પૂર્વ ધારાસભ્ય નિરંજન પટેલ ભાજપમાં જોડાયા: સીઆર પાટીલે જાતિની રાજનીતિ, ગરીબીના નારા પર કોંગ્રેસની કરી ટીકા

શનિવારે છ વખતના પેટલાદના ધારાસભ્ય અને કોંગ્રેસના પૂર્વ નેતા નિરંજન પટેલ નું ભાજપમાં સ્વાગત કરતા પાટીલે કહ્યું કે, વડાપ્રધાન નરેન્દ્ર મોદીના નેતૃત્વમાં ભગવા પાર્ટીએ 2022 ની ગુજરાત વિધાનસભાની ચૂંટણી “જાતિની રાજનીતિને દૂર કરીને” જીતી છે.

તેઓ આણંદના ભાજપના સાંસદ મિતેશ પટેલ દ્વારા આયોજિત સ્નેહમિલન કાર્યક્રમમાં બોલી રહ્યા હતા, જેઓ આગામી લોકસભાની ચૂંટણી દરમિયાન આ બેઠક પરથી ફરીથી ચૂંટણી લડશે. આ કાર્યક્રમમાં, નિરંજન પટેલ અને આણંદ જિલ્લાના કોંગ્રેસ અને યુવા કોંગ્રેસના સેંકડો કાર્યકરોએ પાટિલ પાસેથી કેસરી દુપટ્ટો સ્વીકારીને પાર્ટીમાં જોડાયા હતા.

2022 ની વિધાનસભા ચૂંટણી દરમિયાન નિરંજન કોંગ્રેસ છોડી ગયા હતા, જ્યારે પાર્ટીએ પેટલાદના તબીબી વ્યવસાયી ડૉ. પ્રકાશ પરમારને મેદાનમાં ઉતાર્યા હતા. હવે તેઓ 76 વર્ષના છે, તેઓ 2002 ની વિધાનસભા ચૂંટણી સિવાય 1990 થી સતત પેટલાદના ધારાસભ્ય છે.

માધવસિંહ સોલંકી પર પ્રહાર કરતા પાટીલે કહ્યું, “1984માં, તમારા વિસ્તારમાં (આણંદ) કોંગ્રેસના મુખ્ય પ્રધાન હતા, જેમણે KHAM સિદ્ધાંત અપનાવ્યો હતો, જાતિ અને સંપ્રદાયના વિભાજનકારી રાજકારણનો ઉપયોગ કરીને મત માંગ્યા હતા. તેમને 149 બેઠકો (ગુજરાત વિધાનસભામાં) મળી હતી, પરંતુ તેમને શાપ આપવામાં આવ્યો હતો કે, તેઓ છ મહિનાથી વધુ સમય સત્તામાં રહી શક્યા નહી. પરંતુ 2022 (ગુજરાત ચૂંટણી) માં મોદી સાહેબના નેતૃત્વમાં કોઈ જાતિ કે સંપ્રદાય ન હતો. “સંપૂર્ણપણે ભાજપ પાર્ટીના કાર્યકરોની તાકાત અને મતદારોનો વિશ્વાસ અને પ્રેમ જીતીને, પાર્ટીએ 156 બેઠકો જીતી.”

ચાલી રહેલી ભારત જોડો ન્યાય યાત્રાનું નામ લીધા વિના, જેમાં રાહુલ ગાંધી “ભારતની 73% જાતિઓમાં ગરીબી” વિશે વાત કરી રહ્યા છે, આ મામલે પાટીલે કહ્યું, “ગરીબની કોંગ્રેસની વ્યાખ્યા એ છે કે, આદિવાસીઓ અને દલિતો ગરીબ છે, બંને જાતિઓ ચોક્કસપણે ગરીબ છે, પરંતુ કોઈપણ સમુદાયનો મધ્યમ વર્ગનો વ્યક્તિ પણ ગરીબ હોઈ શકે છે, પછી ભલે તે અનામતની શ્રેણીમાં ન આવતો હોય. આવી વ્યક્તિને સરકારી યોજનાઓનો લાભ મળવો જોઈએ, જેથી કરીને તે ગરીબીમાંથી બહાર આવી શકે.”

