Gujarat Weather Updates, IMD forecast, ગુજરાતનું હવામાન, ગુજરાત વેધરઃ ગુજરાતમાં કાળઝાર ગરમી પડવાનું શરું થઈ ગયું છે ત્યારે ગુજરાતમાં મોટાભાગના વિસ્તારોમાં ગરમીનો પારો 40 ડિગ્રીને વટાવી ગયો છે. જોકે, ગુરુવારે સૌથી વધારે ગરમી અમદાવાદમાં નોંધાઈ હતી. અમદાવાદમાં ગરમીએ 41 ડિગ્રીની મહત્તમ સપાટીને વટાવી દીધી હતી. આમ 41.4 ડિગ્રી મહત્તમ તાપમાન સાથે રાજ્યનું સૌથી ગરમ શહેર રહ્યું હતું. બીજી તરફ રાજ્યના ઓખો, ભૂજ નલિયામાં વાદળછાયું વાતારવણ રહ્યું છે. આ વિસ્તારોમાં ગરમીનું પ્રમાણ ઘટતા લોકોએ રાહતનો શ્વાસ લીધો હતો. જોકે હવામાન વિભાગે આગામી પાંચ દિવસ માટે સૌરાષ્ટ્ર અને કચ્છમાં હીટવેવની આગાહી કરી છે.
Gujarat Weather Updates : અમદાવાદ શહેર બન્યું આગનો ગોળો
હવામાન વિભાગે જાહેર કરેલા આંકડા પ્રમાણે ગુજરાતમાં દિવસેને દિવસે ગરમી વધતી જાય છે ત્યારે રાજ્યમાં મોટાભાગના શહેરોમાં ગરમી 40 ડિગ્રીને પાર થઈ ગઈ છે. જોકે, અમદાવાદ શહેર આગના ગોળાની જેમ તપવા લાગ્યું છે. અમદાવાદમાં 41.4 ડિગ્રી મહત્તમ તપામાન નોંધાયું હતું. આમ અમદાવાદ રાજ્યનું સૌથી ગરમ શહેર રહ્યું હતું. અમદાવાદમાં ગુરુવારે 23.8 ડિગ્રી લઘુતમ તાપમાનથી લઈને 41.4 ડિગ્રી મહત્તમ તાપમાન નોંધાયું હતું.
Gujarat Weather Updates : ગુરુવારે રાજ્યમાં ક્યાં કેટલી ગરમી નોંધાઈ?
| શહેર | મહત્તમ | લઘુત્તમ |
| અમદાવાદ | 41.4 | 23.8 |
| ડીસા | 40.7 | 20.9 |
| ગાંધીનગર | 39.0 | 20.0 |
| વલ્લભ વિદ્યાનગર | 40.9 | 23.8 |
| વડોદરા | 39.6 | 25.4 |
| સુરત | 36.0 | 25.8 |
| વલસાડ | 38.0 | 19.6 |
| દમણ | 33.8 | 24.6 |
| ભુજ | 40.6 | 23.2 |
| નલિયા | 38.4 | 20.4 |
| કંડલા પોર્ટ | 37.4 | 25.0 |
| કંડલા એરપોર્ટ | 40.2 | 24.1 |
| અમરેલી | 40.6 | 22.6 |
| ભાવનગર | 37.8 | 26.0 |
| દ્વારકા | 30.6 | 26.4 |
| ઓખા | 33.3 | 25.8 |
| પોરબંદર | 36.0 | 21.2 |
| રાજકોટ | 40.3 | 23.2 |
| વેરાવળ | 32.4 | 23.9 |
| દીવ | 32.2 | 21.8 |
| સુરેન્દ્રનગર | 42.0 | 25.0 |
| મહુવા | 37.4 | 23.3 |
| 40.1 23.7 | 39.3 | 20.3 |
Gujarat Weather Updates : આગામી પાંચ દિવસ આ વિસ્તારો માટે ભારે
હવામાન વિભાગે આગામી પાંચ દિવસ માટે ગુજરાતના સૌરાષ્ટ્ર, કચ્છ અને દક્ષિણ ગુજરાતના વિસ્તારોમાં હીટવેવની આગારી કરી છે. સૌરાષ્ટ્રની વાત કરીએ તો ભાવનગર, પોરબંદર, દીવમાં હીટવેવની આગાહી છે. આ ઉપરાંત કચ્છમાં અને દક્ષિણ ગુજરાતમાં વલસાડ અને આસપાસના વિસ્તારોમાં હીટવેવની આગાહી કરવામાં આવી હતી. આ સમયે કામ વગર બહાર ન નિકળવાની સલાહ પણ આપવામાં આવી છે.
આ પણ વાંચોઃ- પીએમ મોદી ગુજરાત પ્રવાસ: જામનગરમાં જામ સાહેબ શત્રુસલ્યસિંહજી સાથે કરી મુલાકાત, કહ્યું – ‘તેમની હૂંફ અને શાણપણ અનુકરણીય’
હીટવેવથી બચવા શું કરવું જોઈએ?
હવામાન વિભાગે હિટવેવની આગાહીની સાથે ગરમીથી બચવા સૂચનો કર્યા છે. જેમાં કહેવાયું છે કે સીધા તડકાના સંપર્કમાં આવવાથી બચવું જોઈએ. આ ઉપરાંત યલો એલર્ટ વિસ્તારમાં રહેતા લોકોએ કામ વગરમાંથી બહાર નીકળવાનું ટાળવું જોઈએ. સાથે સાથે હળવા રંગના અને સુતરાઉના કપડાં પહેરવા જોઈએ. સાથે ગરમીમાં બહાર નીકળતા સમયે માથું ઠાંકીને રાખવું જોઈએ.
