World Heritage Day 2024 : આજે વર્લ્ડ હેરિટેજ ડે છે અને આ દિવસ ઐતિહાસિક અને સાંસ્કૃતિક રીતે મહત્વપૂર્ણ વારસોના રક્ષણ અને તેમના વિશે જાગૃતિ ફેલાવવા માટે ઉજવવામાં આવે છે. આ વર્ષે તેની થીમ (theme of World Heritage Day 2024) છે ‘Discover and Experience Diversity’ એટલે કે વિવિધતાની શોધ કરો અને અનુભવ લો. તેથી, અમે તમને ભારતની કેટલીક સૌથી અલગ અને વિચિત્ર વર્લ્ડ હેરિટેજ સાઇટ્સ વિશે જણાવીશું, જેના વિશે ખુબ ઓછા લોકો જાણે છે. પરંતુ તે એટલા અલગ અને સુંદર છે કે, યુનેસ્કોએ તેમને તેની હેરિટેજ લિસ્ટમાં સામેલ કર્યા છે.
ભારતની 5 વિચિત્ર વર્લ્ડ હેરિટેજ સાઇટ્સ
બેસિલિકા ઓફ બોમ જીસસ, ગોવા
ગોવા નું બેસિલિકા ઓફ બોમ જીસસ, જે ભારતમાં સ્થિત એક કેથોલિક ચર્ચ છે. આ આઇકોનિક ચર્ચ એક તીર્થસ્થાન છે અને યુનેસ્કો દ્વારા વિશ્વ ધરોહર સ્થળ તરીકે તેને માન્યતા પ્રાપ્ત છે. આ ચર્ચમાં સેન્ટ ફ્રાન્સિસ ઝેવિયરનો મૃતદેહ સાચવવામાં આવ્યો છે, જે તે સમયના પ્રખ્યાત પાદરી હતા. ખાસ વાત એ છે કે, તેમના નખ આજે પણ વધતા રહે છે અને તે દર વર્ષે ખાસ દિવસે કાપવામાં આવે છે. તમને જણાવી દઈએ કે, આ ચર્ચ તેની ખાસ પોર્ટુગીઝ આર્કિટેક્ચર માટે પણ પ્રખ્યાત છે.
મહાબલીપુરમ
તમિલનાડુના કોરોમંડલ કિનારે આવેલું મહાબલીપુરમ પલ્લવોનું પ્રખ્યાત બંદરગાહ શહેર હતું. ત્યાંના સ્મારકોના સમૂહમાં પહાડોને કાપીની બનાવવામાં આવેલા ગુફા મંદિરો, અખંડ મંદિરો, શિલ્પો અને માળખાકીય ખોદકામના અવશેષો માટે પ્રખ્યાત છે. અહીં વિષ્ણુ અને શિવની કેટલીક ખાસ પ્રકારની મૂર્તિઓ છે, જેને જોવા માટે લોકો દૂર-દૂરથી આવે છે.
દાર્જિલિંગ હિમાલયન રેલ્વે
દાર્જિલિંગ હિમાલયન રેલ્વે એ જ રેલ્વે લાઇન છે, જ્યાં લોકો ટોય ટ્રેનમાં મુસાફરી કરવાનો અનુભવ યાદ રાખે છે. આ ખૂબ જ ખાસ છે કારણ કે, જલપાઈગુડી રેલ્વે સ્ટેશનથી સિલીગુડી અને દાર્જિલિંગ જતી આ રેલ્વે લાઈન કુદરતી સૌંદર્યનો ભંડાર છે. અહીં રસ્તામાં તમને પહાડો પર સ્થિત હરિયાળી અને ચાના બગીચા જોવા મળશે.
નીલગીરી પર્વત રેલ્વે લાઈન
નીલગીરી માઉન્ટેન રેલ્વે એ દક્ષિણની સૌથી ખાસ અને સુંદર રેલ્વે લાઈન છે. આ સ્થળની સુંદરતા મનમોહક છે. તે નદીને પાર કરીને લીલાં જંગલો અને પર્વતોમાંથી પસાર થાય છે. આ રેલ્વે લાઇન નીલગીરી પર્વતોમાંથી પસાર થાય છે જે લોકોને સૌથી સુંદર અનુભવ આપે છે.
વેલી ઓફ ફ્લાવર્સ નેશનલ પાર્ક
ઉત્તરાખંડમાં આવેલી વેલી ઑફ ફ્લાવર્સને યુનેસ્કો દ્વારા વર્લ્ડ હેરિટેજ સાઇટ તરીકે માન્યતા આપવામાં આવી છે. તે ખૂબ જ ખાસ છે કારણ કે, ફૂલોની આ ઘાટીમાં આલ્પાઇન ફૂલોના મેદાનો અને વનસ્પતિની વિવિધતા છે. તેથી, જો તમે આજ સુધી આ વર્લ્ડ હેરિટેજ સાઇટ્સની મુલાકાત લેવા સક્ષમ ન હો, તો તમારે એક વાર અહીં અવશ્ય મુલાકાત લેવી જોઈએ. અહીં જવાનો અનુભવ પોતે જ ખાસ અને અલગ હશે.
