Ahmedabad Rath Yatra 2025 updates : અમદાવાદ અને પુરી ખાતે આજે ભગવાન જગન્નાથ રથયાત્રા નીકળી છે. જય રણછોડ માખણ ચોર અને જય જગન્નાથ નાદથી અમદાવાદ અને પુરી ગૂંજી રહ્યા છે. આજે વહેલી સવારે જગન્નાથ મંદિર ખાતે મંગળા આરતી, પહિંદ વિધિ બાદ ભગવાન જગન્નાથના જયઘોષ સાથે રથયાત્રાનો પ્રારંભ કરાયો. હજારોની સંખ્યામાં ભક્તો, શ્રધ્ધાળુઓ રથયાત્રામાં જોડાયા છે. રથયાત્રા જેમ જેમ નગરમાં આગળ વધી રહી છે તેમ તેમ નગરનું વાતાવરણ જય રણછોડ નાદથી અભિભૂત થઇ રહ્યું છે. અહીં નોંધનિય છે કે, અમદાવાદમાં ભગવાન જગન્નાથજીની આ 148મી રથયાત્રા છે. કેન્દ્રીય ગૃહમંત્રી અમિત શાહે પરિવાર સાથે ભગવાન જગન્નાથજીની મંગળા આરતી કરી હતી.
જમાલપુર જગન્નાથ મંદિરમાં મંગળા આરતી અને પહિંદ વિધિ બાદ ભગવાન જગન્નાથ નંદીઘોષ રથ પર, ભાઈ બલરામ તાલધ્વજ રથ પર અને બહેન સુભદ્રાજીને દેવદલન રથ પર બિરાજમાન કરાયા અને ભારે ઉત્સાહભેર માહોલમાં રથયાત્રાનો શુભારંભ કરાયો હતો.
મુખ્યમંત્રી ભૂપેન્દ્ર પટેલે પહિંદ વિધિ કરીને રથયાત્રાને પ્રસ્થાન કરાવ્યું હતું. જોકે, દર વર્ષે રથયાત્રા 7.10 વાગ્યે નીકળથી હોય છે. પરંતુ આ વર્ષે 6.56 વાગ્યે ભગવાનનો પ્રથમ રથ મંદિરની બહાર લાવવામાં આવ્યો હતો. વરસાદના અમી છાંટણા સાથે જ રથયાત્રા શરૂ થઈ ગઈ છે.
પહિંદ વિધિ બાદ ગુજરાત પોલીસ દ્વારા ગાર્ડ ઓફ ઓનર અપાયું
ગુજરાતના મુખ્યમંત્રી ભૂપેન્દ્ર પટેલ દ્વારા પારંપરાગત રીતે પહિંદ વિધિ કરી હતી. ત્યારબાદ ગુજરાત પોલીસ દ્વારા ભગવાનને ગાર્ડ ઓફ ઓનર અપાયું હતું અને રથયાત્રાને પ્રસ્થાન કરી હતી.
અમદાવાદમાં ભગવાન જગન્નાથજીની 148મી રથયાત્રા શાંતિપૂર્ણ માહોલમાં સંપન્ન થઈ છે. ભગવાન જગન્નાથ, ભાઇ બલભદ્ર અને બહેન શુભદ્રાના ત્રણેય રથ જમાલપુર ખાતે નિજ મંદિર ખાતે પહોંચી ગયા છે. હાલમાં મંદિરમાં અને મંદિરની બહાર ભક્તોની ભારે ભીડ છે.
રથયાત્રામાં સામેલ ટ્રક અને અખાડા જગન્નાથ મંદિર ખાતે પહોંચી ગયા છે. ત્યાં જ હાલમાં જગન્નાથ મંદિરની બહાર મોટી સંખ્યામાં ભક્તો હાજર છે.
ભગવાન જગન્નાથની રથયાત્રા પર મેઘરાજાએ અમીછાંટણા કર્યા છે. ત્યાં જ હવે ત્રણેય રથ નિજ મંદિર તરફ જતા શાહપુર દરવાજા પહોંચ્યા છે.
