Haryana, Jammu Kashmir Election Result 2024 : હરિયાણા અને જમ્મુ-કાશ્મીર વિધાનસભા ચૂંટણીના પરિણામો મંગળવારે જાહેર થઇ ગયા છે. હરિયાણામાં ભાજપ ફરી એક વખત સરકાર બનાવશે. 90 વિધાનસભા સીટોમાંથી ભાજપે 48 સીટો પર વિજય મેળવ્યો છે. જ્યારે કોંગ્રેસે 37 સીટ પર જીત મેળવી છે. 2 બેઠક આઇએનએલડી અને 3 બેઠક પર અપક્ષ ઉમદવારે જીત નોંધાવી છે. બીજી તરફ જમ્મુ કાશ્મીરમાં નેશનલ કોન્ફરન્સ અને કોંગ્રેસ ગઠબંધન સરકાર બનાવશે. જમ્મુ કાશ્મીરમાં એનસી-કોંગ્રેસ ગઠબંધનને 48 સીટો પર જીત મેળવી છે. ભાજપે 42 સીટો પર વિજય મેળવ્યો છે. આ સિવાય પીડીપીને 3, જેપીસીને 1 અને અને અન્યને 7 સીટો મળી છે.
પીએમ મોદીએ કહ્યું – કોંગ્રેસ ખરા અર્થમાં પરજીવી પાર્ટી બની ગઈ
હરિયાણાની ચૂંટણીમાં શાનદાર જીત બાદ પીએમ મોદી દિલ્હીમાં ભાજપ કાર્યાલય પહોંચ્યા છે. જ્યાં તેમણે કાર્યકર્તાઓને સંબોધિત કર્યા હતા. પીએમ મોદીએ હરિયાણામાં જીતને લોકતંત્રની જીત પણ ગણાવી છે. પીએમ મોદીએ કહ્યું કે આ વખતે હરિયાણામાં ભાજપને માત્ર વધુ સીટો જ નથી મળી, પરંતુ તેના વોટ પણ વધ્યા છે. તેમણે ભારપૂર્વક જણાવ્યું હતું કે હરિયાણાના લોકોએ તેમની પાર્ટીને ઘણા મત આપ્યા છે અને આ જનાદેશનો પડઘો દૂર સુધી જશે.
પીએમ મોદીએ કહ્યું કે જે કોઈપણ રાજ્યમાં એક વખત ભાજપની સરકાર બની જાય છે, પછી ત્યાંની જનતા તેમને લાંબા સમય સુધી સમર્થન આપે છે. બીજી તરફ કોંગ્રેસની ક્યારે કોઇ સરકાર પરત ફરી હોય તે યાદ નથી. તેમને જનતાએ બીજી ટર્મ આપી ન હતી.
હરિયાણા અને જમ્મુ-કાશ્મીર વિધાનસભા ચૂંટણીના પરિણામો મંગળવારે જાહેર થઇ ગયા છે. હરિયાણામાં ભાજપ ફરી એક વખત સરકાર બનાવશે. 90 વિધાનસભા સીટોમાંથી ભાજપે 48 સીટો પર વિજય મેળવ્યો છે. જ્યારે કોંગ્રેસે 37 સીટ પર જીત મેળવી છે. 2 બેઠક આઇએનએલડી અને 3 બેઠક પર અપક્ષ ઉમેદવારે જીત નોંધાવી છે. બીજી તરફ જમ્મુ કાશ્મીરમાં નેશનલ કોન્ફરન્સ અને કોંગ્રેસ ગઠબંધન સરકાર બનાવશે. જમ્મુ કાશ્મીરમાં એનસી-કોંગ્રેસ ગઠબંધનને 48 સીટો પર જીત મેળવી છે. ભાજપે 42 સીટો પર વિજય મેળવ્યો છે. આ સિવાય પીડીપીને 3, જેપીસીને 1 અને અને અન્યને 7 સીટો મળી છે.
કેન્દ્રીય મંત્રી ગિરિરાજ સિંહે કહ્યું કે કોંગ્રેસે હંમેશા ઈવીએમને દોષિત ઠેરવ્યા છે. જ્યારે તેઓ તેલંગાણા જીત્યા ત્યારે તે તેમની જીત હતી અને જ્યારે તેઓ હાર્યા ત્યારે ઈવીએમને દોષિત ઠેરવવામાં આવ્યા હતા.
