Gujarat Weather Updates, IMD forecast, ગુજરાતનું હવામાન, ગુજરાત વેધરઃ ગુજરાતમાં ઉનાળાએ રૌદ્ર સ્વરૂપ ધારણ કરી લીધું છે. મે મહિનો આખો સૂરજદાદા ધરતી પર અગન જ્વાળાઓ વરસાવશે. દિવસેને દિવસે ગરમી વધી રહી છે. કાળઝાર ગરમીના કારણે પશુ પક્ષીઓની સાથે લોકો ત્રાહિમામ પોકારી ગયા છે. હવામાન વિભાગે આગામી પાંચ દિવસ માટે દક્ષિણ ગુજરાત અને સૌરાષ્ટ્રમાં હીટવેવની આગાહી કરી છે. આ વિસ્તારોમાં ગરમીથી બચવા માટે પગલાં લેવાની સૂચના પણ અપાઈ છે.
Gujarat Weather Updates : ભાવનગર બન્યું ગુજરાતનું સૌથી ગરમ શહેર
હવામાન વિભાગે જાહેર કરેલા આંકડા પ્રમાણે ગુજરાતમાં રવિવારે ગરમીનું પ્રમાણ ઘટ્યું હતું. જોકે, ભાવનગર 41 ડિગ્રી મહત્તમ તાપમાન સાથે સૌથી ગરમ શહેર રહ્યું હતું. આ ઉપરાંત ગુજરાતમાં રવિવારે 30 ડિગ્રીથી લઈને 41 ડિગ્રી મહત્તમ તાપમાન રહ્યું હતું. મોટાભાગના વિસ્તારોમાં મહત્તમ તાપમાન 40 ડિગ્રીની આસપાસ રહ્યું હતું.
Gujarat Weather Updates : અમદાવાદમાં કેવી છે ગરમીની સ્થિતિ?
હવામાન વિભાગે આપેલા આંકડા પ્રમાણે અમદાવાદમાં રવિવારે ગરમીમાં આંશિક ઘટાડો થયો હતો. વાદળછાયા વાતાવરણના કારણે ગરમીમાં રાહત મળી હતી. જોકે, દિવસ દરમિયાન ગરમીનો પારો 29 ડિગ્રીથી લઈને 39.2 ડિગ્રી વચ્ચે રહ્યો હતો. જોકે, અમદાવાદમાં પડતી ભીષણ ગરમીના કારણે લોકો ત્રાહિમામ પોકારી ગયા હતા. બપોરના સમયમાં રસ્તાઓ ખાલી દેખાયા હતા. રવિવારની રજા હોવા છતાં મોટાભાગના લોકોએ ઘરમાંથી બહાર નીકળવાનું ટાળ્યું હતું.
આ ઉપરાંત હવામાન વિભાગના પ્રમાણે મતદાનના દિવસે અમદાવાદ અને ગાંધીનગરમાં તાપમાનનો પારો 42 ડિગ્નીને પાર પહોંચી શકે છે. મંગળવાર, 7 મે 2024ના રોજ મતદાનના દિવસે ઉત્તર ગુજરાતમાં તાપમાનમાં 2 ડિગ્રીનો વધારો થવાની આગાહી છે.
Gujarat Weather Updates : રવિવારે ગુજરાતમાં ક્યાં કેટલી ગરમી નોંધાઈ
| શહેર | મહત્તમ | લઘુત્તમ |
| અમદાવાદ | 39.2 | 29.0 |
| ડીસા | 38.7 | 25.1 |
| ગાંધીનગર | 38.6 | 28.3 |
| વલ્લભ વિદ્યાનગર | 39.8 | 29.4 |
| વડોદરા | 39.8 | 29.4 |
| સુરત | 40.0 | 27.1 |
| વલસાડ | 38.4 | 19.9 |
| દમણ | 36.6 | 26.4 |
| ભુજ | 37.4 | 26.9 |
| નલિયા | 34.2 | 27.4 |
| કંડલા પોર્ટ | 37.1 | 27.6 |
| કંડલા એરપોર્ટ | 39.1 | 28.8 |
| અમરેલી | 40.8 | 27.6 |
| ભાવનગર | 41.0 | 30.0 |
| દ્વારકા | 30.6 | 26.6 |
| ઓખા | 33.1 | 27.0 |
| પોરબંદર | 36.0 | 25.7 |
| રાજકોટ | 37.0 | 24.6 |
| વેરાવળ | 32.4 | 26.3 |
| દીવ | 38.1 | 25.8 |
| સુરેન્દ્રનગર | 39.8 | 28.4 |
| મહુવા | 00 | 27.1 |
| 40.1 23.7 | 38.6 | 25.5 |
Gujarat Weather Updates : હવામાન વિભાગે આ વિસ્તારોમાં આપી છે હીટવેવની આગાહી
હવામાન વિભાગે જાહેર કરેલી આગાહી પ્રમાણે આગામી પાંચ દિવસ માટે દક્ષિણ ગુજરાત, દમણ,દાદરા નગર હવેલી તેમજ સૌરાષ્ટ્રમાં મોટા ભાગના વિસ્તારોમાં હીટવેવની આગાહી કરી છે. ખાસ કરીને પોરબંદર, ભાવનગર અને દિવમાં હીટવેવ રહેવાની શક્યતાઓ સેવી હતી.
આ પણ વાંચોઃ- લોકસભા ચૂંટણી 2024: મહેસાણા બેઠક ભાજપ અને દેશ માટે છે ખાસ, જાણો રસપ્રદ ઈતિહાસ અને ચૂંટણી પરિણામ
ગરમીથી બચવા શું કરવું જોઈએ?
હવામાન વિભાગે હિટવેવની આગાહીની સાથે ગરમીથી બચવા સૂચનો કર્યા છે. જેમાં કહેવાયું છે કે સીધા તડકાના સંપર્કમાં આવવાથી બચવું જોઈએ. આ ઉપરાંત યલો એલર્ટ વિસ્તારમાં રહેતા લોકોએ કામ વગરમાંથી બહાર નીકળવાનું ટાળવું જોઈએ. સાથે સાથે હળવા રંગના અને સુતરાઉના કપડાં પહેરવા જોઈએ. સાથે ગરમીમાં બહાર નીકળતા સમયે માથું ઠાંકીને રાખવું જોઈએ.
