ક્યારેક સાંજે ઓર્ડર કરેલી પાર્ટીમાંથી બચેલો પીઝા (leftover pizza) તમારી પાસે હોઈ શકે છે. પછી કેટલાક લોકો તેને બીજા દિવસ માટે સાચવી રાખે છે. એવું વિચારીને કે તેઓ તેને ખાઈ શકે છે. સવારે બે સ્લાઈસ ખાવાનો વિચાર સારો લાગે છે. પરંતુ શું તે સ્વસ્થ પસંદગી છે?
સવારે વધેલા પીઝા ખાવાથી શરીર પર શું અસર થાય?
પીઝામાં મુખ્ય ઘટક રિફાઇન્ડ લોટ છે, જેમાં સરળતાથી સુપાચ્ય સ્ટાર્ચનું પ્રમાણ વધુ હોય છે, ડાયેટિશિયન પૂજા શાહ ભાવેએ ધ ઇન્ડિયન એક્સપ્રેસને જણાવ્યું હતું, તેણે કહ્યું કે “તે બ્લડ સુગર લેવલ વધારે છે. પીઝાનું સતત સેવન સ્થૂળતા અને ઇન્સ્યુલિન પ્રતિકાર તરફ દોરી શકે છે. તે કોલેસ્ટ્રોલ પણ વધારી શકે છે.’
જો તમે બીજા દિવસે સવારે વધેલો પિઝા ખાશો તો શું થશે?
“મોટાભાગના પિઝામાં કાર્બોહાઇડ્રેટ્સ, સંતૃપ્ત ચરબી અને સોડિયમનું પ્રમાણ વધુ હોય છે,” ચેન્નાઈના શ્રી બાલાજી મેડિકલ સેન્ટરના ડાયેટિશિયન દીપાલક્ષ્મીએ જણાવ્યું હતું. તેણે કહ્યું કે “સવારે ખાલી પેટે તેમને ખાવાથી લોહીમાં ગ્લુકોઝના સ્તરમાં અચાનક વધારો અને ઘટાડો થઈ શકે છે. આ વધઘટ સુસ્તી, ચીડિયાપણું અને ભૂખ તરફ દોરી શકે છે. ડાયાબિટીસ અથવા ઇન્સ્યુલિન પ્રતિકાર ધરાવતા લોકો માટે, બ્લડ સુગરના સ્તરમાં વધારો અસ્વસ્થતા પેદા કરી શકે છે અને વહેલી સવારે ઇન્સ્યુલિન નિયમનમાં વિક્ષેપ પાડી શકે છે.
વધેલો પિઝા બહાર મૂકી દેવો જોઈએ કે ફ્રિજમાં મૂકવો જોઈએ?
ભાવેએ સૂચન કર્યું કે વધેલા પિઝાને રાતોરાત ઓરડાના તાપમાને બહાર રાખવાને બદલે રેફ્રિજરેટરમાં સંગ્રહિત કરો. તે કહે છે, “ખાસ કરીને ભેજવાળા હવામાનમાં ઓરડાના તાપમાને પિઝા બેક્ટેરિયાના વિકાસનું કારણ બની શકે છે, જે ખોરાકજન્ય બીમારી તરફ દોરી શકે છે. આ ઉપરાંત પિઝા જેવા સ્ટાર્ચયુક્ત ખોરાક રેફ્રિજરેટરમાં સંગ્રહિત કરવામાં આવે ત્યારે પ્રતિરોધક સ્ટાર્ચ બનાવે છે.
શું બીટરૂટ ગાજરનો રસ વજન ઘટાડવા માટે સારો છે?
રેઝિસ્ટન્ટ સ્ટાર્ચ ફાઇબરની જેમ કાર્ય કરે છે અને તાજા તૈયાર કરેલા પિઝાની તુલનામાં બ્લડ સુગર લેવલ ઘટાડે છે. વધુમાં એ જ પિઝાને ફરીથી ગરમ કરવાથી રેઝિસ્ટન્ટ સ્ટાર્ચનું પ્રમાણ ઘટતું નથી. એમ તેઓએ જણાવ્યું હતું.
એક્સપર્ટ ધ્યાન દોર્યું કે લીલા કઠોળ અને ઈંડાના ઓમેલેટ જેવા સ્વસ્થ નાસ્તાના વિકલ્પોની તુલનામાં પીત્ઝા બ્લડ સુગરના સ્તરમાં વધારો કરી શકે છે, જેમાં કાર્બોહાઇડ્રેટ્સ ઓછા અને પ્રોટીન અને ફાઇબર વધુ હોય છે. બીજા દિવસે બચેલો પીઝા ખાવાથી નુકસાન થતું નથી. જોકે, ભાવેએ વધારાના પીઝા ઓર્ડર કરવાની અને બીજા દિવસે વધેલો પીઝા ખાવાની આદત ન બનાવવાની સલાહ આપી છે.
