Strawberry Moon 2025: આ પૂનમે જોવા મળશે ‘સ્ટ્રોબેરી મૂન’, જાણો ક્યાં અને ક્યારે જોઈ શકશો આ દુર્લભ નજારો?

11 જૂન, 2025 બુધવારના રોજ લોકોને સ્ટ્રોબેરી મૂનનો ખૂબ જ અદભુત નજારો જોવા મળશે. આ ઘટના લગભગ 20 વર્ષમાં થાય છે. આ વખતે સૌથી નીચા સ્તરે દેખાતો પૂર્ણ ચંદ્ર બનશે. અહેવાલો અનુસાર હવે આ ઘટના 18.6 વર્ષ પછી એટલે કે 2043 માં જોવા મળશે.

સ્ટ્રોબેરી મૂન શું છે?

સ્ટ્રોબેરી મૂનનું નામ ચંદ્રના રંગ અથવા આકાર પરથી નહીં, પરંતુ સાંસ્કૃતિક અને મોસમી પરંપરાઓ પરથી આવ્યું છે. ધ ઓલ્ડ ફાર્મર્સ અલ્માનેક અનુસાર, આ નામ મૂળ અમેરિકન, કોલોનિયલ અમેરિકન અને યુરોપિયન પરંપરાઓ પરથી આવ્યું છે. ઉત્તર અમેરિકાના ઉત્તરપૂર્વીય ભાગોમાં રહેતા મૂળ અમેરિકન આદિવાસીઓએ આ પૂર્ણિમાને સ્ટ્રોબેરી મૂન અથવા બેરી રિપેન મૂન નામ આપ્યું છે, કારણ કે આ તે સમય છે જ્યારે ‘જૂન-બેરિંગ’ એટલે કે જૂનમાં પાકતી સ્ટ્રોબેરીનો પાક તૈયાર થાય છે. આ સમયે ફૂલો ખીલે છે અને ફળો પાકે છે. આ નામ ઋતુઓને ટ્રેક કરવાની પરંપરાગત પદ્ધતિનો એક ભાગ છે. સ્ટ્રોબેરી મૂન જૂન મહિનાનો પૂર્ણિમો છે, એટલે કે જ્યારે ચંદ્ર સંપૂર્ણ ગોળ અને તેજસ્વી દેખાય છે.

આ પણ વાંચો: સીધી ગેસની આંચ પર શેકેલી રોટલી ખાવાથી સ્વાસ્થ્યને થાય છે ખતરનાક નુકસાન

આ ઘટનાને મેજર લુનર સ્ટેન્ડસ્ટિલ કહેવામાં આવે છે

સામાન્ય રીતે જૂન ચંદ્ર ઉત્તરી ગોળાર્ધમાં વર્ષનો સૌથી ઓછો દેખાતો ચંદ્ર છે, પરંતુ 2025 માં તે વધુ ખાસ હશે કારણ કે એક ખગોળીય ઘટના બનશે, જેને મેજર લુનર સ્ટેન્ડસ્ટિલ કહેવામાં આવે છે. મેજર લુનર સ્ટેન્ડસ્ટિલ આ એવી પરિસ્થિતિ છે જ્યારે ચંદ્ર પૃથ્વીની આસપાસ તેની ભ્રમણકક્ષામાં સૌથી દૂરના બિંદુઓ સુધી પ્રવાસ કરે છે. આ સમય દરમિયાન ચંદ્ર આકાશમાં ક્ષિતિજના સૌથી ઉત્તરીય અથવા દક્ષિણ ભાગોમાં, ઉગે છે અને ખૂબ જ નીચે અસ્ત થાય છે. આ ઘટના દર 18.6 વર્ષે થાય છે.

આ ચંદ્ર ક્યારે અને ક્યાં જોવો?

11 જૂન, 2025 ના રોજ સ્ટ્રોબેરી ચંદ્ર તેના ચરમ આકાશમાં હશે. ભારતમાં તેને જોવાનો શ્રેષ્ઠ સમય બુધવારે સૂર્યાસ્ત પછીનો રહેશે. આ સમયે ચંદ્ર દક્ષિણ-પૂર્વ ક્ષિતિજ પર નીચા સ્તરે દેખાશે, જે સંધિકાળમાં જોઈ શકાય છે. દૃક પંચાંગ અનુસાર, 11 જૂનનો સંધિકાળ મુહૂર્ત સાંજે 7:18 થી 7:38 વાગ્યા સુધીનો રહેશે. તમે આ ઘટનાને છત ખુલ્લા મેદાન વગેરે પરથી જોઈ શકો છો. આ ચંદ્રને સાધનો વિના પણ જોઈ શકાય છે. ચંદ્રની સપાટીને વધુ નજીકથી જોવા માટે તમે દૂરબીન અથવા ટેલિસ્કોપનો ઉપયોગ કરી શકો છો.