Today Latest News Update in Gujarati 22 July 2025: ઉપરાષ્ટ્રપતિ જગદીપ ધનખડે સોમવારે મોડી સાંજે પોતાના પદ પરથી રાજીનામું આપ્યું હતું. જોકે, આજે મંગળવારે રાષ્ટ્રપતિ દ્રૌપદી મુર્મૂએ તેમનું રાજીનામું સ્વીકારીને મંજૂર કર્યું હતું. ઉલ્લેખનીય છે કે જગદીપ ધનખરે 21 જુલાઇ, 2025 સોમવારે સાંજે સ્વાસ્થ્યના કારણોનો હવાલો આપી ઉપરાષ્ટ્રપતિ પદ પરથી રાજીનામું આપી દીધું હતું. તેમણે રાષ્ટ્રપતિ દ્રોપદી મુર્મૂને પોતાનું રાજીનામું મોકલ્યું હતું અને કહ્યું હતું કે તેઓ તાત્કાલિક અસરથી પદ છોડી રહ્યા છે.
સ્ટેટ ઈમરજન્સી ઓપરેશન સેન્ટર ગાંધીનગર દ્વારા જાહેર કરેલા વરસાદના આંકડા પ્રમાણે આજે 22 જુલાઈ 2025, સવારે 6 વાગ્યાથી સવારે 8 વાગ્યા સુધીમાં રાજ્યના 14 તાલુકામા વરસાદ નોંધાયો હતો. જેમાં સૌથી વધારે વરસાદ નવસારી જિલ્લાના જલાલપોર તાલુકામાં 1.26 ઈંચ નોંધાયો.
સ્ટેટ ઈમરજન્સી ઓપરેશન સેન્ટર ગાંધીનગર દ્વારા જાહેર કરેલા વરસાદના આંકડા પ્રમાણે આજે 21 જુલાઈ 2025, સવારે 6 વાગ્યાથી 22 જુલાઈ સવારે 6 વાગ્યાના 24 કલાકના સમયગાળામાં રાજ્યના 132 તાલુકામાં વરસાદ પડ્યો હતો. જેમાં સૌથી વધારે ખેડાના કપડવંજમાં 4.8 ઈંચ વરસાદ ખાબક્યો હતો.ભાવનગરનો તળાજા તાલુકો 3.11 ઈંચ વરસાદ સાથે બીજા નંબરે રહ્યો હતો.
સોમવારથી લોકસભા અને રાજ્યસભામાં બંને ગૃહોમાં ચોમાસું સત્રનો આરંભ થયો છે.ત્યારે આજે મંગળવારે ચોમાસું સત્રનો બીજો દિવસ છે. આજે પહેલગામ આતંકવાદી હુમલો, ઓપરેશન સિંદૂર, બિહારમાં સ્પેશિયલ ઇન્ટેન્સિવ રિવિઝન (SIR), ભારત-પાકિસ્તાન યુદ્ધવિરામ પર અમેરિકન રાષ્ટ્રપતિ ડોનાલ્ડ ટ્રમ્પના દાવા સહિતના અનેક મુદ્દાઓ પર ચર્ચા કરવામાં આવે. આ મુદ્દાઓ ઉપર વિપક્ષ સરકારને ઘેરવાનો પ્રયત્ન કરશે.
આજે મંગળવારે વહેલી સવારે દિલ્હી એનસીઆરમાં ભૂકંપના જોરદાર ઝટકા અનુભવાયા હતા. સવારે છ વાગ્યાની આસપાસ દિલ્હી એનસીઆરના અનેક વિસ્તારોમાં ભૂકંપના આંચકા અનુભવાયા હતા. આ પહેલા સોમવારે જમ્મુ કાશ્મિરના કિશ્તવારમાં પણ ભૂકંપ આવ્યો હતો. જોકે તેની તીવ્રતા વધારે ન્હોતી.
