતો. એ તબક્કો જતો રહ્યો. આ તારા માટે પણ ખરાબ સમય છે, તે દૂર થઈ જશે. ભાવુક થઈને વન-ડેમાંથી નિવૃત્તિ લેવાનું નક્કી ન કરો. તમારી જાતને થોડો સમય આપો અને એક કે બે વધુ શ્રેણી જુઓ. તે પછી નક્કી કરો. જ્યારે તે શ્રેણી પૂરી થઈ અને તે પછી હું પછીની શ્રેણીમાં ગયો ત્યારે હું પ્લેઇંગ 11 માં પણ રમ્યો અને ઘણા રન કર્યા. 2011 નો વર્લ્ડ કપ પણ રમ્યો હતો અને અમે વર્લ્ડ કપ જીત્યો હતો.

ડાર્વિનમાં રમાયેલી ટોપ એન્ડ ટી20 શ્રેણીની ચોથી સીઝનની પહેલી મેચમાં ટીઆઈઓ સ્ટેડિયમ ખાતે પાકિસ્તાન શાહિન્સ અને બાંગ્લાદેશ A વચ્ચે મેચ રમાઈ હતી. આ મેચમાં પ્રથમ બેટિંગ કરતા પાકિસ્તાન શાહિન્સે બાંગ્લાદેશ સામે શાનદાર શરૂઆત કરી હતી. પાકિસ્તાનના બંને ઓપનર ખ્વાજા નાફે અને યાસિર ખાને ઝડપથી પોતાની અડધી સદી પૂરી કરી અને સદીની ભાગીદારી કરી, પરંતુ બંને વચ્ચે સંકલનના અભાવે ખ્વાજા નાફે રન આઉટ થયો.

ખ્વાજા નાફ બાળકની જેમ રન આઉટ થયો

આ મેચની પહેલી ઇનિંગમાં જ્યારે બાંગ્લાદેશ A બોલર હસન મહમૂદ મેચની 12મી ઓવર ફેંકવા આવ્યો ત્યારે પાકિસ્તાન શાહિન્સ એક પણ વિકેટ ગુમાવ્યા વિના 118 રન બનાવીને મજબૂત સ્થિતિમાં દેખાઈ રહ્યો હતો. આ ઓવરનો પહેલો બોલ યાસીર ખાને જોયો અને હસનનો બોલ તેના પેડ પર વાગ્યો. ત્યાં જ નોન-સ્ટ્રાઈકર એન્ડ પર ઉભેલા ખ્વાજા નાફે રન લેવા દોડ્યા, પરંતુ યાસીર ખાને આ રન લેવામાં રસ દાખવ્યો નહીં અને તે પોતાની જગ્યાએ જ રહ્યો.

ખ્વાજા નાફે રન લેવા માટે એટલો ઉત્સુક હતો કે તે નોન-સ્ટ્રાઈકર એન્ડથી સ્ટ્રાઈક પર ઉભેલા બેટ્સમેન સુધી લગભગ પહોંચી ગયો, પરંતુ જ્યારે તેણે જોયું કે યાસીર ખાન રન લેવા માટે દોડ્યો નથી, ત્યારે તે નોન-સ્ટ્રાઈકર એન્ડ તરફ પાછો દોડ્યો, પરંતુ ત્યાં સુધીમાં વિકેટકીપરે બોલ બોલિંગ કરી રહેલા હસન મહમૂદ તરફ ફેંક્યો અને તે સરળતાથી ખ્વાજા નાફેને રન આઉટ કરી દીધો.

આ પણ વાંચો: ભારતીય ધ્વજ સાથે જોડાયેલા 10 નિયમો, ભૂલથી પણ ના થાય ત્રિરંગાનું અપમાન

રન આઉટ થયા પછી ખ્વાજા નાફે ખૂબ ગુસ્સે થયો અને તેનું બેટ જમીન પર ફેંકી દીધું. બેટ ફેંક્યા પછી તેણે સ્ટ્રાઈક પર ઉભેલા યાસીર ખાન પર જોરથી બૂમો પાડવાનું શરૂ કર્યું. આ ઘટના ખરેખર ખૂબ જ વિચિત્ર હતી કારણ કે અહીં સ્ટ્રાઈક પર ઉભેલા યાસીર ખાન રન લેવાનો પ્રયાસ પણ કરી રહ્યો ન હતો અને બોલ તેની ખૂબ નજીક હતો. ખ્વાજા નાફેની ભૂલ અહીં સ્પષ્ટ દેખાઈ રહી હતી કે તે બોલની નજીક હોવા છતાં રન લેવા માટે દોડ્યો.

હોસ્પિટાલિટી અને ફૂડ સામ્રાજ્યની વારસદાર

સાનિયા ચંડોક મુંબઈના પ્રખ્યાત ઘાઈ પરિવારમાંથી આવે છે. તેના દાદા રવિ ઇકબાલ ઘાઇ ગ્રાવિસ હોસ્પિટાલિટી લિમિટેડના ચેરમેન છે. આ એ સમૂહ છે જે ભારતમાં ઇન્ટરકોન્ટિનેન્ટલ મરીન ડ્રાઇવ હોટલ, ધ બ્રુકલિન ક્રીમરી આઇસક્રીમ બ્રાન્ડ અને બાસ્કિન રોબિન્સનું સંચાલન કરે છે. આ સમૂહની જડ તેમના પરદાદા ઇકબાલ કૃષ્ણન ‘આઇકે’ ઘાઇએ જમાવી હતી. તેમણે ક્વોલિટી આઇસક્રીમ બ્રાન્ડનો પાયો નાંખ્યો હતો. આ પછી રવિ ઘાઇએ મધ્ય પૂર્વમાં ઉત્પાદન એકમો સ્થાપીને અને નિકાસ વ્યવસાયનું વિસ્તરણ કરીને આ વારસાને આગળ ધપાવ્યો હતો.

ગ્લોબલ કનેક્શન અને વેપારી પ્રભાવ

નાણાકીય વર્ષ 2023-24માં ગ્રેવિસ ફૂડ સોલ્યુશન્સ પ્રાઇવેટ લિમિટેડે 624 કરોડ રૂપિયાની આવક મેળવી હતી, જે અગાઉના વર્ષની સરખામણીએ 20 ટકા વધારે છે. મીડિયા રિપોર્ટ્સ અનુસાર પરિવારની કુલ સંપત્તિ લગભગ 16 અબજ (1600 કરોડ) રૂપિયા છે. આ રકમ સાનિયા ચંડોકના ભાવી સસરા સચિન તેંડુલકરની અંદાજિત 14 અબજ રૂપિયાની સંપત્તિથી પણ વધારે છે.

ઘાઇ પરિવારનો હોટેલ બિઝનેસ ઇન્ટરકોન્ટિનેન્ટલ હોટેલ્સ ગ્રૂપ (આઇએચજી)ના બ્રાન્ડ નેટવર્કનો એક ભાગ છે. આઈએચજી ઓગસ્ટ 2025માં 18.43 બિલિયન ડોલર (લગભગ 1,62,000 કરોડ રૂપિયા) ના માર્કેટ કેપ સાથે હોસ્પિટાલિટી ઇન્ડસ્ટ્રીના વૈશ્વિક દિગ્ગજ છે.

લંડન સ્કૂલ ઓફ ઇકોનોમિક્સથી બિઝનેસ સુધીની સફર

સાનિયાએ લંડન સ્કૂલ ઓફ ઇકોનોમિક્સ (એલએસઈ)માંથી ગ્રેજ્યુએશન કર્યું હતું. અભ્યાસ બાદ પણ તેણે પોતાના પારિવારિક બિઝનેસમાં જોડાવાનો રસ્તો પસંદ કરવાને બદલે પોતાના શોખ અને ઝનૂનને એક પ્રોફેશનમાં બદલી નાખ્યો. સાનિયાએ 2022માં મુંબઈમાં મિસ્ટર પોઝ પેટ સ્પા એન્ડ સ્ટોર એલએલપીની શરૂઆત કરી હતી. તે એક લક્ઝરી પાલતુ પ્રાણીઓની માવજત અને કેયર સર્વિસ છે. જ્યાં પાળેલા શ્વાન અને બિલાડીઓ માટે સ્પા ટ્રિટમેન્ટ, ગ્રુમિંગ પેકેજ અને પર્સનલાઇજ્ડ કેયર ઉપલબ્ધ કરાવવામાં આવે છે.

આ પણ વાંચો – સચિનના પુત્ર અર્જુન તેંડુલકરે સગાઈ કરી

સાનિયા ચંડોકે આ વેન્ચરમાં લગભગ 80 લાખ રૂપિયાનું રોકાણ કર્યું હતું. ભારત સરકારના મિનિસ્ટ્રી ઓફ કોર્પોરેટ અફેર્સના રેકોર્ડ મુજબ આ કંપનીની અધિકૃત મૂડી 0.10 મિલિયન છે. આ વ્યાપ નાનો હોવા છતાં, આ સાહસ તેમની ઉદ્યોગસાહસિકતા અને જુસ્સાનું એક મજબૂત ઉદાહરણ છે.

સાનિયા ચંડોકે 2024માં વર્લ્ડવાઇડ વેટરનરી સર્વિસમાંથી વેટરનરી ટેક્નિશિયન ડિપ્લોમા મેળવ્યો હતો. આ બતાવે છે કે પ્રાણીઓ પ્રત્યેનો તેમનો લગાવ ફક્ત અંગત સ્તર સુધી સીમિત નથી, પરંતુ તેણે તેના માટે પ્રોફેશનલ ટ્રેનિંગ પણ લીધી હતી.

નવા જમાનાની બિઝનેસવુમન

સાનિયા ચંડોક માત્ર અબજોનો વારસો ધરાવતી વારસદાર જ નથી, પરંતુ એક નવા યુગની બિઝનેસવુમન પણ છે, જે પરંપરાગત ફેમિલી બિઝનેસથી અલગ પોતાના પૈશન ડ્રિવન ઉદ્યમ પર કામ કરી રહી છે. એક તરફ તે એવા પરિવારમાંથી આવે છે જેના બ્રાન્ડ લિસ્ટમાં ઇન્ટરકોન્ટિનેન્ટલ, બ્રૂકલિન કિમરી અને બાસ્કિન રોબિન્સ ઇન્ડિયા જેવા મોટા નામ છે તો બીજી તરફ તેણે પોતાના દમે મિસ્ટર પોઝ જેવો બિઝનેસ ઊભો કર્યો છે.

પારિવારિક અને પર્સનલ લાઇફમાં કનેક્શન

સાનિયા ચંડોક અને અર્જુન તેંડુલકરની નિકટતા ઘણા સમયથી ચર્ચામાં છે. તે અર્જુનની બહેન સારા તેંડુલકરની પણ નજીકની મિત્ર છે. સારા તેંડુલકરના ઇન્સ્ટાગ્રામ એકાઉન્ટ પર આ બંનેની ઘણી તસવીરો જોઇ શકાય છે અને બંનેએ ઘણી વખત આઇપીએલની મેચો સાથે જોઇ છે. તેણે હવે અર્જુન સાથે સગાઈ કરી લીધી છે, પરંતુ તે હજુ પણ મીડિયાથી દૂરી બનાવી રાખે છે, જે તેનો લો-પ્રોફાઇલ સ્વભાવ દર્શાવે છે.

અર્જુન તેંડુલકર ડાબોડી ફાસ્ટ બોલિંગ ઓલરાઉન્ડર

25 વર્ષીય અર્જુન એક ડાબોડી ફાસ્ટ બોલિંગ ઓલરાઉન્ડર છે જે ડોમેસ્ટિક ક્રિકેટમાં ગોવાનું પ્રતિનિધિત્વ કરે છે અને ઈન્ડિયન પ્રીમિયર લીગમાં મુંબઈ ઈન્ડિયન્સ માટે રમી ચૂક્યો છે. અર્જુને 2020/21 સિઝનમાં મુંબઈ સાથે પોતાની ડોમેસ્ટિક કારકિર્દીની શરૂઆત કરી હતી, હરિયાણા સામેની ટી 20 મેચમાં તેણે ડેબ્યૂ કર્યું હતું. આ પહેલાં તેણે જુનિયર સ્તરે મુંબઈનું પ્રતિનિધિત્વ કર્યું હતું અને ભારતની અંડર-19 ટીમમાં સ્થાન મેળવ્યું હતું.

IPL 2025માં અર્જુન તેંડુલકરને આખી ટુર્નામેન્ટમાં એક પણ મેચ રમવાની તક મળી ન હતી. મુંબઈ ઇન્ડિયન્સે મેગા ઓક્શનમાં તેને 30 લાખ રૂપિયાના બેઝ પ્રાઈસ પર જાળવી રાખ્યો હતો, પરંતુ ટીમ મેનેજમેન્ટે તેને પ્લેઇંગ ઈલેવનમાં સામેલ કર્યો ન હતો.

આ પણ વાંચો – રોનાલ્ડાએ 8 વર્ષ રિલેશનશિપમાં રહ્યા પછી જોર્જિના સાથે સગાઇ કરી, 42 કરોડ રુપિયા હોઇ શકે છે વિંટીની કિંમત

અર્જુન તેંડુલકર અત્યાર સુધીમાં 17 ફર્સ્ટ ક્લાસ, 18 લિસ્ટ-એ અને 24 ટી20 મેચ રમ્યો છે. ફર્સ્ટ ક્લાસ મેચોમાં અર્જુને 33.51 ની સરેરાશથી 37 વિકેટ લીધી છે. જ્યારે તેણે 23.13 ની સરેરાશથી 532 રન બનાવ્યા છે. લિસ્ટ-એ ક્રિકેટમાં, અર્જુનના નામે 25 વિકેટ અને 102 રન છે.

અર્જુન તેંડુલકરનો આઈપીએલ રેકોર્ડ

અર્જુન તેંડુલકર આઈપીએલમાં મુંબઈ ઈન્ડિયન્સ તરફથી અત્યાર સુધી 5 મેચ રમ્યો છે, જેમાં તેના નામે 3 વિકેટ અને 13 રન છે.

પાકિસ્તાન સામે રમવાનો ઇન્કાર કર્યો હતો

પ્રથમ ડબલ્યુસીએલ ટૂર્નામેન્ટ જીત્યા બાદ ભારત ડિફેન્ડિંગ ચેમ્પિયન બન્યું હતું, પરંતુ કેપ્ટન યુવરાજ સિંહ, શિખર ધવન અને હરભજન સિંહ જેવા ખેલાડીઓ પાકિસ્તાન સાથે રમવાના વિરોધમાં હોવાથી ભારતીય ચેમ્પિયન્સ ટીમે સેમિ ફાઇનલ મેચ છોડી દીધી હતી અને પાકિસ્તાનને ફાઇનલમાં જવા દીધું હતું. ભારતીય ટીમે ગ્રુપ સ્ટેજની મેચમાં પણ તેના કટ્ટર હરિફ સામેની મેચમાં રમવાનો ઈન્કાર કર્યો હતો. ફાઇનલમાં સાઉથ આફ્રિકા ચેમ્પિયન્સે પાકિસ્તાન ચેમ્પિયન્સને હરાવીને ટાઇટલ જીત્યું હતું.

દેશની ગરિમા સામે ક્રિકેટ ફિક્કું – હરભજન સિંહ

હરભજન સિંહે ટાઇમ્સ ઓફ ઇન્ડિયાને જણાવ્યું હતું કે તેઓએ (ભારતીય ટીમે) એ સમજવાની જરૂર છે કે શું જરૂરી છે અને શું નથી. આ બિલકુલ સીધી વાત છે. મારા માટે સરહદ પર ઉભા રહેલા સૈનિકોના બલિદાન, જેમના પરિવારો ઘણીવાર તેમને મળી શકતા નથી, જેઓ ક્યારેક પોતાનો જીવ આપી દે છે અને ક્યારેય ઘરે પાછા ફરતા નથી. તેમનું બલિદાન આપણા બધા માટે ઘણું મોટું છે. તેની સરખામણીએ એ સાવ નાની બાબત છે કે આપણે એક ક્રિકેટ મેચ રમવાનું છોડી શકીએ નહીં. આ ઘણી નાની વાત છે.

આ પણ વાંચો – માઇકલ ક્લાર્કે આ ભારતીય ખેલાડીને ગણાવ્યો આગામી વીરેન્દ્ર સેહવાગ, કહ્યું – તેને મેદાન પર રોકવો અસંભવ

જ્યાં સુધી સરહદ પર તણાવ છે ત્યાં સુધી ક્રિકેટ નહીં: હરભજન સિંહ

હરભજન સિંહે કહ્યું કે આપણી સરકારનું પણ એવું જ વલણ છે એટલે કે લોહી અને પાણી એક સાથે વહી શકે નથી. એવું ન બની શકે કે સરહદ પર લડાઈ થાય, બંને દેશો વચ્ચે તણાવ હોય અને આપણે ક્રિકેટ રમવા જઈએ. જ્યાં સુધી આ મોટા મુદ્દાઓનું નિરાકરણ ન આવે ત્યાં સુધી ક્રિકેટ ખૂબ જ નાની બાબત છે. દેશ હંમેશા પહેલા આવે છે.

તેમણે એમ પણ કહ્યું કે ભાઈઓ આપણી સરહદ પર ઉભા છે, જે આપણી રક્ષા કરી રહ્યા છે, આપણા દેશની રક્ષા કરી રહ્યા છે, તેમની હિંમત જોઈ લો, તેઓ ત્યાં કેટલા મોટા દિલ લઇને ત્યાં ઉભા છે અને વિચારો કે તેમના પરિવાર પર ત્યારે શું વિતતી હશે જ્યારે તેઓ ઘરે પાછા ફરતા નથી અને આપણે ક્રિકેટ રમવા માટે જઈએ છીએ.

જોર્જિનાએ ઇન્સ્ટાગ્રામ પર સગાઈની પુષ્ટિ કરી હતી

જોર્જિના રોડ્રીગ્જે ઈન્સ્ટાગ્રામ પર શેર કરેલી તસવીરમાં ક્રિસ્ટિયાનો રોનાલ્ડો પણ જોવા મળી રહ્યો છે. જોર્જિનાએ રોનાલ્ડોને પણ ટેગ કર્યો છે. રોનાલ્ડોએ પોતે ઇન્ટરનેટ પર હજી સુધી કંઇ પોસ્ટ કર્યું નથી. રોનાલ્ડો અને જોર્જિના લાંબા સમયથી સાથે છે અને હવે પોતાના સંબંધોમાં નવું પગલું ભરી રહ્યા છે. આવી સ્થિતિમાં આ જોડી ક્યારે લગ્ન કરે છે તે જોવું રસપ્રદ રહેશે.

વિંટીની કિંમતનો અંદાજ નિષ્ણાતો લગાવી રહ્યા છે

સોશિયલ મીડિયા પર એન્ગેજમેન્ટ રિંગની તસવીર સામે આવતા જ વિવિધ એક્સપર્ટ્સે તેની કિંમત આંકવાનું શરૂ કરી દીધું હતું. આ વીંટી 5 સેન્ટીમીટરથી પણ વધારે લાંબી લાગતી હતી, તેની વચ્ચે એક મોટો અંડાકાર હીરો અને બે નાના રત્નો હતા. જ્વેલરી એક્સપર્ટ્સે રિંગની કિંમતનો અંદાજ લગાવવાનું શરૂ કરી દીધું છે.

બ્રિયોની રેમન્ડના જણાવ્યા અનુસાર મુખ્ય અંડાકાર હીરા 25 થી 30 કેરેટની વચ્ચે હોઈ શકે છે, જ્યારે અન્ય નિષ્ણાતો માને છે કે તે ઓછામાં ઓછા 15 કેરેટ હોવા જોઈએ. જ્વેલર ફ્રેન્ક ડાર્લિંગના ફાઉન્ડર કેગન ફિશરના જણાવ્યા અનુસાર બંને તરફના હીરા લગભગ 1 કેરેટ લાગે છે.

વિંટીની કિંમત 16.8થી 42 કરોડ સુધીની હોઈ શકે છે

હીરાની ગુણવત્તા અને કદ દર્શાવે છે કે તે એકદમ પ્રીમિયમ છે અને વ્યાવસાયિક મૂલ્યાંકન 2 થી 5 મિલિયન અમેરિકન ડોલર (લગભગ 16.8 કરોડથી 42 કરોડ રૂપિયા) ની વચ્ચે છે. લોરેલ ડાયમંડ્સની લોરા ટેલર સૂચવે છે કે આ રિંગની ન્યૂનતમ કિંમત 2 મિલિયન અમેરિકન ડોલર હશે, જ્યારે રેર કેરેટના સીઇઓ અજય આનંદે રિંગની કિંમત 5 મિલિયન અમેરિકન ડોલર ગણાવી છે.

ક્રિસ્ટિયાનો રોનાલ્ડો 5 બાળકોનો પિતા

ક્રિસ્ટીયાનો રોનાલ્ડોને જોર્જિના રોડ્રીગ્જથી ત્રણ બાળકો પણ છે. જોર્જિનાએ 12 નવેમ્બર 2017ના રોજ પુત્રી અલાના માર્ટિનાને જન્મ આપ્યો હતો. 18 એપ્રિલ 2022 ના રોજ તેણે પુત્રી બેલા એસ્મેરાલ્ડા અને પુત્ર એન્જલને જન્મ આપ્યો હતો, પરંતુ કમનસીબે એન્જલ જન્મના થોડા સમય પછી જ મૃત્યુ પામ્યો હતો. ક્રિસ્ટિયાનો રોનાલ્ડો અન્ય 3 બાળકો (ક્રિસ્ટિયાનો જુનિયર, માટાઓ અને ઇવા)નો પિતા છે.

આ પણ વાંચો – સંજુ સેમસનને કેમ ટીમમાં સામેલ કરવા માંગે છે ચેન્નાઇ સુપર કિંગ્સ, આ છે 4 પ્રમુખ કારણ

ક્રિસ્ટિયાનો જુનિયરની માતાની ઓળખ હંમેશા ગુપ્ત રાખવામાં આવી છે, જ્યારે જોડિયા બાળકો માટાઓ અને ઇવાનો જન્મ સરોગસી દ્વારા થયો હતો. જોર્જિનાએ ઘણા સમય પહેલા એક મેગેઝિનના ઇન્ટરવ્યુમાં જણાવ્યું હતું કે તેણે તમામ બાળકોને જન્મ આપ્યો નથી, પરંતુ તે તેમને તેમના બાળકો માને છે અને તે બાળકો તેમને માતા કહે છે.

કોણ છે જોર્જિના રોડ્રિગ્ઝ?

જોર્જિના સોશિયલ મીડિયા સેલિબ્રિટી, મોડલ અને ઉદ્યોગસાહસિક છે. 31 વર્ષીય જોર્જિનાનો જન્મ આર્જેન્ટિનામાં થયો હતો અને ત્યાર બાદ તેનો ઉછેર સ્પેનમાં થયો હતો. રોનાલ્ડોએ 2017માં તેની સાથેના સંબંધોની પુષ્ટિ કરી હતી. બંને ઝ્યુરિચમાં યોજાયેલા ફિફા ફૂટબોલ એવોર્ડ્સમાં પહેલી વખત જાહેરમાં સાથે જોવા મળ્યા હતા. જ્યોર્જિના માન્ચેસ્ટર યુનાઇટેડ, રિયલ મેડ્રિડ અને યુવેન્ટસ તરફથી રમતી વખતે રોનાલ્ડો સાથે મુસાફરી કરતી હતી. હવે જ્યારે તે અલ-નસર તરફથી રમી રહ્યો છે, ત્યારે પણ તે આવું જ કરી રહી છે.

કેવી રીતે થઇ રોનાલ્ડો સાથે મુલાકાત?

રોનાલ્ડો અને જોર્જિનાની મુલાકાત વર્ષ 2016માં થઈ હતી જ્યારે તે મેડ્રીડના એક ગૂચ્ચી સ્ટોરમાં કામ કરતી હતી. રોનાલ્ડો 2009થી 2018 સુધી રિયલ મેડ્રિડ માટે રમ્યો હતો. અગાઉ તે 2003 થી 2009 દરમિયાન માન્ચેસ્ટર યુનાઇટેડ સાથે હતો. રિયલ મેડ્રિડ બાદ તે યુવેન્ટસમાં ગયો હતો અને 2021 સુધી ત્યાં જ રહ્યો. ત્યાર બાદ તેણે એક વર્ષ સુધી માન્ચેસ્ટર યુનાઇટેડ સાથે કામ કર્યું હતું અને 2022થી તે અલ-નસ્ર સાથે છે. 40 વર્ષીય ખેલાડીએ તાજેતરમાં જ અલ-નસ્ર સાથે નવા કરાર પર હસ્તાક્ષર કર્યા હતા, જેના કારણે તે આગળ રમશે કે કેમ તે અંગેની મહિનાઓની અટકળો પર પૂર્ણવિરામ મૂકાયું હતુ.

ભારતની મહાન ખેલાડી મિતાલી રાજ અને યુવરાજ સિંહ તેમજ ભારતીય મહિલા ટીમની વર્તમાન કેપ્ટન હરમનપ્રીત કૌર, સ્મૃતિ મંધાના અને જેમિમા રોડ્રિગ્સ જેવી સ્ટાર ખેલાડીઓએ પણ આ ખાસ કાર્યક્રમમાં હાજરી આપી હતી. ICC પ્રમુખ જય શાહે કાર્યક્રમનું ઉદ્ઘાટન કર્યું હતું.

50 ઓવરનો વર્લ્ડ કપ 2016 પછી પહેલીવાર ઉપખંડમાં કોઈ મોટી ICC મહિલા ટુર્નામેન્ટનું પુનરાગમન દર્શાવે છે. અગાઉ 2016 માં ભારતે ICC મહિલા T20 વર્લ્ડ કપનું આયોજન કર્યું હતું. ભારતે અગાઉ 1978, 1997 અને 2013માં મહિલા વર્લ્ડ કપનું આયોજન કર્યું છે.

આ પ્રસંગે બોલતા ભારતીય કેપ્ટન હરમનપ્રીત કૌરે કહ્યું કે તેમની ટીમ આ દંતકથાને તોડવા અને ICC (આંતરરાષ્ટ્રીય ક્રિકેટ કાઉન્સિલ) ટ્રોફીના દુષ્કાળને સમાપ્ત કરવા માટે પ્રતિબદ્ધ છે. ભારતીય મહિલા ક્રિકેટ ટીમે અત્યાર સુધી કોઈ વિશ્વ ખિતાબ જીત્યો નથી. જોકે કેટલાક પ્રસંગોએ તે તેની નજીક પહોંચી હતી. આમાં 2017માં ઇંગ્લેન્ડમાં રમાયેલ વનડે વર્લ્ડ કપનો પણ સમાવેશ થાય છે, જેમાં ભારત રનર-અપ રહ્યું હતું.

હરમનપ્રીતે ODI વર્લ્ડ કપ ટ્રોફીના અનાવરણ સમારોહમાં કહ્યું, ‘અમે એ માન્યતા તોડવા માંગીએ છીએ જેની બધા ભારતીયો રાહ જોઈ રહ્યા છે. વર્લ્ડ કપ હંમેશા ખાસ હોય છે. હું હંમેશા મારા દેશ માટે કંઈક ખાસ કરવા માંગુ છું. જ્યારે પણ હું યુવી ભૈયા (યુવરાજ સિંહ) ને જોઉં છું, ત્યારે મને ઘણી પ્રેરણા મળે છે.’