હરિયાણાની ચૂંટણીમાં શાનદાર જીત બાદ પીએમ મોદી દિલ્હીમાં ભાજપ કાર્યાલય પહોંચ્યા છે. જ્યાં તેમણે કાર્યકર્તાઓને સંબોધિત કર્યા હતા. પીએમ મોદીએ હરિયાણામાં જીતને લોકતંત્રની જીત પણ ગણાવી છે. પીએમ મોદીએ કહ્યું કે આ વખતે હરિયાણામાં ભાજપને માત્ર વધુ સીટો જ નથી મળી, પરંતુ તેના વોટ પણ વધ્યા છે. તેમણે ભારપૂર્વક જણાવ્યું હતું કે હરિયાણાના લોકોએ તેમની પાર્ટીને ઘણા મત આપ્યા છે અને આ જનાદેશનો પડઘો દૂર સુધી જશે. કોંગ્રેસે ખેડૂતોને કેવી રીતે ઉશ્કેર્યા તે દેશે જોયું છે, પરંતુ હરિયાણાના ખેડૂતોએ જ તેમને જડબાતોડ જવાબ આપ્યો છે.
વડાપ્રધાન નરેન્દ્ર મોદીએ ટ્વીટ કર્યું કે ભારતીય જનતા પાર્ટીને ફરી એકવાર સ્પષ્ટ બહુમતી આપવા બદલ હું હરિયાણાની જનતાને નમન કરું છું. આ વિકાસ અને સુશાસનની રાજનીતિની જીત છે. હું અહીંના લોકોને ખાતરી આપું છું કે અમે તેમને આકાંક્ષાઓને પૂર્ણ કરવામાં કોઈ કસર છોડીશું નહીં.
કોંગ્રેસના સાંસદ જયરામ રમેશે કહ્યું કે હરિયાણાના સંદર્ભમાં અમે બપોરથી સતત ચૂંટણી પંચને ફરિયાદ કરી રહ્યા છીએ. તેમના તરફથી જવાબ આવ્યો અને અમે તેનો પણ જવાબ આપી રહ્યા છીએ. અમે બધી ફરિયાદો લઈને આવતીકાલે અથવા પરસવાર ચૂંટણી પંચ સમક્ષ રજૂ કરીશું. હરિયાણાની ચૂંટણીના પરિણામો અમને અસ્વીકાર્ય છે કારણ કે તે લોકશાહીની હાર અને સિસ્ટમની જીત છે.
હરિયાણાના મુખ્યમંત્રી નાયબ સિંહ સૈનીએ કહ્યું કે હું હરિયાણાના લોકોનો આભાર માનું છું અને હું તેનો બધો શ્રેય પ્રધાનમંત્રી મોદીને આપું છું. તેમના આશીર્વાદથી અને તેમની નીતિયો પર હરિયાણાના લોકોએ મોહર લગાવી છે. પીએમ મોદીના નેતૃત્વમાં ઐતિહાસિક જીત થઇ છે.
ફારુક અબ્દુલ્લાએ કહ્યું કે જનતાએ નિર્ણય આપી દીધો છે. લોકોએ સાબિત કરી દીધું છે કે તેમણે 5 ઓગસ્ટે જે કર્યું તે સ્વીકાર્ય નથી.
