Gujarat Weather updates, IMD winter forecast : ગુજરાતમાં શિયાળો જેમ જેમ આગળ વધી રહ્યો છે તેમ તેમ ઠંડીનો ચમકારો અનુભવાય છે. વહેલી સવારે ફૂલ ગુલાબી ઠંડીનો અહેસાસ થાય છે ત્યારે બપોરે ગરમીન પણ અનુભવાય છે. અમદાવાદમાં હજી જોઈએ એવી ઠંડી શરુ થઈ નથી. જ્યારે નલિયામાં હાડ થીજવથી ઠંડી શરુ થઈ ગઈ છે. દિવસેને દિવસે એક ડિગ્રી જેટલું તાપમાન ગગડી રહ્યું છે. રવિવારે નલિયામાં લઘુત્તમ તાપમાં 9.2 ડિગ્રી નોંધાયું હતું જોકે, સોમવારે અહીં લઘુત્તમ તાપમાન 8.5 ડિગ્રી તાપમાન નોંધાયું હતું. આમ નલિયા સોમવારે પણ ગુજરાતનું સૌથી નીચું તાપમાન ધરાવતું શહેર બન્યું હતું. જ્યારે વેરાવળ અને વલસાડમાં લઘુત્તમ તાપમાં 20 ડિગ્રી નોંધાયું હતું.
નલિયમાં ઠંડીનો પારો એક ડિગ્રી ગગડ્યો
હવામાન વિભાગ પ્રમાણે સોમવારે ગુજરાતમાં નલિયામાં 8.5 ડિગ્રી તાપમાન નોંધાયું હતું. જે ગુજરાતનું સૌથી ઠંડું શહેર બન્યું હતું. જ્યારે વેરાવળ અને વલસાડમાં 20 ડિગ્રી સેલ્સિયસ તાપમાન નોંધાયું હતું. આમ સોમવારે ગુજરાતમાં 8.5 ડિગ્રીથી લઈને 20 ડિગ્રી સુધી તાપમાન રહ્યું હતું.
ગુજરાતમાં સોમવારે ક્યાં કેટલી ઠંડી નોંધાઈ?
શહેર | મહત્તમ | લઘુત્તમ |
| અમદાવાદ | 29.9 | 16.5 |
| ડીસા | 29.6 | 13.8 |
| ગાંધીનગર | 29.6 | 14.8 |
| વલ્લભ વિદ્યાનગર | 29.3 | 17.2 |
| વડોદરા | 31.8 | 16.6 |
| સુરત | 31.9 | 19.0 |
| વલસાડ | 34.2 | 20.0 |
| દમણ | 31.2 | 18.8 |
| ભુજ | 32.9 | 15.6 |
| નલિયા | 30.4 | 08.5 |
| કંડલા પોર્ટ | 31.0 | 16.6 |
| કંડલા એરપોર્ટ | 30.6 | 11.5 |
| ભાવનગર | 29.7 | 18.0 |
| દ્વારકા | 29.0 | 18.6 |
| ઓખા | 29.0 | 19.9 |
| પોરબંદર | 31.2 | 13.4 |
| રાજકોટ | 31.9 | 13.5 |
| વેરાવળ | 32.2 | 20.0 |
| દીવ | 32.2 | 19.0 |
| સુરેન્દ્રનગર | 31.1 | 15.6 |
| મહુવા | 32.2 | 16.6 |
દિલ્હીમાં રહ્યો સીજનનો સૌથી ઠંડો દિવસ
દિલ્હીમાં સોમવારે સીજનનો સૌથી ઠંડો દિવસ રહ્યો હતો. અહીં ન્યૂનતમ તાપમાન 6.5 ડિગ્રી નોંધાયું હતું. અહીં સરેરાશ 3 ડિગ્રી તાપમાન ઘટ્યું હતું. આ પહેલા શનવારે 8.5 ડિગ્રી અને રવિવારે 8.3 ડિગ્રી ન્યૂનતમ તાપમાન નોંધાયું હતું. લોધી રોડ સ્થિત હવામાન વિભાગે સૌથી ઓછું તાપમાન 6.3 ડિગ્રી સેલ્સિયસ નોંધ્યું હતું. હવામાન વિભાગે સમગ્ર ઉતર ભારતમાં તપામાન 15 ડિસેમ્બર સુધી તાપમાન હજી પણ ગગડવાની આગાહી કરી છે.
