RPF Constable Exam Date : રેલવે ભરતી બોર્ડ એટલે કે આરઆરબીએ આરપીએફ કોન્સ્ટેબલ ભરતીની લેખિત પરીક્ષાનું શેડ્યૂલ જાહેર કરી દીધું છે. જે ઉમેદવારોએ આ ભરતી માટે અરજી કરી હતી, તેઓ રેલવેની ઝોનલ વેબસાઇટ્સ પર જઈને સમયપત્રક ચકાસી શકે છે. આ શિડ્યુલ રેલવેની ઓફિશિયલ વેબસાઇટ rpf.indianrailways.gov.in ઉપર પણ જોઇ શકાય છે.
પરીક્ષા ક્યારે યોજાશે?
આરપીએફ કોન્સ્ટેબલ પરીક્ષા 2 માર્ચથી 20 માર્ચ 2025 દરમિયાન લેવામાં આવશે. આ પરીક્ષા માટે એડમિટ કાર્ડ પરીક્ષા શરૂ થવાના 4 દિવસ પહેલા આયોજિત કરાશે. ઉમેદવારોને એડમિટ કાર્ડ પહેલા પરીક્ષા સિટી સ્લિપ પણ મળશે. સીબીટી પરીક્ષા પછી ઉમેદવારોને તેમના પ્રદર્શનના આધારે પીઇટી /પીએમટી માટે શોર્ટલિસ્ટ કરવામાં આવશે.
આ પરીક્ષા 4208 ખાલી જગ્યાઓ માટે લેવામાં આવશે
રેલવે રિક્રૂટમેન્ટ બોર્ડ (આરઆરબી) આ ભરતી અભિયાન દ્વારા આરપીએફ કોન્સ્ટેબલની ખાલી પડેલી 4,208 જગ્યાઓ ભરશે. સીબીટીની પરીક્ષા તેનો પ્રથમ તબક્કો છે. આ પરીક્ષા 2 માર્ચથી 20 માર્ચ સુધી લેવામાં આવશે. કમ્પ્યુટર-આધારિત ટેસ્ટ પછી ઉમેદવારોને શારીરિક કાર્યક્ષમતા પરીક્ષણ, શારીરિક માપ પરીક્ષણ અને ડોક્યુમેન્ટ ચકાસણી માટે બોલાવવામાં આવશે.
આ પણ વાંચો – નોકરીની તૈયારી કરતાં ઉમેદવારો માટે ખુશખબર, GSSSBની પરીક્ષાની તારીખ જાહેર
આરપીએફ કોન્સ્ટેબલ પરીક્ષાની તૈયારીની ટિપ્સ
- આ પરીક્ષામાં ભાગ લેનારા ઉમેદવારો તૈયારીની ટિપ્સ તરીકે સૌથી પહેલા આ વાત અપનાવો કે તેમણે પહેલા એક યોગ્ય ટાઈમ ટેબલ તૈયાર કરવું જોઈએ, જે અંતર્ગત તમે તમામ વિષયો અને ટોપિક્સને કવરી કરી શકો.
- ઉમેદવારોએ તમામ વિષયો અને ટોપિક્સ પૂર્ણ કરવા માટે અભ્યાસક્રમ અને પરીક્ષાની રીતને સંપૂર્ણપણે અનુસરવું મહત્વપૂર્ણ છે.
- ઉમેદવારોએ આરપીએફ કોન્સ્ટેબલના પાછલા વર્ષના પ્રશ્નપત્રો સાથે તૈયાર અને પ્રેક્ટિસ કરવી જોઈએ. આ ઉમેદવારોને પરીક્ષાનું માળખું જાણવામાં અને પાછલા વર્ષના પ્રશ્નોની પ્રેક્ટિસ કરવામાં મદદ કરશે.
- ઉમેદવારોએ દરેક વિષયને સમાનરૂપે વિતરિત કરવા માટે તેમનો સમય મેનેજ કરવાની જરૂર છે
- ઉમેદવારોએ એ સુનિશ્ચિત કરવા માટે નિયમિતપણે રિવિઝન કરવું જોઈએ કે તેઓ શીખેલી અને પ્રેક્ટિસ કરેલી બધી માહિતીને જાળવી રાખે છે.
- તમારી જાતને સ્વસ્થ રાખોય તંદુરસ્ત લાઇફ સ્ટાઇલ અપનાવો. પૂરતી ઊંઘ લો.