મુખ્યમંત્રી ભૂપેન્દ્ર પટેલે અમદાવાદની 148મી જગન્નાથ રથયાત્રાના અમદાવાદ શહેરમાં ભ્રમણ તેમજ રથયાત્રાના સંચાલનનું રિયલ ટાઈમ મોનિટરીંગ મુખ્યમંત્રી નિવાસસ્થાનના સી.એમ. ડેશ બોર્ડની વિડિયો વોલ પર જીવંત પ્રસારણ નિહાળીને કર્યું હતું.
https://platform.twitter.com/widgets.jsઅમદાવાદની જગન્નાથ રથયાત્રાનું શહેરમાં ભ્રમણ તેમજ સંચાલનનું રિયલ ટાઈમ મોનિટરીંગ ગાંધીનગરમાં CM ડેશ બોર્ડની વિડિયો વોલ પરથી કર્યું. રથના લોકેશન, પોલીસ દ્વારા AI અને ડ્રોન ટેકનોલોજીના ઉપયોગથી રથયાત્રાનું મોનિટરીંગ અને સલામતી વ્યવસ્થા જેવી બાબતોની તલસ્પર્શી જાણકારી મેળવી. pic.twitter.com/16E76gqF05
— Bhupendra Patel (@Bhupendrapbjp) June 27, 2025
ભગવાનજ જગન્નાથજી હવે સરસપુરથી નીકળીને નીજ મંદિર તરફ આગળ વધી રહ્યા છે ત્યારે સંવેદનશીલ એવા વિસ્તાર દરિયાપુરમાં આવેલી તંબુચોકી પર ગૃહરાજ્યમંત્રી હર્ષ સંઘવી, પોલીસ વડા વિકાસ સહાય સહિતના ઉચ્ચ પોલીસ અધિકારીઓ હાજર રહ્યા છે.
અમદાવાદમાં ભગવાન જગન્નાથજી સહિત ત્રણેય રથ સરસપુરથી નીકળીને નીજ મંદિર તરફ આગળ વધી રહ્યા છે. ત્યારે ભગવાનના દર્શન કરવા માટે ભક્તોની ભારે ભીડ જામી છે. ભક્તોમાં ભગવાનની રથયાત્રા માટે અનેરો ઉત્સાહ જોવા મળે છે.
https://platform.twitter.com/widgets.jsAhmedabad, Gujarat: At Saraspur, prasad was organized for over 15,000 devotees and followers of Lord Jagannath as part of the Ratha YatraA Local Praveen Patel says, "…Like every year, this time too, we have made arrangements to serve food and prasad…" pic.twitter.com/8BXhlL0bri
— IANS (@ians_india) June 27, 2025
https://platform.twitter.com/widgets.jsભગવાન જગન્નાથજીની 148મી રથયાત્રામાં ભક્તોનું માનવ મહેરામણ ઉમટી પડ્યું….#rathyatra2025 #ahmedabadrathyatra@CMOGuj @sanghaviharsh @InfoGujarat @AhmedabadPolice pic.twitter.com/77pZ492aID
— Info Ahmedabad GoG (@infoahdgog) June 27, 2025
વડોદારમાં રથયાત્રામાં એક કરુણ ઘટના બની છે. વડોદારમાં રથયાત્રાના બંદોબસ્તમાં ફરજ બજાવતા પોલીસ કર્મચારીનું મોત નીપજ્યું હતું. મૃતક પોલીસ કર્મચારીને ગભરામણ અને ઉલટીઓ થતાં સયાજી હોસ્પિટલ ખાતે ખસેડવામાં આવ્યા હતા. જોકે ડોક્ટરે મૃત જાહેર કર્યા હતા. મૃતક પ્રતાપનગર હેડ ક્વાર્ટરમાં રહેતા હતા અને હરણી પોલીસ મથકમાં ફરજ બજાવતા હતા.