આ પણ વાંચો: રજત પાટીદારનો નંબર છત્તીસગઢના એક છોકરાને મળ્યો, 15 દિવસ સુધી કોહલી-ડીવિલિયર્સ સાથે વાતો કરી

ભારતીય ટીમે તાજેતરમાં ખૂબ જ સારું પ્રદર્શન કર્યું છે. તેણે ઇંગ્લેન્ડ પ્રવાસમાં T20 અને ODI શ્રેણી જીતી છે. તે 30 સપ્ટેમ્બરથી શરૂ થતા વર્લ્ડ કપ પહેલા 14 સપ્ટેમ્બરથી ટાઇટલ ફેવરિટ ઓસ્ટ્રેલિયા સામે ત્રણ મેચની હોમ સિરીઝ રમશે. હરમનપ્રીતે કહ્યું કે આનાથી તેની ટીમને પોતાને ચકાસવાની તક મળશે.

હરમનપ્રીતે કહ્યું, ‘ઓસ્ટ્રેલિયા સામે રમવું હંમેશા પડકારજનક હોય છે. આનાથી અમને અમારી સ્થિતિ ખબર પડે છે. આ શ્રેણી (ઓસ્ટ્રેલિયા સામે 3 ODI) અમારા માટે ખૂબ જ મહત્વપૂર્ણ છે. આનાથી અમારો આત્મવિશ્વાસ વધશે. અમે સખત મહેનત કરી રહ્યા છીએ અને પરિણામો આવી રહ્યા છે.’

હરમનપ્રીતે 2017 માં ઓસ્ટ્રેલિયા સામેની સેમિફાઇનલમાં 171 રનની જોરદાર ઇનિંગ રમીને પોતાની ટીમને વિજય અપાવ્યો હતો. તે ઇનિંગની યાદો હજુ પણ તેના મનમાં તાજી છે. તેણીએ કહ્યું, ‘તે ઇનિંગ મારા અને મહિલા ક્રિકેટ માટે ખરેખર ખાસ હતી. તે ઇનિંગ પછી મારા માટે ઘણું બદલાઈ ગયું.

આ ઘટના ત્યારે પ્રકાશમાં આવી જ્યારે મડગાંવના રહેવાસી 21 વર્ષીય મનીષ બિસીને ખેલાડીઓના ફોન આવવા લાગ્યા. ગારિયાબંધના એસપી નિખિલ રાખેચાએ જણાવ્યું કે જે નંબર લગભગ છ મહિનાથી નિષ્ક્રિય હતો તે ફરીથી નિયમિત પ્રક્રિયા હેઠળ મનીષને ફાળવવામાં આવ્યો. તેમણે કહ્યું, “તે એક વોટ્સએપ નંબર હતો અને કદાચ છેલ્લા છ મહિનાથી તેનો ઉપયોગ થઈ રહ્યો ન હતો. કંપનીના નિયમો મુજબ, એક નંબર જેનો ઉપયોગ છ મહિનાથી વધુ સમય સુધી થતો નથી તે અન્ય ગ્રાહકોને આપવામાં આવે છે. કદાચ તેથી જ આ નંબર દેવભોગના યુવકને આપવામાં આવ્યો હતો. અમે હવે આ નંબર ક્રિકેટર રજત પાટીદારને પરત કરી દીધો છે.”

આ પણ વાંચો: 30 વર્ષની ઉંમરના પુરુષોએ પોતાનું ખાસ ધ્યાન રાખવું જોઈએ, આ વસ્તુઓને તમારા આહારમાં કરો સામેલ

પ્રોફાઇલ પિક્ચર પર પાટીદારનો ફોટો

ટાઈમ્સ ઓફ ઈન્ડિયાના અહેવાલ મુજબ, મનીષ પોતાને વિરાટ કોહલીનો ચાહક ગણાવે છે. તેણે જૂનના અંતમાં દેવભોગમાં એક મોબાઇલ શોપમાંથી નવું સિમ ખરીદ્યું હતું. એક અઠવાડિયા પછી તેના મિત્ર ખેમરાજે તેને વોટ્સએપ સેટ કરવામાં મદદ કરી. પ્રોફાઇલ પિક્ચર પર પાટીદારનો ફોટો આપમેળે દેખાવા લાગ્યો. શરૂઆતમાં તેને લાગ્યું કે તે ટેકનિકલ ખામી છે. ટૂંક સમયમાં કોહલી, એબી ડી વિલિયર્સ અને અન્ય ખેલાડીઓના નામે કોલ આવવા લાગ્યા. તેઓ બધા તેને “રજત” કહી રહ્યા હતા.

લગભગ 15 દિવસ સુધી કોલ કરનારાઓ સાથે વાતચીત

તેને મજાક માનીને યુવકે લગભગ 15 દિવસ સુધી કોલ કરનારાઓ સાથે વાત કરી. પાટીદારને પોતાનો જૂનો નંબર ન મળતાં તેમણે મધ્યપ્રદેશ સાયબર સેલનો સંપર્ક કર્યો ત્યારે આ મામલો પ્રકાશમાં આવ્યો. તેમણે ગારિયાબંધ પોલીસનો સંપર્ક કર્યો. પોલીસની એક ટીમ ગામમાં પહોંચી અને સિમ કાર્ડ કબજે કર્યું, જે પાટીદારને મોકલવામાં આવ્યું છે. બંને યુવાનો ક્રિકેટના શોખીન છે. તેમણે કહ્યું કે આ ઘટના ભૂલાશે નહીં અને આશા છે કે પાટીદાર કોઈ દિવસ તેમને મળશે. પાટીદાર સ્થાનિક ક્રિકેટમાં મધ્યપ્રદેશ તરફથી રમે છે અને IPLમાં રોયલ ચેલેન્જર્સ બેંગ્લોરનો કેપ્ટન છે.

ઓસ્ટ્રેલિયાના પૂર્વ કેપ્ટન માઇકલ ક્લાર્કે ભારતીય બેટ્સમેન વિશે વાત કરી હતી, જેની બેટિંગથી તેને સેહવાગની યાદ આવી ગઈ હતી અને તેણે તે ખેલાડીને ભારતીય ક્રિકેટનો આગામી વિરેન્દ્ર સેહવાગ ગણાવ્યો હતો. ક્લાર્કે પોતાની યુટ્યુબ ચેનલ પર 5મી ટેસ્ટ મેચમાં યશસ્વીની ઇનિંગ વિશે વાત કરી હતી જેમાં તેણે 118 રન બનાવ્યા હતા. બીજી ઈનિંગમાં યશસ્વીએ આ સદી ફટકારી હતી અને તેના આધારે ભારતે ઈંગ્લેન્ડને 374 રનનો ટાર્ગેટ આપ્યો હતો.

સેહવાગની જેમ યશસ્વીને રોકવો અશક્ય

ક્લાર્કે કહ્યું કે યશસ્વીની ઇનિંગ્સ અદ્ભુત હતી અને મને તેની બેટિંગ સેહવાગ જેવી લાગે છે. તેણે વધુમાં કહ્યું કે સેહવાગ જ્યારે મેદાન પર હતો ત્યારે તેને રોકવો અશક્ય હતો અને યશસ્વીની બેટિંગમાં પણ આવી જ ઝલક જોવા મળે છે. મને લાગે છે કે તે ખૂબ જ પ્રતિભાશાળી છે અને તે એક અવિશ્વસનીય ખેલાડી છે. મને લાગે છે કે તે ક્રમમાં ટોચ પર રમે છે જ્યાં ઘણું જોખમ હોય છે અને તેના આક્રમક અભિગમથી તમને ખબર પડી ગઈ છે કે, તમારી બેટિંગ શૈલી શું છે.

આ પણ વાંચો – સંજુ સેમસનને કેમ ટીમમાં સામેલ કરવા માંગે છે ચેન્નાઇ સુપર કિંગ્સ, આ છે 4 પ્રમુખ કારણ

આ ખેલાડી ભવિષ્યનો સુપરસ્ટાર છે

ક્લાર્કે યશસ્વી વિશે વધુમાં જણાવ્યું હતું કે તે ભવિષ્યમાં કેટલીક એવી ઇનિંગ્સ રમશે જેને જોઇને તમને આશ્ચર્ય થશે. તમે માત્ર એટલું જ કહી શકો કે આ ખેલાડી સુપરસ્ટાર છે, કેવો શાનદાર ખેલાડી છે. ઇંગ્લેન્ડ સામેની ટેસ્ટ શ્રેણી દરમિયાન તે ખૂબ જ સારો રહ્યો છે અથવા તો ખૂબ જ ખરાબ રહ્યો છે. તે તેવા ખેલાડીઓમાંથી એક છે જે તમારી ટીમ ઇચ્છે તે પ્રમાણે રમે છે તે ભારતીય ક્રિકેટ માટે ખૂબ જ સારું છે.

મહેન્દ્ર સિંહ ધોની, રવિન્દ્ર જાડેજા અને રુતુરાજ ગાયકવાડ જેવા ખેલાડીઓ હોવા છતાં પાંચ વખતની આઇપીએલ ચેમ્પિયન ફ્રેન્ચાઇઝી કેરળના વિકેટકીપર બેટ્સમેન સંજુ સેમસનને પોતાની ટીમમાં શા માટે જોડવા માંગે છે? શું સીએસકેને લાગે છે કે સંજુ ધોનીની જેમ લોકપ્રિયતા મેળવી શકે છે? સંજુના આવવાથી નંબર-3ની સમસ્યાનો ઉકેલ આવી શકે છે. ફ્રેન્ચાઇઝીને હજી સુધી આ પદ પર સુરેશ રૈનાનો વિકલ્પ મળ્યો નથી.

આ કારણે સીએસકે સંજુ સેમસનને ટીમમાં સામેલ કરવા માંગે છે

• ચેન્નાઈ સુપર કિંગ્સે મહેન્દ્રસિંહ ધોની પાસેથી આગળ વધવાનો રસ્તો શોધવો પડશે. કોઈ પણ ફ્રેન્ચાઈઝી માટે વિકેટકિપર, બેટ્સમેન અને કેપ્ટનનો કોમ્બો મેળવવો ખુબ જ મુશ્કેલ હોય છે. સવાલ એ નથી કે આવા ખેલાડી નથી. સવાલ એ છે કે તેઓ કેટલા સફળ છે? એમએસ ધોની બાદ સંજુ સેમસન આ અહીં ફિટ બેસે તેવું લાગી રહ્યું છે. તે ધોનીનો યોગ્ય વિકલ્પ સાબિત થઈ શકે છે.

• ચેન્નાઈ સુપર કિંગ્સ માટે સૌથી મોટી સમસ્યા નંબર-3ની છે. એક સમયે આઇપીએલનો સૌથી સફળ બેટ્સમેન આ નંબર પર રમતો હતો. ચેન્નાઈ સુપર કિંગ્સને આઇપીએલની સૌથી સફળ ફ્રેન્ચાઈઝી બનાવવામાં સુરેશ રૈનાએ મહત્વની ભૂમિકા ભજવી હતી. ચેન્નઈ સુપર કિંગ્સને હજી સુધી ‘ચિન્નાથલા’ ઉર્ફે સુરેશ રૈનાનો વિકલ્પ મળ્યો નથી.

આ પણ વાંચો – સંજુ સેમસન રાજસ્થાન રોયલ્સ છોડવા માંગે છે, ફ્રેન્ચાઇઝીને રિલીઝ કે ટ્રેડ કરવા કહ્યું – રિપોર્ટ

• મહેન્દ્ર સિંહ ધોની મેદાન પર ચેન્નઈ સુપર કિંગ્સ માટે માત્ર સંકટમોચક જ રહ્યા નથી. 5 વખત ચેમ્પિયન બન્યા બાદ પણ ફ્રેન્ચાઈઝી ધોનીની લોકપ્રિયતા પર ટકેલી છે. આ લોકપ્રિયતા ફ્રેન્ચાઇઝી માટે ઘાતક છે. પ્રશંસકો ધોનીને બેટિંગ કરતા જોવા માટે ખેલાડીઓ આઉટ થાય તેવી પ્રાર્થના કરે છે. આવી સ્થિતિમાં, ‘થાલા’ની નિવૃત્તિ પછી આ ચાહક વર્ગને અકબંધ રાખવો એ એકદમ પડકાર છે. સંજુનો ફેન બેઝ એવો છે કે તે આ સમસ્યાનો ઉકેલ લાવી શકે છે.

• સંજુ સેમસન પણ કેપ્ટન તરીકે પોતાને સાબિત કરી ચૂક્યો છે. આઈપીએલ 2025માં ઈજાના કારણે સેમસન વધારે કેપ્ટનશિપ કરી શક્યો ન હતો. અગાઉ કેપ્ટન તરીકે તેનું પ્રદર્શન સારું રહ્યું હતું. સંજુ સેમસનની કેપ્ટનશિપમાં રાજસ્થાન રોયલ્સ આઇપીએલ 2024માં પ્લેઓફમાં પહોંચી હતી. 2023માં આઇપીએલ 5માં ક્રમે હતી. આઇપીએલ 2022માં ફાઇનલ રમી હતી.

ક્રિકબઝના એક રિપોર્ટ અનુસાર સંજુ સેમસને રાજસ્થાન રોયલ્સના મેનેજમેન્ટને ઔપચારિક રીતે ટ્રેડ કરવા કે રિલીઝ કરવા વિનંતી કરી છે. સેમસનના પરિવારના સભ્યોએ ખુલ્લેઆમ કહ્યું છે કે તે હવે રોયલ્સ સાથે રહેવા માંગતો નથી. સંજુના કેટલાક નજીકના આઇપીએલ અને આંતરરાષ્ટ્રીય ખેલાડીઓએ પણ સંકેત આપ્યા છે કે ફ્રેન્ચાઈઝી સાથેના તેના સંબંધો હવે પહેલા જેવા રહ્યા નથી.

સંજુ સેમસન નિર્ણય લઈ શકશે નહીં

આઇપીએલના નિયમ અનુસાર એક વખત ખેલાડી ફ્રેન્ચાઇઝી સાથે સાઇન કરે તો તે 3 વર્ષ સુધી પોતાની મરજી પ્રમાણે ચાલી શકતો નથી. તે ટ્રેડ થશે કે રિલીઝ, તેનો નિર્ણય ફક્ત ફ્રેન્ચાઇઝી જ લઇ શકે છે. તકનીકી રીતે, કરાર અને કાનૂની રીતે સેમસન વર્તમાન ચક્ર એટલે કે 2027 સિઝન સુધી રોયલ્સ માટે પ્રતિબદ્ધ રહેશે. કોઈ પણ ફ્રેન્ચાઈઝી માટે માર્કી પ્લેયરને રિલીઝ કરવું આસાન હોતું નથી.

રોયલ્સ મેનેજમેન્ટ વિકલ્પો શોધી રહ્યું છે

રોયલ્સ મેનેજમેન્ટ સક્રિય પણે વિકલ્પોની શોધ કરી રહ્યું છે. ફ્રેન્ચાઇઝીએ સંભવિત ટ્રેડમાં રુચિનું મૂલ્યાંકન કરવા માટે ટીમોનો સંપર્ક કર્યો છે. કેટલાક લોકો સાથે પ્રારંભિક વાતચીત પણ થઈ છે. સેમસનના નજરિયાને સમજવું પણ મુશ્કેલ નથી. કેપ્ટન તરીકે તેણે પોતાનો બેટીંગ ઓર્ડર પસંદ કરવાની સ્વતંત્રતાની અપેક્ષા રાખી હોત. તેને ઇનિંગ્સની શરૂઆત કરવી ગમે છે. ભારતની ટી-20 ટીમમાં તેની આ જ ભૂમિકા છે.

આ પણ વાંચો – શુભમન ગિલ, ઐયર અને સાંઇ સુદર્શન ઇન, એશિયા કપ 2025 માટે આવી હોઇ શકે છે ભારતીય ટીમ

જોકે ગત સિઝનની મધ્યમાં રોયલ્સે યશસ્વી જયસ્વાલ અને વૈભવ સૂર્યવંશીના રૂપમાં મજબૂત ઓપનિંગ જોડી બનાવી હતી. બંને આગામી સિઝનમાં પણ ઓપનિંગ કરતા જોવા મળી શકે છે. જોકે સેમસન અને રોયલ્સ વચ્ચેના મતભેદોનું આ એકમાત્ર કારણ નથી.

ઓલ કેશ વન વે ટ્રેડ શક્ય નથી

કેટલીક ફ્રેન્ચાઇઝીઓએ સેમસનને કરારબદ્ધ કરવામાં રસ દાખવ્યો છે પરંતુ કોઈએ પણ રોયલ્સ મેનેજમેન્ટને સ્વીકાર્ય ટ્રેડની ઓફર કરી નથી. ચેન્નાઈ સુપર કિંગ્સે ખુલ્લેઆમ રસ દાખવ્યો છે પરંતુ નીતિની બાબતમાં તેઓ તેમના ખેલાડીઓને રિલીઝ કરવા તૈયાર નથી. આનાથી સીધા ટ્રેડની સંભાવના દૂર થાય છે. સેમસન 18 કરોડ રૂપિયાનો ખેલાડી છે. આવી સ્થિતિમાં રોયલ્સ માટે ઓલ-કેશ વન-વે ટ્રેડ શક્ય નથી.

બોલ રોયલ્સની કોર્ટમાં છે

એમએસ ધોની અને રુતુરાજ ગાયકવાડ હાલમાં ચેન્નાઇમાં છે. એવું મનાય છે કે ટોચના ખેલાડીઓ અને મેનેજમેન્ટ ઓફિસિઅલ્સ વચ્ચે મિટિંગો થઈ ચૂકી છે. જોકે સેમસનના મુદ્દે ચર્ચા થઈ હતી કે નહીં તે સ્પષ્ટ થઈ શક્યું નથી. સીએસકેના અધિકારીઓનું કહેવું છે કે તેમના માટે એકમાત્ર વિકલ્પ હરાજીમાં નસીબ અજમાવવાનો હોઈ શકે છે. અન્ય ફ્રેન્ચાઈઝીની પણ આવી જ સ્થિતિ છે. તે સેમસનને સાથે જોડવા માંગે છે, પરંતુ વિકેટકીપર-બેટ્સમેનના અનુભવ, કદ અને કુશળતાને ધ્યાનમાં રાખીને ટ્રેડ ડીલ રજૂ કરવામાં અસમર્થ છે. બોલ હવે રોયલ્સની કોર્ટમાં છે.

એશિયા કપ 2025માં ભારતને પાકિસ્તાન, યુએઈ અને ઓમાન સાથે ગ્રુપ-એ માં સ્થાન આપવામાં આવ્યું છે. જ્યારે ગ્રુપ બી માં શ્રીલંકા, બાંગ્લાદેશ અને હોંગકોંગની ટીમો છે. ભારત 9 સપ્ટેમ્બરે યુએઈ સામે, 14 સપ્ટેમ્બરે પાકિસ્તાન સામે અને 19 સપ્ટેમ્બરે ઓમાન સામે ટૂર્નામેન્ટ રમશે. બે ગ્રુપમાં પોઈન્ટ ટેબલમાં ટોપ 2 ટીમ સુપર 4માં જશે અને ત્યાર બાદ રાઉન્ડ રોબિન ફોર્મેટમાં તમામ ટીમો આમને-સામને ટકરાશે અને ટોચની 2 ટીમ ફાઈનલ રમશે.

સૂર્યકુમાર યાદવ, પંતની ફિટનેસ પર શંકા

ટી-20 વર્લ્ડકપ પણ હવે દૂર નથી તેથી બીસીસીઆઇ આ ટૂર્નામેન્ટ માટે બેસ્ટ ટીમની જાહેરાત કરશે. જોકે કેપ્ટન સૂર્યકુમાર યાદવ એશિયા કપ માટે ફિટ રહેશે કે નહીં તે અંગે કોઈ સ્પષ્ટતા કરવામાં આવી નથી, પરંતુ એશિયા કપ માટે જસપ્રીત બુમરાહને આરામ આપવામાં આવી શકે છે. જો આ બંને ખેલાડીઓ એશિયા કપ 2025માં નહીં રમે તો તેઓ ચોક્કસપણે ટી-20 વર્લ્ડ કપ ટીમનો હિસ્સો બની શકે છે.

શ્રેયસ ઐયર પરત ફરી શકે છે

પીટીઆઈના રિપોર્ટ અનુસાર શુભમન ગિલ, યશસ્વી જયસ્વાલ અને સાઈ સુદર્શનને એશિયા કપની ટીમમાં સામેલ કરવામાં આવી શકે છે. સાથે જ આ ટૂર્નામેન્ટ માટે શ્રેયસ ઐયરને પણ ભારતીય ટીમમાં સામેલ કરવામાં આવી શકે છે, જેણે ભૂતકાળમાં ટી-20 ક્રિકેટમાં સારું પ્રદર્શન કર્યું છે. આ ઉપરાંત સંજુ સેમસન, તિલક વર્મા, રિંકુ સિંહ, ધ્રુવ જુરેલ ભારતીય બેટીંગ લાઈનઅપને વધુ મજબુત બનાવતા જોવા મળી શકે છે.

આ પણ વાંચો – ICC ટેસ્ટ રેન્કિંગ : સિરાજ લાંબી છલાંગ લગાવી આ સ્થાન પર પહોંચ્યો, યશસ્વી જયસ્વાલની ટોપ 5 માં એન્ટ્રી

ઋષભ પંતના રમત પર સસ્પેન્સ

ઋષભ પંતને ઈંગ્લેન્ડ સામેની ટેસ્ટ શ્રેણી દરમિયાન જમણા પગમાં ઈજા થઈ હતી. તેથી તે સમયસર ફિટ થઈ શકે છે કે નહીં, તે પણ જોવાનું રહેશે. એશિયા કપ માટે ઓલરાઉન્ડર તરીકે હાર્દિક પંડયા, અક્ષર પટેલ અને વોશિંગ્ટન સુંદરને ટીમમાં સામેલ કરવામાં આવી શકે છે, જ્યારે બોલિંગ યુનિટમાં અર્શદીપ સિંહ, પ્રસિદ્ધ ક્રિષ્ના, મોહમ્મદ સિરાજને ફાસ્ટ બોલર તરીકે જોઇ શકાય છે જ્યારે કુલદીપ યાદવ અને વરુણ ચક્રવર્તી સ્પિનની જવાબદારી સંભાળતા જોઇ શકાય છે.

એશિયા કપ 2025 માટે ભારતની સંભવિત ટીમ

શુભમન ગિલ, યશસ્વી જયસ્વાલ, સાઈ સુદર્શન, શ્રેયસ ઐયર, સંજુ સેમસન, તિલક વર્મા, રિંકુ સિંહ, ધ્રુવ જુરેલ, હાર્દિક પંડ્યા, અક્ષર પટેલ, વોશિંગ્ટન સુંદર, પ્રસિદ્ધ ક્રિષ્ના, અર્શદીપ સિંહ, કુલદીપ યાદવ, વરુણ ચક્રવર્તી, મોહમ્મદ સિરાજ.

મોહમ્મદ સિરાજે શ્રેષ્ઠ ટેસ્ટ રેન્કિંગ મેળવ્યું

ઈંગ્લેન્ડ સામેની આખરી ટેસ્ટ મેચમાં 9 વિકેટ અને શ્રેણીમાં 23 વિકેટ ઝડપનારા સિરાજ આઇસીસી રેન્કિંગમાં કારકિર્દીના સર્વશ્રેષ્ઠ 15મા સ્થાને પહોંચી ગયો છે. આ પહેલા સિરાજ 27માં સ્થાને હતો અને તેને 12 સ્થાનનો ફાયદો થયો છે. આ પહેલા સિરાજ જાન્યુઆરી 2024માં 16માં સ્થાને પહોંચી ગયો હતો. આ ઉપરાંત પ્રસિદ્ધ ક્રિષ્નાએ પોતાની ટેસ્ટ કારકિર્દીનું સર્વશ્રેષ્ઠ 59મું રેન્કિંગ મેળવ્યું છે. બુમરાહ રેન્કિંગમાં નંબર-1 પર છે જ્યારે જાડેજા હવે 17મા સ્થાને છે.

યશસ્વી જયસ્વાલ 5માં સ્થાને પહોંચ્યો

ટેસ્ટ બેટિંગ રેન્કિંગમાં જો રૂટે સતત ત્રણ સદી સાથે પોતાનું પ્રથમ સ્થાન મજબૂત કર્યું છે. જ્યારે હેરી બ્રૂક ભારત બીજા સ્થાને આવી ગયો છે. તેણે ભારત સામેની પાંચમી ટેસ્ટમાં સદી ફટકારી હતી. ભારતીય ઓપનર યશસ્વી જયસ્વાલ ઓવલમાં બીજી ઈનિંગમાં 118 રનની ઈનિંગ રમ્યા બાદ 5માં ક્રમે પહોંચી ગયો છે.

ટેસ્ટ બેટ્સમેનોના રેન્કિંગમાં ઋષભ પંત 8માં ક્રમે છે, જ્યારે ઈંગ્લેન્ડ સામેની ટેસ્ટ શ્રેણીમાં સૌથી વધુ રન ફટકારનારો ભારતીય ટેસ્ટ કેપ્ટન શુભમન ગિલ 13મા સ્થાને છે. બેટીંગ રેન્કિંગમાં હાલ ટોપ-10માં ભારતના યશસ્વી જયસ્વાલ અને ઋષભ પંત છે, જ્યારે બુમરાહ હાલમાં બોલિંગ રેન્કિંગમાં ટોપ-10માં સ્થાન ધરાવે છે. શુભમન ગિલને તાજેતરના રેન્કિંગમાં ચાર સ્થાનનું નુકસાન થયું છે. જ્યારે પંતને એક સ્થાનનું નુકસાન થયું છે.

આ પણ વાંચો – ભારત વિ ઇંગ્લેન્ડ શ્રેણીમાં બન્યા 7187 રન, 14 વખત 300નો આંકડો વટાવ્યો, જુઓ ખાસ ફેક્ટ્સ

ટેસ્ટમાં ટોપ 5 બેટિંગ રેન્કિંગ

• જો રુટ (ઇંગ્લેન્ડ) – 908 રેટિંગ
• હેરી બ્રુક (ઇંગ્લેન્ડ) – 868 રેટિંગ
• કેન વિલિયમ્સન (ન્યૂઝીલેન્ડ) – 858 રેટિંગ
• સ્ટિવ સ્મિથ (ઓસ્ટ્રેલિયા) – 816 રેટિંગ
• યશસ્વી જયસ્વાલ (ભારત) – 792 રેટિંગ

ટેસ્ટમાં ટોપ 5 બોલિંગ રેન્કિંગ

• જસપ્રીત બુમરાહ (ભારત) – 889 રેટિંગ
• કાગિસો રબાડા (દક્ષિણ આફ્રિકા) – 851 રેટિંગ
• પેટ કમિન્સ (ઓસ્ટ્રેલિયા)- 838 રેટિંગ
• મેટ હેનરી (ન્યૂઝીલેન્ડ) – 817 રેટિંગ
• જોશ હેઝલવુડ (ઓસ્ટ્રેલિયા)- 815 રેટિંગ

મોહમ્મદ સિરાજે 5 ટેસ્ટની શ્રેણીમાં સૌથી વધુ વિકેટ ઝડપી

મોહમ્મદ સિરાજે ભારત વિરુદ્ધ ઇંગ્લેન્ડની 5 ટેસ્ટની શ્રેણીમાં સૌથી વધુ વિકેટ ઝડપી હતી. તે અને ક્રિસ વોક્સ એવા બે બોલરો હતા જે શ્રેણીની તમામ મેચ રમ્યા હતા. ભૂતપૂર્વ ભારતીય ક્રિકેટર સુનીલ ગાવસ્કરે મોહમ્મદ સિરાજના વર્કલોડની પ્રશંસા કરી છે. સુનીલ ગાવસ્કરનું માનવું છે કે મોહમ્મદ સિરાજે ‘વર્કલોડ બોજ’ જેવી બાબતોને ફગાવી દીધી હતી.

