(Sohini Ghosh) Vadodara Harni Lake Boat Incident: વડોદરાના વાઘોડિયામાં આવેલી ન્યૂ સનરાઇઝ સ્કૂલમાં બ્લેકબોર્ડ પર ચાકમાં હાથથી લખાયેલું આંશિક રીતે ભૂંસી નાખેલું ક્વોટ કહે છે – ‘મિત્રો સાથેની પિકનિક એ આત્મા માટે… તાજા…’ જેવું છે. તેની પાસે એક કૂચડો સૂકવવા માટે ઉભો છે, તેના એક દિવસ પછી વર્ગ I થી VI માં અભ્યાસ કરતા 12 વિદ્યાર્થીઓ, તેમજ એક શિક્ષક અને એક સુપરવાઈઝર, જ્યારે તેઓ શાળાની પિકનિક પર હતા ત્યારે હર્નીના મોટનાથ તળાવમાં તેમની હોડી પલટી જવાથી મૃત્યુ પામ્યા હતા.
વડોદરા હરણી મોટનાથ તળાવમાં બોટ પલટી જતા 12 વિદ્યાર્થીઓ અને 2 શિક્ષકો સહિત 14 લોકોના મોતથી સમગ્ર ગુજરાત હચમચી ઉઠ્યું છે. વડોદરાની ધ ન્યૂ સનરાઇઝ સ્કૂલના ધોરણ 1થી 5માં અભ્યાસ કરતા વિદ્યાર્થીઓ સ્કૂલ પિકનિક પર હરણી મોટનાથ તળાવ ગયા હતા. આ ગોઝારી ઘટનાની તપાસ SITને સોપવામાં આવી છે.
ધ ઈન્ડિયન એક્સપ્રેસે 1976માં સ્થપાયેલી ધ ન્યૂ સનરાઇઝ સ્કૂલ પરિસરની મુલાકાત લીધી ત્યારે બંધ હતી. સ્કૂલ પરિસરમાં ત્રણ માળની બે બિલ્ડિંગ, વિશાળ મેદાન, પહોળા રસ્તા અને એક મકાન છે જ્યાં સ્કૂલના ટ્રસ્ટી વાડિયા પરિવારનું ઘર છે.
શાળાનું સંચાલન કરતા ન્યુ સનરાઈઝ એજ્યુકેશન ટ્રસ્ટના ટ્રસ્ટી અને મેનેજિંગ સભ્ય રૂસી વાડિયાએ ફનટાઇમ એરેના અને લેકવ્યુ – જે હરણીના લેક ઝોન ખાતે એમ્યુઝમેન્ટ પાર્કનું મેનેજમેન્ટ કરે છે, તેમને બોટ પલટી જતાં ઘટનાસ્થળેથી “ભાગી જવા” માટે દોષી ઠેરવ્યો હતો.
વડોદરા ડિસ્ટ્રિક્ટ એજ્યુકેશન ઑફિસ (DEO) દ્વારા શાળાએ પિકનિક માટે જરૂરી પરવાનગીઓ લીધી હતી કે કેમ તે અંગે તપાસ શરૂ કરવામાં આવી છે, આ અંગે વાડિયાએ ધ ઈન્ડિયન એક્સપ્રેસને જણાવ્યું હતું કે, “આવી નાની ટુર માટે કોઈ પરવાનગીની જરૂર નથી. જો શહેરની બહાર જવું હોય તો જ તે જરૂરી છે. અમે માતા-પિતા દ્વારા યોગ્ય રીતે સહી કરેલા ફોર્મ પર તેમની સંમતિ લીધી હતી.
વાડિયાએ મીડિયાને જણાવ્યું હતું કે ફનટાઇમ એરેના અને લેકવ્યુએ શાળાને પિકનિક માટે “આમંત્રિત” કર્યા હતા અને સાઇટ પર પિક-અપ અને ડ્રોપની સુવિધા પણ આપી હતી, જે ન્યૂ સનરાઇઝ સ્કૂલથી “માત્ર 10 મિનિટ” દૂર છે.
વાડિયાએ કહ્યું કે, “તે તેમની બેદરકારી હતી. તેઓએ અમને પિકનિક માટે આમંત્રણ આપ્યું હતું, પરંતુ તેમના સ્ટાફે અમને મદદ કરી ન હતી. મારા શિક્ષકોએ તેમને કહ્યું કે ‘આટલા બધા બાળકો ન બેસાડો’… તો પણ તેઓએ તેમ કર્યું અને કહ્યું કે ‘અમે રોજ આવું કરીએ છીએ’. તેઓએ 7 થી 8 બાળકો અને કેટલાક શિક્ષકોને લાઈફ જેકેટ્સ આપ્યા ન હતા… ફનટાઇમ એરેના લેકવ્યૂનો કોઈ સ્ટાફ હાજર ન હતો.”
તેમણે આરોપ લગાવ્યો કે બાળકોને તળાવમાં લઈ જનારા બસ ડ્રાઈવરોની જેમ હોડીવાળાઓ પણ “ભાગી ગયા”. “ફક્ત અમારી શાળાનો સ્ટાફ ત્યાં હતો.”
આ દૂઘટનાને “ભયંકર” ગણાવતા, વાડિયાએ કહ્યું કે આ દોષ સંસ્થા (ફનટાઇમ એરેના)નો “100 ટકા” હતો. તપાસમાં તમામ સહકારની ખાતરી આપતા, વાડિયાએ કહ્યું કે જેઓ મૃત્યુ પામ્યા છે તેમના તમામ ભાઈ-બહેનોને શાળા મફત શિક્ષણ આપશે.
મૃતકના માતા-પિતાએ ધ ઈન્ડિયન એક્સપ્રેસને જણાવ્યું હતું કે આ ઘટના બાદ તેમને શાળા તરફથી કોઈ પ્રતિસાદ કે મદદ મળી નથી અને ન તો દુર્ઘટના વિશે સમયસર જાણ કરવામાં આવી હતી.
પૂછવામાં આવ્યું કે શું તેમણે ઘટના પછી તળાવના મેનેજમેન્ટનો સંપર્ક કર્યો, વાડિયાએ કહ્યું કે તેણે “શાંતિલાલ” નામના વ્યક્તિને બોલાવ્યો જેણે પિકનિક ગોઠવી હતી પરંતુ તેની “અટકાયત થઇ છે”.
આ પણ વાંચો | વડોદરા બોટ દુર્ઘટના: પરિવારોને વળતર, આરોપોની તપાસ માટે SIT ની રચના કરવામાં આવી
વડોદરા હરણી દૂર્ઘટના માટે SITની રચના
વડોદરા પોલીસ કમિશનરે શુક્રવારે આ ઘટનાની તપાસ માટે સાત શહેર પોલીસ અધિકારીઓની બનેલી સ્પેશિયલ ઇન્વેસ્ટિગેશન ટીમ (SIT) ની રચના કરી હતી. સંયુક્ત પોલીસ કમિશનર મનોજ નિનામાની આગેવાની હેઠળની વડોદરા શહેર પોલીસ એસઆઈટીએ મેસર્સ કોટિયા પ્રોજેક્ટ્સના 15 ભાગીદારોની શોધ શરૂ કરી દીધી છે, જેમના એફઆઈઆરમાં 18 આરોપીઓમાં નામ સામેલ છે.
