Gujarat Weather Updates, IMD forecast, ગુજરાતનું હવામાન, ગુજરાત વેધરઃ ગુજરાતમાં ઉનાળાએ પોતાનું રૌદ્ર સ્વરૂપ ધારણ કરી લીધું છે. ધીમે ધીમે ગરમીનો પારો 41 ડિગ્રીને વટાવી દીધ છે. ગુજરાતમાં ગરમી વધતાં લોકો ત્રાહિમામ પોકારી ગયા છે. બપોરના સમયે અંગ દઝાડતી ગરમી પડતાં રસ્તાઓ સુમસામ ભાસી રહ્યા છે. એટલું જ નહીં અસહ્ય ગરમીના કારણે લોકોમાં હિટસ્ટ્રોકનું જોખમ પણ વધી ગયું છે. જોકે ઉનાળામાં મે મહિનામાં ભયાનક ગરમી પડવાની હવામાન વિભાગની આગાહી છે.
ગુજરાતમાં ગરમીએ 41 ડિગ્રીની સપાટી વટાવી
હવામાન વિભાગે જાહેર કરેલા આંકડા પ્રમાણે ગુજરાતમાં બુધવારે ગરમીએ 41 ડિગ્રીની સપાટી વટાવી દીધી હતી. રાજ્યમાં અમરેલી જિલ્લામાં મહત્તમ તાપમાન 41.3 ડિગ્રી નોંધાયું હતું. આમ અમરેલી રાજ્યનું સૌથી ગરમ શહેર બન્યું હતું. જ્યારે રાજ્યમાં 41 ડિગ્રી મહત્તમ તાપમાન સાથે બીજા નંબર પર રહ્યું હતું. જ્યારે 32 ડિગ્રી મહત્તમ તાપમાન સાથે દ્વારકા રાજ્યમાં સૌથી ઓછી ગરમી ધરાવતું શહેર રહ્યું હતું. આમ બુધવારે રાજ્યમાં 32 ડિગ્રીથી લઈને 41.3 ડિગ્રી વચ્ચે તાપમાન રહ્યું હતું. જેમાં મોટાભાગના શહેરોમાં 39-40 ડિગ્રી મહત્તમ તાપમાન વચ્ચે ગરમી રહી હતી.
Gujarat Weather Updates : બુધવારે ગુજરાતમાં ક્યાં કેટલી કરમી નોંધાઈ?
| શહેર | મહત્તમ | લઘુત્તમ |
| અમદાવાદ | 41.0 | 25.8 |
| ડીસા | 38.8 | 21.8 |
| ગાંધીનગર | 40.2 | 25.5 |
| વલ્લભ વિદ્યાનગર | 40.5 | 23.9 |
| વડોદરા | 40.0 | 27.2 |
| સુરત | 39.2 | 26.5 |
| વલસાડ | 37.8 | 19.4 |
| દમણ | 35.8 | 25.8 |
| ભુજ | 39.5 | 24.2 |
| નલિયા | 38.8 | 20.6 |
| કંડલા પોર્ટ | 35.5 | 23.7 |
| કંડલા એરપોર્ટ | 40.1 | 26.1 |
| અમરેલી | 41.3 | 24.2 |
| ભાવનગર | 39.9 | 27.2 |
| દ્વારકા | 32.0 | 26.8 |
| ઓખા | 35.6 | 26.2 |
| પોરબંદર | 36.4 | 21.5 |
| રાજકોટ | 40.8 | 24.2 |
| વેરાવળ | 32.8 | 24.7 |
| દીવ | 36.0 | 25.4 |
| સુરેન્દ્રનગર | 40.5 | 25.0 |
| મહુવા | 39.4 | 25.6 |
| 40.1 23.7 | 38.9 | 22.3 |
Gujarat Weather Updates : ગુજરાતના આ વિસ્તારોમાં પડશે ભયાનક ગરમી
હવામાન વિભાગે આગામી પાંચ દિવસ માટે ગુજરાતના મોટાભાગના વિસ્તારોમાં હિટવેવની કરવામાં આવી છે. હવામાન વિભાગ પ્રમાણે ગુજરાતના સૌરાષ્ટ્ર વિસ્તારમાં ખાસ કરીને ભાવનગર, પોરબંદર અને દિવમાં હિટવેવની આગાહી કરવામાં આવી છે. તેમજ કચ્છ અને દક્ષિણ ગુજરાતમાં વલસાડમાં પણ હીટવેવની આગાહી કરવામાં આવી છે. આ વિસ્તારોમાં હવામાન વિભાગે યલો એલર્ટ જાહેર કર્યું છે.
આ પણ વાંચોઃ- મે મહિનામાં કેવી રહેશે ગરમી અહીં ક્લિક કરીને વાંચો
Gujarat Weather Updates : ગરમીથી બચવા શું કરવું જોઈએ?
હવામાન વિભાગે હિટવેવની આગાહીની સાથે ગરમીથી બચવા સૂચનો કર્યા છે. જેમાં કહેવાયું છે કે સીધા તડકાના સંપર્કમાં આવવાથી બચવું જોઈએ. આ ઉપરાંત યલો એલર્ટ વિસ્તારમાં રહેતા લોકોએ કામ વગરમાંથી બહાર નીકળવાનું ટાળવું જોઈએ. સાથે સાથે હળવા રંગના અને સુતરાઉના કપડાં પહેરવા જોઈએ. સાથે ગરમીમાં બહાર નીકળતા સમયે માથું ઠાંકીને રાખવું જોઈએ.