ઈન્ડિયા ટુડે સાથે વાત કરતા સુનીલ ગાવસ્કરે કહ્યું કે હંમેશા એવું કહેવામાં આવે છે કે બોલર્સ મેચ જીતાડે છે, પરંતુ ખરી વાત એ છે કે તમારે રન પણ બનાવવાના હોય છે. તેથી ભારતે રન ન બનાવ્યા હોવાથી બે મેચ હારી ગયા હતા. મને લાગે છે કે સિરાજે સખત બોલિંગ કરી હતી અને તેણે વર્કલોડના આ ભારને કાયમ માટે આઉટ કર્યો હતો.

વર્કલોડ માત્ર માનસિક બાબત છે, શારીરિક નથી – ગાવસ્કર

સુનીલ ગાવસ્કરે કહ્યું કે હું આશા રાખું છું કે ભારતીય ક્રિકેટ શબ્દકોશમાંથી ‘વર્કલોડ’ શબ્દ નીકળી જશે. હું ઘણા સમયથી આ કહી રહ્યો છું. તેણે 5 ટેસ્ટ મેચોમાં સતત 6 ઓવર, 7 ઓવર, 8 ઓવરનો સ્પેલ ફેંક્યો હતો કારણ કે કેપ્ટન એવું જ ઇચ્છતો હતો અને દેશને તેની પાસેથી અપેક્ષા હતી. મને લાગે છે કે આ એક જ બાબત છે જે આપણે સૌએ ધ્યાનમાં રાખવી જોઈએ કે આ વર્કલોડ માત્ર માનસિક બાબત છે, શારીરિક નથી.

આ પણ વાંચો – ઐતિહાસિક જીત બાદ મેચના હીરો મોહમ્મદ સિરાજે કહી આવી વાત, તમને પણ મળશે પ્રેરણા

સુનીલ ગાવસ્કરે એમ પણ કહ્યું હતું કે જો તમે વર્કલોડની વાત કરનારાઓ સામે ઝુકી જશો તો તમારા શ્રેષ્ઠ ખેલાડીઓ ક્યારેય મેદાન પર નહીં આવી શકે. તમારે તેમને એવી સ્થિતિમાં મુકવા પડશે જ્યાં તમે કહો છો, ‘નમસ્તે, તમે તમારા દેશ માટે રમી રહ્યા છો અને જ્યારે તમે તમારા દેશ માટે રમી રહ્યા છો, ત્યારે તમારે તમારા સ્નાયુઓના દુ:ખાવાને ભૂલી જવું જોઈએ.

સુનીલ ગાવસ્કરે કહ્યું કે દેશની સરહદ પર તમારો આ જ મતલબ છે. શું તમને લાગે છે કે જવાનો ઠંડીની ફરિયાદ કરે છે અથવા પરિસ્થિતિ શું છે? તેઓ ત્યાં દેશ માટે પોતાનું જીવન આપવા માટે છે. દેશ માટે તમારું શ્રેષ્ઠ આપો. દુર્ઘટનાના પીડાની ચિંતા કરશો નહીં. ઋષભ પંતે તનને શું બતાવ્યું? તે ફ્રેક્ચર સાથે બેટિંગ કરવા આવ્યો હતો. તમે તમારી ટીમ પાસેથી આ જ અપેક્ષા રાખો છો.

ભારત વિ ઇંગ્લેન્ડ ટેસ્ટ શ્રેણી ખાસ ફેક્ટ્સ

• ટેસ્ટ શ્રેણીમાં ભારત અને ઇંગ્લેન્ડની ટીમે મળીને કુલ મળીને 7187 રન બનાવ્યા છે. આ કોઇપણ ટેસ્ટ શ્રેણીમાં બીજા નંબરના સૌથી વધારે રન છે.

• જ્યારે ભારતે ઘરની બહાર કોઇ ટેસ્ટ શ્રેણીની પાંચમી મેચ જીતી હોય તેવું પ્રથમ વખત બન્યું છે.

• ઇંગ્લેન્ડે 2018માં ઘરેલું મેદાન પર 4-1થી જીત પછી (2 ભારત, 2 ડ્રો) ભારત સામે કોઇપણ ટેસ્ટ શ્રેણી જીતી નથી.

• ભારત અને ઇંગ્લેન્ડની ટેસ્ટ શ્રેણીમાં 15 વખત ટીમોએ 300 કે તેનાથી વધારે રનનો આંકડો પાર કર્યો હતો.

• ભારત અને ઇંગ્લેન્ડ ટેસ્ટ શ્રેણીમાં બન્ને ટીમના ખેલાડીઓએ 50 વખત અડધી સદીથી વધારે રન બનાવ્યા.

• ભારત અને ઇંગ્લેન્ડ ટેસ્ટ શ્રેણીમાં બન્ને ટીમોના ખેલાડીઓ તરફથી કૂલ 21 સદી ફટકારી.

• ભારત અને ઇંગ્લેન્ડ ટેસ્ટ શ્રેણીમાં બન્ને ટીમો તરફથી સર્વાધિક 19 સદીની ભાગીદારી નોંધાઇ.

• ભારત અને ઇંગ્લેન્ડના 8 બેટ્સમેનોએ (શુભમન ગિલ, જો રુટ, કેએલ રાહુલ, રવિન્દ્ર જાડેજા, હેરી બ્રુક, ઋષભ પંત, બેન ડકેટ, જેમી સ્મિથ, યશસ્વી જયસ્વાલે) શ્રેણીમાં 400થી વધારે રન બનાવ્યા.

આ પણ વાંચો – ઐતિહાસિક જીત બાદ મેચના હીરો મોહમ્મદ સિરાજે કહી આવી વાત, તમને પણ મળશે પ્રેરણા

• શુભમન ગિલે 5 ટેસ્ટની 10 ઇનિંગ્સમાં 75.40ની એવરેજથી 754 રન બનાવ્યા. જેમાં 4 સદી ફટકારી હતી.

• જો રુટે 5 ટેસ્ટની 9 ઇનિંગ્સમાં 67.12ની એવરેજથી 537 રન બનાવ્યા. જેમાં 3 સદી ફટકારી છે.

ઇંગ્લેન્ડમાં એક ટેસ્ટ શ્રેણીમાં ભારત તરફથી સર્વાધિક વિકેટ

• 23 વિકેટ – જસપ્રીત બુમરાહ, 2021-22
• 23 વિકેટ – મોહમ્મદ સિરાજ – 2025
• 19 વિકેટ – ભુવનેશ્વર કુમાર – 2014

ઇંગ્લેન્ડના સૌથી લોએસ્ટ પરાજય (રન પ્રમાણે)

• 1 રન – વિ ન્યૂઝીલેન્ડ, 2023
• 3 રન – વિ ઓસ્ટ્રેલિયા, 1902
• 6 રન – વિ ઓસ્ટ્રેલિયા, 1885
• 6 રન – વિ ભારત, 2025

જીત પછી મોહમ્મદ સિરાજે કહ્યું – પોતાના પર વિશ્વાસ હતો

પાંચમી ટેસ્ટમાં વિજય પછી મોહમ્મદ સિરાજે કહ્યું કે હું સવારે ઉઠ્યો અને મારા ફોન પર ગુગલ ચેક કર્યું. આ પછી મેં બિલીવ ઇમોજી વોલપેપર કાઢ્યું અને પોતાને કહ્યું કે હું દેશ માટે આ કરીશ. મારો એક જ પ્લાન હતો કે બોલને યોગ્ય જગ્યાએ ફેંકવાનો છે. તેનાથી કોઇ કરક પડતો નથી કે વિકેટ મળે કે રન જાય. ગુમાવવામાં આવે તેનાથી કોઈ ફરક પડતો નથી.

રવિવારે ચોથા દિવસે 19 રનના સ્કોર પર સદી ફટકારનાર હેરી બ્રુકનો કેચ છોડવા વિશે પૂછવામાં આવ્યું ત્યારે સિરાજે કહ્યું કે જ્યારે મેં બોલ પકડ્યો ત્યારે મને લાગ્યું ન હતું કે હું બાઉન્ડ્રીને અડી જઇશ. આ મેચ બદલનારી ક્ષણ હતી. બ્રુક ટી 20 શૈલીમાં બેટિંગ કરી રહ્યો હતો. પરંતુ મને હંમેશા મારા પોતાના પર વિશ્વાસ હતો કે હું ટીમને જીત અપાવી શકીશ.

આ પણ વાંચો – ભારતે ઓવલમાં વિજયી ધ્વજ લહેરાવ્યો, ટીમ ઇન્ડિયાના ટેસ્ટ ઇતિહાસમાં આવી ઘટના પ્રથમ વખત બની

આ દરમિયાન જ્યારે મોહમ્મદ સિરાજને લોર્ડ્સમાં જાડેજા સાથે છેલ્લી વિકેટ માટે બેટિંગ કરવા વિશે પૂછવામાં આવ્યું ત્યારે સિરાજે કહ્યું કે જડ્ડુ ભાઈએ બેટના મધ્ય ભાગથી રમવાનું કહ્યું હતું અને એક બીજી વાત કહી હતી કે તમારા પિતા વિશે વિચારો જે આટલી મહેનત કરીને અહીં પહોંચ્યા છો.

સિરાજે શ્રેણીમાં 23 વિકેટ ઝડપી

સિરાજે ઇંગ્લેન્ડ સામેની ટેસ્ટ શ્રેણીમાં શાનદાર પ્રદર્શન કર્યું હતું. શ્રેણીમાં સૌથી વધારે કુલ 23 વિકેટ ઝડપી હતી. બેસ્ટ પ્રદર્શન 70 રનમાં 6 વિકેટ રહ્યું હતું. બુમરાહ ફક્ત ત્રણ જ ટેસ્ટ રમ્યો હતો. જેથી સિરાજ પણ વધારે ભાર હતો. તેણે શ્રેણીમાં 185.3 ઓવર બોલિંગ કરી હતી.

સિરાજે ડિસેમ્બર 2020માં ઓસ્ટ્રેલિયા સામે મેલબોર્નમાં ટેસ્ટ ડેબ્યૂ કર્યું હતું. તેણે અત્યાર સુધીમાં 41 મેચમાં 123 વિકેટ ઝડપી છે. બેસ્ટ બોલિંગ પ્રદર્શન 15 રનમાં 6 વિકેટ છે. પાંચ વખત પાંચ વિકેટ ઝડપી છે.

આ જીત સાથે જ ભારતે શ્રેણીમાં 2-2થી બરાબરી કરી લીધી હતી. આ સિવાય વર્લ્ડ ટેસ્ટ ચેમ્પિયનશિપ 2025-27ના પોઇન્ટ ટેબલમાં પણ ઇંગ્લેન્ડને પાછળ રાખી આગળ નીકળી ગયું છે. ઈંગ્લેન્ડને હરાવ્યા પહેલા ભારતીય ટીમ પોઈન્ટ ટેબલમાં પહેલા ચોથા સ્થાન પર હતી, જે ત્રીજા નંબરે આવી ગઇ છે. ઈંગ્લેન્ડની ટીમ ત્રીજા નંબર પર હતી, જે ચોથા નંબર આવી ગઇ છે.

ભારતીય ટીમને ફાયદો થયો

વર્લ્ડ ટેસ્ટ ચેમ્પિયનશિપ 2025-27ના ચક્રમાં ભારત અત્યાર સુધીમાં 5 મેચ રમ્યું છે, જેમાં 2 મેચમાં જીત મેળવી છે અને બે મેચમાં પરાજયનો સામનો કરવો પડ્યો છે અને એક મેચ ડ્રો રહી છે. ભારતના હવે 28 પોઇન્ટ થઇ ગયા છે, જ્યારે તેની જીતની ટકાવારી વધીને 46.67 થઇ ગઇ છે અને ટીમ ત્રીજા સ્થાને આવી ગઇ છે.

આ પણ વાંચો – ભારતે ઓવલમાં વિજયી ધ્વજ લહેરાવ્યો, ટીમ ઇન્ડિયાના ટેસ્ટ ઇતિહાસમાં આવી ઘટના પ્રથમ વખત બની

ઈંગ્લેન્ડની વાત કરીએ તો આ ટીમે અત્યાર સુધી રમાયેલી 5 મેચમાંથી 2માં જીત મેળવી છે, 2 મેચમાં પરાજય થયોછે અને એક મેચ ડ્રો રહી છે. ઈંગ્લેન્ડના હવે કુલ 26 પોઈન્ટ અને જીતની ટકાવારી 43.33 થઈ ગઈ છે. આ ટીમ હવે ચોથા સ્થાને આવી ગઈ છે.

વર્લ્ડ ટેસ્ટ ચેમ્પિયનશિપ પોઇન્ટટેબલ 2025-2027

વર્લ્ડ ટેસ્ટ ચેમ્પિયનશિપમાં ઓસ્ટ્રેલિયા પ્રથમ સ્થાને

અત્યાર સુધી ઓસ્ટ્રેલિયાની ટીમ આ ટેબલમાં પ્રથમ સ્થાને છે. તે 3 ટેસ્ટ રમ્યું છે અને ત્રણેયમાં જીત સાથે ટીમના 36 પોઇન્ટ છે. જ્યારે જીતની ટકાવારી 100 છે. શ્રીલંકા બીજા સ્થાને છે, જેણે બે મેચ રમ્યું છે. જેમાં એક મેચ જીત મેળવી છે અને મેચ ડ્રો રહી છે. આ ટીમના 16 પોઇન્ટ અને જીતની ટકાવારી 66.67 છે. બાંગ્લાદેશ હાલમાં પાંચમા નંબર પર છે જ્યારે વેસ્ટ ઇન્ડીઝની ટીમ છઠ્ઠા નંબર પર છે.

6 રને વિજય મેળવી ભારતે પોતાના ટેસ્ટ ક્રિકેટના ઇતિહાસમાં રનની દ્રષ્ટીએ સૌથી સ્મોલેસ્ટ વિજય મેળવ્યો છે. આ પહેલા ભારતનો સૌથી સ્મોલેસ્ટ વિજય 13 રનનો હતો. જે ઓસ્ટ્રેલિયા સામે મુંબઈના વાનખેડે સ્ટેડિયમમાં 2004માં મેળવ્યો હતો. ભારતે ટેસ્ટમાં પ્રથમ વખત સિંગલ ડિજિટમાં રનથી વિજય મેળવ્યો છે.

ટેસ્ટમાં ભારતના સૌથી ઓછા રનથી વિજય

• 6 રન – વિ ઇંગ્લેન્ડ, ઓવલ, 2025
• 13 રન – વિ ઓસ્ટ્રેલિયા, વાનખેડે, 2004
• 28 રન – વિ ઇંગ્લેન્ડ, કોલકાતા, 1972
• 31 રન – વિ ઓસ્ટ્રેલિયા, એડિલેડ, 1978
• 37 રન – વેસ્ટ ઇન્ડીઝ, પોર્ટ ઓફ સ્પેન, 2002

આ પણ વાંચો – ભારત વિ ઇંગ્લેન્ડ પાંચમી ટેસ્ટનો રોમાંચ લાઇવ અહીં જુઓ

ટેસ્ટ ક્રિકેટમાં સૌથી ઓછા રનથી વિજયનો રેકોર્ડ વેસ્ટ ઇન્ડીઝ અને ન્યૂઝીલેન્ડના નામે

ટેસ્ટ ક્રિકેટના ઇતિહાસમાં સૌથી ઓછા રનથી વિજયના રેકોર્ડની વાત કરવામાં આવે તો વેસ્ટ ઇન્ડીઝ અને ન્યૂઝીલેન્ડ પ્રથમ સ્થાને છે. બન્ને ટીમોએ માત્ર 1-1 રનથી વિજય મેળવેલો છે. વેસ્ટ ઇન્ડીઝે ઓસ્ટ્રેલિયા સામે 1993માં 1 રનથી વિજય મેળવ્યો હતો. જ્યારે ન્યૂઝીલેન્ડે ઇંગ્લેન્ડ સામે 2023માં 1 રનથી વિજય મેળવ્યો હતો.

પાંચમાં અને અંતિમ દિવસે ઇંગ્લેન્ડને જીતવા માટે 35 રનની જરુર હતી અને ભારતને 4 વિકેટની જરુર હતી. પાંચમાં દિવસે મોહમ્મદ સિરાજે 3 વિકેટ અને ક્રિષ્નાએ 1 વિકેટ ઝડપી ભારતને ઐતિહાસિક જીત અપાવી હતી.

છેલ્લા દિવસે ઇંગ્લેન્ડને 35 રનની જરૂર હતી, જ્યારે તેમની પાસે 4 વિકેટ બાકી હતી. ભારત માટે મોહમ્મદ સિરાજે શાનદાર બોલિંગ કરી અને ટીમ ઇન્ડિયાને જીત અપાવવામાં સૌથી મોટો હીરો સાબિત થયો છે. ભારતે છેલ્લી ઇનિંગમાં ઇંગ્લેન્ડને 374 રનનો ટાર્ગેટ આપ્યો હતો. તમને જણાવી દઈએ કે અગાઉ ભારતીય ટીમે યુવા શુભમન ગિલની કેપ્ટનશીપમાં એજબેસ્ટનમાં ઇંગ્લેન્ડની ટીમને હરાવી હતી, જ્યારે માન્ચેસ્ટર ટેસ્ટ ડ્રો રહી હતી.

ચોથા દિવસની રમતના અંત સુધીમાં ઇંગ્લેન્ડે 76.2 ઓવરમાં 6 વિકેટ ગુમાવીને 339 રન બનાવી લીધા હતા. વરસાદને કારણે રમત વહેલી સમાપ્ત કરવી પડી હતી. છેલ્લા દિવસે ભારતીય ટીમને જીતવા માટે 4 વિકેટની જરૂર હતી, જ્યારે ઇંગ્લેન્ડને 35 રનની જરૂર હતી.

જોકે 78મી ઓવરના ત્રીજા બોલ પર મોહમ્મદ સિરાજનો એક અદ્ભુત બોલ જેમી સ્મિથના બેટની ધારથી વિકેટકીપર ધ્રુવ જુરેલ સુધી પહોંચ્યો અને તેણે તેને કેચ કરવામાં કોઈ ભૂલ કરી નહીં. જ્યારે થર્ડ અમ્પાયરે જેમીને આઉટ જાહેર કર્યો, ત્યારે ટીમ ઈન્ડિયાનો ઉજવણી જોવા લાયક હતી. સ્ટેડિયમમાં તેના ચાહકો પણ નાચી રહ્યા હતા. મોહમ્મદ સિરાજે બીજું એક અદ્ભુત કામ કર્યું. 80 મી ઓવરમાં તેણે જેમી ઓવરટનનો શિકાર કર્યો, જે LBW આઉટ થયો હતો. અહીં પણ થર્ડ અમ્પાયરે નિર્ણય આપ્યો. આ પછી પ્રસિદ્ધ કૃષ્ણાએ અદ્ભુત કામ કર્યું અને ટંના સ્ટમ્પ ઉખેડી નાખ્યા.

આ પણ વાંચો: પાંચમી ટેસ્ટમાં ભારતનો રોમાંચક વિજય, શ્રેણી 2-2થી ડ્રો, સિરાજ બન્યો હીરો

આ પછી ઘાયલ ક્રિસ વોક્સ એક હાથે બેટિંગ કરવા માટે મેદાન પર પહોંચ્યો. અહીંનું દૃશ્ય ઋષભ પંત જેવું જ હતું, જે છેલ્લી મેચમાં મેદાનમાં લંગડાતો આવોયા હતો અને અડધી સદી ફટકારી હતી. આ દરમિયાન ગુસ એટકિન્સને એક શોટ રમ્યો, જેને આકાશ દીપ બાઉન્ડ્રી પર પકડી શક્યો નહીં અને બોલ બાઉન્ડ્રી લાઇનની બહાર 6 રન માટે ગયો. આ તે ક્ષણ હતી જ્યારે ભારતીય ચાહકો અવાચક થઈ ગયા. જ્યારે પ્રસિદ્ધ કૃષ્ણાએ ટંગને આઉટ કર્યો ત્યારે ભારતીય ટીમ વિજયની ઉજવણીમાં ડૂબી ગઈ. મોહમ્મદ સિરાજે બીજી ઇનિંગમાં 5 વિકેટ લીધી જ્યારે પ્રસિદ્ધ કૃષ્ણાએ 4 વિકેટ લીધી, એક વિકેટ આકાશ દીપને મળી.

ભારત વિ ઈંગ્લેન્ડ ટેસ્ટ સિરીઝમાં કઈ મેચમાં શું થયું?

પહેલી ટેસ્ટ મેચ 20 જૂનથી 24 જૂન સુધી હેડિંગ્લી, લીડ્સ ખાતે રમાઈ હતી. આ મેચમાં ઈંગ્લેન્ડે ભારતને 5 વિકેટથી હરાવ્યું હતું. જ્યારે બીજી ટેસ્ટ મેચ 2 જુલાઈથી 6 જુલાઈ સુધી એજબેસ્ટન, બર્મિંગહામ ખાતે રમાઈ હતી. આ મેચમાં ભારતે શાનદાર વાપસી કરી અને ઈંગ્લેન્ડને 336 રનના મોટા માર્જિનથી હરાવ્યું. આ રીતે શ્રેણી 1-1થી બરાબર થઈ ગઈ.

આ પછી ત્રીજી ટેસ્ટ મેચ 10 જુલાઈથી 14 જુલાઈ સુધી ક્રિકેટના મક્કા તરીકે ઓળખાતા લોર્ડ્સ, લંડન ખાતે રમાઈ હતી. તે એક રોમાંચક મેચ હતી જેમાં ઈંગ્લેન્ડે ભારતને માત્ર 22 રનથી હરાવ્યું હતું. ચોથી ટેસ્ટ મેચ 23 જુલાઈથી 27 જુલાઈ સુધી માન્ચેસ્ટરના એમિરેટ્સ ઓલ્ડ ટ્રેફોર્ડ ખાતે રમાઈ હતી. આ મેચ ખૂબ જ મુશ્કેલ હતી અને મેચ ડ્રોમાં સમાપ્ત થઈ હતી.

અંતિમ દિવસે ઇંગ્લેન્ડને જીતવા માટે 35 રનની જરુર હતી અને ભારતને 4 વિકેટની જરુર હતી. પાંચમાં દિવસે મોહમ્મદ સિરાજે 3 વિકેટ અને ક્રિષ્નાએ 1 વિકેટ ઝડપી હતી.

બન્ને ટીમો આ પ્રમાણે છે

ભારત : યશસ્વી જયસ્વાલ, કેએલ રાહુલ, સાઇ સુદર્શન, શુભમન ગિલ (કેપ્ટન), કરુણ નાયર, ધ્રુવ જુરેલ, રવિન્દ્ર જાડેજા, વોશિંગ્ટન સુંદર, મોહમ્મદ સિરાજ, આકાશદીપ, પ્રસિદ્ધ કૃષ્ણા.

ઇંગ્લેન્ડ : ઝેક ક્રોલી, ⁠બેન ડકેટ, ⁠ઓલી પોપ (કેપ્ટન), ⁠જો રૂટ, ⁠હેરી બ્રુક, ⁠જેમી સ્મિથ, જેકોબ બેથેલ, ક્રિસ વોક્સ, ગસ એટકિંસન, જેમી ઓવરટન, જોશ ટંગ.

બેન ડકેટ 34 રન બનાવીને ક્રીઝ પર ઉભો છે. ઇંગ્લેન્ડને જીતવા માટે હજુ 35 રનની જરૂર છે. બીજી ઇનિંગમાં સમગ્ર ભારતીય ટીમ 396 રન બનાવીને ઓલઆઉટ થઈ ગઈ હતી. ભારત તરફથી યશસ્વી જયસ્વાલે સદી ફટકારી હતી, જ્યારે આકાશદીપે 66 અને વોશિંગ્ટન સુંદરે 53 રનનું યોગદાન આપ્યું હતું.

આ પણ વાંચો: હેરી બ્રુકે ભારત સામે આટલા બોલમાં સદી ફટકારી, રોહિત અને ગિલની બરાબરી કરી

હાલમાં ગ્રાઉન્ડ સ્ટાફ મેદાનમાં સફાઈ કામ કરી રહ્યા છે. જોકે વરસાદ હવે લગભગ સંપૂર્ણપણે બંધ થઈ ગયો છે અને અમ્પાયરો પણ બહાર નીકળી ગયા છે. તમને જણાવી દઈએ કે આજે ઓવેલમાં વરસાદની આગાહી કરવામાં આવી હતી, જોકે આજે રમત માટે હજુ દોઢ કલાક બાકી છે, જો પરિણામ શક્ય તો આવી શકે છે.

બ્રુકે માત્ર 91 બોલમાં સદી ફટકારી

હેરી બ્રુકે ભારત સામે પાંચમી ટેસ્ટ મેચમાં માત્ર 91 બોલમાં ઝડપી ગતિએ રન બનાવીને સદી ફટકારી છે. આ સાથે તે ઇંગ્લેન્ડ માટે ભારત સામે ટેસ્ટ સદી ફટકારનાર ત્રીજો સૌથી ઝડપી બેટ્સમેન બની ગયો છે. તેના આગળ જેમી સ્મિથ (80 બોલ) અને બેન ડકેટ (88 બોલ) છે.

રોહિત અને ગિલની બરાબરી કરી

હેરી બ્રુકે પાંચમી ટેસ્ટ મેચમાં 98 બોલમાં 111 રન બનાવ્યા, જેમાં તેના બેટમાંથી 14 ચોગ્ગા અને બે સિક્સર નીકળી છે. તેની વિકેટ આકાશ દીપ દ્વારા લેવામાં આવી હતી. વર્લ્ડ ટેસ્ટ ચેમ્પિયનશિપમાં બ્રુકની આ 9મી સદી છે. આ સાથે તેણે રોહિત શર્મા અને શુભમન ગિલની બરાબરી કરી લીધી છે. આ બંને ખેલાડીઓએ WTC માં પણ 9-9 સદી ફટકારી છે.

આ પણ વાંચો: અમદાવાદનો કારગિલ પેટ્રોલ પંપ કેવી રીતે બની ગયો ઐતિહાસિક

ટેસ્ટ ક્રિકેટમાં ત્રેવડી સદી ફટકારી છે

હેરી બ્રુકે 2022 માં ઇંગ્લેન્ડ ટીમ માટે ટેસ્ટ ડેબ્યૂ કર્યું હતું. ત્યારથી તે ઇંગ્લેન્ડના બેટિંગ ક્રમમાં એક મહત્વપૂર્ણ કડી રહ્યો છે. તેણે અત્યાર સુધી 30 ટેસ્ટ મેચોમાં કુલ 2820 રન બનાવ્યા છે, જેમાં 10 સદી અને 13 અડધી સદી તેના બેટમાંથી આવી છે. તેણે ટેસ્ટમાં ત્રેવડી સદી પણ ફટકારી છે અને તેનો સર્વોચ્ચ સ્કોર 331 રન રહ્યો છે.

