રાજસ્થાનના જેસલમેરથી એક અજીબોગરીબ સમાચાર સામે આવ્યા છે. અહીં વૈજ્ઞાનિકોને સંશોધન દરમિયાન રેતાળ જમીનમાંથી 201 મિલિયન કે તેથી વધુ 200 મિલિયન વર્ષ જૂના અવશેષો મળ્યા છે, જેના સંદર્ભમાં વૈજ્ઞાનિકોએ તપાસ શરૂ કરી છે. એવું કહેવામાં આવી રહ્યું છે કે આ અવશેષો ડાયનાસોરના છે.
જેસલમેરના મેઘા ગામમાં મળેલો અવશેષ ડાયનાસોરનો નહીં પરંતુ ફાયટોસોરના છે. આ ભારત માટે ખૂબ જ રોમાંચક શોધ માનવામાં આવે છે. ખાસ વાત એ છે કે દેશમાં આટલો સારી રીતે જીવાશ્મ મળી આવ્યો છે. 2023 માં બિહાર-મધ્યપ્રદેશની સરહદ પર ફાયટોસોરનો એક પ્રકારનો અવશેષ મળી આવ્યો હતો.
જીવાશ્મ વિશે વૈજ્ઞાનિકોએ શું કહ્યું?
આ અવશેષ વિશે વૈજ્ઞાનિકો કહે છે કે જેસલમેરનો આ અવશેષ ભારતમાં પ્રથમ પુષ્ટિ થયેલ અને સાચવેલ ફાયટોસોર અવશેષ છે, જે દર્શાવે છે કે થાર રણનો આ વિસ્તાર લાખો વર્ષો પહેલા જળચર જીવનથી ભરેલો હોવો જોઈએ.
આ પણ વાંચો: અમદાવાદમાં પીએમ મોદીએ ઓપરેશન સિંદૂરને લઈ કહ્યું, ’22 મિનિટમાં બધુ સફાચટ કરી નાંખ્યું’
પૃથ્વી પ્રણાલી વિજ્ઞાન ફેકલ્ટીના ડીન અને ભૂસ્તરશાસ્ત્ર વિભાગના વડા, ડૉ. વી.એસ. પરિહાર કહે છે કે તે એક મગર છે જે ડાયનાસોર સાથે રહેતો હતો અને તે મોટાભાગે નદી અથવા દરિયા કિનારાના જંગલોમાં રહેતો હતો… ઈંગ્લેન્ડ પછી જુરાસિક યુગની આવી શોધ ફક્ત ભારતમાં જ થઈ છે.
‘ભારતમાં થઈ જુરાસિક યુગની શોધ’
પૃથ્વી પ્રણાલી વિજ્ઞાન ફેકલ્ટીના ડીન અને ભૂસ્તરશાસ્ત્ર વિભાગના વડા, ડૉ. વી.એસ. પરિહાર, ANI સાથે વાત કરતા કહે છે કે તે એક મગર છે જે ડાયનાસોર સાથે રહેતો હતો અને તે મોટાભાગે નદી અથવા દરિયા કિનારાના જંગલોમાં રહેતો હતો. ઈંગ્લેન્ડ પછી જુરાસિક યુગની આવી શોધ ફક્ત ભારતમાં જ થઈ છે.