ભગવાન જગન્નાથ સહિતના ત્રણે રથ મોસાળમાં પહોંચી ગયા છે ત્યારે મામેરું ભગવાનના રથ સુધી પહોંચ્યું છે બીજી તરફ મહંત દિલિપદાસજી પણ સરસપુર પહોંચી ચુક્યા છે.
https://platform.twitter.com/widgets.jsઅમદાવાદ ખાતે આયોજિત ભગવાન જગન્નાથજીની 148મી રથયાત્રાનો આકાશી નજારો….#rathyatra2025 #ahmedabadrathyatra @CMOGuj @Bhupendrapbjp @sanghaviharsh @AhmedabadPolice @InfoGujarat pic.twitter.com/53WlqEW377
— Info Ahmedabad GoG (@infoahdgog) June 27, 2025
અત્યારે અમદાવાદમાં ભગવાન જગન્નાથજીની રથયાત્રા ચાલી રહી છે. ભગવાન હવે સરસપુર પોતાના મોસાળમાં પહોંચી ગયા છે. ભગવાન જગન્નાથ, ભાઈ બલરામ અને બહેન સુભદ્રાજીના રથ સરસપુર પહોંચી ગયા છે.
અમદાવાદમાં રથયાત્રા દરમિયાન ભાઈ બલરામના રથમાં ખામી સર્જાઈ હતી. જેના પગલે સ્ક્રૂ બદલ રથમાં નવું પૈડું લગાવ્યું હતું. રથમાં ખામી સર્જાતા બલરામનો રથ પાછળ રહી ગયો હતો.
અત્યારે અમદાવાદમાં ભગવાન જગન્નાથજીની રથયાત્રા ચાલી રહી છે. ભગવાન હવે સરસપુર પોતાના મોસાળમાં પહોંચશે. ભગવાન જગન્નાથ અને બહેન સુભદ્રાજીના રથ સરસપુર ચાર રસ્તા પાસે પહોંચ્યા છે.
આજે અષાઢી બીજના દિવસે ગુજરાત સહિત દેશમાં અનેક જગ્યાએ ભગવાન જગન્નાથની રથયાત્રા નીકળી છે ત્યારે ઈતિહાસમાં પ્રથમવાર બ્રિટિશ સંસદમાં કન્ઝર્વેટિવ પાર્ટીના સભ્ય અને હેરો ઈસ્ટના સાંસદ બોબ બ્લેકમેને હેરો ઈસ્ટ અને વિશ્વમાં નીકળેલી રથયાત્રાને લઈને શુભેચ્છાઓ પાઠવી હતી. તેમે સૌને જય સ્વામિનારાયણ, જયશ્રી કૃષ્ણ અને જય જગન્નાથ પણ કહ્યું હતું.
અમદાવાદ રથયાત્રાને નિહાળવામાં પહોંચેલા વૃદ્ધને હાર્ટ એટેક આવ્યો હતો. જોકે, ફરજ પર હાજર પોલીસ કર્મચારીઓ સીપીઆર આપીને વૃદ્ધનો જીવ બચાવ્યો હતો.
અમદાવાદમાં એક તરફ ભગવાન જગન્નાથની 148મી રથયાત્રા ચાલી રહી છે તો બીજી તરફ મેઘો પણ હરખની હેલી કરી રહ્યો છે. અમદાવાદના રથયાત્રા વિસ્તારોમાં ધીમી ધારે વરસાદ પડવાનું શરૂ થયું છે. ત્યારે વરસતા વરસાદ વચ્ચે ભક્તોનો અનેરો આનંદ જોવા મળી રહ્યો છે.
ઓડિશાના પુરીમાં ભગવાન જગન્નાથની રથયાત્રા શરૂ થઈ રહી છે. આ ભવ્ય યાત્રા પુરીના જગન્નાથ મંદિરથી શરૂ થઈને ગુંડીચા મંદિર સુધી જાય છે. જગન્નાથ રથયાત્રામાં ભક્તોની ભારે ભીડ ઉમટી પડી છે. 12 દિવસની આ રથયાત્રાને લઈને ભક્તોમાં ઉત્સાહ છે.
પીએમ મોદીએ ઇન્સ્ટાગ્રામ પર લખ્યું કે ભગવાન જગન્નાથની રથયાત્રાના શુભ અવસર પર, બધા દેશવાસીઓને મારી શુભકામનાઓ. શ્રદ્ધા અને ભક્તિનો આ પવિત્ર તહેવાર દરેકના જીવનમાં સુખ, સમૃદ્ધિ, સૌભાગ્ય અને સારું સ્વાસ્થ્ય લાવે, એ જ મારી કામના છે. જય જગન્નાથ!
