Gujarat Summer weather update, red alert, ગુજરાત વેધર, ગુજરાતમાં ઉનાળો : ગુજરાતમાં ઉનાળો આકરો બન્યો છે. આકાશમાંથી અગન જવાળાઓ વરસી રહી છે. ગુજરાતમાં મોટાભાગના વિસ્તારોમાં મહત્તમ તાપમાન 40 ડિગ્રી આસપાસ રહ્યું છે. બપોરના સમયે તો સૂર્યનારાયણ આગ વરસાવી રહ્યા છે. રસ્તાઓ ઉપર લોકોની ચહલ પહલ પણ ઓછી થઈ રહી છે. લોકોને હજી આગામી 48 કલાક સુધી કાળઝાળ ગરમીનો સામનો કરવો પડશે.
રાજકોટ અને સુરેન્દ્રનગર બન્યા આગની ભઠ્ઠી
કાળઝાળ ગરમી વચ્ચે હવામાન વિભાગે આપેલા તાપમાનના આંકડા પ્રમાણે મોટાભાગના વિસ્તારોમાં મહત્તમ તાપમાન 40 ડિગ્રીની આસપાસ નોંધાયું હતું. જ્યારે રાજ્યમાં 31 ડિગ્રીથી લઈને 44.8 ડિગ્રી વચ્ચે મહત્તમ તાપમાન નોંધાયું હતું. જેમાં 44.8 મહત્તમ તાપમાન સાથે સુરેન્દ્રનગર રાજ્યનું સૌથી ગરમ શહેર રહ્યું હતું. જ્યારે રાજકોટમાં પણ 44 ડિગ્રી મહત્તમ તાપમાન સાથે રાજ્યનું બીજું શહેર રહ્યું હતું. દ્વારકામાં સૌથી ઓછું મહત્તમ તાપમાન 31 ડિગ્રી નોંધાયું હતું.
અમદાવાદમાં તાપમાન 43 ડિગ્રી પર યથાવત
ગુજરાતમાં એક તરફ તાપમાન 45 ડિગ્રી નજીક પહોંચી ગયું છે. ત્યારે અમદાવાદમાં 43 ડિગ્રી મહત્તમ તાપમાન સતત નોંધાઈ રહ્યું છે. કાળઝાળ ગરમીથી લોકો ત્રાહિમામ પોકારી રહ્યા છે. ગાંધીનગરમાં તાપમાન ઘટીને 42 ડિગ્રી પહોંચ્યું હતું. આજે બુધવારે પણ અમદાવાદમાં તાપમાન 43 ડિગ્રીની આસપાસ રહેવાની ધારણા છે.
ગુજરાતમાં ક્યાં કેટલી ઠંડી નોંધાઈ
| શહેર | મહત્તમ તાપમાન (ડિગ્રીમાં) | લઘુતમ તાપમાન (ડિગ્રીમાં) |
| અમદાવાદ | 43.0 | 25.8 |
| ડીસા | 43.1 | 23.5 |
| ગાંધીનગર | 42.0 | 24.6 |
| વિદ્યાનગર | 41.8 | 24.8 |
| વડોદરા | 42.2 | 23.6 |
| સુરત | 40.6 | 25.4 |
| વલસાડ | – | – |
| દમણ | 37.8 | 23.6 |
| ભૂજ | 38.8 | 19.8 |
| નલિયા | 38.2 | 19.0 |
| કંડલા પોર્ટ | 38.9 | 24.2 |
| કંડલા એરપોર્ટ | 43.4 | 22.4 |
| અમરેલી | 43.8 | 23.2 |
| ભાવનગર | 39.4 | 29.4 |
| દ્વારકા | 31.0 | 25.5 |
| ઓખા | 32.2 | 25.8 |
| પોરબંદર | 39.4 | 22.8 |
| રાજકોટ | 44.0 | 23.8 |
| વેરાવળ | 32.5 | 24.6 |
| દીવ | 37.0 | 24.0 |
| સુરેન્દ્રનગર | 44.8 | 25.6 |
| મહુવા | 43.4 | 24.1 |
| કેશોદ | 42.8 | 20.6 |
રાજ્યમાં 48 કલાક આકાશમાંથી વરસશે અગન જવાળાઓ
ગુજરાતમાં ઉનાળો એકદમ જામી ગયો છે. લોકો ગરમીથી તોબા પોકારી ગયા છે. ત્યારે આવી સ્થિતિ વચ્ચે ગુજરાતમાં આગામી 48 કલાક સુધી તાપમાનમાં મોટો કોઈ ફેરફાર ન થવાની શક્યાતો હવામાન વિભાગે સેવી હતી. જોકે ત્યારબાદ તાપમાનમાં 2થી 3 ડિગ્રી સુધી મહત્તમ તાપમાનમાં ઘટાડો થવાની શક્યતાઓ સેવી છે.
ગુજરાતના તમામ સમાચારો વાંચવા માટે અહીં ક્લિક કરો
આ ઉપરાંત આજે બુધવારે હાવમાન વિભાગે કચ્છમાં ગરમીનું રેડ એલર્ટ આપ્યું છે ત્યારે બનસાકાંઠા, પાટણ, મહેસાણા અને સાબરકાંઠામાં હીટવેવની આગાહી કરવામાં આવી છે. આ ઉપરાંત સૌરાષ્ટ્રના રાજકોટ અને મોરબમાં પણ હીટવેવની આગાહી કરવામાં આવી છે.
