Amit Shah in Kolkata: કેન્દ્રીય ગૃહમંત્રી અમિત શાહે રવિવારે પશ્ચિમ બંગાળની મમતા સરકાર પર જોરદાર નિશાન સાધ્યું હતું. તેમણે ટીએમસી સરકાર પર રાજ્ય પ્રાયોજિત ઘૂસણખોરીમાં સામેલ હોવાનો આરોપ લગાવ્યો હતો. અમિત શાહે જાહેરાત કરી હતી કે ભાજપનું આગામી મોટું લક્ષ્ય 2026માં પશ્ચિમ બંગાળમાં સરકાર બનાવવાનું છે.
કોલકાતામાં ભાજપની સદસ્યતા અભિયાનના પ્રારંભમાં બોલતા, કેન્દ્રીય ગૃહ પ્રધાન અમિત શાહે જણાવ્યું હતું કે, શ્યામા પ્રસાદ મુખર્જીએ ભારતીય જનસંઘની સ્થાપના કરી હતી. જે ત્યારથી વિશ્વનો સૌથી મોટો રાજકીય પક્ષ બની ગયો છે. તેમણે કહ્યું કે આપણે બધાને વિશ્વની સૌથી મોટી પાર્ટીના સભ્ય હોવાનો ગર્વ છે. મને બંગાળના કાર્યકરોમાં વિશ્વાસ છે કે અમે સભ્ય સંખ્યામાં પાછળ રહીશું નહીં. પાર્ટીએ એક કરોડ સભ્યોનો ટાર્ગેટ રાખ્યો છે. આજના રાજકીય પક્ષોનો ઈતિહાસ તપાસીએ તો તેમાંના મોટા ભાગના પક્ષો જાતિ કે કુટુંબના આધારે ચાલે છે. ભારતીય જનતા પાર્ટી એ બાબતમાં અજોડ છે કે તેના રાષ્ટ્રીય અધ્યક્ષ અને વડાપ્રધાન કોઈપણ અન્ય પૃષ્ઠભૂમિ વગરના સામાન્ય કાર્યકર્તા છે.
અમિત શાહે ભારપૂર્વક જણાવ્યું હતું કે ભાજપનું આગામી મોટું લક્ષ્ય 2026માં પશ્ચિમ બંગાળમાં સરકાર બનાવવાનું છે. તેમણે કહ્યું કે બંગાળમાં રાજ્ય પ્રાયોજિત ઘૂસણખોરી અટકાવવી પડશે. બંગાળમાં ભાજપમાં જોડાવાનો અર્થ એ છે કે રાજ્યને સામ્યવાદીઓ અને મમતા દીદીના કબજામાંથી મુક્ત કરવાના મિશનમાં જોડાવું. તે સરહદી રાજ્ય છે અને રાજ્ય સ્તરે જે રીતે ઘૂસણખોરીને સમર્થન આપવામાં આવી રહ્યું છે, તેનો એક જ ઉપાય છે – 2026માં ભાજપની સરકાર. અમિત શાહે કહ્યું કે ગાય અને કોલસાની દાણચોરીનો સામનો કરવા માટે અમારે પશ્ચિમ બંગાળમાં ભાજપના એક કરોડ સભ્યોને જોડવા પડશે.
આ પણ વાંચો: ‘હવે 26/11 જેવો હુમલો થાય તો…’, આતંકવાદ સામે ચેતવણી આપતા વિદેશ મંત્રી એસ જયશંકરે શું કહ્યું?
9 ઓગસ્ટના રોજ ગૃહમંત્રીએ આરજી કર રેપ-મર્ડર કેસને લઈને મમતા સરકારની પણ ટીકા કરી હતી. શાહે કહ્યું કે બંગાળમાં મહિલાઓની સુરક્ષા જોખમમાં છે. તેમણે કહ્યું કે બંગાળમાં માતાઓ અને બહેનોની ગરિમાનું હનન થઈ રહ્યું છે. સંદેશખાલી અને આરજી કર જેવી ઘટનાઓ અટકાવવી પડશે અને આ ત્યારે જ થશે જ્યારે 2026માં ભાજપની સરકાર બનશે. તેમણે ભારપૂર્વક કહ્યું કે 2026માં પશ્ચિમ બંગાળમાં અમને બે તૃતીયાંશ બહુમતી મળશે.
અમિત શાહે મુખ્યમંત્રી મમતા બેનર્જીની પણ ટીકા કરતા કહ્યું કે 2004 થી 2014 સુધી યુપીએ સરકારે બંગાળને 2.9 લાખ કરોડ રૂપિયા ફાળવ્યા હતા, જ્યારે 2014 થી 2024 સુધી NDA સરકારે 7.74 લાખ કરોડ રૂપિયા આપ્યા છે. શાહે કહ્યું કે મમતા બેનર્જી દાવો કરે છે કે મોદીજી બંગાળને ફંડ આપતા નથી. આજે હું મમતા દીદીને પૂછવા માંગુ છું કે છેલ્લા 10 વર્ષમાં ઈન્ડી ગઠબંધને બંગાળને કેટલું ફાળવ્યું? 2004 થી 2014 સુધી યુપીએ સરકારે 2.9 લાખ કરોડ રૂપિયા આપ્યા અને 2014 થી 2024 સુધી એનડીએ સરકારે 7.74 લાખ કરોડ રૂપિયા આપ્યા.
