ફેશિયલ કર્યા બાદ પણ સ્કિન ચમકતી નથી, તમે આ ભૂલ તો નથી કરતાને?

ફેશિયલ (Facial) ફક્ત એક કામચલાઉ સારવાર છે. જો સ્કિનને અંદરથી પોષણ ન મળે અથવા કેટલીક ખોટી આદતો હોય, ફેશિયલ કર્યા બાદ ફાયદા થતા નથી. આ ભૂલ કરવાની ટાળો

ફેશિયલ પછી શું કરવું?

• હાઇડ્રેટેડ રહો : ફેશિયલ કર્યા પછી, તમારી ત્વચા સૌથી વધુ પોષક તત્વો શોષવા માટે તૈયાર હોય છે. તેથી દિવસમાં ઓછામાં ઓછા 8-10 ગ્લાસ પાણી પીવો. આ શરીરમાંથી ઝેરી તત્વો બહાર કાઢશે અને તમારી ત્વચાને અંદરથી ચમકદાર બનાવશે.
• લાઈટ મોઇશ્ચરાઇઝરનો ઉપયોગ : ફેશિયલ પછી ત્વચા થોડી સંવેદનશીલ હોય છે. તેથી હળવા, પેરાબેન-મુક્ત અને આલ્કોહોલ-મુક્ત મોઇશ્ચરાઇઝરનો ઉપયોગ કરો. ગ્રીન ટી, હાયલ્યુરોનિક એસિડ અથવા એલોવેરા આધારિત ક્રીમ સારી રીતે કામ કરે છે.
• ચહેરાનો હળવા હાથે મસાજ : દરરોજ 5 મિનિટ માટે તમારા ચહેરા પર માલિશ કરો. આ રક્ત પરિભ્રમણ વધારે છે, લસિકા પ્રવાહ સાફ કરે છે અને ચમક જાળવી રાખવામાં મદદ કરે છે.
• ચહેરાની કસરતો : ચીન, ગાલ, કપાળ અને આંખોની આસપાસ થોડી હળવી કસરતો કરો. આ સ્કિનના સ્નાયુઓને મજબૂત બનાવે છે અને કરચલીઓ ઘટાડે છે.

ફેશિયલ કર્યા પછી કઈ ભૂલવી ટાળવી?

• ફેસવોશ કે સાબુનો તરત ઉપયોગ કરવો નહીં : ઘણા લોકો ફેશિયલ કર્યા પછી તરત જ સાબુ અથવા કઠોર ફેસવોશથી ચહેરો ધોઈ નાખે છે. આનાથી ત્વચાનું કુદરતી તેલ ઓછું થઈ જાય છે અને હાઇડ્રેશન ઘટે છે. ઓછામાં ઓછા 8-10 કલાક સુધી ચહેરો ધોવાનું ટાળો.
• તડકામાં બહાર ન જવું : ફેશિયલ કરાવ્યા પછી, સ્કિન સૂર્યના અલ્ટ્રાવાયોલેટ કિરણો પ્રત્યે વધુ સંવેદનશીલ બની જાય છે. તેથી સનસ્ક્રીન વગર બહાર જવું ખતરનાક બની શકે છે. જો તમે બહાર જાઓ છો, તો SPF 30 કે તેથી વધુ વાળા સનસ્ક્રીનનો ઉપયોગ કરવાનું ભૂલશો નહીં.
• મેકઅપ : ફેશિયલ કર્યા પછી ઓછામાં ઓછા 24 કલાક સુધી મેકઅપ ટાળવો બેસ્ટ છે, નહીં તો ખીલ અથવા ફોલ્લીઓ થઈ શકે છે.

બ્યુટી ટિપ્સ

• દિવસમાં બે વાર ગુલાબજળનો લગાવો. તે સ્કિનને ઠંડી અને હાઇડ્રેટેડ રાખે છે.
• રાત્રે સૂતા પહેલા વિટામિન સી અથવા નિયાસીનામાઇડ જેવા એન્ટીઑકિસડન્ટ સીરમનો ઉપયોગ કરો.
• દરરોજ ફળો અને શાકભાજી ખાઓ, ખાસ કરીને લાલ-નારંગી ફળો (પપૈયું, ગાજર, બીટ). આનાથી સ્કિનનું તેજ વધે છે.
• સ્કિનને ચમકતી રાખવા માટે ફક્ત પાર્લરમાં જઈને ફેશિયલ કરાવવાની જરૂર નથી. ફેશિયલ કર્યા પછી સ્કિનને ખાસ કાળજીની જરૂર છે.
• દૈનિક આહાર, પીવાનું પાણી, થોડી સ્કિન કેર અને ચહેરાની કસરતો વગેરે સ્કિનને અંદરથી પોષણ આપે છે.