જમ્મુ-કાશ્મીર વિધાનસભા ચૂંટણીના પરિણામો આવી રહ્યા છે. અત્યાર સુધીની મતગણતરી મુજબ નેશનલ કોન્ફરન્સ અને કોંગ્રેસ ગઠબંધનને 52 સીટો, ભાજપને 28 સીટો પર જ્યારે પીડીપીને માત્ર 2 સીટો મળતી જોવા મળી રહી છે. પીડીપી નેતા ઇલ્તિજા મુફ્તીએ હાર સ્વીકારી લીધી છે. અહીં તમે સીટ મુજબના પરિણામો જોઈ શકો છો અને જાણી શકો છો કે કયો ઉમેદવાર કઈ સીટ પરથી જીત્યો છે
હરિયાણા ચૂંટણીમાં ભાજપની લીડ પર, ભાજપના નેતા બ્રિજભૂષણ શરણ સિંહે કહ્યું, “ ભાજપના ઘણા ઉમેદવારોએ ‘જાટ’ પ્રભુત્વવાળી બેઠકો જીતી છે. કુસ્તીબાજોની ચળવળમાં કહેવાતા કુસ્તીબાજો હરિયાણાના હીરો નથી. તેઓ તમામ જુનિયર કુસ્તીબાજો માટે વિલન પણ છે… જો તેઓ (વિનેશ ફોગાટ) મારા નામનો ઉપયોગ જીતવા માટે કરે છે, તો તેનો અર્થ એ છે કે હું એક મહાન વ્યક્તિ છું જેણે તેમને જીતવામાં મદદ કરી. તેણી જીતી ગઈ પણ કોંગ્રેસ હારી ગઈ. ‘તે જ્યાં જશે ત્યાં તેનો નાશ થશે’
હરિયાણા વિધાનસભા ચૂંટણી 2024માં કોંગ્રેસે વિનેશ ફોગાટને જિંદ જિલ્લાની જુલાના બેઠક પરથી ચૂંટણી મેદાનમાં ઉતારી હતી. વિનેશના સાથી પહેલવાન બજરંગ પૂનિયાએ સોશિયલ મીડિયા પ્લેટફોર્મ એક્સ દ્વારા એક પોસ્ટ કરતા લખ્યું છે કે, વિનેશે ચૂંટણીના અખાડામાં બાજી મારી લીધી છે.
નુહથી કોંગ્રેસના વિજેતા ઉમેદવાર આફતાબ અહેમદે કહ્યું, “હું મારા મત વિસ્તારના લોકો, પાર્ટીના કાર્યકરો અને પાર્ટીના ટોચના નેતૃત્વનો આભાર માનું છું. તે ફરી સાબિત થયું છે કે ભાજપના 10 વર્ષના શાસન, તેમની વિભાજનકારી રાજનીતિને કારણે લોકોએ કોંગ્રેસને મત આપ્યો છે અને પાર્ટીમાં વિશ્વાસ દર્શાવ્યો છે. અમે આપેલા વચનો પૂરા કરવા માટે કામ કરીશું.
કોંગ્રેસ નેતા સુપ્રિયા શ્રીનેતે કહ્યું કે મને પૂરો વિશ્વાસ છે કે કોંગ્રેસની સરકાર બનશે. ચૂંટણી પંચની વેબસાઈટ પર ઘણા સમયથી આંકડા અપડેટ કરવામાં આવ્યા નથી. કારણ કે વલણો પરથી ભાજપને નિર્ણાયક લીડ મળતી જોવા મળી રહી છે.
જમ્મુ અને કાશ્મીર વિધાનસભા ચૂંટણીમાં ચૂંટણી પંચના તાજેતરના ડેટા અનુસાર, 21મા રાઉન્ડની મતગણતરી પછી, CPI(M) ના મોહમ્મદ યુસુફ તારીગામી કુલગામ મતવિસ્તારમાંથી 3654 મતોના માર્જિનથી આગળ છે.
ચૂંટણીના વલણો પર J&K કોંગ્રેસના વડા તારિક હમીદ કરાએ કહ્યું, “હું કહેતો આવ્યો છું કે અમારો આંકડો 50 (J&Kમાં) પાર કરશે. હું હજુ પણ આશા રાખું છું કે અંતિમ પરિણામો પણ આ પ્રમાણે જ આવશે. આ (એલજી દ્વારા 5 એમએલએ સીટો માટે નોમિનેશન) પૂર્વ આયોજિત, પૂર્વ કલ્પના, પ્રી-પોલ રિગિંગ છે. આ સંપૂર્ણપણે ગેરબંધારણીય અને અપ્રિય છે. આ લોકપ્રિય આદેશનું અપમાન છે.
90 વિધાનસભા બેઠકોમાંથી 60 માટે સત્તાવાર ચૂંટણી પંચના વલણો આવી રહ્યા છે. ભાજપ 30 બેઠકો પર, કોંગ્રેસ 28 પર, INLD 1 બેઠક પર અને અપક્ષ 1 બેઠક પર આગળ છે.