હેરી બ્રુક ઉપરાંત બેન ડકેટ મેચમાં 54 રન અને જો રૂટ 98 રન સાથે ક્રીઝ પર હાજર છે. ઇંગ્લેન્ડની ટીમે અત્યાર સુધી ચાર વિકેટ ગુમાવીને 317 રન બનાવ્યા છે. રૂટ અને જેકબ બેથેલ ક્રીઝ પર હાજર છે. ઇંગ્લેન્ડને અહીંથી જીતવા માટે 43 રનની જરૂર છે અને તેની 5 વિકેટ બાકી છે.

ટીમ ઇન્ડિયા 396 રનમાં ઓલઆઉટ

ભારત બીજા દાવમાં 88 ઓવરમાં 396 રનમાં ઓલઆઉટ થયું. ઇંગ્લેન્ડને જીતવા માટે 374 રનનો વિશાળ પડકાર મળ્યો છે. ભારત તરફથ યશસ્વી જયસ્વાલે સદી ફટકારી હતી. જ્યારે રવિન્દ્ર જાડેજા, આકાશદીપ અને વોશિંગ્ટન સુંદરે અડધી સદી ફટકારી હતી. ઇંગ્લેન્ડ તરફથી જોશ ટંગે સૌથી વધારે 5 વિકેટ ઝડપી હતી. ગસ એટકિંસનને 3 અને જેમી ઓવરટનને 2 વિકેટ મળી હતી.

બન્ને ટીમો આ પ્રમાણે છે

ભારત : યશસ્વી જયસ્વાલ, કેએલ રાહુલ, સાઇ સુદર્શન, શુભમન ગિલ (કેપ્ટન), કરુણ નાયર, ધ્રુવ જુરેલ, રવિન્દ્ર જાડેજા, વોશિંગ્ટન સુંદર, મોહમ્મદ સિરાજ, આકાશદીપ, પ્રસિદ્ધ કૃષ્ણા.

ઇંગ્લેન્ડ : ઝેક ક્રોલી, ⁠બેન ડકેટ, ⁠ઓલી પોપ (કેપ્ટન), ⁠જો રૂટ, ⁠હેરી બ્રુક, ⁠જેમી સ્મિથ, જેકોબ બેથેલ, ક્રિસ વોક્સ, ગસ એટકિંસન, જેમી ઓવરટન, જોશ ટંગ.

હવે યુજવેન્દ્ર ચહલે એક ઇન્ટરવ્યૂ આપ્યું છે, જેમાં તેણે પોતાની પર્સનલ લાઇફને લઇને ઘણી વાતો શેર કરી છે. ક્રિકેટરે કહ્યું કે તે અને ધનશ્રી છેલ્લા ઘણા વર્ષોથી તેમના સંબંધોમાં ઘણી સમસ્યાઓનો સામનો કરી રહ્યા હતા. આવી સ્થિતિમાં જ્યારે તેઓએ તેમના સંબંધોનું ભવિષ્ય દેખાયું નહીં, ત્યારે તેઓએ અલગ થવાનો નિર્ણય કર્યો. સાથે જ યુજવેન્દ્રએ એ પણ જણાવ્યું કે આ સમયગાળા દરમિયાન તેને ખૂબ જ મુશ્કેલ સમયમાંથી પસાર થવું પડ્યું હતું.

આ કારણે સંબંધોમાં તિરાડ પડી હતી

ફેમસ પોડકાસ્ટર રાજ શમની સાથેની વાતચીતમાં ચહલે પોતાના જીવન સાથે જોડાયેલી ઘણી વાતો શેર કરી હતી. ચહલે કહ્યું કે આ છેલ્લા ઘણા સમયથી ચાલી રહ્યું છે, પરંતુ અમે નક્કી કર્યું છે કે જ્યાં સુધી બધુ ફાઇનલ ના થાય ત્યાં સુધી અમે દુનિયાને બતાવીશું નહીં. ક્રિકેટરે ધ્યાન દોર્યું હતું કે તે રાષ્ટ્રીય ટીમ તરફથી રમી રહ્યો હતો અને ધનશ્રી પણ તેની કારકિર્દીમાં વ્યસ્ત હતી, તેથી તેઓ એકબીજાને ફુલ ટાઇમ આપી શક્યા ન હતા, જે તેમના લગ્નજીવનમાં તિરાડ પડવાનું મુખ્ય કારણ બની ગયું હતું.

ચહલ આત્મહત્યા કરવા વિશે વિચારી રહ્યો હતો

ચહલે આગળ કહ્યું કે મેં વિજય હઝારે ટ્રોફીમાંથી બ્રેક લીધો હતો કારણ કે હું મારા માઇન્ડનો ઉપયોગ કરી શકતો ન હતો. ક્રિકેટે મને ખુશી આપી છે અને તે આજે પણ મને ખુશ રાખે છે. જો હું તે ન કરી શકું તો પછી કંઈક ગરબડ છે, તેથી મેં એક મહિનાનો વિરામ લીધો. મેં મારા જીવનમાં ક્યારેય છેતરપિંડી કરી નથી. હું એવી વ્યક્તિ નથી. તમને મારા જેવો કોઈ વફાદાર નહીં મળે.

આ પણ વાંચો – ખુશી મુખર્જી કાસ્ટિંગ કાઉચ; આવી ઘણી ઓફર આવતી રહે છે, પરંતુ બધું આપણી ઉપર છે

તેણે વધુમાં ઉમેર્યું હતું કે તેની આસપાસના દરેક વ્યક્તિ સત્યને જાણે છે, તેથી તેને દુનિયા સમક્ષ સાબિત કરવાની જરૂર લાગતી નથી. તેણે કહ્યું કે ડિવોર્સ બાદ જ્યારે લોકોએ તેને કમ્ફર્ટેબલ જોયો તો તેમને લાગ્યું કે તે ડિવોર્સથી ખુશ છે. ક્રિકેટરે કહ્યું કે હું થોડા મહિનાઓથી હતાશ હતો. મને એંઝાયટી અટેક આવવા લાગ્યા હતા, પરંતુ મારી નજીકના લોકો જ તેના વિશે જાણે છે. મને આત્મહત્યાના વિચારો આવતા હતા કારણ કે મારા મગજે કામ કરવાનું બંધ કરી દીધું હતું.

આરજે મહવશે યુઝવેન્દ્રને સપોર્ટ કર્યો હતો

યુઝવેન્દ્ર ચહલે વધુમાં ખુલાસો કર્યો હતો કે તેના દોસ્તો, જેમાં તેની રુમર્ડ ગર્લફ્રેન્ડ આરજે મહવશ પણ સામેલ હતી. બધાએ મળીને તે તબક્કામાંથી પસાર થવામાં મદદ કરી. ચહલે કહ્યું કે મારા પરિવાર, મહવશે તે સમયે મારી મદદ કરી હતી. તેણે કહ્યું હતું કે આઇપીએલની સિઝન શરૂ થાય તે પહેલા જ તે પોતાના ડિવોર્સની કાર્યવાહી પુરી કરવા માંગે છે.

કેમ પહેરી સુગર ડેડી વાળી ટી-શર્ટ

ડિવોર્સ સમયે યુજવેન્દ્ર ચહલે એક ટી-શર્ટ પહેરી હતી જેના પર ‘બી યોર ઓન શુગર ડેડી’ લખેલું હતું, જેણે ઘણા લોકોનું ધ્યાન પોતાના તરફ ખેંચ્યું હતું. તેણે આ વિશે વાત પણ કરી હતી. યુઝવેન્દ્રએ કહ્યું કે મને લાગ્યું કે હું એક મેસેજ આપવા માંગતો હતો અને મેં તે કર્યું. પહેલાં તો હું આવું કરવા માગતો ન હતો પણ પછી કંઈક થયું અને મેં આ નિર્ણય કર્યો. હવે હું તે જ કરીશુ જે હું ઇચ્છુ છું.

બન્ને ટીમો આ પ્રમાણે છે

ભારત : યશસ્વી જયસ્વાલ, કેએલ રાહુલ, સાઇ સુદર્શન, શુભમન ગિલ (કેપ્ટન), કરુણ નાયર, ધ્રુવ જુરેલ, રવિન્દ્ર જાડેજા, વોશિંગ્ટન સુંદર, મોહમ્મદ સિરાજ, આકાશદીપ, પ્રસિદ્ધ કૃષ્ણા.

ઇંગ્લેન્ડ : ઝેક ક્રોલી, ⁠બેન ડકેટ, ⁠ઓલી પોપ (કેપ્ટન), ⁠જો રૂટ, ⁠હેરી બ્રુક, ⁠જેમી સ્મિથ, જેકોબ બેથેલ, ક્રિસ વોક્સ, ગસ એટકિંસન, જેમી ઓવરટન, જોશ ટંગ.

બન્ને ટીમો આ પ્રમાણે છે

ભારત : યશસ્વી જયસ્વાલ, કેએલ રાહુલ, સાઇ સુદર્શન, શુભમન ગિલ (કેપ્ટન), કરુણ નાયર, ધ્રુવ જુરેલ, રવિન્દ્ર જાડેજા, વોશિંગ્ટન સુંદર, મોહમ્મદ સિરાજ, આકાશદીપ, પ્રસિદ્ધ કૃષ્ણા.

ઇંગ્લેન્ડ : ઝેક ક્રોલી, ⁠બેન ડકેટ, ⁠ઓલી પોપ (કેપ્ટન), ⁠જો રૂટ, ⁠હેરી બ્રુક, ⁠જેમી સ્મિથ, જેકબ બેથેલ, ક્રિસ વોક્સ, ગસ એટકિંસન, જેમી ઓવરટન, જોશ ટંગ.

માન્ચેસ્ટર ટેસ્ટમાં યશસ્વી જયસ્વાલ અને સાઈ સુદર્શન શૂન્ય રને આઉટ થયા બાદ ચાર જ દિવસમાં ઈંગ્લેન્ડ જીતી જશે તેમ લાગતું હતુ. જો કે, એ પછી જે કંઈ બન્યું તે વિદેશી મેદાનો પર ભારતના મજબૂત બૅટિંગ પ્રયાસોમાંનું એક સાબિત થયું. હવે સૌની નજર આજની આખરી ટેસ્ટ પર છે. ભારત માન્ચેસ્ટરમાં તેના શાનદાર દેખાવને લઇને આશાવાદ છે. ઈંગ્લેન્ડ સામેની પાંચમી ટેસ્ટ જીતીને શ્રેણીને 2-2થી બરોબરી પર લાવવા ઈચ્છે છે.

IND vs ENG 5મી ટેસ્ટ ઓવલ પિચ રિપોર્ટ

ઓવલની પીચ પરંપરાગત રીતે બેટ્સમેન ફ્રેન્ડલી રહી છે, અને તાજેતરમાં આ મેદાન પર રમાયેલી કાઉન્ટી મેચમાં બંને ઈનિંગમાં આશરે 1500 રન નોંધાયા હતા. ઐતિહાસિક રીતે આ મેદાન ખાસ કરીને સૂકી પીચની સ્થિતિમાં હાઈસ્કોર સ્કોર કરવા માટે જાણીતું છે. ધ ઓવલ ખાતે પ્રથમ ઇનિંગ્સનો સરેરાશ સ્કોર ૩૪૩ રન છે. જોકે હવામાનની સ્થિતિ મેચ દરમિયાન પીચના વર્તનને અસર કરી શકે છે.

IND vs ENG 5મી ટેસ્ટ લંડન વેધર ફોરકાસ્ટ

પાંચમી ટેસ્ટના પ્રથમ દિવસે વરસાદની સંભાવના છે. જો હવામાન વિભાગની આગાહી સાચી સાબિત થશે તો પાંચમી ટેસ્ટના પ્રથમ દિવસે વરસાદ પડી શકે છે, કારણ કે આખો દિવસ વરસાદની પ્રબળ સંભાવના છે. બ્રિટિશ મેટ ઓફિસના જણાવ્યા અનુસાર ભારત વિરુદ્ધ ઇંગ્લેન્ડની પાંચમી ટેસ્ટના પ્રથમ દિવસે વાવાઝોડા માટે યલો એલર્ટ જાહેર કરવામાં આવ્યું છે.

રમત શરૂ થવાના એક કલાક પહેલા અને રમતની શરૂઆતમાં વરસાદ પડવાની 80 ટકા સંભાવના છે. આનો અર્થ એ છે કે રમત મોડી પણ શરૂ થઈ શકે છે. આગાહી મુજબ દિવસનો મોટાભાગનો સમય 70-80 ટકા વરસાદ પડશે. રમતના અંતે જ હવામાનમાં સુધારો થશે.

ભારત વિ. ઇંગ્લેન્ડ 5મી ટેસ્ટ પૂર્વે ગૌતમ ગંભીરને ક્યૂરેટર પર ગુસ્સો કેમ આવ્યો?

આગાહીમાં કહેવામાં આવ્યું છે કે, વાદળછાયું આકાશ, હળવા ઝાપટા અથવા લાંબા સમય સુધી વરસાદ પડી શકે છે, ખાસ કરીને બપોરે ભારે અને ગાજવીજ સાથે પણ વરસાદ પડી શકે છે. બપોરે ખૂબ જ ગરમ અને ભેજવાળું રહેશે. મહત્તમ તાપમાન 25 ડિગ્રી સેલ્સિયસ રહેશે.

કુલદીપ યાદવને સ્થાને ઓલરાઉન્ડરને કેમ મળી રહી છે તક!

એવું નથી કે મેચના પહેલા દિવસે વરસાદની સંભાવના છે. weather.com મુજબ આગામી કેટલાક દિવસો સુધી પણ આકાશ વાદળછાયું રહેવાની સંભાવના છે. સપ્તાહના અંતમાં વધુ વરસાદની સંભાવના છે. તાપમાન 14 ડિગ્રી સેલ્સિયસ અને 24 ડિગ્રી સેલ્સિયસ વચ્ચે રહેવાની ધારણા છે. પવનની ગતિ 13 કિમી/કલાકની રહેશે અને ભેજનું પ્રમાણ 88 ટકાની આસપાસ રહેશે.

આ કારણે ગ્રુપ સ્ટેજમાં ઈન્ડિયા ચેમ્પિયન્સ અને પાકિસ્તાન ચેમ્પિયન્સની મેચનો ભારે વિરોધ થયો હતો. આ પછી શિખર ધવન અને હરભજન સિંહ સહિતના અન્ય ભારતીય ચેમ્પિયન્સ ખેલાડીઓએ મેચનો બહિષ્કાર કર્યો હતો. આવી સ્થિતિમાં મેચ રમાઇ ન થઈ અને બંને ટીમોને 1-1 પોઈન્ટ મળ્યા હતા. આ પોઈન્ટનો ફાયદો ઈન્ડિયા ચેમ્પિયન્સને સેમિ ફાઈનલમાં પ્રવેશવામાં મળ્યો હતો.

શું સેમિ ફાઈનલના કાર્યક્રમમાં ફેરફાર થશે?

ઈન્ડિયા ચેમ્પિયન્સે છેલ્લા ગ્રુપ સ્ટેજમાં વિન્ડિઝ ચેમ્પિયન્સને હરાવીને સેમિ ફાઈનલમાં પ્રવેશ મેળવ્યો હતો. હવે સવાલ એ છે કે શું સેમિ ફાઈનલના કાર્યક્રમમાં ફેરફાર થશે ? એટલે કે દક્ષિણ આફ્રિકા ચેમ્પિયન અને ઓસ્ટ્રેલિયા ચેમ્પિયન્સમાંથી એકને ભારત ચેમ્પિયન અને બીજી પાકિસ્તાન ચેમ્પિયન્સનો સામનો કરાવવામાં આવે.

આ પણ વાંચો – ઓવલમાં ગૌતમ ગંભીરને આવ્યો ક્યૂરેટર પર ગુસ્સો, સિતાંશુ કોટકે હસ્તક્ષેપ કરી માહોલ શાંત કર્યો, જુઓ VIDEO

શું પાકિસ્તાન ચેમ્પિયન્સને વોકઓવર આપવામાં આવશે?

કાર્યક્રમ બદલવાથી સેમિ ફાઈનલની સમસ્યા તો દૂર થઈ શકે છે, પણ જો ભારત ચેમ્પિયન્સ અને પાકિસ્તાન ચેમ્પિયન્સ ફાઈનલમાં પહોંચશે તો શું થશે? જો કાર્યક્રમમાં ફેરફાર નહિ થાય તો પાકિસ્તાન ચેમ્પિયન્સને વોકઓવર આપી શકાય તેમ છે. એટલે કે તે સેમિ ફાઈનલ જીત્યા વગર જ ફાઈનલમાં પહોંચી શકે છે.

આતંકવાદ અને ક્રિકેટ એક સાથે ન ચાલી શકે

આ પહેલા ટૂર્નામેન્ટના પ્રાયોજક ઇઝમાયટ્રિપે વર્લ્ડ ચેમ્પિયનશિપ ઓફ લિજેન્ડ્સ 2025 માં ભારત અને પાકિસ્તાન વચ્ચેની સેમિ-ફાઇનલ મેચમાંથી બહાર થવાનો વિકલ્પ પસંદ કર્યો હતો. ઇઝમાયટ્રીપના સ્થાપક નિશાંત પિટ્ટીએ એક્સ પર મોટો સંદેશો આપતાં જાહેરમાં કહ્યું હતું કે તેઓ લિજેન્ડ્સ લીગમાં ભારત અને પાકિસ્તાનની મેચનું સમર્થન નહીં કરે. પિટ્ટીએ યુવરાજ સિંહની આગેવાની હેઠળની ભારતીય ટીમને ટૂર્નામેન્ટની સેમિ ફાઇનલમાં પહોંચવા બદલ અભિનંદન પાઠવ્યા હતા, પરંતુ કહ્યું હતું કે એક સંગઠન તરીકે તેઓ દ્રઢપણે માને છે કે “આતંકવાદ અને ક્રિકેટ એક સાથે ન ચાલી શકે”.

ભારતનો પ્રમુખ સ્પિનર કુલદીપ યાદવ શ્રેણી દરમિયાન બેન્ચ પર બેસી રહ્યો છે કારણ કે ટીમે વિકેટ ઝડપનારને બદલે ઓલરાઉન્ડને પ્રાધાન્ય આપ્યું હતું. શાર્દુલ ઠાકુર અને નીતિશ કુમાર રેડ્ડી આ શ્રેણીની મેચોમાં ભારતના આઠમા ક્રમના બેટ્સમેન રહ્યા છે. શાર્દુલે ઓલ્ડ ટ્રેફોર્ડમાં 11 ઓવર નાંખી હતી અને પ્રથમ ઈનિંગમાં 41 રનની મહત્વની ઈનિંગ રમી હતી.

પાંચમી ટેસ્ટ મેચમાં આ જ સંયોજન સાથે ઉતરે તેવો સંકેત

સિતાંશુ કોટકના જવાબથી લાગ્યું કે ટીમ ગુરુવારથી શરૂ થનારી પાંચમી ટેસ્ટ મેચમાં આ જ સંયોજન સાથે ઉતરશે. તેમણે કહ્યું કે મેચ જીતવા માટે તમારે બેટિંગ અને બોલિંગ બંનેમાં સંતુલન જરૂરી છે. જેવી રીતે 20 વિકેટ ઝડપવી મહત્વની છે તેવી જ રીતે 550-600 રન બનાવવા પણ એટલા જ મહત્વના છે.

ટીમમાં સંતુલન રાખવું મહત્વપૂર્ણ છે

સિતાંશુ કોટકે કહ્યું કે અમે એજબેસ્ટનમાં જીત્યા હતા કારણ કે અમે ઘણા બધા રન બનાવ્યા હતા. આવી સ્થિતિમાં બંને વચ્ચે સંતુલન જાળવવું જરૂરી છે. જો કેપ્ટન, કોચ અને ટીમ મેનેજમેન્ટને લાગતું હોય કે બોલરને વધારવો ફાયદાકારક રહેશે તો તેઓ તેમ કરશે.

આ પણ વાંચો – ઓવલમાં ગૌતમ ગંભીરને આવ્યો ક્યૂરેટર પર ગુસ્સો, સિતાંશુ કોટકે હસ્તક્ષેપ કરી માહોલ શાંત કર્યો, જુઓ VIDEO

શાર્દુલ ઠાકુરને ઓછી ઓવરો કેમ મળી?

બેટીંગ કોચે કહ્યું કે રવિન્દ્ર જાડેજા અને વોશિંગ્ટન સુંદરના રુપમાં બે સ્પિન ઓલરાઉન્ડર હોવાથી શાર્દૂલ જેવા છઠ્ઠા બોલિંગ વિકલ્પને ઓછી ઓવરો મળે તેવી શક્યતા છે. તેમણે કહ્યું કે જ્યારે તમે પાંચ બોલરો સાથે રમો છો, ત્યારે બધા બોલરો લગભગ સમાન ઓવરો ફેંકે છે. પરંતુ છ બોલરો સાથે રમતી વખતે કેટલાક બોલરોને ઓછી ઓવરો મળશે. આવી સ્થિતિમાં જો તમારી પાસે છઠ્ઠો બોલર ઓલરાઉન્ડર છે, તો પછી તમે જાણો છો કે તે બેટિંગ અને બોલિંગ બંનેમાં ફાળો આપશે.

સોશિયલ મીડિયા પર વાયરલ થયેલા વીડિયોમાં જોવા મળે છે કે ટ્રેનિંગ સેશન દરમિયાન નારાજ ગંભીર ક્યુરેટર સાથે દલીલ કરતો જોવા મળે છે. આ પછી ભારતના બેટીંગ કોચ સિતાંશુ કોટકને દરમિયાનગીરી કરીને માહોલને શાંત કર્યો હતો.

શા માટે થઇ રકઝક

ન્યૂઝ એજન્સી પીટીઆઈના જણાવ્યા અનુસાર આ ઝઘડો ત્યારે શરૂ થયો જ્યારે ફોર્ટિસે ગંભીરને કહ્યું કે મારે આનો રિપોર્ટ કરવો પડશે. આના પર ભારતીય મુખ્ય કોચે ખૂબ જ આકરો જવાબ આપ્યો હતો કે તમે જઇને જે પણ રિપોર્ટ કરવા માંગો છો તે કરો. ત્યારબાદ સિંતાંશું કોટકે દરમિયાનગીરી કરી અને ફોર્ટિસને બાજુમાં લઈ ગયો અને કહ્યું હતું કે અમે કશુંપણ નુકસાન પહોંચાડીશું નહીં. ભારતીય ટીમના અન્ય સપોર્ટ સ્ટાફ જેવા કે બોલિંગ કોચ મોર્ની મોર્કેલ અને આસિસ્ટન્ટ કોચ રેયાન ટેન ડોચેટ પણ આ ચર્ચાને ધ્યાનથી સાંભળતા જોવા મળ્યા હતા.

આ પણ વાંચો – વોશિંગ્ટન સુંદરના પિતાએ ગંભીર-અગરકર પર કર્યો પ્રહાર, કહ્યું – મારા પુત્રને પાંચમાં નંબરે તક મળવી જોઈએ

અમને એ ના કહી શકો કે અમારે શું કરવાનું છે

બંને વચ્ચે શા માટે રકઝક થઈ તે સ્પષ્ટ થઈ શક્યું નથી પરંતુ ગંભીર અને ફોર્ટિસ પ્રેક્ટિસ માટે પીચની સ્થિતિ અંગે દલીલ કરતા જોવા મળ્યા હતા. ગંભીરે ફરીથી ફોર્ટિસને કહ્યું કે તેની ટીમને શું કરવું છે તે કહેવું જોઈએ નહીં. વીડિયોમાં ગંભીર એમ કહેતા જોવા મળી રહ્યો છે કે તમે અમને એ ના કહી શકો કે અમારે શું કરવાનું છે. તમે ફક્ત એક ગ્રાઉન્ડસમેન છો. ફોર્ટિસ અને ગંભીરે ત્યારબાદ તેમના અલગ અલગ રસ્તે ચાલ્યા ગયા હતા.

આ પછી મેદાનથી પોતાના રુમમાં જતી વખતે ફોર્ટિસે કહ્યું કે આ એક મોટી મેચ છે અને તે (ગંભીર) થોડો ભાવુક છે. માન્ચેસ્ટર ટેસ્ટમાં અડધી સદી અને શૂન્ય રન બનાવનાર સાંઇ સુદર્શન પ્રેક્ટિસ માટે મેદાનમાં સૌથી પહેલા પહોંચ્યો હતો.

પાંચમાં નંબર પર તક આપવી જોઈએ

ટીઓઆઈ સાથે વાત કરતા વોશિંગ્ટન સુંદરના પિતાએ કહ્યું કે વોશિંગ્ટન સતત ખૂબ જ સારું પ્રદર્શન કરી રહ્યો છે, પરંતુ લોકો તેના પ્રદર્શનને અવગણે છે અને ભૂલી જાય છે. અન્ય ખેલાડીઓને નિયમિત સમયે તક મળે પણ છે પણ મારા પુત્રને જ મળતી નથી. તેમણે વધુમાં કહ્યું કે વોશિંગ્ટને સતત પાંચમા ક્રમે બેટીંગ કરવી જોઈએ, જેમ તેણે ચોથી ટેસ્ટની બીજી ઈનિંગમાં કર્યું હતું અને તેને સતત પાંચથી દસ તક મળવી જોઈએ.

નવાઈની વાત એ છે કે મારા પુત્રની પસંદગી ઇંગ્લેન્ડ સામેની પ્રથમ ટેસ્ટ માટે કરવામાં આવી ન હતી. તેના પર્ફોમન્સ પર પસંદગીકારોએ નજર રાખવી જોઈએ.

આ પણ વાંચો – અંગ્રેજોને વધારે થકવી દેવા જોઈતા હતા, ભારતે કરી દીધી ભૂલ, બેન સ્ટોક્સને પાઠ ભણાવવાની જરૂર હતી

ભારત માટે ઋષભ પંત 5માં નંબર પર બેટિંગ કરે છે

તમને જણાવી દઈએ કે ટેસ્ટમાં ભારત માટે ઋષભ પંત 5માં નંબર પર બેટિંગ કરે છે, તો વોશિંગ્ટન સુંદરના પિતાની આ માંગ કેટલી હદે યોગ્ય છે તે પણ એક મોટો સવાલ છે. તમને જણાવી દઈએ કે સુંદરે વર્ષ 2017 માં ભારત માટે ડેબ્યૂ કર્યું હતું, જ્યારે વર્ષ 2021માં તેણે ભારત માટે ટેસ્ટમાં ડેબ્યૂ કર્યું હતું. તે ભારત માટે અત્યાર સુધી કુલ 11 ટેસ્ટ મેચ રમ્યો છે અને આ દરમિયાન બેટિંગમાં તેની એવરેજ 44.86ની રહી છે જ્યારે બોલિંગમાં તેની એવરેજ 27.87 છે. આ આંકડાઓ તેના ઓલરાઉન્ડ પ્રદર્શનને દર્શાવે છે.

