-
Raksha Bandhan Dos and Don’ts 2025 : હિંદુ ધર્મમાં રક્ષાબંધનનું વિશેષ મહત્વ છે. ભાઈ બહેનનો આ તહેવાર દેશભરમાં ધામધૂમથી ઉજવવામાં આવે છે. આ વર્ષે રક્ષાબંધનનો તહેવાર 9 ઓગસ્ટને શનિવારના રોજ ઉજવવામાં આવશે. રક્ષાબંધન પર તમામ બહેનો પોતાના ભાઈઓને રાખડી બાંધીને સારા સ્વાસ્થ્ય અને લાંબા આયુષ્યની કામના કરે છે, જ્યારે ભાઈઓ પણ પોતાની બહેનોની રક્ષા કરવાનું વચન આપે છે. એવું માનવામાં આવે છે કે ભાઈને રાખડી બાંધતી વખતે કેટલીક નાની નાની ભૂલો જીવન પર નકારાત્મક અસર કરે છે. રક્ષાબંધનના દિવસે બહેનોએ રાખડી બાંધતી વખતે કેટલીક ખાસ વાતોનું ધ્યાન રાખવું જોઈએ. (તસવીર – ફ્રીપિક)
-
શુભ મુહૂર્તમાં રાખડી બાંધો : જ્યોતિષ મુજબ બહેનોએ ભાઈને શુભ મુહૂર્તકમાં રાખડી બાંધવી જોઈએ. તેથી શુભ સમયનું ખાસ ધ્યાન રાખવું. પંચાગ મુજબ આ વર્ષે રાખડી બાંધવાનું બ્રહ્મ મુહૂર્ત – સવારે 4:22 થી 5:04 વાગ્યા સુધી છે. જ્યારે અભિજીત મુહૂર્ત બપોરે 12:17 થી 12:53 વાગ્યા સુધી રહેશે. (તસવીર – ફ્રીપિક)
-
સૌ પ્રથમ ભગવાનને રાખડી બાંધો : રક્ષાબંધનના પર્વ પર સૌ પ્રથમ ભગવાનને રાખડી બાંધો. તેમનું કંકુ અને ચોખાથી તિલક કરો. મીઠાઈનો ભોગ ધરાવો. આ પછી ભાઈને રાખડી બાંધવાનું શરૂ કરો. (તસવીર – સોશિયલ મીડિયા)
-
તૂટેલા ચોખા ન લગાવો : રક્ષાબંધનના દિવસે બહેનો પહેલા ભાઈને તિલક કરે છે અને ચોખા લગાવે છે અને પછી તેમને રાખડી બાંધે છે. એ વાતનું ધ્યાન રાખો કે ચોખા તૂટેલા ન હોય. તૂટેલા ચોખાને અશુભ માનવામાં આવે છે. (તસવીર – સોશિયલ મીડિયા)
-
ભાઈના માથા પર રૂમાલ રાખો : હિન્દુ રીતિ-રિવાજમાં પૂજા દરમિયાન માથું ઢાંકીને રાખવામાં આવે છે. ભાઈને રાખડી બાંધતા પહેલા તેનું માથાને રૂમાલ કે ટોપીથી ઢાંકી દો. (તસવીર – સોશિયલ મીડિયા)
-
જમણા હાથમાં રાખડી બાંધો : જ્યોતિષ શાસ્ત્ર મુજબ ભાઈને હંમેશા જમણા હાથમાં રાખડી બાંધવી જોઈએ. જમણો હાથ કર્મો સાથે સંકળાયેલો છે. માટે આ હાથમાં રાખડી બાંધવી શુભ માનવામાં આવે છે. (તસવીર – સોશિયલ મીડિયા)
-
રાખડીમાં 3 ગાંઠો લગાવો : માન્યતા છે કે રાખડી બાંધતી વખતે રક્ષાસૂત્રમાં 3 ગાંઠ લગાવવી જોઈએ. આ ગાંઠને બ્રહ્મા, વિષ્ણુ અને મહેશના પ્રતીક માનવામાં આવે છે. (તસવીર – ફ્રીપિક)
-
બહેનોનું સન્માન કરો: રક્ષાબંધનના દિવસે ભાઈઓએ બહેનોને કોઈ પણ રીતે નારાજ ન કરવી જોઈએ. તેમજ રાખડી બાંધતી વખતે ધ્યાન રાખો કે ભાઈનો ચહેરો દક્ષિણ દિશામાં ન હોય. સાથે જ કાળા રંગનો ઉપયોગ પણ ઓછો કરો. (તસવીર – સોશિયલ મીડિયા)
