Gujarat Weather updates, ગુજરાત વેધર: ગુજરાતમાં એક તરફ શિયાળો વિદાય લઈ રહ્યો છે ત્યારે ઠંડી પાછી આવી હોય એમ તાપમાનમાં ઘટાડો નોંધાયો હતો. છેલ્લા બે દિવસમાં ગુજરાતના તાપમાનમાં બેથી ત્રણ ડિગ્રી જેટલું તાપમાન ઘટ્યું હતું. જોકે, બપોરના સમયે ગરમીનો અહેસાસ થઈ રહ્યો છે. એક તબક્કે નલિયાનું લઘુતમ તાપમાન 17 ડિગ્રી નજીક પહોંચી ગયું હતું. જે અત્યારે ઘટીને 13 ડિગ્રી સુધી નીચે આવી ગયું છે. જોકે, આગામી 48 કલાક તાપમાનમાં મોટો કોઈ ફેરફાર નહીં થવાની શક્યતાઓ હવામાન વિભાગે સેવી છે.
નલિયામાં ફરી રાજ્યનું સૌથી ઠંડુ શહેર બન્યું
થોડા દિવસથી નલિયાનું તાપમાન ઉચકાયું હતું. જોકે, રવિવારે ફરીથી ઘટાડો નોંધાયો હતો. હવામાન વિભાગે આપેલા આંકડા પ્રમાણે રવિવારે 13.8 ડિગ્રીથી લઈને 22.8 ડિગ્રી વચ્ચે લઘુતમ તાપમાન નોંધાયું હતું. જેમાં નલિયા 13.8 ડિગ્રી લઘુતમ તાપમાન સાથે રાજ્યનું સૌથી ઠંડુ શહેર રહ્યું હતું. જ્યારે ઓખામાં 22.8 ડિગ્રી લઘુતમ તાપમાન નોંધાયું હતું.
અમદાવાદમાં બે દિવસમાં બે ડિગ્રી તાપમાન ઘટ્યું
રાજ્યમાં ફરીથી ઠંડીનો ચમકારો વર્તાઈ રહ્યો હતો. વહેલી સવારે અને મોડી સાંજ પછી ઠંડી વર્તાઈ રહી હતી. ત્યારે અમદાવાદમાં પણ બે દિવસમાં બે ડિગ્રી તાપમાન ઘટ્યું હતું. હવામાન વિભાગે આપેલા આંકડા પ્રમાણે અમદાવાદમાં 17.3 ડિગ્રી લઘુતમ તાપમાન નોંધાયું હતું. જ્યારે ગાંધીનગરમાં 15 ડિગ્રી લઘુતમ તાપમાન નોંધાયું હતું.
ગુજરાતમાં ક્યાં કેટલી ઠંડી નોંધાઈ
| શહેર | મહત્તમ તાપમાન (ડિગ્રીમાં) | લઘુતમ તાપમાન (ડિગ્રીમાં) |
| અમદાવાદ | 35.0 | 17.3 |
| ડીસા | 35.7 | 16.3 |
| ગાંધીનગર | 34.2 | 15.0 |
| વિદ્યાનગર | 34.9 | 20.4 |
| વડોદરા | 35.2 | 19.2 |
| સુરત | 37.0 | 22.8 |
| વલસાડ | – | – |
| દમણ | 35.2 | 19.8 |
| ભૂજ | 36.1 | 18.9 |
| નલિયા | 34.2 | 13.8 |
| કંડલા પોર્ટ | 34.1 | 19.5 |
| કંડલા એરપોર્ટ | 35.6 | 17.5 |
| અમરેલી | 00 | 00 |
| ભાવનગર | 34.0 | 19.3 |
| દ્વારકા | 31.5 | 21.1 |
| ઓખા | 29.8 | 22.8 |
| પોરબંદર | 34.5 | 15.5 |
| રાજકોટ | 37.5 | 17.3 |
| વેરાવળ | 31.1 | 21.5 |
| દીવ | 32.7 | 17.8 |
| સુરેન્દ્રનગર | 36.7 | 19.2 |
| મહુવા | 36.0 | 17.1 |
| કેશોદ | 35.5 | 15.8 |
ગુજરાતના તમામ સમાચારો વાંચવા માટે અહીં ક્લિક કરો
બે દિવસ તાપમાનમાં કોઈ ફેરફાર નહીં થાય : હવામાન વિભાગ
ગુજરાતમાં થોડા દિવસ તાપમાન ઉચકાયા બાદ ફરીથી તાપમાન ગગટ્યું હતું. જોકે, હવામાન વિભાગ પ્રમાણે આગામી 48 ગુજરાતમાં તાપમાનમાં મોટો કોઈ ફેરફાર નહીં થાય. એટલે બે દિવસ સુધી ઠંડીની અસર રહેશે. ત્યાર બાદ બેથી ત્રણ ડિગ્રી સુધી તાપમાનમાં વધારો થવાની શક્યતાઓ હવામાન વિભાગે સેવી છે.
