Sunita Williams Trapped in Space : ભારતીય મૂળના અવકાશયાત્રી સુનિતા વિલિયમ્સ અને બુચ વિલ્મોર ઇન્ટરનેશનલ સ્પેસ સેન્ટર (ISS) પર અટવાયા છે. પૃથ્વી પર પાછા ફરવાની તેમની આશાઓ ફરી એકવાર તૂટી ગઈ છે. 6 જૂને તેમણે ISS પર પગ મૂક્યો. આ પછી, તે 13 જૂને પરત ફરવાના હતા પરંતુ, બોઇંગની સ્ટારલાઇનર કેપ્સ્યુલ ખરાબ થઈ ગઈ હતી. આ કારણે તેમની મુલાકાત 22 જૂન સુધી સ્થગિત કરવામાં આવી હતી. 22 જૂને પણ કેટલાક ટેકનિકલ કારણોસર તે પૃથ્વી પર પરત આવી શક્યા ન હતા. આ પછી અમેરિકાની સ્પેસ એજન્સી નાસાની ચિંતા વધી ગઈ છે. આ વાહનની સમસ્યા હજુ દૂર થઈ નથી.
સુનિતા વિલિયમ્સ અવકાશમાં ફસાયા – કેમ પાછા નથી આવી શક્યા?
તમને જણાવી દઈએ કે, સ્ટારલાઈનર સ્પેસક્રાફ્ટને ઉડાન દરમિયાન સમસ્યાઓનો સામનો કરવો પડ્યો હતો. વાહનના થ્રસ્ટર્સે અચાનક પાંચ વખત કામ કરવાનું બંધ કરી દીધું છે. હિલીયમ ગેસના લીકેજને કારણે વાહન ઉડાડવું જોખમી હતું. બોઇંગનો સ્ટારલાઇનર પ્રોગ્રામ વર્ષોથી સોફ્ટવેરની ખામીઓ, ડિઝાઇન સમસ્યાઓથી ઘેરાયેલુ છે. 6 જૂનના રોજ, જ્યારે અવકાશયાન સ્પેસ સ્ટેશનને ડોક કરવા માટે પહોંચ્યું ત્યારે થ્રસ્ટરમાં નિષ્ફળતા જોવા મળી હતી. આના કારણે જ્યાં સુધી સમસ્યા દૂર ન થાય ત્યાં સુધી અવકાશયાન સ્પેસ સ્ટેશનની નજીક નહોતું ગયું.
નાસા પાસે કેટલો સમય બાકી છે?
ન્યૂયોર્ક પોસ્ટના સમાચાર અનુસાર, નાસાએ આ અવકાશયાત્રીઓને પરત લાવવા માટે વધુમાં વધુ 45 દિવસનો સમય આપ્યો છે. ઈન્ટરનેશનલ સ્પેસ સેન્ટરમાંથી સુનીતા વિલિયમ્સ અને તેના સાથીદારોને પરત લાવવા માટે ઓન-ગ્રાઉન્ડ એન્જિનિયરોની ટીમ દિવસ-રાત કામ કરી રહી છે.
નાસાના અધિકારીઓએ જણાવ્યું કે, સ્ટારલાઇનર સ્પેસક્રાફ્ટનું રિટર્ન મોડ્યુલ ISS ના હાર્મની મોડ્યુલ સાથે જોડાયેલું છે. હાર્મનીના ઓછા ઈંધણ અનામતને કારણે મુસાફરોને પરત લાવવા એ એક મોટો પડકાર છે.
નાસા સામે શું પડકાર છે?
સુનીતા વિલિયમ્સ જે કેપ્સ્યુલમાં મુસાફરી કરી રહી છે, તેમાં ટેક્નિકલ ખામી સર્જાઈ છે. નાસાએ ત્રણ વખત મિશન અટકાવ્યા બાદ આખરે બોઈંગને અવકાશમાં મોકલ્યું હતુ. બોઇંગના સ્ટારલાઇનર કેપ્સ્યુલની આ પ્રથમ ઉડાન છે, જેમાં ક્રૂ મેમ્બર્સમાં નાસાના બે પાઇલોટ છે.
આ પણ વાંચો – Mars Water Mission : મંગળ પર પાણી? મંગળના ધરતીકંપો લાલ ગ્રહના ભૂગર્ભમાં પાણીના નિશાન શોધવામાં મદદ કરી શકે છે
તમને જણાવી દઈએ કે, અવકાશમાંથી પૃથ્વી પર પાછા ફરવું એ સૌથી જટિલ પ્રક્રિયાઓમાંથી એક છે. પૃથ્વીના વાતાવરણમાં પુનઃપ્રવેશ દરમિયાન, અવકાશયાન 28,000 કિમી/કલાકની ઝડપે ધીમું પડવાનું શરૂ કરે છે. પુનઃપ્રવેશ પછી, પેરાશૂટ સિસ્ટમની સુરક્ષા માટે અવકાશયાનની ફોરવર્ડ હીટ શિલ્ડ દૂર કરવામાં આવશે. તેની ઝડપ ધીમે ધીમે ઓછી થાય છે. લેન્ડિંગ દરમિયાન, અવકાશયાનની ગતિ લગભગ 6 કિલોમીટર પ્રતિ કલાક ઘટી જાય છે.
