Gujarat Summer weather update, ગુજરાતમાં ઉનાળો : ગુજરાતમાં મે મહિનો અડધો થયો છે. અત્યાર સુધી રાજ્યમાં વરસાદી માહોલ હતો જેના પગલે ગરમીમાં રાહત હતી. જોકે, હવે ધીમે ધીમે ગરમીનો પારો ઉચકાઈ રહ્યો છે. અત્યારે ગરમીનો પારો 42 ડિગ્રીએ પહોંચી ગયો છે. જ્યારે મોટાભાગના વિસ્તારોમાં મહત્તમ તાપમાન 38 ડિગ્રી આસપાસ પહોંચ્યું હતું. જોકે, હવામાન વિભાગે હજી પણ છૂટોછવાયો વરસાદ પડવાની શક્યતાઓ સેવી છે.
42 ડિગ્રી મહત્તમ તાપમાન સાથે સુરેન્દ્રનગર રાજ્યનું સૌથી ગરમ શહેર
હવામાન વિભાગ દ્વારા આપેલા તાપમાનના આંકડા પ્રમાણે રાજ્યમાં મોટાભાગના વિસ્તારોમાં 38 મહત્તમ તાપમાન પહોંચ્યો છે. રાજ્યમાં 32.8 ડિગ્રીથી લઈને 42 ડિગ્રી વચ્ચે મહત્તમ તાપમાન નોંધાયું છે. જેમાં 42 ડિગ્રી મહત્તમ તાપમાન સાથે સુરેન્દ્રનગર રાજ્યનું સૌથી ગરમ શહેર રહ્યું હતું. અને દ્વારકામાં 32.8 ડિગ્રી તાપમાન નોંધાયું હતું.
અમદાવાદમાં ગરમી વધી
અમદાવાદમાં ધીમે ધીમે ગરમી વધી રહી છે. અમદાવાદમાં મહત્તમ તાપમાન 38.8 ડિગ્રી નોંધાયું હતું. જ્યાંરે ગાંધીનગરમાં મહત્તમ તાપમાન 40 ડિગ્રી નજીક પહોંચી છે. અમદાવાદમાં બપોરના સમયે આકાશમાંથી આગ વરસી રહી છે. આવી સ્થિતિ વચ્ચે લોકો ત્રાહિમામ પોકારી ઉઠ્યા હતા.
ગુજરાતમાં ક્યાં કેટલી ગરમી નોંધાઈ?
| શહેર | મહત્તમ તાપમાન (ડિગ્રીમાં) | લઘુતમ તાપમાન (ડિગ્રીમાં) |
| અમદાવાદ | 38.8 | 29.0 |
| ડીસા | 39.5 | 29.1 |
| ગાંધીનગર | 38.4 | 28.8 |
| વિદ્યાનગર | 37.9 | 27.6 |
| વડોદરા | 37.2 | 28.2 |
| સુરત | 35.4 | 28.4 |
| વલસાડ | – | – |
| દમણ | 35.6 | 28.0 |
| ભૂજ | 38.0 | 27.4 |
| નલિયા | 35.2 | 27.0 |
| કંડલા પોર્ટ | 38.5 | 28.5 |
| કંડલા એરપોર્ટ | 40.6 | 28.0 |
| અમરેલી | 38.8 | 25.0 |
| ભાવનગર | 38.3 | 27.4 |
| દ્વારકા | 34.2 | 28.6 |
| ઓખા | 35.4 | 28.3 |
| પોરબંદર | 33.7 | 27.4 |
| રાજકોટ | 39.5 | 23.4 |
| વેરાવળ | 32.8 | 29.2 |
| દીવ | 33.7 | 26.7 |
| સુરેન્દ્રનગર | 42.0 | 28.0 |
| મહુવા | 33.8 | 26.6 |
| કેશોદ | 35.5 | 26.4 |
આ પણ વાંચોઃ- ગુજરાતના તમામ સમાચારો વાંચવા માટે અહીં ક્લિક કરો
17 થી 21 મે દરમિયાન કેવું રહેશે હવામાન
17 મે 2025ના રોજ અમરેલી, ભાવનગર, ગીર સોમનાથ, પંચમહાલ, વડોદરા, છોટા ઉદેપુર, દાહોદ, ભરૂચ, નર્મદા, સુરત, તાપી, નવસારી, ડાંગ અને વલસાડ જિલ્લામાં હળવાથી મધ્યમ વરસાદની શક્યતા છે.
18 મે 2025 ના રોજ અમરેલી, ભાવનગર, ગીર સોમનાથ, દાહોદ, છોટા ઉદેપુર, નર્મદા, તાપી, નવસારી, ડાંગ અને વલસાડ જિલ્લામાં છૂટાછવાયા વરસાદની શક્યતા છે, જ્યારે 19 મે 2025 ના રોજ અમરેલી, ભાવનગર, દાહોદ, છોટા ઉદેપુર, નર્મદા, તાપી, નવસારી, ડાંગ અને વલસાડ જિલ્લામાં છૂટાછવાયા વરસાદની શક્યતા છે.