વોશિંગ્ટન સુંદરે ચોથી ટેસ્ટમાં 206 બોલમાં 9 ફોર અને 1 સિક્સરની મદદથી અણનમ 101 રન બનાવ્યા હતા. આ ઇનિંગ્સની મદદથી ભારતે ચોથી ટેસ્ટ ડ્રો કરવામાં સફળતા મેળવી હતી.

દિવ્યા દેશમુખ બની વર્લ્ડ ચેમ્પિયન

નાગપુરની આ ખેલાડીએ શનિવાર અને રવિવારે રમાયેલી બે ક્લાસિકલ મેચો ડ્રો થયા બાદ ટાઈબ્રેકરમાં જીત મેળવી હતી. બે ક્લાસિકલ ગેમ્સ ડ્રો થયા બાદ હમ્પીએ સંયમ ગુમાવ્યો હતો અને ત્યાર બાદ હારી ગઈ હતી. સફેદ મોહરા સાથે રમતાં દિવ્યાએ હમ્પીને ફરી ડ્રો માં રોકી હતી પરંતુ બીજી ગેમમાં બ્લેક મહોરા સાથે રમતાં તેણે બે વખતની વર્લ્ડ રેપિડ ચેમ્પિયનને હરાવીને જીત મેળવી હતી.

દિવ્યા દેશમુખ ગ્રાન્ડમાસ્ટર બનનારી ભારતની ચોથી મહિલા ખેલાડી

દિવ્યા દેશમુખ હવે હમ્પી, ડી હરિકા અને આર વૈશાલી સાથે દેશમાં ગ્રાન્ડમાસ્ટર બનનારી મહિલાઓની યાદીમાં જોડાઇ છે. હમ્પી 38 વર્ષની છે અને 2002માં ગ્રાન્ડમાસ્ટર બની હતી જ્યારે દિવ્યાનો જન્મ 2005માં થયો હતો.

આ પણ વાંચો – અંગ્રેજોને વધારે થકવી દેવા જોઈતા હતા, ભારતે કરી દીધી ભૂલ, બેન સ્ટોક્સને પાઠ ભણાવવાની જરૂર હતી

દિવ્યા દેશમુખ જીત બાદ ભાવુક થઈ ગઈ હતી

આ જીત બાદ ભાવુક દિવ્યા પોતાના આંસુ રોકી શકી નહ હતી. દિવ્યા સામે હાર્યા પહેલા હમ્પીએ અંત સુધી સંઘર્ષ કર્યો હતો. આ જીત બાદ દિવ્યાએ કહ્યું કે મને આ (વિજય)ને સમજવા માટે સમયની જરૂર છે. મને લાગે છે કે હું ભાગ્યશાળી હતી કે મને આ પ્રકારે ગ્રાન્ડ માસ્ટરનો ખિતાબ મળ્યો કારણ કે આ ટૂર્નામેન્ટ અગાઉ મારો એક પણ (ગ્રાન્ડમાસ્ટર) નોર્મ નહતો અને હવે હું ગ્રાન્ડમાસ્ટર છું.

મુકાબલા પર નજીકથી નજર રાખનાર પાંચ વખતના ભૂતપૂર્વ વર્લ્ડ ચેમ્પિયન વિશ્વનાથન આનંદે દિવ્યાની જીતને બિરદાવી હતી અને તેને ભારતીય ચેસ માટે એક શાનદાર ક્ષણ ગણાવી હતી.

ઈંગ્લેન્ડની ટીમ દયાને પાત્ર ન હતી

આ મેચ પૂરી થયા બાદ બેન સ્ટોક્સે કહ્યું કે જો ભારતીય ટીમે 10-15 રન વધુ બનાવી લીધો તો પછી તેનું શું થયું. આ તેની (સ્ટોક્સ)ની નબળી માનસિકતા દર્શાવે છે કે જો તમે બેકફૂટ પર છો તો રંગ બદલો અને પોતાનો બચાવ કરો. તે બિલકુલ યોગ્ય નથી. સ્ટોક્સને તેના બોલરોની ચિંતા હતી કે જેઓ બોલિંગ કરતી વખતે હાંફી રહ્યા હતા અને તેમને વિકેટ મળી રહી ન હતી. તેને લાગતું હતું કે જો તે વધુ બોલિંગ કરશે તો આગળ શું થશે તેની તેને ખબર નથી.

બેન સ્ટોક્સ ડ્રો કરવા વિનંતી કરતો જોવા મળ્યો

હવે વાત કરીએ ઇંગ્લેન્ડની જ્યારે તેમણે પ્રથમ ઇનિંગમાં 669 રન બનાવ્યા હતા. પ્રથમ ઈનિંગમાં ભારતીય બોલરોએ 157.1 ઓવરો બોલિંગ કરી હતી અને તે વખતે દયા આવી ન હતી. જ્યાં સુધી બધા બેટ્સમેન આઉટ ન થઈ ગયા ત્યાં સુધી તે રમતા રહ્યા હતા. હવે બીજી ઈનિંગમાં જ્યારે તેમના બોલરોએ માત્ર 143 ઓવર જ નાંખી ત્યારે તેમને ભારે લાગ્યું હતું અને તે ભારત સામે ડ્રો ની વિનંતી કરવા લાગ્યો હતો.

આ પણ વાંચો – શુભમન ગિલે ડોન બ્રેડમેનના વર્લ્ડ રેકોર્ડની બરાબરી કરી, ઇતિહાસ રચ્યો

ઇંગ્લેન્ડની વધારે પીટાઇ કરવાની જરુર હતી

અહીં ભારતીય ટીમે એક મોટી ભૂલ કરી હતી. ભારતીય ટીમે જે કરવું જોઈતું હતું તે એ હતું કે તેઓએ પાંચમા દિવસે પૂરા સમય માટે બેટિંગ કરવી જોઈતી હતી અને ઇંગ્લેન્ડની વધારે પીટાઇ કરવી જોઇતી હતી. તેમના બોલરો પાસેથી વધુ મહેનત કરાવવાની જરુર હતી જેથી પાંચમી ટેસ્ટ મેચ પહેલા તેમના કેટલાક બોલરો બોલિંગના નામથી ડરી જાય. ટીમ ઈન્ડિયાએ દયા દાખવીને મેચને ડ્રો ગણીને ઈનિંગનો અંત આણવો જોઈતો નહ તો. બેન સ્ટોક્સને પાઠ ભણાવવાની જરૂર હતી અને અંગ્રેજો દયાને બિલકુલ લાયક ન હતા.

ભારતીય ટીમની બીજી ઇનિંગમાં ખૂબ જ ખરાબ શરૂઆત થઈ હતી. ટીમે પહેલી જ ઓવરમાં યશસ્વી જયસ્વાલ અને સાંઈ સુદર્શનની વિકેટ ગુમાવી દીધી હતી. ત્યારબાદ શુભમન ગિલ અને કેએલ રાહુલ વચ્ચે ત્રીજી વિકેટ માટે 421 બોલમાં 188 રનની ભાગીદારી થઈ હતી. બેન સ્ટોક્સે આ ભાગીદારી તોડી હતી. મેચના પાંચમા દિવસે ભારતે કેએલ રાહુલની વિકેટ ગુમાવી હતી. રાહુલ 230 બોલમાં 90 રન બનાવીને પેવેલિયન પાછો ફર્યો.

કેપ્ટન શુભમન ગિલ 238 બોલમાં 103 રન બનાવીને આઉટ થયો. તેને આર્ચરનો શિકાર બનાવવામાં આવ્યો. વોશિંગ્ટન સુંદર (100) અને રવિન્દ્ર જાડેજા (107) એ સદી ફટકારી. ઇંગ્લેન્ડે શનિવારે પ્રથમ ઇનિંગમાં 669 રન બનાવ્યા હતા અને 311 રનની મોટી લીડ મેળવી હતી. ભારતે પ્રથમ ઇનિંગમાં 358 રન બનાવ્યા હતા.

ટેસ્ટ શ્રેણીમાં 700+ રન પૂરા કર્યા

શુભમન ગિલે અત્યાર સુધી ઇંગ્લેન્ડ સામે ચાલી રહેલી ટેસ્ટ શ્રેણીમાં કુલ 715 રન બનાવ્યા છે. આ સાથે તે ટેસ્ટ શ્રેણીમાં 700+ રન બનાવનાર માત્ર બીજો ભારતીય કેપ્ટન બન્યો છે. તેની પહેલા સુનીલ ગાવસ્કરે વેસ્ટ ઇન્ડીઝ સામે 1978/79 ટેસ્ટ શ્રેણીમાં 732 રન બનાવ્યા હતા. ગાવસ્કર અને ગિલ સિવાય કોઈ પણ ભારતીય કેપ્ટન ટેસ્ટ શ્રેણીમાં 700+ રન બનાવી શક્યો નથી.

બ્રેડમેનના વિશ્વ રેકોર્ડની બરાબરી કરી

આ ઉપરાંત ટેસ્ટ શ્રેણીમાં કેપ્ટન તરીકે સૌથી વધુ સદી ફટકારવાનો વિશ્વ રેકોર્ડ ડોન બ્રેડમેન અને સુનીલ ગાવસ્કરના નામે હતો. બ્રેડમેને 1947/48 ટેસ્ટ શ્રેણીમાં ઓસ્ટ્રેલિયા સામે ચાર સદી ફટકારી હતી અને ગાવસ્કરે 1978/79 ટેસ્ટ શ્રેણીમાં વેસ્ટ ઈન્ડિઝ સામે ચાર સદી ફટકારી હતી. હવે શુભમન ગિલે કેપ્ટન તરીકે ઇંગ્લેન્ડ સામેની ટેસ્ટ શ્રેણીમાં ચાર સદી ફટકારી છે અને આ બંને દિગ્ગજોના રેકોર્ડની બરાબરી કરી છે.

આ પણ વાંચો: માતાના ખોળામાં નિરાંતથી સૂતું હાથીનું બચ્ચું, વાયરલ વીડિયો જોઈને યુઝર્સ ખુશ

વર્તમાન ટેસ્ટ શ્રેણીમાં ચાર સદી ફટકારી છે

શુભમન ગિલે ઇંગ્લેન્ડ સામેની પ્રથમ ટેસ્ટમાં 147 રનની ઇનિંગ રમી હતી. આ પછી બીજી ટેસ્ટમાં તેનું પ્રદર્શન વધુ સારું આવ્યું. આ મેચમાં તેણે અંગ્રેજી બોલરોને કચડી નાખ્યા. તેણે પ્રથમ ઇનિંગમાં 269 રન અને બીજી ઇનિંગમાં 161 રન બનાવ્યા. તેના કારણે જ ભારતીય ટીમે 336 રનથી મેચ જીતી હતી. હવે ચોથી ટેસ્ટ મેચમાં પણ તે સારી બેટિંગ કરી રહ્યો છે અને સદી ફટકારી છે.

14 સપ્ટેમ્બરે ભારત અને પાકિસ્તાન વચ્ચે મુકાબલો

એસીસી અનુસાર આ ટૂર્નામેન્ટમાં 14 સપ્ટેમ્બરે ભારત અને પાકિસ્તાન આમને-સામને ટકરાશે. એશિયા કપની આ સિઝનમાં કુલ 19 મુકાબલા ખેલાશે, જેમાં 8 ટીમો ભાગ લેશે. ભારત અને પાકિસ્તાનને એક જ ગ્રુપમાં સ્થાન આપવામાં આવ્યું છે, જ્યારે બીજા ગ્રુપમાં શ્રીલંકા, બાંગ્લાદેશ અને અફઘાનિસ્તાનને સ્થાન આપવામાં આવ્યું છે. આ સિઝનની તમામ મેચ યુએઈમાં બે સ્થળો એટલે કે અબુધાબી અને દુબઈમાં રમાશે.

એશિયા કપ 2025 ગ્રુપ

ગ્રુપ એ : ભારત, પાકિસ્તાન, યુએઈ, ઓમાન
ગ્રુપ બી : શ્રીલંકા, બાંગ્લાદેશ, અફઘાનિસ્તાન, હોંગકોંગ

એશિયા કપમાં ભારત અને પાકિસ્તાન ત્રણ વખત ટકરાઈ શકે છે

આ વખતે બન્ને ગ્રુપમાંથી બે-બે ટીમો સુપર ફોરમાં ક્વોલિફાય થશે. ત્યાર બાદ સુપર ફોરમાં દરેક ટીમ એક-એક વખત અન્ય ત્રણ ટીમો સામે ટકરાશે. સુપર ફોર સ્ટેજની ટોચની બે ટીમો ફાઈનલ રમશે. આવી સ્થિતિમાં ભારત અને પાકિસ્તાન એશિયા કપમાં ત્રણ વખત ટકરાઈ શકે છે. બન્નેની ગ્રુપ સ્ટેજની મેચ 14મી સપ્ટેમ્બરે યોજાવાની છે. બંને સુપર ફોર સ્ટેજ માટે સાથે ક્વોલિફાય થાય તો તેઓ 22મી સપ્ટેમ્બરે ફરી એક વખત ટકરાઈ શકે છે. આ પછી બન્ને ફાઇનલમાં આવે તો ત્રીજી વખત ટકરાઇ શકે છે.

આ ટૂર્નામેન્ટ ટી-20 ફોર્મેટમાં યોજાશે

ભારત અને શ્રીલંકામાં યોજાનારા આગામી ટી-20 વર્લ્ડ કપમાં હવે માત્ર સાત મહિના જ બાકી રહ્યા છે. આવી સ્થિતિમાં એશિયા કપનું આયોજન ટી-20 ફોર્મેટમાં થશે. એશિયા કપની અગાઉની આવૃત્તિ 2023ના ક્રિકેટ વર્લ્ડ કપ અગાઉ વન ડે ફોર્મેટમાં રમાઈ હતી, જ્યાં ભારત યજમાન શ્રીલંકાને હરાવીને ચેમ્પિયન બન્યું હતું.

એશિયા કપમાં 8 ટીમો

એશિયા કપમાં 8 ટીમો હશે. આ ટૂર્નામેન્ટમાં ભારત, શ્રીલંકા, પાકિસ્તાન, અફઘાનિસ્તાન અને બાંગ્લાદેશ ઉપરાંત હોંગકોંગ, સંયુક્ત આરબ અમીરાત અને ઓમાન પણ ભાગ લેશે.

આ પણ વાંચો – ક્રિકેટર યશ દયાલ ફરી મુશ્કેલીમાં મુકાયો, હવે સગીરાએ બળાત્કારનો આરોપ લગાવ્યો, જયપુરમાં FIR

એશિયા કપ 2025 સંપૂર્ણ કાર્યક્રમ (ગ્રુપ સ્ટેજ)

• 9 સપ્ટેમ્બર (મંગળવાર): અફઘાનિસ્તાન વિ હોંગકોંગ
• 10 સપ્ટેમ્બર (બુધવાર): ભારત વિ યૂએઈ
• 11 સપ્ટેમ્બર (ગુરુવાર): બાંગ્લાદેશ વિ હોંગકોંગ
• 12 સપ્ટેમ્બર (શુક્રવાર): પાકિસ્તાન વિ ઓમાન
• 13 સપ્ટેમ્બર (શનિવાર): બાંગ્લાદેશ વિ શ્રીલંકા
• 14 સપ્ટેમ્બર (રવિવાર): ભારત વિ પાકિસ્તાન
• 15 સપ્ટેમ્બર (સોમવાર): શ્રીલંકા વિ હોંગકોંગ
• 16 સપ્ટેમ્બર (મંગળવાર): બાંગ્લાદેશ વિ અફઘાનિસ્તાન
• 17 સપ્ટેમ્બર (બુધવાર): પાકિસ્તાન વિ યુએઇ
• 18 સપ્ટેમ્બર (ગુરુવાર): શ્રીલંકા વિ અફઘાનિસ્તાન
• 19 સપ્ટેમ્બર (શુક્રવાર): ભારત વિ ઓમાન

Super 4 મેચનો કાર્યક્રમ

• 20 સપ્ટેમ્બર (શનિવાર): ગ્રુપ બી ક્વોલિફાયર 1 વિ ગ્રુપ બી ક્વોલિફાયર 2
• 21 સપ્ટેમ્બર (રવિવાર): ગ્રુપ એ ક્વોલિફાયર 1 વિ ગ્રુપ એ ક્વોલિફાયર 2
• 23 સપ્ટેમ્બર (મંગળવાર): ગ્રુપ એ ક્વોલિફાયર 1 વિ ગ્રુપ બી ક્વોલિફાયર
• 24 સપ્ટેમ્બર (બુધવાર): ગ્રુપ બી ક્વોલિફાયર 1 વિ ગ્રુપ એ ક્વોલિફાયર 2
• 25 સપ્ટેમ્બર (ગુરુવાર): ગ્રુપ એ ક્વોલિફાયર 2 વિ ગ્રુપ બી ક્વોલિફાયર 2
• 26 સપ્ટેમ્બર (શુક્રવાર): ગ્રુપ એ ક્વોલિફાયર 1 વિ ગ્રુપ બી ક્વોલિફાયર 1
• 28 સપ્ટેમ્બર (રવિવાર): ફાઇનલ મેચ

હાઇબ્રિડ મોડલમાં યોજાયો છેલ્લો એશિયા કપ

બીસીસીઆઇ અને શ્રીલંકા ક્રિકેટના વડાઓ વચ્ચે વીડિયો કોન્ફરન્સિંગ મારફતે યોજાયેલી મિટિંગમાં ભાગ લીધા બાદ સપ્ટેમ્બરમાં યોજાનારી આ ટૂર્નામેન્ટનો કાર્યક્રમ નક્કી કરવામાં આવ્યો હતો. વર્ષ 2023માં રમાયેલા એશિયા કપની અગાઉની સિઝન ભારત-પાકિસ્તાન વચ્ચેના તનાવને કારણે પ્રભાવિત થઈ હતી. પાકિસ્તાન આ ટૂર્નામેન્ટનું યજમાન હતું. ભારત પોતાની મેચ શ્રીલંકામાં રમ્યું હતું.

હાઇબ્રિડ મોડલમાં ચેમ્પિયન્સ ટ્રોફીનું પણ આયોજન

2024માં પાકિસ્તાન દ્વારા આયોજિત આઇસીસી ચેમ્પિયન્સ ટ્રોફીમાં પણ આ જ પેટર્નનું પુનરાવર્તન કરવામાં આવ્યું હતું. ભારતે ફરી એકવાર હાઇબ્રિડ મોડલ હેઠળ દુબઇમાં પોતાની મેચો રમી હતી.

ઇંગ્લેન્ડ 669 રનમાં ઓલઆઉટ

ભારતના પ્રથમ દાવમાં 358 રનના જવાબમાં ઇંગ્લેન્ડ પ્રથમ દાવમાં 157.1 ઓવરમાં 669 રનમાં ઓલઆઉટ થઇ ગયું છે. ઇંગ્લેન્ડને પ્રથમ દાવમાં 311 રનની લીડ મળી છે. ઇંગ્લેન્ડ તરફથી જો રુટે 150 અને બેન સ્ટોક્સે 141 રન બનાવ્યા હતા. ભારત તરફથી રવિન્દ્ર જાડેજાએ સૌથી વધારે 4 વિકેટ ઝડપી હતી. સુંદર અને બુમરાહને 2-2 વિકેટ. જ્યારે અંશુલ કંબોજ અને સિરાજને 1-1 વિકેટ મળી હતી.

બન્ને ટીમો આ પ્રમાણે છે

ભારત : યશસ્વી જયસ્વાલ, કેએલ રાહુલ, સાઇ સુદર્શન, શુભમન ગિલ (કેપ્ટન), ઋષભ પંત, રવિન્દ્ર જાડેજા, વોશિંગ્ટન સુંદર, શાર્દુલ ઠાકુર, મોહમ્મદ સિરાજ, જસપ્રીત બુમરાહ, અંશુલ કંબોજ.

ઇંગ્લેન્ડ : ઝેક ક્રોલી, ⁠બેન ડકેટ, ⁠ઓલી પોપ, ⁠જો રૂટ, ⁠હેરી બ્રુક, ⁠બેન સ્ટોક્સ (કેપ્ટન), ⁠જેમી સ્મિથ, જોફ્રા આર્ચર, ક્રિસ વોક્સ, બ્રાયડન કાર્સ, લિયામ ડોસન.

સચિન તેંડુલકરના નામે 51 સદી

ટેસ્ટ ક્રિકેટમાં સૌથી વધુ સદીની વાત કરીએ તો સચિન તેંડુલકરના નામે 51, જેક કાલિસના નામે 45 અને રિકી પોન્ટિંગના નામે 41 સદી છે. સંગાકારા અને રુટના નામે 38-38 સદી છે.

રુટે પોન્ટિંગને પાછળ રાખ્યો

જો રુટે ટેસ્ટ ક્રિકેટમાં સૌથી વધારે રન કરવાના મામલે બીજા ક્રમે આવી ગયો છે. તેણે ઓસ્ટ્રેલિયાના દિગ્ગજ પ્લેયર રિકી પોન્ટિંગને પાછળ રાખ્યો છે. રુટે 157 ટેસ્ટમાં 13400 રન બનાવી લીધા છે. રિકી પોન્ટિંગના નામે 68 ટેસ્ટમાં 13378 રન છે. ટેસ્ટ ક્રિકેટમાં સૌથી વધારે રન સચિન તેંડુલકરના નામે છે. સચિનના નામે 200 ટેસ્ટમાં 15921 રન છે.

આ પણ વાંચો – ઋષભ પંત ઇજા છતા ટીમ માટે મેદાનમાં ઉતર્યો, સ્ટેડિયમ તાળીઓથી ગુંજી ઉઠ્યું, જુઓ વીડિયો

રુટની ઇંગ્લેન્ડમાં 23મી સદી

આ શ્રેણીમાં રુટની આ બીજી સદી છે. આ પહેલા તેણે લોર્ડ્સમાં સદી ફટકારી હતી. તેણે પ્રથમ ઇનિંગ્સમાં 104 રન બનાવ્યા હતા. રુટની ભારત સામે આ 12મી સદી છે જ્યારે ઇંગ્લેન્ડમાં આ તેની 23મી સદી છે.

જો રૂટે 178 બોલમાં 12 ફોરની મદદથી સદી પૂરી કરી હતી. ભારત અને ઇંગ્લેન્ડ વચ્ચેની માન્ચેસ્ટર ટેસ્ટની વાત કરીએ તો રુટ સદી ફટકારનાર પ્રથમ બેટ્સમેન બન્યો હતો. અગાઉ ભારતના ત્રણ બેટ્સમેનો સાઈ સુદર્શન, યશસ્વી જયસ્વાલ અને ઋષભ પંત અડધી સદીને મોટી ઈનિંગમાં ફેરવી શક્યા ન હતા. આ ઉપરાંત ઈંગ્લેન્ડ તરફથી બેન ડકેટ, ઝેક ક્રાઉલી અને ઓલી પોપ પણ સદી ચૂકી ગયા હતા.

આ પહેલા ઉત્તર પ્રદેશના 27 વર્ષીય ક્રિકેટર પર ગાઝિયાબાદની એક મહિલાએ યૌન શોષણનો આરોપ લગાવ્યો હતો. મહિલાએ આરોપ લગાવ્યો હતો કે યશ દયાલે તેની સાથે લગ્ન કરવાનું વચન આપીને તેની સાથેના પાંચ વર્ષના સંબંધો દરમિયાન તેનું જાતીય શોષણ કર્યું હતું.

સમાચાર એજન્સી પીટીઆઈ અનુસાર જયપુરના સાંગાનેર સદર પોલીસ સ્ટેશનના એસએચઓ અનિલ જયમને જણાવ્યું હતું કે તાજેતરની એફઆઈઆર બુધવારે (23 જુલાઈ) નોંધવામાં આવી હતી.

જાતીય સતામણીના આરોપમાં એફઆઈઆર દાખલ

અનિલ જયમને કહ્યું કે યશ દયાલ સામે જાતીય સતામણીના આરોપસર પોક્સો (પ્રોટેક્શન ઓફ ચિલ્ડ્રન ફ્રોમ સેક્સ્યુઅલ ઓફેન્સિસ) એક્ટ અને બીએનએસ (ઈન્ડિયન પીનલ કોડ)ની સંબંધિત કલમો હેઠળ એફઆઈઆર નોંધવામાં આવી છે. જયમનના જણાવ્યા અનુસાર પીડિતાએ આરોપ લગાવ્યો છે કે ખેલાડીએ પહેલી વખત તેની સાથે 2023 યૌન ઉત્પીડન કર્યું હતું, જ્યારે તે 17 વર્ષની હતી. આ વર્ષે એપ્રિલમાં પણ સીતાપુરા વિસ્તારની એક હોટલમાં ઉત્પીડન થયું હતું.

કારકિર્દી બનાવવામાં મદદ અને સહયોગના વાયદો

એસએચઓએ કહ્યું કે યુવતીએ આરોપ લગાવ્યો હતો કે ક્રિકેટરે તેની કારકિર્દી બનાવવા માટે તેની મદદ અને સહયોગ કરવાનું વચન આપ્યું હતું. આ વર્ષે એપ્રિલમાં જ્યારે તે આઈપીએલ માટે જયપુરમાં હતો ત્યારે તેણે તેનો સંપર્ક કર્યો હતો અને તેને એક હોટલમાં બોલાવી હતી, જ્યાં તેણે તેના પર કથિત રીતે ફરીથી દુષ્કર્મ કર્યું હતું.

આ પણ વાંચો – ઋષભ પંત ઇજા છતા ટીમ માટે મેદાનમાં ઉતર્યો, સ્ટેડિયમ તાળીઓથી ગુંજી ઉઠ્યું, જુઓ વીડિયો

યશ દયાલનું નિવેદન સામે આવ્યું નથી

યશ દયાલે હજી સુધી આ બંનેમાંથી કોઈ પણ કેસ અંગે કોઈ નિવેદન જાહેર કર્યું નથી. મીડિયમ પેસ બોલર દયાલ ભારતીય ડોમેસ્ટિક સર્કિટનો જાણીતો બોલર છે. તેણે 2018માં ઉત્તર પ્રદેશ તરફથી ડેબ્યૂ કર્યું હતું અને ત્યાર બાદ તે 27 ફર્સ્ટ ક્લાસ મેચ રમ્યો છે. તેણે 84 વિકેટ ઝડપી છે. તેણે 71 ટી-20 મેચમાં 66 વિકેટ ઝડપી છે.

આરસીબીને ચેમ્પિયન બનવામાં મદદ કરી

યશ દયાલે 2022માં ગુજરાત ટાઇટન્સ સાથે આઇપીએલ કારકિર્દીની શરૂઆત કરી હતી અને ત્યાર બાદ તે આરસીબી સાથે જોડાયો હતો. આરસીબીએ 2024ના ખેલાડીઓની હરાજીમાં તેને 5 કરોડ રૂપિયામાં ખરીદ્યો હતો. આ વર્ષની સિઝન માટે તેને બેંગલુરુની ટીમે રિટેન કર્યો હતો અને રજત પાટીદારની આગેવાની હેઠળની ટ્રોફી જીતનારી ટીમનો તે મહત્વનો સભ્ય હતો.

બન્ને ટીમો આ પ્રમાણે છે

ભારત : યશસ્વી જયસ્વાલ, કેએલ રાહુલ, સાઇ સુદર્શન, શુભમન ગિલ (કેપ્ટન), ઋષભ પંત, રવિન્દ્ર જાડેજા, વોશિંગ્ટન સુંદર, શાર્દુલ ઠાકુર, મોહમ્મદ સિરાજ, જસપ્રીત બુમરાહ, અંશુલ કંબોજ.

