Gujarat Weather Forecast, ગુજરાત વરસાદ આગાહી : થોડા દિવસના વિરામ બાદ મેઘરાજા ફરી બેટિંગ કરવા માટે તૈયાર થયા છે. હવામાન વિભાગ પ્રમાણે આજે ગુજરાતના આઠ જિલ્લાઓમાં ભારે વરસાદની આગાહી છે. જોકે, છેલ્લા 24 કલાકમાં ગુજરાતમાં પડેલા વરસાદની વાત કરીએ તો 24 કલાકમાં ગુજરાતના 17 તાલુકામાં જ વરસાદ નોંધાયો હતો. જેમાં સૌથી વધારે વરસાદ નવસારીના ખેરગામ અને ભાવનગરના તળાજામાં એક ઈંચ કરતા વધારે વરસાદ નોંધાયો હતો.
24 કલાકમાં 17 તાલુકામાં વરસાદ નોંધાયો
સ્ટેટ ઈમરજન્સી ઓપરેશન સેન્ટર ગાંધીનગર દ્વારા જાહેર કરવામાં આવેલા આંકડા પ્રમાણે ગુજરાતમાં સોમવારે સવારે 6 વાગ્યાથી લઈને આજે મંગળવારે સવારે 6 વાગ્યા સુધીમાં ગુજરાતમાં 17 તાલુકામાં વરસાદ નોંધાયો હતો. જેમાં સૌથી વધારે વરસાદ નવસારીના ખેરગામમાં એક ઈંચથી વધારે વરસાદ નોંધાયો હતો. અહીં આપેલા કોષ્ટકમાં જુઓ ક્યાં કેટલો વરસાદ નોંધાયો.
| જિલ્લો | તાલુકો | વરસાદ (mm) |
| નવસારી | ખેરગામ | 27 |
| ભાવનગર | તળાજા | 26 |
| પંચમહાલ | શેહરા | 20 |
| ડાંગ | વઘઈ | 15 |
| તાપી | વાલોદ | 14 |
| વલસાડ | કપરાડા | 10 |
| તાપી | ડોલવન | 10 |
| ડાંગ | આહવા | 9 |
| અમરેલી | ખાંભા | 7 |
| રાજકોટ | ગાંડલ | 5 |
| ડાંગ | સુબિર | 3 |
| સાબરકાંઠા | ઈડર | 3 |
| બાટાદ | રાણપુર | 2 |
| નવસારી | નવસારી | 2 |
| નવસારી | જલાલપોર | 1 |
| વલસાડ | ધરમપુર | 1 |
| તાપી | વ્યારા | 1 |
આજે ગુજરાતના 8 જિલ્લામાં પડશે ભારે વરસાદ
હવામાન વિભાગે કરેલી વરસાદની આગાહી પ્રમાણે આજે 20 ઓગસ્ટ 2024, મંગળવારના રોજ ગુજરાતના 8 જિલ્લામાં ભારે વરસાદ પડવાની શક્યતાઓ છે. આ વિસ્તારોની વાત કરીએ તો આજે સુરત, ડાંગ, તાપી, નર્મદા, નવસારી, વલસાડ, દમણ અને દાદરા નગર હવેલીમાં ભારે વરસાદ પડશે.
આ ઉપરાંત બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ અને મહિસાગરમાં હળવા વરસાદની શક્યતા છે. તેમજ છોટા ઉદેપુર, વડોદરા, ભરૂચ, સુરેન્દ્રનગર, જામનગર, રાજકોટ, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદ, કચ્છ અને દીવમાં સામાન્ય વરસાદ પડવાની હવામાન વિભાગની આગાહી છે.
જ્યારે આવતી કાલ બુધવારના રોજ ડાંગ, તાપી, નવસારી વલસાડ, દમણ દાદરા નગર હવેલીમાં ભારે વરસાદ પડશે.
