Kartik Purnima 2023 : હિંદુ ધર્મમાં કાર્તિક પૂર્ણિમાનું વિશેષ મહત્વ છે. એવું માનવામાં આવે છે કે કાર્તિક પૂનમના દિવસે શ્રી હરિ વિષ્ણુ મત્સ્ય અવતારમાં જળમાં નિવાસ કરે છે. તેથી આ દિવસે ગંગા સ્નાનનું વિશેષ મહત્વ છે. તેમજ આ દિવસે ભગવાન શિવે ત્રિપુરાસુર રાક્ષસનો વધ કર્યો હતો. તેથી આ દિવસને ત્રિપુરી પૂર્ણિમા તરીકે પણ ઓળખવામાં આવે છે. સાથે જ દેવી લક્ષ્મીની પૂજાનું પણ વિશેષ મહત્વ છે. કાતરક પૂર્ણિમાને દેવોની દિવાળી એટલે કે દેવ દિવાળી તરીકે માનવામાં આવે છે કે આ દિવસે તે ખૂબ જ પ્રસન્ન રહે છે અને ભક્તોને મનવાંછિત ફળ આપે છે. ચાલો જાણીએ કારતક પૂર્ણિમાની તિથિ, પૂજા વિધિ અને ઉપાયો…
કાર્તિક પૂર્ણિમા અને દેવ દિવાળી તિથિ 2023 (Kartik Purnima 2023 Dev Diwali Date Tithi)
વૈદિક પંચાંગ અનુસાર, વર્ષ 2023માં કાર્તિક પૂર્ણિમા 26 નવેમ્બરે બપોરે 03:52 વાગ્યે શરૂ થશે અને બીજા દિવસે 27 નવેમ્બરે બપોરે 02:45 વાગ્યે સમાપ્ત થશે. આથી સૂર્યોદય તિથિને આધારે કાર્તિક પૂર્ણિમા 27 નવેમ્બર 2023, સોમવારનો રોજ ઉજવવામાં આવશે. તેમજ આ દિવસે ભગવાન સત્યનારાયણની પૂજા કરવી, પૂર્ણિમાનું વ્રત કરવું, ગંગામાં સ્નાન કરવું અને દાન કરવું શ્રેષ્ઠ માનવામાં આવે છે.
કાર્તિક પૂર્ણિમા અને દેવ દિવાળીનું મહત્વ (Kartik Purnima 2023 Dev Diwali Significance)
હિંદુ ધર્મમાં કારતક માસને ખૂબ જ પવિત્ર માસ માનવામાં આવે છે. કારતક પૂર્ણિમાએ સ્નાન કરવાથી શાશ્વત પુણ્ય મળે છે અને મોક્ષની પ્રાપ્તિ થાય છે. આ દિવસે વસ્ત્ર, અન્ન, ધન અને દાનનું દાન કરવાથી સુખ-સમૃદ્ધિ મળે છે. તેમજ આ દિવસે ચંદ્ર અને દેવી લક્ષ્મીની પૂજા કરવાથી ધનની વૃદ્ધિ થાય છે.
કાર્તિક પૂર્ણિમાના ઉપાય (Kartik Purnima 2023 Dev Diwali Upay)
(1) જો તમારી આર્થિક સ્થિતિ નબળી છે, તો કારતક પૂર્ણિમાના દિવસે સવારે સ્નાન કરો અને ભોજન અને પાણીનું સેવન કરતા પહેલા પીપળના ઝાડને સાકર મિશ્રિત દૂધ અર્પિત કરો. આમ કરવાથી તમને દેવી લક્ષ્મીની કૃપા પ્રાપ્ત થશે. સંપત્તિમાં પણ વધારો થશે. કારણ કે કારતક પૂર્ણિમાના દિવસે માતા લક્ષ્મી પીપળના ઝાડ પર પ્રસન્ન મુદ્રામાં વાસ કરે છે.
(2) જો ઘણા પ્રયત્નો કર્યા પછી પણ તમને તમારા કરિયર અને બિઝનેસમાં પ્રગતિ નથી મળી રહી અને તમારા જીવનમાં સુખ-સમૃદ્ધિનો અભાવ છે તો કારતક પૂર્ણિમાના દિવસે તમે મા લક્ષ્મીને કેસરની ખીરનો પ્રસાદ અર્પણ કરો અને વિધિ પૂર્વક માતા લક્ષ્મીની પૂજા કરો. તેમની પૂજામાં પીળી કોડી અર્પણ કરો અને બીજા દિવસે સવારે તે કોડીને તમારી તિજોરી કે પૈસા મૂકવાના સ્થાને મૂકી દો. આમ કરવાથી તમારી સંપત્તિમાં વધારો થશે. કરિયર અને બિઝનેસમાં પણ પ્રગતિ થશે.
આ પણ વાંચો | ડિસેમ્બરમાં સૂર્ય સહિત આ 5 ગ્રહ રાશિ પરિવર્તન કરશે, આ રાશિના જાતકોને થશે ધનલાભ, ભાગ્ય ચમકશે
(3) જો તમે દેવામાં ડૂબી ગયા છો અને તમારા જીવનમાં સુખ-સમૃદ્ધિનો અભાવ છે તો કારતક પૂર્ણિમાના દિવસે પવિત્ર નદીઓ પર જઈને દીપ દાન કરો. આમ કરવાથી તમે દેવાથી મુક્તિ મેળવી શકો છો. આ ઉપરાંત જીવનમાં સુખ-સમૃદ્ધિ આવશે.
(4) પવિત્ર નદીઓ પર જઈને દીવાનું દાન કરો. આમ કરવાથી તમે દેવાથી મુક્તિ મેળવી શકો છો. આ ઉપરાંત જીવનમાં સુખ-સમૃદ્ધિ આવશે.