ઇંગ્લેન્ડ : ઝેક ક્રોલી, ⁠બેન ડકેટ, ⁠ઓલી પોપ, ⁠જો રૂટ, ⁠હેરી બ્રુક, ⁠બેન સ્ટોક્સ (કેપ્ટન), ⁠જેમી સ્મિથ, જોફ્રા આર્ચર, ક્રિસ વોક્સ, બ્રાયડન કાર્સ, લિયામ ડોસન.

ધ સનના અહેવાલ મુજબ તેઓ 24 જુલાઈ, ગુરુવારે સવારે ફ્લોરિડાના ક્લિયરવોટર સ્થિત તેમના ઘરે મૃત હાલતમાં મળી આવ્યા હતા.

હોગને 18 ડિસેમ્બર, 1983ના રોજ લિન્ડા ક્લેરિજ સાથે લગ્ન કર્યા. બંનેને એક પુત્રી, બ્રુક અને એક પુત્ર નિક છે. હોગનના કથિત અફેર હોવાની જાણ થતાં ક્લેરિજે આખરે છૂટાછેડા માટે અરજી કરી. બાદમાં હોગને ડિસેમ્બર 2010માં જેનિફર મેકડેનિયલ સાથે લગ્ન કર્યા, પરંતુ તેમના લગ્ન પણ ટકી શક્યા નહીં. હોગને 2022માં સોશિયલ મીડિયા પર શેર કર્યું કે તેમના છૂટાછેડા થઈ ગયા છે.

હોગન હવે યોગ પ્રશિક્ષક સ્કાય ડેલી સાથે લગ્ન કરી ચૂક્યા છે. હોગને અભિનેતા કોરીન નેમેકના લગ્ન રિસેપ્શનમાં ડેલીને પ્રપોઝ કર્યા પછી જુલાઈ 2023 માં બંનેની સગાઈ થઈ. તેઓએ 22 સપ્ટેમ્બર, 2023 ના રોજ લગ્ન કર્યા. ડેલી હોગન કરતા 25 વર્ષ નાની છે. યોગ પ્રશિક્ષક હોવા ઉપરાંત, તેના સોશિયલ મીડિયા પરથી જાણવા મળે છે કે તે ફિટનેસ ઉદ્યોગમાં કામ કરતી હતી અને નાના વ્યવસાયોને પણ મદદ કરતી હતી.

માન્ચેસ્ટરમાં રમાઈ રહેલી ચોથી ટેસ્ટના પહેલા દિવસે ક્રિસ વોક્સના બોલને રિવર્સ સ્વીપ કરવાનો પ્રયાસ કરતી વખતે પંત ઇજાગ્રસ્ત થયો હતો. તેમને જમણા પગમાં ગંભીર ઈજા થઈ છે. ફ્રેક્ચર હોવા છતાં ગુરુવારે ભારતીય ઉપ-કપ્તાન ઋષભ પંત બેટિંગ કરવા ઉતર્યો હતો. આ પહેલા લોર્ડ્સ ટેસ્ટમાં પણ પંતને હાથમાં ઈજા થઈ હતી અને ત્યાં પણ તેમણે ઈંગ્લિશ બોલરોનો બહાદુરીથી સામનો કર્યો હતો.

સ્ટેડિયમમાં હાજર પ્રેક્ષકોએ ઉભા થઇને પંતનું તાળીઓથી સ્વાગત કર્યું

ગુરુવારે શાર્દુલ ઠાકુરના આઉટ થયા પછી ઋષભ પંત બેટિંગ કરવા ઉતર્યો હતો. આ દરમિયાન ડ્રેસિંગ રૂમમાંથી મેદાન પર પહોંચતા તેનો એક વીડિયો સામે આવ્યો છે, જેમાં તે ખૂબ જ ધીમી ગતિએ આગળ વધી રહ્યો છે. આ દરમિયાન સ્ટેડિયમમાં હાજર પ્રેક્ષકોએ ઉભા થઇને તાળીઓથી સ્વાગત કર્યું હતું. શાર્દુલ ઠાકુરે પણ તેની પીઠ થપથપાવી હતી.

ધ્રુવ જુરેલ વિકેટકીપરની ભૂમિકા ભજવશે

બીસીસીઆઈએ ગુરુવારે એક્સ પર લખ્યું હતું કે માન્ચેસ્ટર ટેસ્ટના પહેલા દિવસે જમણા પગમાં ઈજા થયા બાદ ઋષભ પંત બાકીની મેચમાં વિકેટકીપિંગ કરી શકશે નહીં. ધ્રુવ જુરેલ વિકેટકીપરની ભૂમિકા ભજવશે. બોર્ડે કહ્યું કે ઈજા છતાં ઋષભ પંત બીજા દિવસે ટીમ સાથે જોડાયો છે અને ટીમની જરૂરિયાત મુજબ બેટિંગ કરવા માટે ઉપલબ્ધ રહેશે.

આ પણ વાંચો – ભારત વિ ઇંગ્લેન્ડ ચોથી ટેસ્ટ લાઇવ અપડેટ્સ

ભારત અને ઇંગ્લેન્ડ વચ્ચે ચાલી રહેલી ટેસ્ટ શ્રેણીમાં ઋષભ પંત બીજી વખત ઈજાગ્રસ્ત થયો છે. લોર્ડ્સમાં ત્રીજી ટેસ્ટ દરમિયાન વિકેટકીપિંગ કરતી વખતે તેમને આંગળીમાં ઈજા થઈ હતી જેના કારણે તેઓ ઇંગ્લેન્ડની બીજી ઇનિંગમાં વિકેટકીપિંગ કરી શક્યો ન હતા. ધ્રુવ જુરેલે આ જવાબદારી સંભાળી હતી.

રિવર્સ સ્વિપ કરવાના પ્રયાસમાં બોલ વાગ્યો હતો

ભારત અને ઇંગ્લેન્ડ વચ્ચેની ચોથી ટેસ્ટ મેચના પ્રથમ દિવસે 68મી ઓવરમાં 37 રને બેટિંગ કરી રહેલા ઋષભ પંતે ફાસ્ટ બોલર ક્રિસ વોક્સ સામે રિવર્સ સ્વિપ કરવાનો પ્રયાસ કર્યો હતો, પરંતુ તે ચૂકી ગયો હતો અને તેના જમણા પગના અંગૂઠામાં ઈજા થઈ હતી. બોલ સીધો અંગૂઠામાં અથડાયો. ફિઝિયો જ્યારે ઋષભ પંતના જમણા પગની દેખભાળ કરી રહ્યા હતા, ત્યારે તે દર્દથી તડપતો હતો અને જમીન પર સૂતો હતો, જે લોહીના ડાઘા પડી ગયેલા કટને કારણે એકદમ સોજાવાળો થઈ ગયો હતો.

સ્કેન રિપોર્ટમાં ફ્રેક્ચરની પૃષ્ટિ

બીસીસીઆઈના એક સૂત્રએ પીટીઆઈને જણાવ્યું હતું કે સ્કેન રિપોર્ટમાં ફ્રેક્ચર જોવા મળ્યું હતું અને તે છ અઠવાડિયા માટે મેદાનની બહાર થઇ ગયો છે. મેડિકલ ટીમ એ જોવાનો પ્રયાસ કરી રહી છે કે શું તે પેઇનકિલર્સ સાથે બેટિંગ કરવા પાછો આવી શકે છે. જોકે તેને ચાલવા માટે હજુ પણ સપોર્ટની જરૂર છે.

આ પણ વાંચો – યશસ્વી જયસ્વાલની કમાલ, 51 વર્ષ પછી માન્ચેસ્ટરમાં ભારતીય ઓપનરે મેળવી આવી સિદ્ધિ

એન જગદિશનને તક મળી શકે છે

ઈંગ્લેન્ડ સામે શ્રેણીની અંતિમ પાંચમી ટેસ્ટ મેચ માટે ભારતીય ટીમમાં ઋષભ પંતની જગ્યાએ તમિલનાડુના 29 વર્ષીય વિકેટકીપર બેટ્સમેનન એન જગદિશનને તક મળી શકે છે. જમણેરી વિકેટકિપર બેટ્સમેન ભારતીય ટીમની સાથે જોડાશે તે લગભગ નિશ્ચિત મનાય છે અને ક્રિકબઝના મતે ટૂંક સમયમાં જ તેની જાહેરાત કરવામાં આવે તેવી શક્યતા છે. આ પહેલા એવા પણ રિપોર્ટ હતા કે ઇશાન કિશનને ટીમમાં સામેલ કરશે,

જણાવી દઈએ કે ઈંગ્લેન્ડના પ્રવાસે ગયેલી ભારતીય ક્રિકેટ ટીમ પહેલાથી જ ઈજાના સંકટ સામે ઝઝૂમી રહી છે. ઓલરાઉન્ડર નીતિશ કુમાર રેડ્ડી પહેલા જ ઘૂંટણની ઈજાના કારણે શ્રેણીમાંથી બહાર થઈ ગયો છે. ફાસ્ટ બોલર આકાશ દીપ (કમરની ઇજા) અને અર્શદિપ સિંહ (અંગુઠાની ઇજા) પણ ચોથી ટેસ્ટ માટે ઉપલબ્ધ નથી.

ભારતીય ટીમ 358 રનમાં ઓલઆઉટ

બીજા દિવસે ભારતીય ટીમ પ્રથમ ઇનિંગ્સમાં 114.1 ઓવરમાં 358 રન બનાવી ઓલઆઉટ થઇ ગઇ છે. ભારત તરફથી યશસ્વી જયસ્વાલ, સાઇ સુદર્શન અને ઋષભ પંતે અડધી સદી ફટકારી હતી. ઇંગ્લેન્ડ તરફથી બેન સ્ટોક્સે સૌથી વધારે 5 વિકેટ ઝડપી હતી. જોફ્રા આર્ચરને 3 વિકેટ મળી હતી

બન્ને ટીમો આ પ્રમાણે છે

ભારત : યશસ્વી જયસ્વાલ, કેએલ રાહુલ, સાઇ સુદર્શન, શુભમન ગિલ (કેપ્ટન), ઋષભ પંત, રવિન્દ્ર જાડેજા, વોશિંગ્ટન સુંદર, શાર્દુલ ઠાકુર, મોહમ્મદ સિરાજ, જસપ્રીત બુમરાહ, અંશુલ કંબોજ.

ઇંગ્લેન્ડ : ઝેક ક્રોલી, ⁠બેન ડકેટ, ⁠ઓલી પોપ, ⁠જો રૂટ, ⁠હેરી બ્રુક, ⁠બેન સ્ટોક્સ (કેપ્ટન), ⁠જેમી સ્મિથ, જોફ્રા આર્ચર, ક્રિસ વોક્સ, બ્રાયડન કાર્સ, લિયામ ડોસન.

યશસ્વી જયસ્વાલે કમાલ કરી

યશસ્વીએ પ્રથમ ઈનિંગમાં ઈંગ્લેન્ડ સામે 96 બોલમાં અડધી સદી પુરી કરી હતી. યશસ્વીએ પોતાની 50 રનની ઈનિંગ દરમિયાન 1 સિક્સર અને 9 ફોર ફટકારી હતી. આ અડધી સદી સાથે તે માન્ચેસ્ટરમાં 1974 પછી ઈંગ્લેન્ડ સામે અડધી સદી ફટકારનારો સૌપ્રથમ ભારતીય ઓપનર બેટ્સમેન બન્યો છે. પ્રથમ ઇનિંગમાં યશસ્વીએ 107 બોલમાં એક સિક્સર અને 10 ફોરની મદદથી 58 રન બનાવ્યા હતા.

સુનીલ ગાવસ્કરે 51 વર્ષ પહેલા અડધી સદી ફટકારી હતી

યશસ્વી જયસ્વાલ પહેલા સુનીલ ગાવસ્કરે 1974માં માન્ચેસ્ટરમાં ઇંગ્લેન્ડ સામે ભારતીય ઓપનર તરીકે અડધી સદી ફટકારી હતી. હવે 51 વર્ષ બાદ કોઈ ભારતીય બેટ્સમેને આ મેદાન પર ઓપનર તરીકે અડધી સદી ફટકારવાની સિદ્ધિ મેળવી છે.

આ પણ વાંચો – અંશુલ કંબોજનું ટેસ્ટ ક્રિકેટમાં ડેબ્યૂ, એક ઇનિંગ્સમાં ઝડપી ચુક્યો છે 10 વિકેટ

ચોથી ટેસ્ટ મેચમાં ઈંગ્લેન્ડે ટોસ જીતીને બોલિંગ કરવાનો નિર્ણય લીધો હતો. ભારતીય ટીમ તરફથી યશસ્વી જયસ્વાલ અને કેએલ રાહુલે ઇનિંગની શરૂઆત કરી હતી. બંને વચ્ચે પ્રથમ વિકેટ માટે 94 રનની સારી ભાગીદારી થઈ હતી. કેએલ રાહુલ પ્રથમ ઈનિંગમાં 46 રન બનાવી આઉટ થયો હતો અને અડધી સદી ચૂકી ગયો હતો.

અંશુલ કંબોજ કોણ છે?

અંશુલ કંબોજનો જન્મ 6 ડિસેમ્બર 2000 ના રોજ હરિયાણાના કરનાલમાં થયો હતો. અંશુલ બોલિંગ ઓલરાઉન્ડર છે. તે ઘરેલુ ક્રિકેટમાં હરિયાણા માટે રમે છે. તે IPLમાં પણ રમી ચૂક્યો છે. હાલમાં તે ચેન્નાઈ સુપર કિંગ્સ માટે રમે છે જ્યારે અગાઉ તે મુંબઈ ઇન્ડિયન્સ માટે રમતો હતો.

રણજી ટ્રોફીમાં એક ઇનિંગ્સમાં 10 વિકેટ ઝડપી હતી

કંબોજે ટેસ્ટ શ્રેણી પહેલા ઇંગ્લેન્ડ લાયન્સ સામેની બે મેચમાં ઇન્ડિયા A માટે સારું પ્રદર્શન કર્યું હતું. તેણે નોર્થમ્પ્ટન અને કેન્ટરબરીમાં ચાર ઇનિંગ્સમાં 5 વિકેટ ઝડપી હતી. ગયા વર્ષે લાહલીમાં કેરળ સામેની રણજી ટ્રોફી મેચમાં તેણે હરિયાણા માટે એક ઇનિંગ્સમાં 10 વિકેટ ઝડપી હતી. તેણે કેરળ સામે 49 રન આપીને 10 વિકેટ ઝડપી હતી. તે બંગાળના પ્રેમાંશુ ચેટર્જી (1956-57) અને રાજસ્થાનના પ્રદીપ સોમાસુંદરમ (1985-86) પછી આ સિદ્ધિ મેળવનાર ત્રીજો બોલર બન્યો હતો. તેણે ગયા સિઝનમાં છ રણજી મેચમાં 34 વિકેટ લીધી હતી.

આ પણ વાંચો – ભારત વિ ઇંગ્લેન્ડ ચોથી ટેસ્ટ પ્રથમ દિવસ લાઇવ સ્કોર

અંશુલ કંબોજનો રેકોર્ડ, ફર્સ્ટ-ક્લાસ ક્રિકેટ (રણજી ટ્રોફી)

• મેચ: 22
• વિકેટ: 74
• એવરેજ : 22.66
• શ્રેષ્ઠ બોલિંગ પ્રદર્શન: 10/49

બન્ને ટીમો આ પ્રમાણે છે

ભારત : યશસ્વી જયસ્વાલ, કેએલ રાહુલ, સાઇ સુદર્શન, શુભમન ગિલ (કેપ્ટન), ઋષભ પંત, રવિન્દ્ર જાડેજા, વોશિંગ્ટન સુંદર, શાર્દુલ ઠાકુર, મોહમ્મદ સિરાજ, જસપ્રીત બુમરાહ, અંશુલ કંબોજ.

ઇંગ્લેન્ડ : ઝેક ક્રોલી, ⁠બેન ડકેટ, ⁠ઓલી પોપ, ⁠જો રૂટ, ⁠હેરી બ્રુક, ⁠બેન સ્ટોક્સ (કેપ્ટન), ⁠જેમી સ્મિથ, જોફ્રા આર્ચર, ક્રિસ વોક્સ, બ્રાયડન કાર્સ, લિયામ ડોસન.

પ્રેક્ટિશ દરમિયાન થયેલી ઇજાને લીધે નીતિશ રેડ્ડી હવે શ્રેણીમાંથી બહાર થયો છે. જ્યારે આકાશદીપ અને અર્શદીપ પણ રમી શકશે કે કેમ એ સવાલ છે. લોર્ડ્સમાં ઇંગ્લેન્ડની પહેલી ઇનિંગ દરમિયાન પંતને આંગળીમાં ઈજા થઇ હતી જેના કારણે તે મેચમાં વિકેટકીપિંગ કરી શક્યો ન હતો. જોકે પંત હવે સ્વસ્થ છે અને તેણે મેચ પૂર્વેના પ્રેક્ટિશ સેશનમાં પણ ભાગ લીધો હતો.

કરૂણ નાયર ટીમમાં રમી શકે છે!

ઇંગ્લેન્ડ સામેની શ્રેણીમાં ભારતીય બેટ્સમેન કરૂણ નાયર મોટી ઇનિંગ રમવામાં નિષ્ફળ રહ્યો છે. જોકે શુભમન ગિલ કરૂણ નાયર પ્રત્યે કુણી લાગણી ધરાવી રહ્યો હોય એવું લાગે છે. તેણે કહ્યું કે, અમને લાગે છે કે, તે સારી બેટીંગ કરી રહ્યો છે અને તેની બેટિંગમાં કોઇ સમસ્યા નથી. જોકે તેને શરુઆતની મેચમાં તેના મનપસંદ ક્રમાં બેટીંગ કરવાની તક મળી ન હતી.

Read More: હરમનપ્રીત કૌર એ બનાવ્યો નવો કિર્તીમાન

ઋષભ પંત કરશે વિકેટકીપિંગ

ભારતીય કેપ્ટન શુભમન ગિલે જણાવ્યું કે, પંત ઈજાને લીધે લોર્ડ્સ ટેસ્ટમાં માત્ર 35 ઓવર સુધી જ વિકેટકીપિંગ કરી શક્યો હતો. બાકીની ઓવરમાં ધ્રુવ જુરેલ વિકેટકિપર રહ્યો હતો. જોકે તેનું પ્રદર્શન એકંદર નિરાશાજનક રહ્યું હતું. તે યોગ્ય રીતે બોલ પકડી ન શકતાં વિકેટ પાછળ 25 બાયના રન આપ્યા હતા અને ઇંગ્લેન્ડ આ ટેસ્ટ મેચ 22 રનથી જ જીત્યું હતું.

કંબોજ ડેબ્યૂ કરી શકે છે?

અર્શદીપ અને આકાશદીપ ઈજાને લીધે ટીમમાંથી બહાર છે જેના કારણે યુવા ફાસ્ટ બોલર અંશુલ કંબોજ ટીમમાં આવી શકે છે. હરિયાણાના આ ખેલાડીની પ્રશંસા કરતાં ગિલે કહ્યું કે, અમે તેની બોલિંગ જોઇ છે, અમારુ માનવું છે કે, તે અમારા માટે જીતનો ઘોડો સાબિત થઇ શકે એમ છે. કંબોજ આજે ટેસ્ટ ડેબ્યૂ કરી શકે છે.

ઇંગ્લેન્ડમાં સૌથી વધુ રન બનાવનાર ભારતીય મહિલા ક્રિકેટરોની વાત કરીએ તો મિતાલી રાજે 41 મેચની 39 ઇનિંગ્સમાં 48.59 ની સરેરાશથી 1555 રન બનાવ્યા છે. પૂનમ રાઉત ત્રીજા નંબરે છે. તેણીએ 741 રન બનાવ્યા છે. સ્મૃતિ મંધાનાએ 715 રન બનાવ્યા છે. દીપ્તિ શર્માએ 344 રન બનાવ્યા છે. સંધ્યા અગ્રવાલે 344, અંજુમ ચોપરાએ 311 અને વેદ કૃષ્ણમૂર્તિએ 299 રન બનાવ્યા છે.

ઇંગ્લેન્ડમાં સૌથી વધુ રન બનાવનાર ભારતીય મહિલા ક્રિકેટરોમાં અંજુ જૈનના 234, ઝુલન ગોસ્વામીના 211 અને અમિત શર્માના 207 રનનો સમાવેશ થાય છે. હેમલતા કલાએ 198, હરલીન દેઓલના 142, ચંદ્રકાંતા કૌલના 137, રેશ્મા ગાંધીના 122, શશી ગુપ્તાના 108 અને રીમા મલ્હોત્રાના 100 રન બનાવ્યા છે.

આ પણ વાંચો: સરફરાઝ ખાને 17 કિલો વજન ઘટાડ્યું, ઇંગ્લેન્ડના દિગ્ગજ ખેલાડીએ પૃથ્વી શોને યાદ કર્યો

ભારતે પ્રથમ બેટિંગ કરવાનો નિર્ણય લીધો

ભારતીય મહિલા ટીમે ટોસ જીતીને પ્રથમ બેટિંગ કરવાનો નિર્ણય લીધો. સ્મૃતિ મંધાના અને પ્રતિકા રાવલે અડધી સદીની ભાગીદારી કરી. પ્રતિકા રાવલે 26 રન બનાવ્યા. સ્મૃતિ મંધાનાએ 45 રન બનાવ્યા. ચાર્લી ડીન અને સોફી એક્લેસ્ટોને વિકેટ લીધી. ભારતીય ટીમે T20 શ્રેણી જીત્યા બાદ પ્રથમ ODI જીતી. ઇંગ્લેન્ડે વરસાદથી પ્રભાવિત બીજી ODI જીતી હતી.

ઇંગ્લેન્ડ મહિલા ટીમની પ્લેઇંગ ઇલેવન

ટેમી બ્યુમોન્ટ, એમી જોન્સ (વિકેટકીપર), એમ્મા લેમ્બ, નેટ સાયવર-બ્રન્ટ (કેપ્ટન), સોફિયા ડંકલી, એલિસ ડેવિડસન રિચાર્ડ્સ, ચાર્લોટ ડીન, સોફી એક્લેસ્ટોન, લિન્સી સ્મિથ, લોરેન ફાઇલર, લોરેન બેલ.

ભારત મહિલા ટીમની પ્લેઇંગ ઇલેવન

સ્મૃતિ મંધાના, પ્રતિકા રાવલ, હરલીન દેઓલ, હરમનપ્રીત કૌર (કેપ્ટન), જેમીમા રોડ્રિગ્સ, રિચા ઘોષ (વિકેટકીપર), દીપ્તિ શર્મા, રાધા યાદવ, સ્નેહ રાણા, શ્રી ચારણી, ક્રાંતિ ગૌડ.

કાબુલમાં શાપે ક્રિકેટ લીગમાં ઘટના બની

કાબુલમાં શાપે ક્રિકેટ લીગ (એસસીએલ)માં હસન ઇસાખિલ અમો શાર્ક્સનો ભાગ છે. જ્યારે મોહમ્મદ નબી મિસ એનાક નાઈટ્સ તરફથી રમી રહ્યો છે. ઇસાખિલે 36 બોલમાં 52 રનની શાનદાર ઇનિંગ રમી હતી. તેણે પોતાની ઇનિંગમાં 5 ફોર અને 2 સિક્સર ફટકારી હતી. તેણે એક સિક્સર પોતાના પિતા મોહમ્મદ નબીની ઓવરમાં ફટકારી હતી. નબીના પહેલા જ બોલ પર ઇસાખિલે સિક્સર ફટકારી હતી. નબીએ 1 ઓવર ફેંકીને 12 રન આપ્યા હતા.

પુત્ર સાથે રમવા માટે નિવૃત્તિ ટાળી દીધી

ઉલ્લેખનીય છે કે મોહમ્મદ નબીએ ચેમ્પિયન્સ ટ્રોફી 2025 બાદ વનડે ક્રિકેટમાંથી સંન્યાસ લેવાની યોજનાને સ્થગિત કરી દીધી હતી. 40 વર્ષીય નબી પોતાના 18 વર્ષના પુત્ર હસન ઇસાખિલ સાથે અફઘાનિસ્તાન માટે ક્રિકેટ મેચ રમવા માંગે છે. નિવૃત્તિ મુલતવી રાખવાનું પણ આ જ કારણ હતું.

આ પણ વાંચો – ભારત વિ ઇંગ્લેન્ડ ચોથી ટેસ્ટ, નીતિશ રેડ્ડીના બદલે કોને મળશે તક, જાણો ભારતની પ્લેઇંગ ઇલેવન

હસન ઇસાખિલનો રેકોર્ડ શાનદાર

ફર્સ્ટ ક્લાસ ક્રિકેટ અને ટી-20માં હસન ઇસાખિલનો રેકોર્ડ શાનદાર છે. તેણે 4 ફર્સ્ટ ક્લાસ મેચની 7 ઇનિંગ્સમાં 47.14ની એવરેજથી 330 રન બનાવ્યા છે. તેમાં 2 સદીનો સમાવેશ થાય છે. આ સિવાય તેણે 24 ટી20માં 547 રન બનાવ્યા છે. જેમાં 3 અડધી સદી સામેલ છે. તેને ટૂંક સમયમાં જ અફઘાનિસ્તાનની ટીમમાં સ્થાન મળી શકે છે.

લાલા અમરનાથ અને સુરિન્દર અમરનાથ એકબીજા સામે રમ્યા હતા

ડેનિસ સ્ટ્રીક અને હીથ સ્ટ્રીક ઉપરાંત શિવનારાયણ ચંદ્રપાલ અને ટેગનારન ચંદ્રપાલ જેવી પિતા-પુત્રની ઘણી જોડી એક સાથે ક્રિકેટ રમી ચૂકી છે, પરંતુ પિતા-પુત્રની લાલા અમરનાથ અને સુરિન્દર અમરનાથની જોડી એકબીજા સામે રમી ચૂકી છે. બંનેએ ડિફેન્સ દ્વારા આયોજિત ભંડોળ ઉભું કરવાની મેચમાં ભાગ લીધો હતો. જ્યાં મહારાષ્ટ્રના રાજ્યપાલ ઈલેવન સામે મહારાષ્ટ્રના મુખ્યમંત્રી ઈલેવનનો મુકાબલો થયો હતો. આ મેચમાં લાલા અને સુરિન્દર વિરોધી ટીમના ભાગ હતા.

પ્રેક્ટિસ સેશન દરમિયાન સ્લિપ કોર્ડન જોઈને લાગી રહ્યું હતું કે નીતિશ કુમાર રેડ્ડીના સ્થાને સાઈ સુદર્શન પ્લેઈંગ 11માં પાછો ફરશે. માન્ચેસ્ટર ટેસ્ટની પ્લેઈંગ 11ની તસવીર લગભગ સ્પષ્ટ થઈ ગઈ છે. ભારતીય ટીમ પ્લેઇંગ ઇલેવનમાં 2 ફેરફાર કરી શકે છે. નીતિશ રેડ્ડીના સ્થાને સાંઈ સુદર્શન અને આકાશદીપના સ્થાને અંશુલ કંબોજ અથવા પ્રસિદ્ધ કૃષ્ણા રમી શકે છે.