આજની ભગવાન જગન્નાથની રથયાત્રામાં 17 ગજરાજોએ ભાગ લીધો હતો. જોકે, ખાડિયામાં હાથીયો બેકાબૂ બનવાની ઘટના બાદ બેકાબૂ બનેલા ત્રણ હાથીઓેને કાફલાવામાંથી અલગ કર્યા હતા. જોકે ત્યારબાદ શાંતિપૂર્ણ રીતે રથયાત્રા આગળ વધી રહી છે.
ભગવાન જગન્નાથની રથયાત્રા ચાલી રહી છે, ગજરાજો, ટેબ્લાઓ, ભજન મંડળીઓ સહિત કાફલો જોડાયો છે. જોકે, ગજરાજો ખાડિયા પહોંચતા બેકાબૂ બન્યા હતા. જેના પગલે લોકોમાં નાસભાગ મચી હતી. ત્રણ ગજરાજ બેકાબૂ થતાં તરત જ સ્ટાફ દોડતો થયો હતો. થોડી વાર ધમચકડી મચી ગઈ હતી. મળતી માહિતી પ્રમાણે હાથીને ઈન્જેક્શન આપીને કાબુમાં લેવામાં આવ્યા હતા. સ્વયંસેવકોને વિષલ ન વગાડવા માટે સૂચના આપવામાં આવી હતી.
અમદાવાદમાં આજે 148મી રથયાત્રા યોજાઇ છે. અષાઢ સુદ બીજના દિવસે અમદાવાદના જમાલપુર સ્થિત મંદિરેથી હર્ષોલ્લાસ સાથે ભગવાન જગન્નાથ મોટા ભાઇ બલરામ અને બહેન સુભદ્રા સાથે નગરચર્યાએ પ્રસ્થાન થયા છે. રથમાં સવાર ભગવાનના દર્શન કરવા મોટી સંખ્યામાં ભક્તો પહોંચ્યા છે.
https://platform.twitter.com/widgets.jsઅમદાવાદમાં આજે 148મી રથયાત્રા યોજાઇ છે. અષાઢ સુદ બીજના દિવસે અમદાવાદના જમાલપુર સ્થિત મંદિરેથી હર્ષોલ્લાસ સાથે ભગવાન જગન્નાથ મોટા ભાઇ બલરામ અને બહેન સુભદ્રા સાથે નગરચર્યાએ પ્રસ્થાન થયા છે. રથમાં સવાર ભગવાનના દર્શન કરવા મોટી સંખ્યામાં ભક્તો પહોંચ્યા છે. #rathyatra2025 pic.twitter.com/Db0tADzemb
— IEGujarati (@IeGujarati) June 27, 2025
અષાઢી બીજ નિમિત્તે ગુજરાતના મુખ્યમંત્રી ભૂપેન્દ્ર પટેલે નાગરીકોને શુભેચ્છાઓ આપી હતી. તેમણે એક્સ પર પોસ્ટ કરીને લખ્યું છે કે આજના અષાઢી બીજના અવસરે ઉજવાતા રથયાત્રા પર્વની સૌ નાગરિકોને શુભકામનાઓ..!
ભારતીય સંસ્કૃતિ અને પરંપરાને ઉજાગર કરતી ભગવાન શ્રી જગન્નાથજીની રથયાત્રાને આસ્થાની સાથોસાથ સામાજિક સમરસતાનો મહોત્સવ બનાવીએ.
https://platform.twitter.com/widgets.js|| જય જગન્નાથ ||આજના અષાઢી બીજના અવસરે ઉજવાતા રથયાત્રા પર્વની સૌ નાગરિકોને શુભકામનાઓ..!ભારતીય સંસ્કૃતિ અને પરંપરાને ઉજાગર કરતી ભગવાન શ્રી જગન્નાથજીની રથયાત્રાને આસ્થાની સાથોસાથ સામાજિક સમરસતાનો મહોત્સવ બનાવીએ. pic.twitter.com/D5RpTTS3r0
— CMO Gujarat (@CMOGuj) June 27, 2025
અમદાવાદમાં ભગવાન જગન્નાથજીની 148મી રથયાત્રા પરંપરાગત રીતે નીકળી છે. ત્યારે જમાલપુર વૈશ્ય સભા ખાતે કોંગ્રેસના MLA ઈમરાન ખેડાવાલાએ મહંત દિલીપદાસજી મહારાજનું સ્વાગત કર્યું હતું.
