scorecardresearch
Premium

Raksha Bandhan 2024 : રક્ષાબંધનમાં પંચક અને ભદ્રાનો પડછાયો, જાણો રાખડી બાંધવાનું શુભ મુહૂર્ત

Raksha Bandhan 2024 shubh muhurat : રક્ષાબંધનના દિવસે પંચકની સાથે ભદ્રાનો પણ પડછાયો જોવા મળશે. આવી સ્થિતિમાં બધા મૂંઝવણમાં છે કે કયા સમયે રાખડી બાંધવી શુભ રહેશે. આવો જાણીએ રક્ષાબંધનનું શુભ મુહૂર્ત અને અન્ય માહિતી

raksha bandhan 2024, raksha bandhan date and time
રક્ષાબંધન photo – Freepik

Raksha Bandhan 2024 Date And Time : ભાઈ-બહેનના પ્રેમના પ્રતીક સમાન રક્ષાબંધનનો તહેવાર દેશભરમાં ધામધૂમથી ઉજવવામાં આવે છે. આ તહેવારમાં બહેનો ભાઈની સુખાકારી અને સારા સ્વાસ્થ્યની કામના સાથે હાથના કાંડા પર રાખડી બાંધે છે અને ભાઈઓ તેમની રક્ષા કરવાનું વચન આપે છે. હિંદુ પંચાંગ મુજબ દર વર્ષે શ્રાવણ મહિનાની પૂર્ણિમાના દિવસે રક્ષાબંધન ઉજવવામાં આવે છે. આ વર્ષે રક્ષાબંધન 19 ઓગસ્ટ 2024ના રોજ આવે છે. પરંતુ આ દિવસે પંચકની સાથે ભદ્રાનો પણ પડછાયો જોવા મળે છે. આવી સ્થિતિમાં બધા મૂંઝવણમાં છે કે કયા સમયે રાખડી બાંધવી શુભ રહેશે. આવો જાણીએ રક્ષાબંધનનું શુભ મુહૂર્ત અને અન્ય માહિતી.

રક્ષાબંધન 2024 ક્યારે છે?

હિન્દુ પંચાંગ અનુસાર શ્રાવણ મહિનાની પૂર્ણિમાની તારીખ 19 ઓગસ્ટના રોજ સવારે 3.04 વાગ્યે શરૂ થાય છે, જે રાત્રે 11.55 વાગ્યે સમાપ્ત થાય છે. આવી સ્થિતિમાં 19 ઓગસ્ટે રક્ષાબંધનનો તહેવાર છે.

રાખડી બાંધવાનું શુભ મુહૂર્ત

  • રક્ષાબંધન અનુષ્ઠાનનો સમય – બપોરે 1:30 થી રાતના 9:06 સુધી
  • રાખડી બાંધવાનો સમય– બપોરે 1.46થી સાંજે 4.19 વાગ્યા સુધી, સમયગાળો – 02 કલાક 37 મિનિટ
  • રક્ષાબંધનમાં પ્રદોષ કાલ મુહૂર્ત – સાંજે 06.56થી રાત્રે 09.07 મિનિટ સુધી
  • સમયગાળો – 2 કલાક 11 મિનિટ

આ પણ વાંચો – 7 દિવસ પછી શનિદેવની ચાલમાં થશે પરિવર્તન, આ રાશિના જાતકો પ્રગતિ સાથે અઢળક કમાણી કરશે

રક્ષાબંધન પર ભદ્રા અને પંચકનો પડછાયો

જણાવી દઈએ કે દર મહિનાના 5 દિવસ એવા હોય છે જેમાં ઘણા શુભ અને માંગલિક કામો કરવાની મનાઈ હોય છે. તેને પંચક કહેવામાં આવે છે. તમને જણાવી દઈએ કે ઓગસ્ટ મહિનામાં પંચક શ્રાવણ મહિનાની પૂનમ એટલે કે 19 તારીખે સાંજે 7.01 વાગ્યાથી શરૂ થઈ રહ્યું છે, જે 23 ઓગસ્ટ સુધી રહેશે. પરંતુ સોમવારથી શરૂ થવાના કારણે આ રાજ પંચક હશે. આવી સ્થિતિમાં તમે સરળતાથી શુભ કાર્યો કરી શકો છો. તેમાં કોઈ પ્રકારનો દોષ લાગતો નથી.

આ વર્ષે રક્ષાબંધનમાં સવારથી જ ભદ્રાનો પડછાયો રહેશે. આ કારણે બપોરે દોઢ વાગ્યા પછી જ રાખડી બાંધવી શુભ રહેશે.

  • રક્ષાબંધન ભદ્રા અંતનો સમય – બપોરે 1:30 મિનિટે
  • રક્ષાબંધન ભદ્રા પૂંછ – સવારે 09:51 – સવારે 10:53
  • રક્ષાબંધન ભદ્રા મુખ – સવારે 10:53 – બપોરે 12:37

રક્ષાબંધન પર બની રહ્યા છે અનેક શુભ યોગ

આ વર્ષે રક્ષાબંધન પર ખૂબ જ શુભ યોગ બની રહ્યા છે. આવી સ્થિતિમાં ભાઈના કાંડામાં રાખડી બાંધવી ખૂબ જ શુભ સાબિત થઈ શકે છે. આ સાથે સવારે 6.08 વાગ્યાથી સર્વાર્થ સિદ્ધિ યોગ શરૂ થાય છે, જે સવારે 8.10 વાગ્યા સુધી ચાલશે. આ સાથે સૂર્ય પોતાની રાશિ સિંહ રાશિમાં રહેશે. આ સાથે બુધ અને શુક્ર સિંહ રાશિમાં રહીને લક્ષ્મી નારાયણ યોગ, બુધાદિત્ય અને શુક્રાદિત્ય યોગ બનાવી રહ્યા છે. આ સાથે જ શનિ ષષ નામનો રાજયોગ બનાવી રહ્યો છે.

ડિસ્ક્લેમર- આ લેખમાં આપવામાં આવેલી કોઈપણ માહિતીની સચોટતા અથવા વિશ્વસનીયતાની ખાતરી આપવામાં આવતી નથી. જ્યોતિષ, પંચાંગ, માન્યતાઓ કે શાસ્ત્રો જેવા વિવિધ માધ્યમોમાંથી આ માહિતી એકત્ર કરવામાં આવી છે. અમારો ઉદ્દેશ માત્ર માહિતી પહોંચાડવાનો છે. અમે તેના સાચા અને સાબિત થવાની પ્રામાણિકતા આપી શકતા નથી. કૃપા કરીને તેનો ઉપયોગ કરતા પહેલા સંબંધિત નિષ્ણાતની સલાહ લો.

Web Title: Raksha bandhan 2024 date time shubh muhurat bhadra and panchak ag

Best of Express
અચૂક વાંચો : સૌથી વધુ વંચાયેલ આ સમાચાર ×