આકાશદીપે ફિટનેસ ટેસ્ટ આપ્યો

પ્રેક્ટિસ સેશન દરમિયાન આકાશદીપે ફિટનેસ ટેસ્ટ પણ આપ્યો હતો, પરંતુ હાલ તેનો રિપોર્ટ સામે આવ્યો નથી. તેને કમરની સમસ્યા છે. જસપ્રીત બુમરાહ માન્ચેસ્ટર ટેસ્ટ રમવા માટે તૈયાર છે. એટલે કે તે ઓવલ ટેસ્ટ નહીં રમે. આવી સ્થિતિમાં આકાશદીપને આ મેચમાં આરામ આપવામાં આવી શકે છે જેથી તે છેલ્લી ટેસ્ટ રમવા માટે ફિટ થઈ જાય.

આ પણ વાંચો – શુભમન ગિલ અને સારા તેંડુલકરનો વધુ એક વીડિયો વાયરલ, ઇન્ટરનેટ પર છવાઇ ગયો, જુઓ Video

સાઈ સુદર્શનની કેમ થઇ શકે છે વાપસી

સાંઇ સુદર્શન ટીમમાં આવવાના કારણે કરુણ નાયર ફરી એકવાર 6 નંબર પર રમતો જોવા મળી શકે છે, જ્યાં તે પ્રથમ ટેસ્ટમાં રમ્યો હતો. ગૌતમ ગંભીરને ભારતના કોચ બન્યાને એક વર્ષ થઈ ગયું છે. આ સમય દરમિયાન ભારતીય ટીમે બેટિંગમાં ઉંડાણ પર ઘણું ધ્યાન આપ્યું છે. આ કારણે છેલ્લી 2 ટેસ્ટમાં 3 ઓલરાઉન્ડર રમી ચૂક્યા છે. હવે નીતીશ રેડ્ડીની ઈજા બાદ સુદર્શન પ્લેઈંગ 11માં પાછા ફરશે તો નંબર 8 સુધી બેટિંગ જોવા મળી શકે છે.

માન્ચેસ્ટર ટેસ્ટ માટે ભારતની સંભવિત પ્લેઇંગ 11

યશસ્વી જયસ્વાલ, કેએલ રાહુલ, સાઇ સુદર્શન, શુભમન ગિલ (કેપ્ટન), ઋષભ પંત, કરુણ નાયર, રવિન્દ્ર જાડેજા, વોશિંગ્ટન સુંદર, મોહમ્મદ સિરાજ, જસપ્રીત બુમરાહ, પ્રસિદ્ધ કૃષ્ણા/અંશુલ કંબોજ.

ભારતીય કેપ્ટન શુભમન ગિલના આ આક્રમક વલણ સામે અનેકે સવાલ ઉઠાવ્યા. આ વિવાદમાં ભૂતપૂર્વ ખેલાડી મનોજ તિવારી પણ જોડાયા અને કહ્યું કે, શુભમન ગિલ વિરાટની નકલ કરવાનો પ્રયાસ કરી રહ્યો છે. આમ કરવાથી તેની બેટિંગને કોઇ ફાયદો થઇ રહ્યો નથી. મનોજ તિવારીને ટાંકીને સ્પોર્સ્ટબૂમના અહેવાલ અનુસાર, મને કેપ્ટન ગિલની રીત પસંદ નથી. મને લાગે છે કે તે વિરાટ કોહલીની નકલ કરવાનો પ્રયાસ કરી રહ્યો છે.

મનોજ તિવારીએ વધુમાં કહ્યું કે, જ્યારથી તે IPL માં કેપ્ટન બન્યો છે ત્યારથી તેના વલણમાં બદલાવ આવ્યો છે. તે આક્રમક માનસિકતા અપનાવી રહ્યો છે અને અમ્પાયરો સાથે દલીલો કરી રહ્યો છે. આ ગિલ હવે પહેલા જેવો નથી રહ્યો. તેને આક્રમકતા બતાવવાની કે કંઇ સાબિત કરવાની જરુર નથી તે તેની રમત અને ટીમ પર ધ્યાન આપે એ ખાસ જરુરી છે.

ગિલ પ્રતિક્રિયા આપ્યા વિના પણ આક્રમક બની શકે છે એ વાત પર ભાર મુકતાં તિવારીએ કહ્યું કે, હું જાણું છું કે કેપ્ટને આગળથી નેતૃત્વ કરવું જોઇએ. પરંતુ આટલી બધી આક્રમકતા યોગ્ય નથી. તે ઊર્જા વ્યય કરે છે. રમતમાં પોતાની આક્રમક શૈલી જાળવી રાખવી જોઇએ નહિં કે મેદાન પર અન્ય બાબતો કે દલીલોમાં. મેચ જીતીને પણ તમે સામેની ટીમને એક આગવી શૈલીમાં આક્રમકતા બતાવી શકો છો.

સરફરાઝ ખાને થોડા મહિના પહેલા તેની વજન ઘટાડવાની સફર શરૂ કરી હતી. તેના સારા પરિણામો આવ્યા છે. સ્થૂળતા માટે ઘણીવાર ટ્રોલ થનારા સરફરાઝે ઘણું વજન ઘટાડ્યું છે. તે ઘરેલુ ક્રિકેટમાં રન બનાવીને તેની નજર ભારતીય ટેસ્ટ ટીમમાં વાપસી કર પર રહેશે.

કેવિન પીટરસન પૃથ્વી શોને યાદ કર્યો

સરફરાઝ ખાનના પરિવર્તને ઇન્ટરનેટ પર ધમાલ મચાવી દીધી છે. આ જોઈને ઇંગ્લેન્ડના દિગ્ગજ ખેલાડી કેવિન પીટરસન પણ આશ્ચર્યચકિત થઈ ગયો છે. ઇંગ્લેન્ડના ભૂતપૂર્વ કેપ્ટને પૃથ્વી શોને સરફરાઝ પાસેથી બોધપાઠ લેવાની સલાહ આપી છે. પીટરસને કહ્યું, “શાનદાર પ્રયાસ, જવાન! ખૂબ ખૂબ અભિનંદન અને મને ખાતરી છે કે આ તમને મેદાન પર વધુ સારું અને સતત પ્રદર્શન કરવામાં મદદ કરશે. મને તમારી પ્રાથમિકતાઓને ફરીથી ગોઠવવાનો સમય ખૂબ ગમ્યો! શું કોઈ પૃથ્વીને આ બતાવી શકે છે? તે કરી શકાય છે! મજબૂત શરીર, મજબૂત મન.”

આ પણ વાંચો: સૈયારા ફિલ્મની અભિનેત્રી અનીત પડ્ડાની સુંદર તસવીરો

ઓસ્ટ્રેલિયા પ્રવાસ પર તક મળી ન હતી

સરફરાઝ છેલ્લે ગયા વર્ષે ઘરઆંગણે ન્યુઝીલેન્ડ સામે ટેસ્ટ શ્રેણીમાં ભારત માટે રમ્યો હતો. બેંગલુરુમાં શાનદાર 150 રન બનાવવા છતાં સરફરાઝને ટીમમાંથી બહાર કરવામાં આવતા પહેલા થોડી વધુ મેચ રમવાની તક મળી. ઓસ્ટ્રેલિયા પ્રવાસ પર તેને એક પણ મેચ મળી ન હતી. પૃથ્વી શો વિશે વાત કરીએ તો તે લાંબા સમયથી ભારતીય ટીમની બહાર છે. તેણે સ્થાનિક સિઝન પહેલા મુંબઈ સાથે સંબંધો તોડી નાખ્યા છે અને મહારાષ્ટ્ર સાથે જોડાયો છે જેના માટે તે આગામી સ્થાનિક સિઝનમાં રમશે.

મળતી માહિતી મુજબ, રવિવારે (20 જુલાઈ) જીમમાં ટ્રેનિંગ દરમિયાન નીતિશ કુમાર રેડ્ડી ઘાયલ થયો હતો. સ્કેનથી લિગામેન્ટ નુકસાનની માહિતી સામે આવી છે. ભારતીય ટીમે આકાશદીપ અને અર્શદીપ માટે બેકઅપ તરીકે ફાસ્ટ બોલર અંશુલ કંબોજને સામેલ કર્યો છે.

ઇંગ્લેન્ડ સામેની ટેસ્ટ શ્રેણીમાં નીતિશ કુમાર રેડ્ડીનું પ્રદર્શન

લીડ્સમાં સિરીઝની પ્રથમ મેચમાં બહાર રહ્યા બાદ નીતિશ કુમાર રેડ્ડી બીજી અને ત્રીજી ટેસ્ટમાં રમ્યો હતો. બર્મિંગહામમાં તેમનું પ્રદર્શન ખાસ નહોતું. તેણે તે મેચમાં ફક્ત બે રન બનાવ્યા અને છ ઓવરમાં કોઈ વિકેટ લીધી નહીં. જોકે લોર્ડ્સમાં તેણે ટોપ-ઓર્ડરની મહત્વપૂર્ણ વિકેટ લીધી હતી. પહેલી ઇનિંગમાં તેણે ઇંગ્લેન્ડના ઓપનર બેટ્સમેન બેન ડકેટ અને જેક ક્રોલીને એક જ ઓવરમાં આઉટ કર્યા હતા. બીજી ઇનિંગમાં પણ તેણે ક્રોલીને આઉટ કર્યો હતો. તેણે બેટથી 30 અને 13 રન બનાવ્યા હતા.

આ પણ વાંચો: ‘ઈમરજન્સીનો છેલ્લો દિવસ…’, એસ જયશંકરે પોતાના UPSC ઇન્ટરવ્યુ વિશે કર્યો મોટો ખુલાસો

ધ્રુવ જુરેલ અથવા શાર્દુલ ઠાકુરને તક મળશે

નીતીશ કુમાર રેડ્ડીને ચોથી ટેસ્ટમાં રમવાની તક મળી શકી હોત. જોકે તે ધ્રુવ જુરેલ સાથે સ્પર્ધામાં હોત, જે ઓલ્ડ ટ્રેફોર્ડમાં વિકેટકીપર તરીકે રમી શકે છે. આ ત્યારે જ થશે જ્યારે આંગળીની ઇજામાંથી સ્વસ્થ થઈ રહેલા રિષભ પંતને નિષ્ણાત બેટ્સમેન તરીકે રમવાનો હોય. ભારતે અત્યાર સુધી ત્રણેય ટેસ્ટમાં ફાસ્ટ બોલર ઓલરાઉન્ડર તરીકે મેદાનમાં ઉતાર્યું છે. શાર્દુલ ઠાકુર પહેલી ટેસ્ટમાં રમ્યો હતો. રેડ્ડીએ બર્મિંગહામમાં તેનું સ્થાન લીધું હતું. જો ભારત આ જ સંયોજન સાથે ચાલુ રાખશે, તો રેડ્ડીની જગ્યાએ ઠાકુરને ઓલ્ડ ટ્રેફોર્ડમાં તક મળી શકે છે. ચોથી ટેસ્ટ પહેલા ઇંગ્લેન્ડ શ્રેણીમાં 2-1થી આગળ છે.

ભારતના ભૂતપૂર્વ ઓપનર શિખર ધવને શનિવારે રાત્રે સોશિયલ મીડિયા પર જાહેરાત કરી હતી કે, તે બર્મિંગહામમાં રમાનારી મેચમાં પાકિસ્તાન સામે રમવાનો નથી. “હું વર્લ્ડ ચેમ્પિયનશિપ ઓફ લિજેન્ડ્સ 2025 માં પાકિસ્તાન સામે કોઈ પણ મેચમાં રમીશ નહીં. ધવન ઉપરાંત સુરેશ રૈના, ઇરફાન પઠાણ, યુસુફ પઠાણ, હરભજન સિંહે પણ આ મેચમાં ભાગ લેવાનો ઇનકાર કર્યો હતો.

આ મેચ વિશે WCL તરફથી નિવેદન જારી કરવામાં આવ્યું છે. જેમા લખ્યું છે કે, “આ વર્ષે પાકિસ્તાન હોકી ટીમના ભારત આવવાના સમાચાર સાંભળ્યા પછી અને તાજેતરની ભારત વિરુદ્ધ પાકિસ્તાન વોલીબોલ મેચ તેમજ બંને દેશો વચ્ચેની વિવિધ રમતોની કેટલીક અન્ય મેચો જોયા પછી, અમે દુનિયાભરના લોકો માટે કેટલીક સુખદ યાદો બનાવવા માટે WCLમાં ભારત વિરુદ્ધ પાકિસ્તાન મેચ ચાલુ રાખવાનું વિચાર્યું. કદાચ, આ પ્રક્રિયામાં, અમે ઘણા લોકોની ભાવનાઓને ઠેસ પહોંચાડી છે.

WCL વધુમાં લખે છે કે,”અમે અજાણતાં જ અમારા લેજન્ડરી ખેલાડીઓને અસ્વસ્થ કરી દીધા હતા, જેમણે દેશનું ઘણું ગૌરવ વધાર્યું છે અને અમે તે બ્રાન્ડ્સને પણ પ્રભાવિત કરી હતી જેણે રમત પ્રત્યેના તેમના પ્રેમને કારણે અમને ટેકો આપ્યો હતો. અમે ભારત-પાકિસ્તાનની મેચ રદ કરવાનો નિર્ણય લીધો છે. અમે દુ:ખ માટે ફરીથી માફી માંગવા માંગીએ છીએ અને આશા રાખીએ છીએ કે લોકો સમજે છે કે અમે ફક્ત ચાહકો માટે કેટલીક ખુશ ક્ષણો લાવવા માંગીએ છીએ.

એએનઆઈના જણાવ્યા અનુસાર બીસીસીઆઈએ એસીસી અને પાકિસ્તાન ક્રિકેટ બોર્ડ (પીસીબી) ના અધ્યક્ષ મોહસીન નકવી બંનેને સત્તાવાર રીતે જાણ કરી દીધી છે કે જો તે બેઠક ઢાકામાં યોજાશે તો તે તેમાં ભાગ લેશે નહીં. ભારત અને બાંગ્લાદેશ વચ્ચેના તણાવપૂર્ણ રાજકીય સંબંધોને કારણે આ નિર્ણય લેવામાં આવ્યો છે.

બીસીસીઆઈએ બેઠકમાં ભાગ લેવાનો ઇનકાર કર્યો

ભારત ઉપરાંત શ્રીલંકા, ઓમાન અને અફઘાનિસ્તાનના ક્રિકેટ બોર્ડે પણ મિટિંગના સ્થળ અંગે આ જ પ્રકારના વાંધા ઉઠાવતા ભારતનું સમર્થન કર્યું છે. આ દેશોના વધતા જતા વિરોધ છતાં એસીસીના પ્રમુખ મોહસિન નકવી ઢાકામાં બેઠક યોજવા પર અડગ છે. બીસીસીઆઈએ એસીસી અને પીસીબી અધ્યક્ષ નકવી બંનેને પોતાનું વલણ સ્પષ્ટ કરી દીધું છે અને કહ્યું છે કે તેઓ ઢાકામાં યોજાનારી બેઠકમાં ભાગ લેશે નહીં. અમે વ્યક્તિગત રીતે સ્થળ બદલવાની વિનંતી પણ કરી છે, પરંતુ હજી સુધી કોઈ પ્રતિસાદ મળ્યો નથી.

આ પણ વાંચો – શુભમન ગિલ અને સારા તેંડુલકરનો વધુ એક વીડિયો વાયરલ, ઇન્ટરનેટ પર છવાઇ ગયો

એસીસીના બંધારણ અનુસાર ઢાકામાં યોજાનારી બેઠકમાં મુખ્ય સભ્ય બોર્ડની ભાગીદારી વિના લેવામાં આવેલા કોઈપણ નિર્ણયને રદબાતલ ગણી શકાય. જેના કારણે એશિયા કપની યજમાનીને લઈને સંભવિત મડાગાંઠની ચિંતા વધી છે. સૂત્રોનું માનીએ તો ઢાકામાં બેઠક યોજવાના નકવીના આગ્રહને એશિયા કપની બાબતોમાં ભારત પર અનુચિત દબાણ લાવવાના પ્રયાસ તરીકે જોવામાં આવી રહ્યો છે.

આ વખતે સપ્ટેમ્બરમાં એશિયા કપનું આયોજન થઈ શકે છે

મિટિંગને આડે ગણતરીના દિવસો જ બાકી રહ્યા છે, ત્યારે એસીસી તરફથી આ મિટિંગ અન્યત્ર યોજવા અંગે કોઈ સત્તાવાર વાતચીત કરવામાં આવી નથી, જેના કારણે એશિયા કપ સામે પ્રશ્નાર્થ સર્જાયો છે. આ વખતે સપ્ટેમ્બરમાં એશિયા કપનું આયોજન થઈ શકે છે.

આ ક્લિપ તે ફંડરેજ ડિનર પાર્ટીની બતાવવામાં આવી રહી છે જે યુવરાજસિંહે તેના યુવેકન ફાઉન્ડેશન માટે હોસ્ટ કરી હતી. તે ચેરિટી ઈવેન્ટમાં દેશ-દુનિયા અને ક્રિકેટ જગતની અનેક મોટી હસ્તીઓ હાજર રહી હતી. શુભમન ગિલની આગેવાની હેઠળની ભારતીય ટેસ્ટ ટીમ પણ સપોર્ટ સ્ટાફની સાથે હાજર રહી હતી. સારા તેંડુલકર પણ તેની માતા અંજલિ અને પિતા સચિન તેંડુલકર સાથે હાજર હતી.

શુભમન ગિલ અને સારા તેંડુલકર ઇવેન્ટમાં હાજર હતા

શુભમન ગિલ અને સારા તેંડુલકર બંને તે ઇવેન્ટમાં અલગ-અલગ જગ્યાએ હાજર હતા, પરંતુ નજીકમાં જ હતા. વીડિયોમાં શુભમન ગિલ વાતચીતમાં પુરી રીતે વ્યસ્ત જોવા મળી રહ્યો છે, ત્યારે સારા તેંડુલકરની નજર અચાનક તેની તરફ જાય છે. કેમેરાએ આ પળને કેદ કરી લીધી હતી.

આ પણ વાંચો – ગંભીર-ગિલની સૌથી મોટી મૂંઝવણ, કરુણ નાયર કે સાઇ સુદર્શનમાંથી ચોથી ટેસ્ટમાં કોને તક આપવી

આ વીડિયો એક્સ (અગાઉ ટ્વિટર) અને ઇન્સ્ટાગ્રામ પર વધુને વધુ વાયરલ થઈ રહ્યો છે. આના પર યૂઝર્સ દરેક પ્રકારના રિએક્શન આપી રહ્યા છે. કેટલાક પ્રશંસકે લખ્યું કે સાચો પ્રેમ છુપતો નથી. તો કેટલાકે મજાકમાં કહ્યું કે સારા આજે પણ ગિલને જુએ છે, ઇશ્ક અભી બાકી હૈ!’ અન્ય એક યુઝરે લખ્યું કે આ પ્રેમ ફરી પાછો આવ્યો છે. કેટલાક યૂઝર્સે તેને માત્ર એક સંયોગ ગણાવ્યો હતો.

શુભમન અને સારાએ આ અંગે ક્યારેય ખુલીને કંઇ કહ્યું નથી

શુભમન ગિલ અને સારા તેંડુલકર રિલેશનશિપમાં હોવાની અફવાઓ સામે આવી રહી છે. જો કે બંનેએ આ અંગે ક્યારેય ખુલીને કંઇ કહ્યું નથી. શુભમન ગિલ હાલમાં પાંચ મેચની ટેસ્ટ શ્રેણી માટે ઇંગ્લેન્ડમાં છે. સારા તેંડુલકર પણ ઇંગ્લેન્ડમાં છે. તે ઘણીવાર સ્પોર્ટ્સ ઇવેન્ટ્સ અને સ્ટેડિયમોમાં જોવા મળે છે.

શુભમન ગિલ અને સારા તેંડુલકરના આ વાયરલ વીડિયોએ ફરીથી સોશિયલ મીડિયા પર તેમના કથિત સંબંધોને લઈને ચર્ચાઓને વેગ આપ્યો છે. જો કે સત્ય શું છે તે બંને સારી રીતે જાણે છે, પરંતુ એટલું તો નક્કી છે કે પ્રશંસકોને આ બંને વચ્ચેની દરેક નાની-મોટી ઝલક ખૂબ જ ખાસ લાગે છે.

યોગ્ય મંજૂરીની વિનંતી કરવામાં આવી નથી

એનડીટીવીના જણાવ્યા અનુસાર રાજ્ય સરકારે પોતાના રિપોર્ટમાં કહ્યું છે કે આરસીબી મેનેજમેન્ટે 3 જૂને પોલીસનો સંપર્ક કર્યો હતો (તે જ દિવસે આરસીબીએ 18 વર્ષની લાંબી રાહ જોયા પછી આઈપીએલ ટ્રોફી જીત્યું હતું) અને સંભવિત વિજય પરેડ વિશે તેમને માહિતી આપી હતી. રિપોર્ટમાં કહેવામાં આવ્યું છે કે આ માત્ર એક માહિતી હતી અને કાયદા હેઠળ જરૂરી પરવાનગી માટેની વિનંતી ન હતી. અહેવાલમાં એમ પણ કહેવામાં આવ્યું છે કે આવી પરવાનગી કાર્યક્રમના ઓછામાં ઓછા સાત દિવસ પહેલા લેવી જોઈએ.

પોલીસ ઇન્સ્પેક્ટરે માર્ચ માટે મંજૂરી આપી ન હતી

રિપોર્ટમાં કહેવામાં આવ્યું છે કે આ કિસ્સામાં, અરજદાર /આયોજક દ્વારા લાઇસન્સિંગ ઓથોરિટીને નિયત ફોર્મેટમાં કોઈ અરજી સબમિટ કરવામાં આવી ન હતી. નિયત ફોર્મેટ હેઠળ જરૂરી આવી માહિતીની ગેરહાજરીમાં, લાઇસન્સિંગ ઓથોરિટી માટે વિનંતીને હકારાત્મક રીતે ધ્યાનમાં લેવાનું શક્ય ન હતું. તદનુસાર કબ્બન પાર્ક પોલીસ સ્ટેશનના પોલીસ ઇન્સ્પેક્ટરે અપેક્ષિત ભીડ, કરાયેલી વ્યવસ્થા, સંભવિત અવરોધો અને ફાઇનલ મેચના બન્ને સંભવિત પરિણામો, એટલે કે આરસીબીની જીત અથવા પરાજય બંને વિશેની માહિતીના અભાવને કારણે 03.06.2025 ના રોજ સાંજે લગભગ 6:30 વાગ્યે કેએસસીએ દ્વારા કરવામાં આવેલી વિનંતીને મંજૂરી આપી ન હતી.

પોલીસની સલાહ લીધા વગર જ લોકોને બોલાવ્યા

રિપોર્ટમાં કહેવામાં આવ્યું છે કે આરસીબીએ બીજા દિવસે સવારે 7:01 વાગ્યે તેમના સત્તાવાર સોશિયલ મીડિયા હેન્ડલ્સ પર પોલીસની સલાહ લીધા વિના એક તસવીર પોસ્ટ કરી હતી, જેમાં તેમને લોકો માટે મફત પ્રવેશ અને લોકોને વિજય પરેડમાં ભાગ લેવા આમંત્રણ ની માહિતી આપવામાં આવી હતી. કહેવામાં આવ્યું કે વિજય કૂચ વિધાન સૌધથી શરૂ થશે અને ચિન્નાસ્વામી સ્ટેડિયમ પર સમાપ્ત થશે.

અન્ય એક પોસ્ટ સવારે 8 વાગ્યે કરવામાં આવી હતી. તેમાં આ માહિતીનું પુનરાવર્તન કરવામાં આવ્યું. રિપોર્ટમાં કહેવામાં આવ્યું છે કે ત્યારબાદ, 04.06.2025 ના રોજ સવારે 8:55 વાગ્યે, આરસીબીએ પોતાના સત્તાવાર હેન્ડલ (@Rcbtweets) પર ટીમના પ્રમુખ ખેલાડી વિરાટ કોહલીની એક વીડિયો ક્લિપ શેર કરી હતી. વીડિયો ક્લિપમાં તેમણે જણાવ્યું હતું કે ટીમ આ જીતની ઉજવણી 04.06.2025ના રોજ બેંગલુરુમાં શહેરમાં લોકો અને આરસીબીના ચાહકો સાથે કરશે.

આ પણ વાંચો – માન્ચેસ્ટરમાં ભારત 89 વર્ષથી જીતની રાહ જોઇ રહ્યું છે, 1990 પછી કોઇ ભારતીય સદી ફટકારી શક્યો નથી

રિપોર્ટમાં કહેવામાં આવ્યું છે કે ત્યારબાદ આરસીબીએ 04.06.2024 ના રોજ બપોરે 3:14 વાગ્યે વધુ એક પોસ્ટ કરી હતી, જેમાં વિધાન સૌધથી ચિન્નાસ્વામી સ્ટેડિયમ સુધી સાંજે 5:00 થી 6:00 વાગ્યા સુધી વિજય કૂચ યોજવાની જાહેરાત કરવામાં આવી હતી, જેમાં જણાવ્યું હતું કે વિજય પરેડ પછી ચિન્નાસ્વામી સ્ટેડિયમમાં સમારોહ યોજાશે. આ પોસ્ટમાં પ્રથમ અને એકમાત્ર વખત ઉલ્લેખ કરવામાં આવ્યો હતો કે shop.royalchallengers.com પર મફત પાસ (મર્યાદિત પ્રવેશ) ઉપલબ્ધ છે. અગાઉ પાસ મળવાને લઇને કોઇ માહિતી ન હતી. આનો અર્થ એ થયો કે આરસીબીની પૂર્વ પોસ્ટના આધારે આ ઇવેન્ટ બધા માટે ખુલ્લી હતી.

3 લાખથી વધુ લોકોની ભીડ એકઠી થઈ

રિપોર્ટમાં કહેવામાં આવ્યું છે કે આરસીબી હેન્ડલ્સ દ્વારા શેર કરવામાં આવેલી પોસ્ટને મોટો પ્રતિસાદ મળ્યો છે. તેને કુલ મળને 44 લાખ વખત જોવામાં આવ્યું હતું. રિપોર્ટમાં કહેવામાં આવ્યું છે કે આના પરિણામે 300,000 થી વધુ લોકોની ભારે ભીડ થઈ હતી. ભીડના કદનો અંદાજ કાઢવા માટેનો એક આધાર 04.06.2025 માટે બીએમઆરસીએલની સવારીઓની સંખ્યા છે, જેમાં તે દિવસે લગભગ 9.66 લાખ લોકોને મુસાફરી કરાવી હતી (સામાન્ય સમયમાં સરેરાશ સવારીઓ દરરોજ આશરે 6 લાખ વ્યક્તિઓ હોય છે). તેથી, 04.06.2025 ના રોજ અંદાજિત ભીડ 3 લાખથી વધુ હશે, જેમાં રાહદારીઓ, જાહેર પરિવહન અને ખાનગી માધ્યમોનો ઉપયોગ કરનારાઓનો સમાવેશ થાય છે.

