Gujarat Summer weather update, ગુજરાતમાં ઉનાળો : એપ્રિલ મહિનો પુરો થવા આવ્યો છે ત્યારે ઉનાળો પણ આકરો બનતો જાય છે. રાજ્યમાં ધીમે ધીમે તાપમાનનો પારો ઉચકાઈ રહ્યો છે. આવી સ્થિતિમાં ઉનાળો અસહ્ય પ્રકોપ વર્તાવી રહ્યો છે. આગ ઝરતીના કારણે લોકો ત્રાહિમામ પોકારી ઉઠ્યા છે. આગામી ત્રણ દિવસમાં હજી પણ બેથી ત્રણ ડિગ્રી તાપમાન ઉચકાશે.
43 ડિગ્રી સાથે રાજકોટ રાજ્યનું સૌથી ગરમ શહેર રહ્યું
ગુજરાતમાં ગરમી વધી રહી છે ત્યારે આવી સ્થિતિ વચ્ચે હવામાન વિભાગે આપેલા તાપમાનના આંકડા પ્રમાણે ગુજરાતમાં મોટા વિસ્તારોમાં 40 ડિગ્રીની આસપાસ મહત્તમ તાપમાન નોંધાયું હતું. ગુજરાતમાં અત્યારે 31.6 ડિગ્રીથી લઈને 43 ડિગ્રી વચ્ચે મહત્તમ તાપમાન નોંધાયું હતું. જેમાં 43 ડિગ્રી મહત્તમ તાપમાન સાથે રાજકોટ રાજ્યનું સૌથી ગરમ શહેર રહ્યું હતું. જ્યારે દ્વારકામાં 31.6 ડિગ્રી મહત્તમ તાપમાનરહ્યું હતું.
અમદાવાદમાં મહત્તમ તાપમાન 42 ડિગ્રી નજીક
ગુજરાતમાં તાપમાન વધવાની સાથે જ અમદાવાદ શહેરમાં પણ તાપમાન વધી ગયું છે. અમદાવાદમાં તાપમાન વધીને 42 ડિગ્રી નજીક પહોંચ્યું છે. અમદાવામાં 41.9 ડિગ્રી મહત્તમ તાપમાન નોંધાયું હતું. આ સાથે જ શહેરીજનો અસહ્ય ગરમીમાં તોબા પોકારી ગયા છે. ગાંધીનગરમાં 41.8 ડિગ્રી મહત્તમ તાપમાન નોંધાયું હતું.
ગુજરાતમાં ક્યાં કેટલી ગરમી નોંધાઈ?
| શહેર | મહત્તમ તાપમાન (ડિગ્રીમાં) | લઘુતમ તાપમાન (ડિગ્રીમાં) |
| અમદાવાદ | 41.9 | 23.9 |
| ડીસા | 41.7 | 22.3 |
| ગાંધીનગર | 41.8 | 22.8 |
| વિદ્યાનગર | 40.5 | 24.8 |
| વડોદરા | 41.4 | 26.2 |
| સુરત | 40.4 | 25.7 |
| વલસાડ | – | – |
| દમણ | 36.2 | 25.2 |
| ભૂજ | 42.1 | 24.5 |
| નલિયા | 39.6 | 20.6 |
| કંડલા પોર્ટ | 41.3 | 23.5 |
| કંડલા એરપોર્ટ | 42.4 | 21.8 |
| અમરેલી | 42.5 | 23.0 |
| ભાવનગર | 40.0 | 27.0 |
| દ્વારકા | 31.6 | 26.0 |
| ઓખા | 34.6 | 26.4 |
| પોરબંદર | 37.6 | 22.5 |
| રાજકોટ | 43.0 | 23.2 |
| વેરાવળ | 31.6 | 24.0 |
| દીવ | 33.0 | 23.4 |
| સુરેન્દ્રનગર | 43.0 | 25.6 |
| મહુવા | 38.2 | 22.1 |
| કેશોદ | 42.0 | 22.5 |
ગુજરાતના તમામ સમાચારો વાંચવા માટે અહીં ક્લિક કરો
48 કલાકમાં ગુજરાતમાં તાપમાન 45 ડિગ્રી વટાવશે
ગુજરાતમાં અત્યારે તાપમાન ધીમે ધીમે વધી રહ્યું છે ત્યારે હજી પણ ગરમી વધશે. આગામી 48 કલાકમાં મહત્તમ તાપમાનમાં 2-3 ત્રણ ડિગ્રીનો વધારો થશે. હવામાન વિભાગની આગાહી પ્રમાણે આગામી બે દિવસમાં મહત્તમ તાપમાન 45 ડિગ્રીને પાર કરશે. એટલે હવે લોકોને હજી પણ કાળઝાળ ગરમી માટે તૈયાર રહેવું પડશે.