રાષ્ટ્રપતિ દ્રૌપદી મુર્મુએ ટ્વીટ કર્યું કે પવિત્ર રથયાત્રા નિમિત્તે, હું દેશ અને વિદેશમાં રહેતા મહાપ્રભુ જગન્નાથના ભક્તોને મારી હાર્દિક શુભકામનાઓ પાઠવું છું. લાખો ભક્તો બડે ઠાકુર બલભદ્ર, મહાપ્રભુ શ્રી જગન્નાથ, દેવી સુભદ્રા અને ચક્રરાજ સુદર્શનને રથ પર બેઠેલા જોઈને દિવ્ય અનુભવ મેળવે છે. આ દિવ્ય સ્વરૂપોનો માનવીય ખેલ રથયાત્રાની વિશેષતા છે. આ શુભ પ્રસંગે, મહાપ્રભુ શ્રી જગન્નાથને મારી પ્રાર્થના છે કે સમગ્ર વિશ્વમાં શાંતિ, મિત્રતા અને સ્નેહનું વાતાવરણ રહે.
અમદાવાદમાં આજની 148મી રથયાત્રામાં 18 ગજરાજ, ભારતીય સંસ્કૃતિની ઝાંખી કરાવતી 101 ટ્રક, અંગ કસરતના પ્રયોગો સાથે 30 અખાડા, 18 ભજન મંડળીઓ અને 3 બેન્ડવાજાવાળા જોડાયા છે. હરિદ્વાર, અયોધ્યા, નાસિક, ઉજ્જૈન, જગન્નાથપુરી તથા સૌરાષ્ટ્રમાંથી 2500 જેટલા સાધુ-સંતો પણ મોટી સંખ્યામાં જોડાયા છે.
ભગવાન જગન્નાથની 148મી રથયાત્રામાં વિવિધ થીમ પર ટેબ્લો જોડાયા છે. ત્યારે ઓપરેશ સિંદૂર થીમ પર સૌથી વધારે ટ્રકો રથયાત્રામાં જોડાઈ છે. આ ઉપરાંત અંગદાન મહાદાનની થીમ સાથે ટ્રક પણ જોડાઈ છે.
ભગવાન જગન્નાથજીના કાફલામાં હાથીઓ, ટ્રકો, ટેબ્લાઓ, ભજન મંડળીઓ, અખાડાઓ જોડાયા છે. સાથે સાથે ભક્તો પણ જોડાયા છે. જોકે, રથયાત્રામાં મહાકાલથીમ પર શણગારેલી ટ્રક, અને રમકડા અને ટેડીબેરથી ભરેલી આખી ટ્રકે લોકોનું ધ્યાન ખેંચ્યું છે.
રથયાત્રા જેમ જેમ આગળ વધી રહી છે તેમ તેમ ભગવાનનો મગનો પ્રસાદ લેવા માટે ભક્તોની પડા પડી થઈ રહી છે.
મુખ્યમંત્રી ભૂપેન્દ્ર પટેલે પહિંદ વિધિ કરીને રથયાત્રાને પ્રસ્થાન કરાવ્યું હતું. જોકે, દર વર્ષે રથયાત્રા 7.10 વાગ્યે નીકળથી હોય છે. પરંતુ આ વર્ષે 6.56 વાગ્યે ભગવાનનો પ્રથમ રથ મંદિરની બહાર લાવવામાં આવ્યો હતો. વરસાદના અમી છાંટણા સાથે જ રથયાત્રા શરૂ થઈ ગઈ છે.
ગુજરાતના મુખ્યમંત્રી ભૂપેન્દ્ર પટેલ દ્વારા પારંપરાગત રીતે પહિંદ વિધિ કરી હતી. ત્યારબાદ ગુજરાત પોલીસ દ્વારા ભગવાનને ગાર્ડ ઓફ ઓનર અપાયું હતું અને રથયાત્રાને પ્રસ્થાન કરી હતી.
