Gujarat Rain Weather Forecast Update : રાજ્યમાં છેલ્લા ત્રણેક દિવસથી વરસાદી માહોલ જોવા મળી રહ્યો છે. બુધવારને 23 જુલાઇના રોજ સવારના 6.00 થી સાંજના 6.00 વાગ્યા સુધીમાં 72 તાલુકામાં વરસાદ નોંધાયો છે. જેમાં સૌથી વધારે વલસાડના ધરમપુરમાં 2.09 ઇંચ વરસાદ વરસ્યો છે.
6 તાલુકામાં 1 ઇંચથી વધારે વરસાદ
સ્ટેટ ઇમરજન્સી ઓપરેશન સેન્ટર, ગાંધીનગરના આંકડા પ્રમાણે રાજ્યમાં બુધવારને 23 જુલાઇના રોજ સવારના 6 થી સાંજના 6 વાગ્યા સુધીમાં 72 તાલુકામાં વરસાદ વરસ્યો છે. જેમાં ધરમપુરમાં 2.09 ઇંચ, પારડીમાં 1.85 ઇંચ, વ્યારામાં 1.81 ઇંચ, વલોદમાં 1.73 ઇંચ, મહુવામાં 1.54 ઇંચ, ખેરગામમાં 1.18 ઇંચ વરસાદ વરસ્યો છે. આ સિવાય અન્ય 66 તાલુકામા 1 થી લઇને 24 મીમી સુધી વરસાદ વરસ્યો છે.
હવામાન વિભાગની આગાહી
હવામાન વિભાગની આગાહી પ્રમાણે રાજ્યમાં આગામી દિવસોમાં પણ વરસાદ યથાવત્ રહેશે. 24 અને 25 જુલાઈ (ગુરુવાર અને શુક્રવાર) માટે છોટા ઉદેપુર, નર્મદા, ડાંગ, તાપી, નવસારી, વલસાડ જિલ્લામાં ભારે વરસાદની આગાહી કરવામાં આવી છે. પંચમહાલ, દાહોદ, મહિસાગર, છોટા ઉદેપુર, નર્મદા, ભરૂચ, સુરત, ડાંગ, તાપી, નવસારી, વલસાડ, અમરેલી અને ભાવનગરમાં 26મી જુલાઈએ ભારે વરસાદની સંભાવના છે.
આ પણ વાંચો – ગુજરાત પર વરસાદની ત્રણ સિસ્ટમો સક્રિય: 27-28 જુલાઈ માટે ઓરેન્જ એલર્ટ
રાજ્યમાં સિઝનનો કુલ 54.14 ટકા વરસાદ
રાજ્યમાં સિઝનનો કુલ 54.67 ટકા વરસાદ નોંધાયો છે. જેમાં કચ્છમાં 63.95 ટકા, ઉત્તર ગુજરાતમાં 53.91 ટકા, પૂર્વ મધ્ય ગુજરાતમાં 51.29 ટકા, સૌરાષ્ટ્રમાં 53.60 ટકા અને દક્ષિણ ગુજરાતમાં 57.89 ટકા વરસાદ વરસ્યો છે.
સરદાર સરોવર નર્મદા નિગમ લી નો હાલનો પાણીનો સંગ્રહ 194408 mcft છે. જે કુલ સંગ્રહ ક્ષમતાના 58.44% જેટલો છે. રાજ્યના અન્ય 206 જળાશયોમાં સંગ્રહ 338206 mcft છે. જે કુલ સંગ્રહ ક્ષમતાના 60.60% છે. 100 ટકા ભરાયેલ ડેમોની સંખ્યા 28 છે. 48 ડેમ હાઇએલર્ટ પર અને 18 ડેમ એલર્ટ પર છે.