“ઇન્દિરા ગાંધીનું સૂત્ર ‘ગરીબી હટાઓ’ હતું, પરંતુ તેમના પર વિશ્વાસ કરનારા લોકોએ ગરીબીમાંથી મુક્તિ મેળવી ન હતી, પરંતુ છેલ્લા 10 વર્ષમાં મોદી સાહેબે 25 કરોડ લોકોને કોઈ મોટું સૂત્ર આપ્યા વિના, ગરીબી રેખામાંથી દૂર કર્યા છે. તે દિશામાં નક્કર પગલાં સાથે કામ કરવામાં આવ્યું છે.”

પાટીલે PM મોદીના ‘દ્વારકા શહેર’ માટે તાજેતરના પાણીની અંદરના અભિયાનનો પણ ઉલ્લેખ કર્યો હતો અને કહ્યું હતું કે, PM એ ખુલ્લા હાથે ભગવાન કૃષ્ણના શહેરને સ્પર્શ કર્યો ત્યારે દેશે “શ્વાસ રોકી આ જોયું”.

“દ્વારકા નગરી સોનાની નગરી હતી જે દરિયાની અંદર ડૂબી ગઈ હતી. અમે બધા માનતા હતા કે, પાણીની નીચે એક શહેર છે. આ ઉંમરે, પાણીના ભારે દબાણ છતાં, મોદીજી 70-80 ફૂટ પાણીની અંદર ગયા, ખુલ્લા હાથે દ્વારકા શહેરને સ્પર્શ કર્યું, યોગ કર્યા અને ત્યાં મોર પીંછ અર્પણ કર્યું. મોદી સાહેબ પાછા આવ્યા… પરંતુ જ્યાં સુધી તેઓ પાણીમાંથી બહાર ન આવ્યા ત્યાં સુધી આખો દેશ તેમની સુરક્ષા માટે પ્રાર્થના કરતો રહ્યો. પરંતુ મોદી બધું શક્ય બનાવે છે. તેમણે આખા દેશ અને દુનિયાને બતાવ્યું કે, ભગવાન કૃષ્ણની નગરી હજુ પણ પાણીમાં ડૂબી છે.”

મિતેશ પટેલની તરફેણ કરતા, પાટીલે પક્ષના કાર્યકરોને વર્તમાન સાંસદ દ્વારા કરવામાં આવેલી “કોઈપણ ભૂલોને માફ કરવા” અને પીએમ મોદી માટે બેઠક જીતવાની સલાહ આપી. “જો મિતેશભાઈએ કોઈ ભૂલ કરી હોય તો, અમે તેમને ઠપકો આપીશું પણ તમારે મોદી સાહેબને જોવા પડશે અને એ સુનિશ્ચિત કરવું પડશે, મોદી સાહેબ માટે આ સીટ જીતો. અગાઉ પણ તમે ગુજરાતની તમામ 26 સીટો જીતી ચુક્યા છો. મોદી સાહેબ ત્રીજી વખત વડાપ્રધાન બનવાના તેમના રાહ પર છે અને અમે તમામ 26 બેઠકો જીતીને હેટ્રિક પણ બનાવવા જઈ રહ્યા છીએ.”

આ પણ વાંચો – ભારત જોડો ન્યાય યાત્રા ગુજરાત : જાતિ ગણતરી મામલે જયરામ રમેશના પ્રહાર, કહ્યું, ભાજપ ‘અનામત વિરુદ્ધ’

તેમણે કહ્યું, “મને વિશ્વાસ છે કે, તમારા બધામાં 5 લાખથી વધુ મતોની લીડ સાથે ગુજરાતની તમામ 26 બેઠકો જીતવાની ક્ષમતા છે, વાતાવરણ એવું છે કે, 2022 (વિધાનસભા ચૂંટણી), AAPએ તેની ડિપોઝિટ ગુમાવી. જ્યારે કોંગ્રેસને 44 બેઠકો પર હાર મળી છે. આમ આદમી પાર્ટીને 40 લાખ મત મળ્યા. કોંગ્રેસને 80 લાખ વોટ મળ્યા પરંતુ ભાજપને 1.68 કરોડ વોટ મળ્યા, જે કોંગ્રેસ કરતા 88 લાખ વધુ હતા પરંતુ, અમે 26 વિધાનસભા મતવિસ્તારોમાં 3.05 લાખ વોટ ઓછા પડ્યા.”