Janmashtami : ભગવાન કૃષ્ણ જન્મોત્સવને હવે ગણતરીના કલાકો બાકી છે. ત્યારે દેશમાં દર વર્ષની જેમ આ વર્ષે પણ ભગવાન કૃષ્ણના જન્મોત્સવની ધામધૂમથી ઉજવણી કરવામાં આવશે. આ તકે અમે તમને એવી પાંચ વસ્તુ વિશે જણાવવા જઇ રહ્યા છીએ જે શ્રીકૃષ્ણને બહુ પ્રિય છે. જેને ખરીદવાથી ભગવાન શ્રીકૃષ્ણના આશીર્વાદ સદેવ તમારા પર બની રહેશે.
વાંસળી : એવું કહેવાય છે કે કૃષ્ણ જન્માષ્ટમીના દિવસે વાંસળી ખરીદવાથી ઘરની આર્થિક સમસ્યાઓ દૂર થશે અને ઘરમાં બીજી કોઈ મુશ્કેલીઓ આવતી નથી. જેને પગલે જન્માષ્ટમીના દિવસે ચાંદી અથવા લાકડામાંથી બનેલી નાની વાંસળી ખરીદીને લડ્ડુ ગોપાલને અર્પણ કરો. આ પછી તેને તમારી તિજોરીમાં રાખી દો.
મોરપીંછઃ વાસ્તુશાસ્ત્ર અનુસાર મોરપીંછ ઘરના તમામ વાસ્તુ દોષોને દૂર કરે છે અને તેને ઘરમાં રાખવાથી સુખ-શાંતિ જળવાઈ રહે છે. સાથે જ મોરપીંછ ઘરમાં સકારાત્મક ઉર્જા ફેલાવે છે. આ સિવાય મોરપીંછા લાવવાથી ઘરમાં ઝઘડા અને કાલસર્પ દોષથી પણ રાહત મળે છે.
આ પણ વાંચો : Jansmashtami 2023 : જન્માષ્ટમીના પાવન તહેવાર પર શ્રી કૃષ્ણના સૌથી પ્રસિદ્ધ મંદિરોની મુલાકાત લો, આ છે તેનો મહિમા
માખણ: ભગવાન શ્રી કૃષ્ણને ગાય અને માખણ પ્રત્યે ખૂબ પ્રેમ છે આ વાતથી તો સૌકોઇ વાકેફ હશે. તેથી જન્માષ્ટમીના દિવસે ખાસ લડ્ડુ ગોપાલ માટે માખણનો ભોગ ધરવો જોઇએ.
પ્રતિમા: આ સિવાય કૃષ્ણ જન્માષ્ટમીના દિવસે તમે વાછરડાની નાની પ્રતિમા પણ લાવીને ઘરમાં રાખો. આ મૂર્તિને મંદિર અથવા ઘરના ઉત્તર-પૂર્વ ખૂણામાં રાખવાથી શ્રી કૃષ્ણ પ્રસન્ન થાય છે અને તેમની કૃપા તમારા પર બની રહે છે. તેનાથી સંતાન પ્રાપ્તિ અને ભાગ્યમાં વધારો પણ થાય છે.
આ પણ વાંચો : Jansmashtami 2023 : જન્માષ્ટમીના પાવન તહેવાર પર શ્રી કૃષ્ણના સૌથી પ્રખ્યાત ભજન સાંભળીને મંત્રમુગ્ધ થઇ જશો
વૈજયંતી માળાઃ જો તમે જન્માષ્ટમીના દિવસે વૈજયંતી માળા ખરીદીને ઘરે લાવો છો તો આર્થિક પરેશાનીઓ દૂર થાય છે અને ઘરમાં સુખ-શાંતિ બની રહે છે. એવું કહેવાય છે કે વૈજયંતી માળામાં દેવી લક્ષ્મીનો વાસ છે.