રિપોર્ટમાં કહેવામાં આવ્યું છે કે એમ ચિન્નાસ્વામી સ્ટેડિયમ અને તેની આસપાસ એકઠા થયેલા ટોળા ઉપરાંત, એચએએલ એરપોર્ટ (લેન્ડિંગ પોઇન્ટ) થી તાજ વેસ્ટ એન્ડ સુધીના આશરે 14 કિલોમીટરના અંતરે ટીમના સભ્યોની એક ઝલક જોવા માટે મોટી સંખ્યામાં લોકો શેરીઓમાં એકઠા થયા હતા. આને કારણે ભીડને કાબૂમાં લેવા અને કોઈ દુર્ઘટના ન થાય તે માટે માર્ગ પર પોલીસ કર્મચારીઓની વ્યાપક નિમણુકની જરૂર હતી.

સોશિયલ મીડિયા પર વાયરલ વીડિયોથી સ્થિતિ વધુ ગંભીર બની

રિપોર્ટમાં કહેવામાં આવ્યું કે અચાનક થયેલી ભીડના વીડિયો સોશ્યલ મિડિયા પર શેર કરવામાં આવ્યા હતા. આનાથી માહોલ વધુ ખરાબ થયો હતો, જેના કારણે રસ્તામાં અને સ્ટેડિયમમાં વધુ લોકો એકઠા થયા હતા. રિપોર્ટમાં કહેવામાં આવ્યું છે કે રસ્તાઓ પર અચાનક ભીડ એકઠી થવાના કારણે માત્ર સ્ટેડિયમ અને આસપાસના વિસ્તારોમાં જ નહીં, પરંતુ રૂટ પર પણ મોટી સંખ્યામાં પોલીસ કર્મચારીઓને તાત્કાલિક તૈનાત કરવાની જરૂર પડી હતી. આયોજકો તરફથી યોગ્ય આયોજનના અભાવે અને સંબંધિત અધિકારીઓને અગાઉથી જરૂરી માહિતી ન આપવાને કારણે આ સ્થિતિ ઉભી થઈ હતી.

પહેલા મફત પ્રવેશ, પછી મર્યાદિત પાસની ઘોષણાથી અંધાધૂંધી ફેલાઈ

રિપોર્ટમાં કહેવામાં આવ્યું છે કે 4 જૂને બપોરે લગભગ 3 વાગે ચિન્નાસ્વામી સ્ટેડિયમની પાસે અચાનક લોકોની ભીડ જામી હતી. રિપોર્ટમાં કહેવામાં આવ્યું છે કે આ મર્યાદિત જગ્યામાં લગભગ 3 લાખ લોકો એકઠા થયા હતા, જે સ્ટેડિયમની ક્ષમતા 35 હજારથી ઘણા વધારે હતા. આરસીબી/આયોજકો દ્વારા તેમના સત્તાવાર હેન્ડલ પર પોસ્ટ કરવામાં આવેલી પોસ્ટ પછી સ્ટેડિયમના પ્રવેશદ્વાર પર આવી ભીડ એકઠી થઈ હતી કે આ કાર્યક્રમમાં પ્રવેશ બધા માટે મફત રહેશે. ’

રિપોર્ટમાં જણાવાયું છે કે બપોરે લગભગ 3:14 વાગ્યે, આરસીબી અને અન્ય આયોજકોએ તેમના સોશિયલ મીડિયા એકાઉન્ટ્સ પર ‘પ્રથમ વખત અને મોડેથી’ એક પોસ્ટ શેર કરી હતી, જે સ્પષ્ટ કરે છે કે સ્ટેડિયમમાં પ્રવેશ માટે મર્યાદિત પાસ છે. આને કારણે સ્ટેડિયમમાં પહેલેથી જ એકઠા થયેલા અત્યંત ભાવુક લોકોમાં ભ્રમ, નિરાશા અને અંધાધૂંધી ફેલાઈ ગઈ હતી.

ભારતીય ટીમ અહીં 89 વર્ષથી જીતની રાહ જોઈ રહી છે. શુભમન ગિલની આગેવાની હેઠળની ટીમમાંથી માત્ર 1 ખેલાડીને જ અહીં રમવાનો અનુભવ છે. તે ખેલાડીનું નામ રવિન્દ્ર જાડેજા છે. જસપ્રીત બુમરાહ અને કેએલ રાહુલ જેવા ખેલાડીઓને પણ અહીં રમવાનો અનુભવ નથી.

ભારતીય ટીમ અહીં એક 4માંથી 2 મેચ ઇનિંગ્સથી હારી ચૂકી છે. બે મેચ 100થી વધુ રનથી હારી છે. ભારત છેલ્લે 2014માં મહેન્દ્ર સિંહ ધોનીની કેપ્ટનશિપમાં અહીં રમ્યું હતું. ત્યારે હાલની ભારતીય ટીમના ઘણા ખેલાડીએ ડેબ્યૂ પણ કર્યું ન હતું.

માન્ચેસ્ટરમાં 8 ભારતીયોએ ફટકારી સદી

8 ભારતીય બેટ્સમેનોએ માન્ચેસ્ટરમાં સદી ફટકારી છે. વિજય મર્ચન્ટ અને સૈયદ મુસ્તાક અલીએ 1936માં સદી ફટકારી હતી. અબ્બાસ અલી બેગ અને પાલી ઉમીરગરે 1959માં સદી ફટકારી હતી. સુનીલ ગાવસ્કરે 1974માં સદી ફટકારી હતી. સંદીપ પાટિલે 1984માં સદી ફટકારી હતી. મોહમ્મદ અઝહરુદ્દીન અને સચિન તેંડુલકરે 1990માં સદી ફટકારી હતી. માન્ચેસ્ટરમાં ભારત તરફથી અંતિમ સદી 1990માં જોવા મળી હતી. આ પછી કોઇ ભારતીય પ્લેયર આ મેદાનમાં સદી ફટકારી શક્યો નથી.

આ પણ વાંચો – ગંભીર-ગિલની સૌથી મોટી મૂંઝવણ, કરુણ નાયર કે સાઇ સુદર્શનમાંથી ચોથી ટેસ્ટમાં કોને તક આપવી?

માન્ચેસ્ટરમાં ભારતનું પ્રદર્શન

ભારત અને ઈંગ્લેન્ડ વચ્ચે માન્ચેસ્ટરમાં કુલ 9 ટેસ્ટ મેચ રમાઇ છે. જેમાં 5 મેચ ડ્રો થઇ છે અને 4 મેચમાં ભારતનો પરાજય થયો છે. ટીમ ઇન્ડિયા એકપણ મેચ જીતી શક્યું નથી. 1936, 1946, 1971, 1982 અને 1990માં રમાયેલી મેચો ડ્રો થઈ હતી. 1952માં એક ઈનિંગ અને 207 રનથી પરાજય થયો હતો. 1959માં 171 રનથી પરાજય થયો હતો. 1974માં 113 રનથી હાર મળી હતી. 2014માં એક ઈનિંગ અને 54 રનથી પરાજય થયો હતો.

માન્ચેસ્ટરમાં ભારત તરફથી સૌથી વધુ વિકેટ

ભારત તરફથી માન્ચેસ્ટરમાં વિનુ માંકડ સૌથી વધુ વિકેટ લેનાર બોલર છે. તેમણે 2 મેચની 3 ઇનિંગ્સમાં 9 વિકેટ ઝડપી હતી. આબિદ અલી અને લાલા અમરનાથે 8-8 વિકેટ ઝડપી હતી. દિલીપ દોશી અને સુભાષ ગુપ્તેએ 6-6 વિકેટ ઝડપી હતી. બિસન સિંહ બેદી, નરેન્દ્ર હિરવાણી, મદન લાલ અને સુરેન્દ્રનાથના નામે 5-5 વિકેટ છે.

કરૂણ નાયરના નામે 6 ઇનિંગ્સમાં માત્ર 131 રન છે. બંને ટીમોમાંથી ટોપ ફોરમાં તે એકમાત્ર એવો ખેલાડી છે કે જેણે અડધી સદી પણ ફટકારી નથી. હવે 23મી જુલાઈથી માન્ચેસ્ટરમાં રમાનારી ચોથી ટેસ્ટમાં ગંભીર-ગિલ માટે મૂંઝવણ છે કે કરુન નાયરને વધુ તક આપવી કે પછી ભારતના પ્લેઈંગ 11માં સાઈ સુદર્શનને રમાડવો.

સાઈ સુદર્શનને તક આપવી જોઈએ

દિગ્ગજ ફારૂક એન્જિનિયરનું માનવું છે કે સાઈ સુદર્શનને ઓલ્ડ ટ્રેફોર્ડમાં ત્રીજા નંબર પર તક આપવી જોઈએ. લીડ્ઝમાં રમાયેલી પ્રથમ ટેસ્ટ બાદ બેન્ચ પર બેઠા બાદ ડાબોડી બેટ્સમેને નેટ્સમાં સૌથી વધુ સમય વિતાવ્યો છે. જ્યાં તેણે બે ઈનિંગમાં 30 રન ફટકાર્યા હતા. ભારતના પૂર્વ વિકેટકીપર એન્જિનિયરે સ્પોર્ટસ્ટારને કહ્યું કે કરૂણને તક મળી પરંતુ તે તેનો ફાયદો ઉઠાવી શક્યો નહીં. આ પોઝિશન સૌથી મહત્વની છે અને તેણે હજુ સુધી અડધી સદી પણ ફટકારી નથી. વધુ વિકલ્પો ઉપલબ્ધ ન હોવાથી સુદર્શનને ટીમમાં સામેલ કરી શકાય છે. ડાબોડી બેટ્સમેન હોવાથી તેઓ ઉપયોગી સાબિત થઈ શકે તેમ છે.

કરુણ નવા બોલની ચમકને ઝાંખી કરવામાં સફળ રહ્યો

કરુણની વાત કરીએ તો તેણે ત્રીજા નંબર પર સારી બેટિંગ કરી છે. તે ઘણીવાર નવા બોલની ચમકને ઝાંખી કરવામાં સફળ રહ્યો છે. 33 વર્ષીય કરુન ન તો નર્વસ લાગતો હતો કે ન તો પીચથી તેને પરેશાન થયો છે. પરંતુ તેમ છતાં તે મોટો સ્કોર બનાવવામાં નિષ્ફળ રહ્યો છે. તેની એવરેજ 27.75 ની રહી છે.

આ પણ વાંચો – ત્રીજી ટેસ્ટમાં રોમાંચક મેચમાં ટીમ ઇન્ડિયાનો પરાજય, આ છે લોર્ડ્સ ટેસ્ટમાં હારના 5 કારણો

કરુણ નાયરને ડિફેન્સિવ એપ્રોચથી નુકસાન થયું

કરુણ નાયર સાથે સમસ્યા એ રહી છે કે તે ખૂબ જ ડિફેન્સિવ રહ્યો છે. તેણે 43.9 ટકા ડિફેન્સિવ શોટ રમ્યા છે. આ સિરિઝના ટોપ ઓર્ડરના બેટ્સમેનોમાં માત્ર સુદર્શને જ આ પ્રકારના શોટ ફટકાર્યા છે. કરુનની ડોટ બોલની ટકાવારી 73.8 છે, જે આ જ કેટેગરીમાં ત્રીજા ક્રમની હાઈએસ્ટ છે. ડિફેન્સિવ એપ્રોચ અપનાવવાથી તેને વધારે ફાયદો થયો નથી.

નંબર 3 પર ચિંતા

લોર્ડ્સ ટેસ્ટની બીજી ઇનિંગમાં મિડલ ઓર્ડરના ધબડકાને બાદ કરતાં ભારતની બેટિંગ ઘણી મજબૂત દેખાઈ રહી છે, પરંતુ ત્રીજા નંબર પર ભારે ચિંતાનો વિષય બનેલો છે. વર્ષ 2020થી લઈને અત્યાર સુધી ભારતે આ સ્થાન પર જુદા-જુદા 11 ખેલાડીઓને અજમાવ્યા છે. આ મહત્વપૂર્ણ પોઝિશન પર સ્થિરતા હોવી જરુરી છે. જે ચેતેશ્વર પુજારાએ લગભગ એક દાયકા સુધી પુરી પાડી હતી. સૌરાષ્ટ્રના આ બેટ્સમેને ત્રીજા ક્રમે રહીને 155 ઈનિંગમાં 44.41ની એવરેજથી 6529 રન ફટકાર્યા હતા, જે તેન ટેસ્ટ ડેબ્યૂ બાદ આ પોઝિશન પર કોઈ પણ બેટ્સમેન દ્વારા બનાવવામાં આવેલા બીજા સૌથી વધુ રન છે.

વન-ડાઉન પોઝિશનને લઇને ફક્ત ભારત જ સંઘર્ષ કરી રહ્યું નથી

ગિલ તેના ઉત્તરાધિકારી બનવા માટે તૈયાર હોય તેમ લાગતું હતું. તેણે 2021 થી 2025 ની વચ્ચે ત્રીજા નંબર પર 17 મેચ રમી હતી અને 37.74 ની સરેરાશથી 1019 રન બનાવ્યા હતા, પરંતુ ત્યારબાદ તે ચોથા નંબર પર ચાલ્યો ગયો છે. વન-ડાઉન પોઝિશન સામે ઝઝૂમી રહી હોય તેવી એકમાત્ર ભારતીય ટીમ નથી. લગભગ તમામ ટેસ્ટ રમનારા દેશો ત્રીજા નંબર પર લાંબા ગાળાના ખેલાડીની શોધમાં છે. હવે જોવાનું એ રહે છે કે ભારત કરુણ સાથે વળગી રહેશે કે પછી સુદર્શન પુનરાગમન કરશે.

ચોથી ટેસ્ટ માટે સંભવિત ભારતીય ટીમ

કેએલ રાહુલ, યશસ્વી જયસ્વાલ, કરુણ નાયર/સાંઇ સુદર્શન, શુભમન ગિલ (કેપ્ટન), ઋષભ પંત (વિકેટ કીપર), નીતિશ કુમાર રેડ્ડી, રવિન્દ્ર જાડેજા, વોશિંગ્ટન સુંદર, આકાશદીપ, મોહમ્મદ સિરાજ, જસપ્રીત બુમરાહ.

સ્પર્ધાના કાર્યક્રમ મુજબ મોટા ભાગના દિવસોમાં બે મેચ રમાશે જ્યારે 14 અને 21 જુલાઈએ કોઈ મેચ નહીં રમાય. ઓલિમ્પિકમાં ક્રિકેટનો સમાવેશ માત્ર 1900માં પેરિસમાં થયો હતો. તેમાં માત્ર બે ટીમ ગ્રેટ બ્રિટન અને ફ્રાન્સે ભાગ લીધો હતો. ગ્રેટ બ્રિટને સ્પર્ધાની એકમાત્ર મેચ જીતીને ગોલ્ડ મેડલ જીત્યો હતો.

કુલ 90 ખેલાડીઓનો ક્વોટા

મેન્સ અને વિમેન્સ કેટેગરીમાં કુલ 90 ખેલાડીઓનો ક્વોટા ફાળવવામાં આવ્યો છે. જેથી 12 સ્પર્ધક ટીમો 15 સભ્યોની ટીમની જાહેરાત કરી શકે છે. આંતરરાષ્ટ્રીય ઓલિમ્પિક સમિતિ (આઇઓસી)એ વર્ષ 2028ની ઓલિમ્પિક ગેમ્સમાં ક્રિકેટ, બેઝબોલ/સોફ્ટબોલ, ફ્લેગ ફૂટબોલ, લૈક્રોસ (સિક્સ) અને સ્ક્વોશને સામેલ કરવાની મંજૂરી આપી હતી.

આ પણ વાંચો – ત્રીજી ટેસ્ટમાં રોમાંચક મેચમાં ટીમ ઇન્ડિયાનો પરાજય, આ છે લોર્ડ્સ ટેસ્ટમાં હારના 5 કારણો

અમેરિકામાં ક્રિકેટ

અમેરિકામાં ક્રિકેટની વધતી લોકપ્રિયતાનો અંદાજ એ વાત પરથી લગાવી શકાય છે કે 2024ના ટી-20 વર્લ્ડ કપની કેટલીક મેચો ગ્રેન્ડ પ્રેયરી, લોડરહિલ અને ન્યૂયોર્કમાં રમાઈ હતી. આ ટૂર્નામેન્ટની યજમાની અમેરિકા અને વેસ્ટ ઈન્ડીઝે સંયુક્તપણે કરી હતી. ફ્રેન્ચાઇઝી ક્રિકેટ પણ અહીં થઇ રહ્યું છે. હાલમાં જ મેજર લીગ ક્રિકેટની ત્રીજી સિઝનનું સમાપન થયું હતું. મુંબઈ ઈન્ડિયન્સની ટીમ એમઆઈ ન્યૂયોર્કે બીજી વખત આ ટાઇટલ જીત્યું હતું.

ક્રિકેટ કોમનવેલ્થ ગેમ્સ અને એશિયન ગેમ્સનો ભાગ રહ્યું છે

ક્રિકેટ ઓલિમ્પિકમાં જોડાતા પહેલા કોમનવેલ્થ ગેમ્સ અને એશિયન ગેમ્સ જેવી મલ્ટી સ્પોર્ટસ ઈવેન્ટ્સનો હિસ્સો રહ્યું છે. મેન્સ ક્રિકેટનું આયોજન 1998માં કુઆલાલંપુર કોમનવેલ્થ ગેમ્સમાં થયું હતું, જ્યારે મહિલા ક્રિકેટને બર્મિંગહામ 2022માં કોમનવેલ્થ ગેમ્સમાં સામેલ કરવામાં આવ્યું હતું. વર્ષ 2010, 2014 અને 2023માં એશિયન ગેમ્સમાં મેન્સ અને વિમેન્સ ક્રિકેટ ભાગ રહ્યું છે.

વેસ્ટ ઇન્ડીઝની બેટિંગ ફરી નિરાશાજનક રહી હતી. ટેસ્ટ મેચમાં એક ઈનિંગનો આ બીજો સૌથી ઓછો સ્કોર છે, જેના કારણે ઓસ્ટ્રેલિયાએ ત્રીજી ટેસ્ટ મેચ 176 રનથી જીતી લીધી છે. આ સાથે જ ઓસ્ટ્રેલિયાએ 3-0થી ટેસ્ટ શ્રેણી જીતી વેસ્ટ ઇન્ડીઝનો વ્હાઇટવોશ કર્યો હતો.

મિશેલ સ્ટાર્કે 9 રન આપીને 6 વિકેટ ઝડપી

મિચેલ સ્ટાર્કે નવ રન આપીને 6 વિકેટ ઝડપી હતી. સ્કોટ બોલેન્ડે હેટ્રિક લીધી હતી. પોતાની 100મી ટેસ્ટ મેચ રમી રહેલા મિશેલ સ્ટાર્કે પોતાના પહેલા 15 બોલમાં 5 વિકેટ લીધી હતી, જે ટેસ્ટ ઇતિહાસમાં એક મેચમાં સૌથી ઝડપી 5 વિકેટ ઝડપવાનો રેકોર્ડ છે. તેણે કારકિર્દીમાં 15મી વખત ઈનિંગમાં પાંચ કે વધુ વિકેટ ઝડપી હતી. ડાબોડી ફાસ્ટ બોલરે આ સમયગાળા દરમિયાન ટેસ્ટ ક્રિકેટમાં 400 વિકેટ પણ પુરી કરી હતી. મિશેલ સ્ટાર્કે વેસ્ટ ઇન્ડીઝની બીજી ઇનિંગના પહેલા બોલ પર એક વિકેટ અને પ્રથમ ઓવરમાં ત્રણ વિકેટ ઝડપી હતી.

આ પણ વાંચો – ત્રીજી ટેસ્ટમાં રોમાંચક મેચમાં ટીમ ઇન્ડિયાનો પરાજય, આ છે લોર્ડ્સ ટેસ્ટમાં હારના 5 કારણો

ટેસ્ટમાં ક્રિકેટમાં બીજો લોએસ્ટ સ્કોર નોંધાવ્યો

વેસ્ટ ઈન્ડીઝ પર એક સમયે ટેસ્ટ ક્રિકેટમાં સૌથી ઓછા સ્કોર પર આઉટ થવાનો ખતરો હતો. જોકે તે એક રનથી બચી ગયા હતા. તેમણે ટેસ્ટ ક્રિકેટનો બીજો લોએસ્ટ સ્કોર નોંધાવ્યો છે. ટેસ્ટ ક્રિકેટમાં લોએસ્ટ સ્કોરનો રેકોર્ડ ન્યૂઝીલેન્ડના નામે છે. ન્યૂઝીલેન્ડ 1955માં ઇંગ્લેન્ડ સામે 26 રનમાં ઓલઆઉટ થઇ ગયું હતું. વેસ્ટ ઇન્ડીઝના 7 બેટ્સમેન ખાતું પણ ખોલાવી શક્યા ન હતા. જસ્ટિન ગ્રીવેસે સૌથી વધુ 11 રન બનાવ્યા હતા.

ઓસ્ટ્રેલિયાએ ફ્રેન્ક વોરેલ ટ્રોફી જાળવી રાખી

ઓસ્ટ્રેલિયાએ પ્રથમ ટેસ્ટ મેચ 159 રનથી અને બીજી ટેસ્ટ મેચ 133 રનથી જીતી લીધી હતી. ઓસ્ટ્રેલિયાએ ફ્રેન્ક વોરેલે ટ્રોફી જાળવી રાખી હતી.

કેએલ રાહુલ અને ઋષભ પંત જેવા બેટ્સમેનો બાકી સાથે ભારત પણ મેચમાં હતું, પરંતુ 5માં દિવસે પ્રથમ સેશનમાં 4 વિકેટ પડી જતાં આશાઓ પર પાણી ફરી વળ્યું હતું. આ પછી રવિન્દ્ર જાડેજાએ જસપ્રીત બુમરાહ અને મોહમ્મદ સિરાજ સાથે લડાયક બેટિંગ કરી હતી. જોકે અંતે ભારતનો 22 રને પરાજય થયો હતો.

ભારતની હારના 5 કારણો

પ્રથમ દાવમાં લીડ ન મેળવી શક્યું

ભારત ભલે 5માં દિવસે મેચ હારી ગયું હોય પરંતુ તે મેચમાં ત્યારે જ પાછળ રહ્યું ગયું હતું જ્યારે તેઓ પ્રથમ ઈનિંગમાં લીડ લઈ શક્યા ન હતા. લોર્ડ્ઝની પીચ આસાન ન હતી. આવી સ્થિતિમાં ચોથી ઈનિંગમાં કોઈ પણ ટીમ માટે ટાર્ગેટ આસાન હોતો નથી. જો ભારતે પ્રથમ ઈનિંગમાં 25-30 રનની સરસાઈ મેળવી લીધી હોત તો તેનાથી મોટો ફરક પડ્યો હોત. ભારત લીડ લેવાની સ્થિતિમાં હતું. જોકે ભારતે પ્રથમ દાવમાં 11 રનમાં છેલ્લી 4 વિકેટ ગુમાવી દીધી હતી.

ઋષભ પંતનું રન આઉટ થવું

પ્રથમ ઈનિંગમાં ઋષભ પંત અને કેએલ રાહુલ વચ્ચે 141 રનની ભાગીદારી થઈ હતી. ત્રીજા દિવસે લંચ પહેલા જ કેએલ રાહુલની સદી પૂરી કરવાની પ્રક્રિયામાં આ ભાગીદારી તૂટી ગઈ હતી. સારી બેટિંગ કરી રહેલો પંત રન આઉટ થયો હતો. બેન સ્ટોક્સે બેસ્ટ થ્રો ફટકાર્યો હતો. પંતે 74 રન બનાવ્યા હતા. જો તેણે થોડી વધારે બેટિંગ કરી હોત તો ભારત નિશ્ચિત રીતે પ્રથમ દાવમાં લીડ મેળવવામાં સફળ રહ્યું હોત.

આ પણ વાંચો –  ઇંગ્લેન્ડે ટેસ્ટ જીતી, રવિન્દ્ર જાડેજાએ દિલ જીત્યા

જેમી સ્મિથનો કેચ છોડવો ભારે પડ્યો

ઈંગ્લેન્ડના વિકેટકિપર બેટ્સમેન જેમી સ્મિથે પ્રથમ ઈનિંગમાં 51 રન ફટકાર્યા હતા. કેએલ રાહુલે મોહમ્મદ સિરાજની ઓવરમાં સ્લિપમાં તેનો કેચ છોડ્યો હતો. ત્યારે સ્મિથ 1 રન પર હતો. આ પછી તેણે 50 રન જોડયા હતા. જ્યારે તે આઉટ થયો ત્યારે ઇંગ્લેન્ડનો સ્કોર 355 રન પર પહોંચી ગયો હતો. આ ટેસ્ટમાં ભારતની ફિલ્ડિંગ સાધારણ રહી હતી અને આ સિવાય પણ ઘણા કેચ ડ્રોપ કર્યા હતા.

ભારતીય ટીમે 63 રન એકસ્ટ્રા આપ્યા

ભારતીય ટીમે 63 રન એકસ્ટ્રા આપ્યા હતા. ઈંગ્લેન્ડને પ્રથમ ઈનિંગમાં 31 રન એકસ્ટ્રા મળ્યા હતા. તેમાં 11 બાય, 12 લેગ બાય, 5 વાઇડ અને 2 નો-બોલ હતા. ઈંગ્લેન્ડને બીજી ઈનિંગમાં 32 રન એકસ્ટ્રા મળ્યા હતા. જેમાં 25 બાય, 6 લેગ બાય 6 અને 1 નો-બોલ સામેલ હતો.

કરુણ નાયરનું સતત ખરાબ પ્રદર્શન

આઠ વર્ષ પછી ટીમમાં પરત ફરેલો કરુણ નાયર ટીમને ભારે પડી રહ્યો હતો. જ્યારે ટીમની જરુર હતી ત્યારે તે રમી શક્યો નથી. કરુણ નાયરે પ્રથમ ઇનિંગ્સમાં 40 અને બીજી ઇનિંગ્સમાં 14 રન બનાવ્યા હતા. ત્રણ ટેસ્ટની છ ઇનિંગ્સમાં તે એકપણ અડધી સદી ફટકારી શક્યો નથી.

એકસમયે ભારતે 82 રને 7 અને 112 રને 8 વિકેટ ગુમાવી દીધી હતી. અહીંથી જાડેજાએ શાનદાર બેટિંગ કરી જીતની આશા ઉભી કરી હતી. બુમરાહ અને સિરાજ તેને સારો સાથ આપ્યો હતો. જોકે સહેજ માટે ટીમ જીતીથી વંચિત રહી હતી.

બન્ને ટીમો આ પ્રમાણે છે

ભારત : કેએલ રાહુલ, યશસ્વી જયસ્વાલ, કરુણ નાયર, શુભમન ગિલ (કેપ્ટન), ઋષભ પંત (વિકેટ કીપર), નીતિશ કુમાર રેડ્ડી, રવિન્દ્ર જાડેજા, વોશિંગ્ટન સુંદર, આકાશદીપ, મોહમ્મદ સિરાજ, જસપ્રીત બુમરાહ.

ઇંગ્લેન્ડ : ⁠ઝેક ક્રોલી, ⁠બેન ડકેટ, ⁠ઓલી પોપ, ⁠જો રૂટ, ⁠હેરી બ્રુક, ⁠બેન સ્ટોક્સ (કેપ્ટન), ⁠જેમી સ્મિથ (વિકેટકીપર), જોફ્રા આર્ચર, ક્રિસ વોક્સ, બ્રાયડન કાર્સ, શોએબ બશીર.