જમ્મુ દક્ષિણના કોંગ્રેસના ઉમેદવાર રમણ ભલ્લાએ કહ્યું કે J&Kમાં ગઠબંધન સરકાર બનવા જઈ રહી છે, અમે પહેલાથી જ તેની અપેક્ષા રાખી હતી કારણ કે અમે જાહેર રેલીઓ દરમિયાન ભીડ જોઈ હતી, તે દર્શાવે છે કે 2014 થી 2024 વચ્ચે લોકો કેટલા નાખુશ હતા.
ભારતીય જનતા પાર્ટીના રાષ્ટ્રીય પ્રવક્તા પ્રદીપ ભંડારીએ કહ્યું કે જમ્મુ-કાશ્મીરમાં વિધાનસભા ચૂંટણીના પરિણામો બતાવશે કે લોકો વિકાસ તરફી સરકાર ઈચ્છે છે. જમ્મુ-કાશ્મીર વિધાનસભાની ચૂંટણીમાં ભાજપની આગેવાની હેઠળનું ગઠબંધન જીતશે. જમ્મુના પ્રતિનિધિત્વ વિના સરકાર નહીં બને. અમે (ભાજપ) હરિયાણામાં ત્રીજી વખત સરકાર બનાવવાની આશા રાખીએ છીએ.
કૈથલના કોંગ્રેસના ઉમેદવાર આદિત્ય સુરજેવાલાએ કહ્યું કે અમે લગભગ 60 બેઠકો જીતીશું અને ભાજપ 15 બેઠકો પર આવી જશે. અન્ય કોઈ પક્ષ કોઈ બેઠક જીતી શકશે નહીં. અમે 7 વચનો પૂરા કર્યા છે અને તે લોકોના હૃદયને સ્પર્શી ગયા છે. ભાજપના કારણે મોંઘવારી એટલી વધી ગઈ છે કે ઘરનું ગુજરાન ચલાવવું મુશ્કેલ બની ગયું છે.
પ્રારંભિક વલણો અનુસાર, હરિયાણામાં ભાજપ 18 વિધાનસભા બેઠકો પર આગળ છે, જ્યારે કોંગ્રેસ 14 બેઠકો પર આગળ છે.
હરિયાણામાં ભાજપે આઠ બેઠકો પર પ્રારંભિક લીડ લઈને કોંગ્રેસને પાછળ છોડી દીધી છે. 10 વર્ષ બાદ સત્તામાં વાપસીનો પ્રયાસ કરી રહેલી કોંગ્રેસ ચાર સીટો પર આગળ ચાલી રહી છે.
હરિયાણા અને જમ્મુ કાશ્મીર રાજ્યના વિધાનસભા ચૂંટણીની મતગણતરી શરુ થઈ ગઈ છે.
મતદાન સમાપ્ત થયા બાદ શનિવારે સાંજે જાહેર થયેલા એક્ઝિટ પોલમાં હરિયાણામાં કોંગ્રેસ પાર્ટીની જીતની સંભાવના વ્યક્ત કરવામાં આવી હતી, જ્યારે જમ્મુ-કાશ્મીરને લઈને અલગ-અલગ દાવા કરવામાં આવ્યા હતા.
જમ્મુ અને કાશ્મીરમાં વિધાનસભાની 90 બેઠકો છે. અહીં 18, 25 સપ્ટેમ્બર અને 1 ઓક્ટોબરના રોજ ત્રણ તબક્કામાં મતદાન થયું હતું. આ વખતે, હરિયાણાની તમામ 90 વિધાનસભા બેઠકો માટે 5 ઓક્ટોબરે એક સાથે મતદાન થયું હતું.
હરિયાણા અને જમ્મુ-કાશ્મીર વિધાનસભા ચૂંટણીના પરિણામો મંગળવારે જાહેર થશે. કોંગ્રેસ પાર્ટી દાવો કરી રહી છે કે તે હરિયાણામાં પૂર્ણ બહુમતી સાથે સરકાર બનાવશે, જ્યારે જમ્મુ અને કાશ્મીરમાં તે અને નેશનલ કોન્ફરન્સ સાથે મળીને સરકાર બનાવવા માટે જરૂરી બેઠકો જીતશે. કોંગ્રેસ પાર્ટીના દાવાથી વિપરીત, ભાજપનું કહેવું છે કે તે હરિયાણામાં સતત ત્રીજી વખત સત્તામાં આવશે અને તેના વિના જમ્મુ-કાશ્મીરમાં કોઈ સરકાર નહીં બને.
