જયા બચ્ચનનું નિવેદન, “મહાકુંભ મેળામાં નાસભાગ પછી લાશો નદીમાં ફેંકી દીધી અને…”

જયા બચ્ચને શું કહ્યું?

“મહા કુંભ મેળા દરમિયાન નાસભાગ મચી ગઈ હતી. તે સમયે મૃત્યુ પામેલા ભક્તોના મૃતદેહ નદીમાં ફેંકી દેવામાં આવ્યા હતા. જેના કારણે પાણી પ્રદુષિત બન્યું હતું. આજે પણ તમે પૂછશો કે સૌથી વધુ પ્રદૂષિત પાણી ક્યાં છે, તે મહા કુંભ મેળામાં છે. કારણ કે તે જગ્યાએ કોઈ સફાઈ કરવામાં આવતી નથી.”

લાશને પાણીમાં ફેંકી દીધી હતી અને…

જયા બચ્ચને વધુમાં જણાવ્યું હતું કે, મૃતદેહો પાણીમાં ફેંકવાને કારણે પાણી દૂષિત થઈ ગયું છે. આ પાણી લોકો સુધી પહોંચી રહ્યું છે. તેમજ એ વાતનું પણ ધ્યાન રાખવામાં આવ્યું કે લોકોનું ધ્યાન હટાવી શકાય. મૃતદેહોના પોસ્ટમોર્ટમની મંજૂરી આપવામાં આવી ન હતી. મૃત્યુ પામેલા ભક્તોના મૃતદેહ સીધા પાણીમાં ફેંકી દેવામાં આવ્યા હતા. હવે ભાજપ જલ શક્તિ પર ભાષણો આપી રહી છે.

આ પણ વાંચો: અમદાવાદમાં ભણેલા ચંદ્રિકા ટંડને જીત્યો ગ્રેમી એવોર્ડ, PM મોદીએ પાઠવી શુભેચ્છા

પ્રયાગરાજમાં ખરેખર શું થયું?

પ્રયાગરાજ ખાતે ચાલી રહેલા કુંભ મેળામાં ગયા અઠવાડિયે બુધવારે નાસભાગ મચી ગઈ હતી. ‘મૌની અમાવસ્ય’ માટે સંગમ પર ભારે ભીડ હતી ત્યારે નાસભાગ લગભગ 2 વાગ્યાની આસપાસ થઈ હતી. ઉત્તર પ્રદેશના પોલીસ મહાનિર્દેશક વૈભવ કૃષ્ણાએ માહિતી આપી હતી કે 30 લોકોના મોત થયા છે અને 60 લોકો ઘાયલ થયા છે. અકસ્માતના 12 કલાકથી વધુ સમય બાદ સાંજે આંકડો બહાર આવતા આશ્ચર્ય ફેલાયું હતું. દરમિયાન, ઉત્તર પ્રદેશના મુખ્યમંત્રી યોગી આદિત્યનાથે આ ઘટનાની ન્યાયિક તપાસના આદેશ આપ્યા છે.

મૌની અમાવસ્યા હોવાથી પ્રયાગરાજમાં ભક્તોની ભારે ભીડ જોવા મળે છે

‘મૌની અમાવસ્યા’ મહાકુંભમાં સંગમ સ્નાન માટે સૌથી શુભ દિવસ માનવામાં આવે છે. દિવસે સંતોનું બીજું શાહી સ્નાન પણ હોય છે. આ ઉત્સવને સિદ્ધ કરવા માટે બુધવારે છથી આઠ કરોડ શ્રદ્ધાળુઓ પ્રયાગરાજ પહોંચ્યા હતા. રાજ્ય સરકાર અને મહાકુંભ મેનેજમેન્ટ દ્વારા એવો દાવો કરવામાં આવ્યો હતો કે તંત્ર આવી ભીડને સંભાળવા માટે તૈયાર છે. પરંતુ સવારે બે વાગ્યાની આસપાસ જ્યારે મોટી ભીડ સંગમસ્થલા જવા લાગી ત્યારે ત્યાં નાસભાગ મચી ગઈ અને 30 ભક્તોના મોત થયા. આ ઘટના અંગે હવે સાંસદ જયા બચ્ચને નિવેદન આપ્યું છે. શું હવે ભાજપ તરફથી કોઈ જવાબ આવશે? એ જોવાનું મહત્વનું બની રહેશે.