Best Computer Course: ભારતના યુવાનો પર સૌથી મોટી જવાબદારી શિક્ષણ પૂર્ણ કરવાની અને કામ કરતી વખતે ઘરની સંભાળ લેવાની હોય છે. આ કારણોસર આજે ઘણા યુવાનો 10મા ધોરણથી આગળ અભ્યાસ કરી શકતા નથી અથવા તો ભણતર છોડવું પડે છે. પરંતુ ધોરણ 10 પાસ કર્યા પછી પણ નોકરી મેળવવી ખૂબ મુશ્કેલ છે. આ સમસ્યાને ધ્યાનમાં રાખીને અમે તમારા માટે પાંચ સસ્તા કોમ્પ્યુટર કોર્સ વિશે માહિતી લાવ્યા છીએ, જેને પૂર્ણ કર્યા પછી તમે વાર્ષિક 4 થી 5 લાખ રૂપિયાના પેકેજ સાથે નોકરી મેળવી શકો છો.
ધો-10 પછી ‘આ’ 5 શ્રેષ્ઠ કોમ્પ્યુટર કોર્સ કરો
(1) ITI ઇન્ફોર્મેશન ટેક્નોલોજી –
આ કોમ્પ્યુટર કોર્સનો સમયગાળો બે વર્ષનો છે અને ફી લગભગ 70 હજારથી 1 લાખ રૂપિયા હોય શકે છે. આ કોમ્પ્યુટર કોર્સ સફળતાપૂર્વક પૂર્ણ કર્યા પછી તમે વાર્ષિક 3 થી 4 લાખ રૂપિયાના પેકેજ સાથે સરળતાથી નોકરી મેળવી શકો છો.
(2) ITI કોમ્પ્યુટર ઓપરેટર અને પ્રોગ્રામિંગ આસિસ્ટન્ટ –
આ કોર્સનો સમયગાળો એક વર્ષનો છે અને ફી રૂ. 20 હજારથી રૂ. 1 લાખ સુધીની છે. આ કોર્સ પૂરો કર્યા પછી તમે બે થી ત્રણ લાખ રૂપિયાના પેકેજ સાથે સરળતાથી નોકરી મેળવી શકો છો.
આ પણ વાંચો: સફળતાનો કોઈ શોર્ટકટ નથી, બે તસવીરોમાં જુઓ 17 વર્ષની મહેનતનું ફળ
(3) ડિપ્લોમા ઇન સાયબર સિક્યોરિટી –
આ ડિપ્લોમાનો સમયગાળો એકથી ત્રણ વર્ષનો છે, જેના માટે તમારે 50 હજારથી 90 હજાર રૂપિયાની ફી ચૂકવવી પડશે. આ સાયબર સિક્યુરિટી ડિપ્લોમા પૂર્ણ કર્યા પછી તમે 4-5 લાખ રૂપિયાના પેકેજ સાથે નોકરી મેળવી શકો છો.
(4) કોર્સીસ ઓન કોમ્પ્યુટર કોન્સેપ્ટ્સ (CCC) –
આ બે મહિનાનો ટૂંકા ગાળાનો કોર્સ છે. આ કોર્સ માટે તમારે 50 હજારથી 60 હજાર રૂપિયાની ફી ચૂકવવી પડશે. આ કોર્સ પૂરો કર્યા પછી તમે તમારી લાયકાતના આધારે ત્રણથી ચાર લાખ રૂપિયાના પેકેજ સાથે નોકરી મેળવી શકો છો.
(5) બેઝિક કોમ્પ્યુટર કોર્સ (બીસીસી) –
આ એક એન્ટ્રી લેવલ કોર્સ છે જે કોમ્પ્યુટરનું મૂળભૂત જ્ઞાન આપે છે. આ કોર્સનો સમયગાળો એકથી છ મહિનાનો છે, જેના માટે તમારે 12 હજારથી 24 હજાર રૂપિયાની ફી ચૂકવવી પડશે. આ કોર્સ પૂર્ણ કર્યા પછી તમે એક થી ત્રણ લાખ રૂપિયાના પેકેજ સાથે નોકરીની અપેક્ષા રાખી શકો છો.
