મેક્રોની બાળકોખુબ જ શોખથી ખાય છે. પુલાવ તમામ લોકોને પસંદ આવે છે પરંતુ મેક્રોની અને પુલાવનો મેળ થઈ જાય ત્યારે તેનો સ્વાદ લોકોના દાઢે વળગી જાય છે. તો ચલો આજે અમે તમને મેક્રોની રાઇસ પુલાવ બનાવવાની રેસીપી વિશે જણાવીએ.
સામગ્રી
- બાસમતી ચોખા – 1 કપ (રાંધેલા)
- મેક્રોની – કપ (રાંધેલા)
- ટામેટાં – 2 (બારીક સમારેલા)
- કેપ્સિકમ – 1 (બારીક સમારેલા)
- લીલા વટાણા – 1/2 કપ
- કાજુ – 20-25
- કોથમિક – 2-3 ચમચી (બારીક સમારેલા)
- તેલ અથવા ઘી – 3-4 ચમચી
- આદુ – 1 ઇંચ (બારીક સમારેલા)
- આખા ગરમ મસાલો – મોટી એલચી – 1, લવિંગ – 4, કાળા મરી – 10-11, તજ – ½ ઇંચનો ટુકડો
- જીરું – ½ ચમચી
- મીઠું – 1.5 ચમચી અથવા સ્વાદ મુજબ
- લાલ મરચું પાવડર – ¼ ચમચીથી ઓછું
- પિઝા સોસ – 2 ચમચી
તૈયારી કરવાની રીત –
એક કડાઈમાં તેલ ગરમ કરો. તેલ ગરમ થાય એટલે તેમાં જીરું ઉમેરો. ગેસ ધીમો કરો. જીરું શેકાઈ જાય એટલે તેમાં બારીક કાપેલા આદુ, છોલીને મોટી એલચી અને તેના બીજ, આખા મસાલા ઉમેરો. થોડા શેક્યા પછી, લીલા વટાણા ઉમેરો અને ઢાંકીને 1 થી 1.5 મિનિટ માટે શેકો.
કડાઈ ખોલો અને પછી તેમાં સમારેલા કેપ્સિકમ ઉમેરો અને તેને 1 થી 1.5 મિનિટ માટે હલાવતા રહીને શેકો. જ્યારે શાકભાજી કરકરા થઈ જાય ત્યારે તેમાં સમારેલા ટામેટાં ઉમેરો અને ઢાંકીને 2 મિનિટ માટે રાંધો.
આ પણ વાંચો: કાચી કેરીથી બનાવો આ ત્રણ ચટપટી વાનગીઓ
શાકભાજી રાંધ્યા પછી પીઝા સોસ, લાલ મરચાં પાવડર, મીઠું, સમારેલા કાજુના ટુકડા અને રાંધેલા મેક્રોની ઉમેરો અને સારી રીતે મિક્સ કરો.
હવે રાંધેલા ભાત પણ ઉમેરો અને તેને કળછી વડે અલગ કરો અને બધું બરાબર મિક્સ કરો. ગરમ મેક્રોની ચોખાનો પુલાવ તૈયાર છે. તેને પ્લેટમાં કાઢી લો અને તેને લીલા ધાણાથી સજાવો. સ્વાદિષ્ટ મેક્રોની રાઇસનો પુલાવ ખાવા માટે તૈયાર છે.
