Famous YouTubers : છેલ્લા ઘણા સમયથી લોકોમાં સોશિયલ મીડિયાનો ક્રેઝ છે. લોકો પોતાની પ્રતિભા સોશિયલ મીડિયા પ્લેટફોર્મ જેવા કે ઇન્સ્ટાગ્રામ, ફેસબુક અને યુટ્યુબર પર ચેનલ દ્વારા શેર કરે છે. આ માધ્યમથી કોઇ રાતોરાત લોકપ્રિય સ્ટાર્સ બની ગયા છે. યુટ્યુબ ફેમસ થવાનું એક મોટું પ્લેટફોર્મ પણ છે. ભારતમાં ઘણા લોકપ્રિય YouTubers છે. જે આજે લોકોના દિલો પર રાજ કરે છે. આ સાથે આજે તેમની પ્રતિભાના આધારે તેઓ મબલક કમાણી કરી કરોડોની સંપત્તિના માલિક બની ગયા છે. આજે આ અહેવાલમાં એ ફેમસ YouTubers વિશે વાત કરવી છે. જેમાં મશહૂર યુટ્યુબર ભુવન બામ, કૈરી મિનાટી, રણવીર અલ્હાબાદિયા વગેરે સામેલ છે.
ભુવન બામ
પ્રચલિત યુટ્યુબર ભુવન બામની ચેનલ ‘બીબી કી વાઈન’થી દરેક લોકો વાકેફ હશે . ભુવન બામ એક ઉત્તમ અભિનેતા, ગાયક અને કોમેડિયન છે. ભુવન વિશે બહુ ઓછા લોકો જાણતા હશે કે તેને તેની કારકિર્દી એક સંગીતકાર તરીકે શરૂ કરી હતી. તે સમયે ભુવન મહિનામાં માત્ર પાંચ હજાર રૂપિયા આવક મેળવતો હતો. તે જ સમયે, ભુવન બામ આજે સૌથી અમીર યુટ્યુબર છે. મીડિયા અહેવાલ અનુસાર, ભુવન પાસે 122 કરોડ રૂપિયાની સંપત્તિ છે.
કેરી મિનાટી
હવે વાત કરીએ અજય નાગર ઉર્ફ કેરી મિનાટીની. કેરી મિનાટી આજે કોઇ પરિચયને મોહતાજ નથી. યુટ્યુબથી કારકિર્દીની શરૂઆત કરનારા કેરીએ હવે ફિલ્મી દુનિયામાં ઝંપલાવ્યું છે. કેરીએ વર્ષ 2016માં તેની યુટ્યુબ ચેનલ શરૂ કરી હતી. જેમાં પોતાની પ્રતિભાનો એવો જાદુ ચલાવ્યો કે માત્ર ત્રણ વર્ષમાં તેની ચેનલના એક કરોડ સબસ્ક્રાઈબર્સ થઈ ગયા. મીડિયા અહેવાલમાં કેરી મિનાટીની કુલ સંપત્તિ 41 કરોડ રૂપિયા બતાવવામાં આવી છે.
રણવીર અલ્હાબાદિયા
કેરી મિનાટી પછી મોન્ક એન્ટરટેઇનમેન્ટના સ્થાપક રણવીર અલ્હાબાદિયા વિશે વાત કરીએ. રણવીર અલ્હાબાદિયા લોકપ્રિય સોશિયલ મીડિયા સ્ટાર છે. રણવીર લાઈફસ્ટાઈલ કોચ અને મોટિવેશનલ સ્પીકર છે. તે તેના પોડકાસ્ટ ‘ધ રણવીર શો’ માટે પણ ખૂબ જ લોકપ્રિય છે. મીડિયા રિપોર્ટ્સ અનુસાર, રણવીર કુલ 58 કરોડની સંપત્તિના માલિક છે.
પ્રાજક્તા કોલી
પ્રાજક્તા કોલી, જે છેલ્લે કરણ જોહરની ‘જુગ જુગ જિયો’માં જોવા મળી હતી, તે પણ એક જાણીતી સોશિયલ મીડિયા હસ્તી છે. પ્રાજક્તા યુટ્યુબ ચેનલ ‘મોસ્ટલી સેન’ ચલાવે છે. પ્રાજક્તાએ પોતાની કારકિર્દીની શરૂઆત રેડિયો જોકી તરીકે કરી હતી. પ્રાજક્તાનું નામ ફોર્બ્સની વર્ષ 2019ની 30 અંડર 30 યાદીમાં પણ આવ્યું છે. અહેવાલો અનુસાર, પ્રાજક્તા કોલીની કુલ સંપત્તિ 16 કરોડ રૂપિયા છે.
કુશા કપિલા
ફેશન સંવાદદાતા તરીકે તેની કારકિર્દી શરૂ કરનારી કુશા કપિલાએ દિલ્હીની યુવતીઓ પર વીડિયો બનાવી મહેફિલ લૂંટતી જોવા મળી હતી. કુશા અક્ષય કુમારની ફિલ્મ ‘સેલ્ફી’માં પણ જોવા મળી છે. મીડિયા રિપોર્ટ્સ અનુસાર, કુશા લગભગ 20 કરોડ રૂપિયાની માલિકી ધરાવે છે.
