Gujarat Rain Weather Forecast Update : રાજ્યમાં વરસાદનો લાંબો વિરામ જોવા મળી રહ્યા છે. જેના કારણે બફારો અને ગરમીમાં વધારો થયો છે. ગુરુવારને 7 ઓગસ્ટના રોજ સવારના 6.00 થી સાંજના 6.00 વાગ્યા સુધીમાં ફક્ત 6 તાલુકામાં નજીવો વરસાદ નોંધાયો છે. જેમાં સૌથી વધારે વલસાડના વાપીમાં 9 મીમી વરસાદ વરસ્યો છે. એકપણ તાલુકામાં એક ઇંચથી વધારે વરસાદ વરસ્યો નથી.
ફક્ત 6 તાલુકામાં વરસાદ
સ્ટેટ ઇમરજન્સી ઓપરેશન સેન્ટર, ગાંધીનગરના આંકડા પ્રમાણે રાજ્યમાં ગુરુવારને 7 ઓગસ્ટના રોજ સવારના 6 થી સાંજના 6 વાગ્યા સુધીમાં ફક્ત 6 તાલુકામાં વરસાદ વરસ્યો છે. વાપીમાં 9 મીમી, માંડવીમાં 4 મીમી, જામનગર, અંજાર, ગાંધીધામમાં 2 મીમી અને નસવાડીમાં 1 મીમી વરસાદ વરસ્યો છે.
હવામાન વિભાગની આગાહી
હવામાન વિભાગની આગાહી પ્રમાણે ગુજરાતમાં સાત દિવસ સુધી ગાજવીજ સાથે હળવાથી મધ્યમ વરસાદની આગાહી છે. 12મી ઓગસ્ટ સુધીમાં કોઈપણ સ્થળે ભારે વરસાદની આગાહી આપવામાં આવી નથી. વરસાદ ન વરસતા બફારો અને ગરમીમાં વધારો થયો છે. 15 ઓગસ્ટથી ફરી સિસ્ટમ સક્રિય થવાની આશા છે.
આ પણ વાંચો – ગુજરાતમાં યુનિફોર્મ સિવિલ કોડ પર 38 મુસ્લિમ સંગઠનો સાથે ચર્ચા થઈ, ટૂંક સમયમાં સોંપાશે ડ્રાફ્ટ
રાજ્યમાં સિઝનનો કુલ 63.88 ટકા વરસાદ
7 ઓગસ્ટ 2025 સુધીમાં રાજ્યમાં સિઝનનો કુલ 63.88 ટકા વરસાદ નોંધાયો છે. જેમાં કચ્છમાં 64.94 ટકા, ઉત્તર ગુજરાતમાં 66.20 ટકા, પૂર્વ મધ્ય ગુજરાતમાં 66.23 ટકા, સૌરાષ્ટ્રમાં 55.90 ટકા અને દક્ષિણ ગુજરાતમાં 67.76 ટકા વરસાદ વરસ્યો છે.
સરદાર સરોવર નર્મદા નિગમ લી. માં 7 ઓગસ્ટને સાંજના 4 વાગ્યા સુધીમાં પાણીનો સંગ્રહ 255882 mcft છે. જે કુલ સંગ્રહ ક્ષમતાના 76.59% જેટલી છે. રાજ્યના અન્ય 206 જળાશયોમાં સંગ્રહ 386906 mcft છે. જે કુલ સંગ્રહ ક્ષમતાના 69.36% છે. 100 ટકા ભરાયેલ ડેમોની સંખ્યા 31 છે. 53 ડેમ હાઇ એલર્ટ પર અને 21 ડેમ એલર્ટ પર છે.
