ઇજાગ્રસ્ત બાળકનું દર્દ જોઇ રડી પડ્યા મહિલા IAS, ભાવુક કરી દે તેવો વીડિયો

રડી પડ્યા IAS અધિકારી

ઇજાગ્રસ્તોની હાલચાલ જોવા માટે હોસ્પિટલ પહોંચેલા આઈએએસ અધિકારી રોશન જૈકબે એક બાળકને લઇને બેસેલી માતાને રડતી જોઇ હતી. જે પછી આઈએએસ અધિકારી તે માતા પાસે જઇને બાળકની હાલચાલ પુછવા લાગ્યા હતા. તો માતાએ કહ્યું કે ઘરની દિવાલ વરસાદ દરમિયાન પડી હતી અને જેમાં તેના એક બાળકનું મોત થયું હતું અને બીજો બાળક દીવાલ નીચે દબાઇ ગયો હતો. જેના કારણે તેને કમર તુટી ગઇ હતી. આ સાંભળીને મહિલા અધિકારી ભાવુક બનીને રડી પડ્યા હતા.

અધિકારીઓને કર્યો આદેશ

બાળકની પરેશાની સાંભળી આઈએએસ રોશન જૈકબે ભાવુકતાથી બાળકની પીઠ પર હાથ રાખ્યો અને કહ્યું કે તુ જલ્દી ઠીક થઇ જશે. અમે તને જલ્દી ઠીક કરાવી દઇશું. આ દરમિયાન તેમણે પોતાની સાથે રહેલા જિલ્લાના એડીએમ, સીડીઓ, સીએમઓ, આરડીએમને તાત્કાલિક બાળકની મદદ કરવાનો નિર્દેશ આપ્યો હતો. આ સાથે તેમણે પરિવારજનોને આશ્વાસન આપ્યું કે પૈસાનો ખર્ચ કરવો પડશે નહીં. તેમની મદદ કરવામાં આવશે.

યુઝર્સે કરી પ્રશંસા

સોશિયલ મીડિયા પર વીડિયો સામે આવ્યા પછી લોકો જૈકબની પ્રશંસા કરવા લાગ્યા છે અને કહી રહ્યા છે કે તેમાંથી બીજા અધિકારીઓ શીખવાની જરૂર છે. સૂર્ય શુક્લા નામના યુઝરે લખ્યું કે સંવેદના…મંડલાયુક્ત લખનઉ ડો. રોશન જૈકબ. રોહિત અગ્રવાલ નામના યુઝરે લખ્યું કે સારું લાગ્યું એ જોઇને કે તમે સંવેદનશીલ છો, બીજાનું દર્દ જોઈને તમને દર્દ થઇ રહ્યું છે. વિશ્વાસ રાખો તમારી પાસે સારી તાકાત છે. તમે આ વ્યવસ્થાને સુધારી શકો છો.