WhatsApp Voice Chats Feature : Whatsapp એ તેના યુઝર્સ માટે નવું ફીચર ‘વોઈસ ચેટ્સ’ લોન્ચ કરવાની તૈયારી કરી છે. વોટ્સએપના નવા ફીચરથી ગ્રુપના તમામ સભ્યો ઓડિયો ચેટમાં વાતચીત કરી શકશે. ધ્યાનમાં રાખો કે, આગામી WhatsApp ફીચર હાલના વોઈસ કોલ અને વોઈસ નોટ્સથી અલગ છે.
WABetaInfo અનુસાર, આ ફીચર હાલમાં પસંદગીના WhatsApp યુઝર્સ માટે ઉપલબ્ધ છે. નવી આવનારી સુવિધાનો લાભ એન્ડ્રોઇડ WhatsApp બીટા 2.23.16.19 પર લઈ શકાય છે.
તમને જણાવી દઈએ કે, વોઈસ ચેટ ફીચર વોટ્સએપ પર હાલના ગ્રુપ કોલ જેવું જ છે. પરંતુ આમાં, ગ્રુપમાં સમાવિષ્ટ તમામ સભ્યોને રિંગટોનને બદલે સાયલન્ટ નોટિફિકેશન મળશે. અત્યારે બીટા વર્ઝનમાં સહભાગીઓ (સભ્યો)ની મહત્તમ સંખ્યા 32 છે. જો કે, એકવાર વોટ્સએપ દ્વારા સત્તાવાર સ્થિર રોલઆઉટ થઈ જાય, પછી સભ્યોની સંખ્યામાં ફેરફાર થઈ શકે છે.
Twitter Spaces અને Discordની વૉઇસ ચૅનલની જેમ, યુઝર્સ જ્યારે ઇચ્છે ત્યારે વૉઇસ ચેટ સુવિધામાં જોડાઈ શકશે. વોટ્સએપ અનુસાર, યુઝર્સ જ્યારે ઈચ્છે ત્યારે વાતચીત છોડી શકશે. જ્યારે WhatsApp સભ્ય નવી વૉઇસ ચેટ શરૂ કરે છે, ત્યારે ચેટ લિસ્ટમાં જૂથ આઇકોન વેવફોર્મ આઇકનમાં બદલાઈ જશે અને અહીં કનેક્ટ બટન દેખાશે. આ કનેક્ટ બટન પર ક્લિક કરીને, યુઝર્સ એક અલગ ઇન્ટરફેસ પર રીઅલ-ટાઇમ ચર્ચામાં જોડાવા માટે સક્ષમ હશે.
વ્હોટ્સએપ ગ્રુપના તમામ સભ્યો ગ્રુપ વોઈસ ચેટમાંથી બહાર નીકળી જાય તે પછી તે એક કલાક સુધી એક્ટિવ રહેશે. એટલે કે, ગ્રૂપના સભ્યો જ્યારે ઇચ્છે ત્યારે તેને ફરીથી શરૂ કરી શકશે. ગ્રુપ કૉલ ફિચરની તુલનામાં, યુઝર્સને વૉઇસ ચેટમાં મેન્યુઅલી અન્ય સભ્યને ઉમેરવાની જરૂર રહેશે નહીં. વોટ્સએપના અન્ય તમામ ફીચર્સની જેમ વોઈસ ચેટ ફીચર પણ એન્ડ-ટુ-એન્ડ એન્ક્રિપ્ટેડ છે પરંતુ, તે કોલ્સ જેવી ફુલ સ્ક્રીન નોટિફિકેશન બતાવશે નહીં.
ગ્રુપ વોઈસ ચેટ ફીચર 32 થી ઓછા સભ્યો માટે ઉપલબ્ધ નથી?
WABetaInfo ના અહેવાલ મુજબ, 32 થી ઓછા સભ્યો ધરાવતા જૂથો માટે વૉઇસ ચેટ ઉપલબ્ધ ન હોઈ શકે. પરંતુ વોટ્સએપ ન્યૂનતમ સભ્યોની મર્યાદા ઘટાડી શકે છે. ઉપરાંત, આ સુવિધા હાલમાં ફક્ત બીટા સભ્યો માટે જ ઉપલબ્ધ છે. જો કે, WhatsAppએ આ ફીચરને દુનિયાભરના યુઝર્સ માટે રોલઆઉટ કરવાનું શરૂ કરી દીધું છે. એવી અપેક્ષા છે કે, આ સુવિધા આગામી દિવસોમાં સ્થિર ચેનલ પર પણ ઉપલબ્ધ થશે.
આ પણ વાંચો – Oukitel RT7 Titan 5G Tablet : 32000mAh જમ્બો બેટરીવાળા નવા 5G ટેબલેટ પરથી ઉઠ્યો પરદો, જાણો કિંમત અને તમામ ફિચર્સ
ઉલ્લેખનીય છે કે, WhatsApp પર છેલ્લા કેટલાક સમયથી સતત નવા ફીચર્સ લાવવામાં આવી રહ્યા છે. તાજેતરમાં કંપનીએ નવું શોર્ટ વિડીયો ફીચર બહાર પાડ્યું હતું. આ નવા ફીચરની મદદથી વોટ્સએપ યુઝર્સ વોઈસ નોટ્સની જેમ જ 60 સેકન્ડના ટૂંકા વીડિયો શૂટ અને મોકલી શકે છે.
