NEET UG 2024, NEET UG Paper Leak: નેશનલ ટેસ્ટિંગ એજન્સી (NTA) એ આજે અંડરગ્રેજ્યુએટ (NEET UG) 2024 ની પરીક્ષા માટે દેશભરના 557 શહેરો અને વિદેશના 14 શહેરોમાં બહુવિધ પરીક્ષા કેન્દ્રોમાં નેશનલ એલિજિબિલિટી કમ એન્ટ્રન્સ ટેસ્ટનું આયોજન કર્યું હતું. જો કે, ઘણી સોશિયલ મીડિયા પોસ્ટમાં દાવો કરવામાં આવી રહ્યો છે કે પ્રશ્નપત્ર લીક થયું છે.
વધુમાં રાજસ્થાનના એક કેન્દ્ર પર હિન્દી માધ્યમના વિદ્યાર્થીઓ – ગર્લ્સ હાયર સેકન્ડરી આદર્શ વિદ્યા મંદિર, મેન્ટટાઉન, સવાઈ માધોપુર – દાવો કરે છે કે તેમને અંગ્રેજી માધ્યમના પ્રશ્નપત્રો આપવામાં આવ્યા હતા. NTAએ ખોટા પ્રશ્નપત્રની ભૂલ સ્વીકારી છે, જ્યારે એજન્સીએ પેપર લીકના અહેવાલોને નકારી કાઢ્યા છે.
NTAના એક વરિષ્ઠ અધિકારીએ Indianexpress.comને જણાવ્યું હતું કે “જ્યાં જે દાવા કરવામાં આવી રહ્યા છે કે ‘પેપર લીક’ની ઘટનાઓ સંપૂર્ણપણે ખોટી છે અને આ માત્ર સમાચારને સનસનાટીભર્યા બનાવવા માટે કરવામાં આવી રહી છે. ગર્લ્સ હાયર સેકન્ડરી આદર્શ વિદ્યા મંદિર, મેનટાઉન, સવાઈ માધોપુર ખાતે એક અલગ ઘટનામાં, હિન્દી માધ્યમના વિદ્યાર્થીઓને ભૂલથી અંગ્રેજી માધ્યમનું પ્રશ્નપત્ર આપવામાં આવ્યું હતું અને જ્યારે નિરીક્ષકો ભૂલ સુધારી રહ્યા હતા, ત્યારે વિદ્યાર્થીઓ બળપૂર્વક પરીક્ષા હોલમાંથી બહાર નીકળી ગયા હતા.
આ પણ વાંચોઃ- ગુજરાત વિદ્યાપીઠ ભરતી : અમદાવાદમાં સારા પગારની નોકરી માટે સુવર્ણ તક, અહીં વાંચો સંપૂર્ણ માહિતી
તેમણે વધુમાં જણાવ્યું હતું કે નિયમો અનુસાર વિદ્યાર્થીઓને પરીક્ષા પછી માત્ર પ્રશ્નપત્ર સાથે હોલની બહાર જવા દેવામાં આવે છે, પરંતુ કેટલાક વિદ્યાર્થીઓ બળપૂર્વક બહાર નીકળી ગયા હતા. જેના કારણે સાંજે 4 વાગ્યાની આસપાસ પ્રશ્નપત્ર ઈન્ટરનેટ પર ફરતું થઈ ગયું હતું પરંતુ ત્યાં સુધીમાં દેશભરના અન્ય તમામ કેન્દ્રોમાં પરીક્ષા શરૂ થઈ ગઈ હતી. તેથી NEET UG પ્રશ્નપત્રનો કોઈ ‘લીક’ થયો નથી,”
આ પણ વાંચોઃ- ઓસ્ટ્રેલિયા જવા માંગતા વિદ્યાર્થીઓ માટે મોટા સમાચાર, વિઝા માટે આ સ્કોર સબમિટ કરવા પડશે
NEET UG 2024 5 મેના રોજ લેવાઈ હતી
NEET UG 2024 5 મેના રોજ બપોરે 2 થી 5:20 દરમિયાન હાથ ધરવામાં આવી હતી. મેડિકલ પ્રવેશ પરીક્ષા દેશના 557 શહેરો અને વિદેશના 14 શહેરોમાં બહુવિધ પરીક્ષા કેન્દ્રો પર લેવામાં આવી હતી. આ વર્ષે NEET UG માટે રેકોર્ડ 23 લાખ ઉમેદવારોએ નોંધણી કરાવી હતી, જેમાંથી 10 લાખથી વધુ પુરૂષ વિદ્યાર્થીઓ, 13 લાખથી વધુ છોકરીઓ અને 24 વિદ્યાર્થીઓ ‘થર્ડ જેન્ડર’ કેટેગરી હેઠળ નોંધાયા હતા.
પ્રદેશ મુજબ ઉત્તર પ્રદેશમાં 3,39,125 નોંધણી સાથે સૌથી વધુ ઉમેદવારો નોંધાયા હતા, ત્યારબાદ મહારાષ્ટ્રમાં 279904 ઉમેદવારો નોંધાયા હતા. રાજસ્થાનમાં 1,96,139 હતા. દક્ષિણના રાજ્ય તમિલનાડુમાં 155216 અરજદારો નોંધાયા હતા જ્યારે કર્ણાટકમાં 154210 અરજદારો નોંધાયા હતા.
2023માં કુલ 20,87,449 ઉમેદવારોએ NEET UG 2023 માટે નોંધણી કરી હતી અને પરીક્ષા 7 મેના રોજ લેવામાં આવી હતી, જેમાંથી NTA એ 97.7 ટકા હાજરી નોંધાવી હતી અને લગભગ 8,700 ઉમેદવારો માટે ફરીથી પરીક્ષા હાથ ધરવામાં આવી હતી.