જગન્નાથ મંદિરમાં ભક્તિમય વાતાવરણ વચ્ચે ભગવાન નગર ચર્યાએ નકીળવા માટે તૈયાર છે. પહિંદ વિધિ માટે ગુજરાત મુખ્યંત્રી ભૂપેન્દ્ર પટેલ મંદિર પહોંચ્યા છે. જોકે, આ અવસર પર રાજ્યના ગૃહમંત્રી હર્ષ સંઘવી સહિતના નેતાઓ મંત્રીઓ જગન્નાથ મંદિર પરિસરમાં હાજર છે.
જમાલપુર જગન્નાથ મંદિરમાં રથયાત્રાની વિવિધ વિધિઓ ચાલી રહી છે ત્યારે ભગવાન જગન્નાથ બાદ ભાઈ બલરામને તાલધ્વજ રથમાં બિરાજમાન કરવામાં આવ્યા છે. તો બહેન સુભદ્રાજીને દેવદલન રથમાં બિરાજમાન કરવામાં આવ્યા છે. ત્રણેય ભગવાનને રથમાં બિરાજમાન કરી દેવાયા છે.
ભગવાનને વિશિષ્ટ ખીચડાનો ભોગ ધરાવવામાં આવ્યા બાદ હવે ધીમે ધીમે ભગવાનને રથમાં પ્રસ્થાપિત કરવામાં આવી રહ્યા છે. સૌપ્રથમ ભગવાન જગન્નાથને નંદીઘોષ રથમાં બેસાડવામાં આવ્યા. ત્યારબાદ ત્રણેય રથમાં ભગવાનને પ્રસ્થાપિત કરવામાં આવશે.
જમાલપુર મંદિર ખાતે અત્યારે રથયાત્રા પૂર્વેની વિવિધ વિધિઓ ચાલી રહી છે. ત્યારે મંગળવા આરતી બાદ ભગવાન જગન્નાથજી, બહેન સુભદ્રા અને ભાઈ બલરામજીના આંખેથી પાટા ખોલવામાં આવ્યા હતા.
આજે અષાઢી બીજના રોજ રથયાત્રાના દિવસે જમાલપુર જગન્નાથ મંદિરના મહંત 1008 મહામંડલેશ્વર દિલીપ દરજી મહારાજને તમામ સાધુ-સંતો દ્વારા વૈષ્ણવ સંપ્રદાયના જગતપતિ જગદગુરુની પદવી આપવામાં આવી છે. મહંત દિલીપ દાસજી હવે મહામંડલેશ્વરની જગ્યાએ જગતગુરુ દિલીપદાસજી મહારાજ તરીકે ઓળખાશે.
ભગવાન જગન્નાથજીની રથયાત્રાના લાઈવ દર્શન તમે https://www.jagannathjiahd.org/ પર જોઈ શકો છો.
જમાલપુર જગન્નાથ મંદિરે રાતથી જ મોટી સંખ્યામાં ભક્તો, સેવકો ઉમટી રહ્યા છે અને જય..જય..જય..જય.. જગન્નાથ, તથા જય રણછોડ માખણ ચોર નો નાદ લગાવી ભાવ વિભોર થઈ રહ્યા છે. જયઘોષથી મંદિર ગુંજી ઉઠ્યું હતું.
અમદાવાદમાં જગન્નાથજીની મંગળા આરતી કર્યા બાદ કેન્દ્રીય ગૃહમંત્રી અમિત શાહ જમાલપુર જગન્નાથ મંદિરથી રવાના થઈ ચૂક્યા છે. થોડીવારમાં ભગવાનના આંખેથી પાટા ખોલવાની વિધિ કરવામાં આવશે.
અમદાવાદના જમાલપુર વિસ્તારમાં ભગવાન જગન્નાથના મંદિરે મોડી રાતથી જ ભક્તોની ભીડ જામવા લાગી છે. આજના અષાઢી બીજના દિવસની શરુઆત મંગળા આરતી સાથે થઈ હતી. કેન્દ્રીય ગૃહમંત્રી અમિત શાહે પરિવાર સાથે ભગવાન જગન્નાથજીની મંગળા આરતી કરી હતી.
આજે 27 જૂન 2025, શુક્રવારના દિવસે અમદાવાદમાં ભગવાન જગન્નાથજી નગરચર્યાએ નીકળશે. આજે અમદાવાદમાં જગન્નાથજીની 148મી રથયાત્રા નીકળશે.
