Gujarat Weather Forecast, Gujarat Rain News Updates Gujarati, ગુજરાત વરસાદ આગાહી :ગુજરાતમાં ચોમાસું જામ્યું છે જોકે, થોડા દિવસથી વરસાદનું જોર ઘટ્યું હોય એવું લાગી રહ્યું છે. વરસાદ પડવાના વિસ્તારોમાં ઘટાડો દેખાઈ રહ્યો છે. જોકે, હવામાન વિભાગે આજે 9 જુલાઈ 2024, મંગળવારના દિવસની આગાહી કરી છે. આજે મંગળવારે રાજ્યના 8 જિલ્લા અને 2નકેન્દ્ર શાસિત પ્રદેશોમાં અતિ ભારે વરસાદની આગાહી કરી છે.
ગુજરાત વરસાદ આગાહી : દાહોદ, છોટા ઉદેપુર સહિત 8 જિલ્લાઓમાં આજે પડશે અતિ ભારે વરસાદ
હવામાન વિભાગે કરેલી વરસાદની આગાહી પ્રમાણે આજે મંગળવારે ગુજરાતના દાહોદ, છોટા ઉદેપુર, નર્મદા, સુરત, ડાંગ, નવસારી, વલસાડ અને તાપી જિલ્લામાં ઉપરાંત દમણ અને દાદરા નગર હવેલીમાં અતિ ભારે વરસાદ પડશે.
ગુજરાત વરસાદ આગાહી : આ વિસ્તારોમાં પડશે ભારે વરસાદ
આ ઉપરાંત હવામાન વિભાગે આજે 9 જુલાઈ 2024, મંગળવારની આગાહીમાં કેટલાક વિસ્તારોમાં ભારે વરસાદની આગાહી કરી હતી. આ જિલ્લાઓની વાત કરીએ તો બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, મહિસાગર, વડોદરા, ભરૂચ જિલ્લામાં ભારે વરસાદની આગાહી કરી છે.
આ ઉપરાંત સૌરાષ્ટ્રના જિલ્લાઓની વાત કરીએ તો સુરેન્દ્રનગર, રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદ અને કચ્છ તેમજ દીવમાં પણ ભારે વરસાદની આગાહી કરવામાં આવી છે.
ગુજરાત વરસાદ આગાહી : આ વિસ્તારોમાં ભારે પવન સાથે વરસાદ પડશે
હવામાન વિભાગની આગાહી પ્રમાણે બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહિસાગર, વડોદરા, છોટા ઉદેપુર, નર્મદા, ભરૂચ, સુરત, ડાંગ, તાપી, નવસારી, વલસાડ અને દમણ, દાદરા નગર હવેલીમાં ભારે પવન સાથે વરસાદ પડશે.
આ પણ વાંચોઃ- Gujarat Monsoon: ગુજરાતના ઘણા વિસ્તારો હજી પણ કોરાધાકોર, ભાભર – ઉંઝા સહિત ઘણા તાલુકામાં 1 ટકાથી પણ ઓછો વરસાદ
આ ઉપરાંત સૌરાષ્ટ્રના સુરેન્દ્રનગર, રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદ, દીવ તેમજ કચ્છમાં ભારે પવન સાથે વરસાદ પડશે.
