Gujarat Weather updates, IMD winter forecast : ગુજરાતમાં શિયાળો હજી જોઈએ એવો જામ્યો નથી. ડિસેમ્બર મધ્યમાં મોટાભાગે શિયાળો ફૂલબહારમાં હોય છે. આ સમયે કડકડતી ઠંડી પણ પડતી હોય છે. જોકે, ગુજરાતમાં અત્યારે પ્રમાણસરની ઠંડી પડી રહી છે. જોકે, છેલ્લા બે દિવસમાં ઠંડીમાં જાજો કોઈ ફેરફાર જોવા મળ્યો નથી. જોકે, નલિયામાં ઠંડીનો પારો એક ડિગ્રી જેટલો ગગડ્યો હતો. આમ નલિયા 10.5 ડિગ્રી સાથે ગુજરાતનું સૌથી ઠંડુ શહેર બન્યું હતું. ઓખામાં સૌથી વધુ લઘુત્તમ તાપમાન 22.5 ડિગ્રી નોંધાયું હતું.
નલિયામાં ઠંડી વધી તો અમદાવાદમાં ઘટી
હવામાન વિભાગ દ્વારા આપવામાં આવેલા આંકડા પ્રમાણે બુધવારે નલિયાનું લઘુત્તમ તાપમાન 11.2 ડિગ્રી તાપમાન નોંધાયું હતું. જોકે, ગુરુવારે લઘુત્તમ તાપમાન 10.5 ડિગ્રી નોંધાયું હતું.આમ નલિયામાં તાપમાનમાં એક ડિગ્રી જોટલો ઘટાડો નોંધાયો હતો. જોકે, અમદાવાદમાં બુધવારે 15.8 ડિગ્રી તાપમાન નોંધાયું હતું. જ્યારે ગુરુવારે અમદાવાદમાં લઘુત્તમ તાપમાન 16.5 ડિગ્રી નોંધાતા એક ડિગ્રી જેટલું તાપમાન વધ્યું હતું. સમગ્ર ગુજરાતની વાત કરીએ તો ગુજરાતમાં 10.5 ડિગ્રીથી લઈને 22.5 ડિગ્રી સુધી લઘુત્તમ તાપમાન રહ્યું હતું.
ગુજરાતમાં ગુરુવારે ક્યાં કેટલી ઠંડી નોંધાઈ?
| શહેર | મહત્તમ | લઘુત્તમ |
| અમદાવાદ | 29.2 | 16.5 |
| ડીસા | 29.7 | 13.4 |
| ગાંધીનગર | 28.6 | 14.9 |
| વલ્લભ વિદ્યાનગર | 29.1 | 16.6 |
| વડોદરા | 30.6 | 16.4 |
| સુરત | 32.8 | 21.4 |
| વલસાડ | 33.4 | 19.0 |
| દમણ | 31.6 | 18.6 |
| ભુજ | 31.7 | 14.6 |
| નલિયા | 30.4 | 10.5 |
| કંડલા પોર્ટ | 30.3 | 16.8 |
| કંડલા એરપોર્ટ | 29.9 | 13.0 |
| ભાવનગર | 30.0 | 16.0 |
| દ્વારકા | 30.6 | 19.0 |
| ઓખા | 27.8 | 22.5 |
| પોરબંદર | 32.0 | 16.3 |
| રાજકોટ | 32.0 | 14.5 |
| વેરાવળ | 31.0 | 19.6 |
| દીવ | 30.1 | 18.4 |
| સુરેન્દ્રનગર | 30.8 | 16.2 |
| મહુવા | 31.4 | 17.5 |
