Vivo X Fold 5 Price in India: વીવો એક્સ ફોલ્ડ 5 ફોન આખરે ભારતમાં લોન્ચ થયો છે. ભારતમાં Vivo X200 FE સ્માર્ટફોન સાથે નવો ફોલ્ડેબલ સ્માર્ટફોન Vivo X Fold 5 લોન્ચ કર્યો છે. બુક સ્ટાઇલના આ ફોલ્ડેબલ સ્માર્ટફોનમાં 8.03 ઇંચની ઇનર ફોલ્ડેબલ ડિસ્પ્લે અને 6.53 ઇંચની કવર સ્ક્રીન આવે છે. નવા Vivo X Fold 5માં 6000mAhની મોટી બેટરી, ઓક્ટા કોર Snapdragon 8 Gen 3 પ્રોસેસર જેવા ફીચર્સ આપવામાં આવ્યા છે. આ હેન્ડસેટમાં 3 50MP રિયર કેમેરા અને 20 મેગાપિક્સલ સેલ્ફી સેન્સર આપવામાં આવ્યા છે. જાણો લેટેસ્ટ Vivo X Fold 5 સ્માર્ટફોનની કિંમત અને ફીચર્સ વિશે.
Vivo X Fold 5 Price in India : ભારતમાં વીવો એક્સ ફોલ્ડ 5 ફોનની કિંમત
વીવો એક્સ ફોલ્ડ 5 ફોલ્ડેબલ ફોનના 16 જીબી રેમ અને 512 જીબી સ્ટોરેજ વેરિઅન્ટની કિંમત 1,49,999 રૂપિયા છે. આ સ્માર્ટફોનને ટાઇટેનિયમ ગ્રે ફિનિશ કલરમાં ઉપલબ્ધ કરાવવામાં આવ્યો છે. ફોન પ્રી-ઓર્ડર માટે ઉપલબ્ધ છે. આ ડિવાઇસને 30 જુલાઈથી ફ્લિપકાર્ટ અને વીવોની વેબસાઇટ પર વેચાણ માટે ઉપલબ્ધ કરાવવામાં આવશે.
Vivo X Fold 5 Specifications : વીવો એક્સ ફોલ્ડ 5 સ્પેસિફિકેશન
વીવો એક્સ ફોલ્ડ 5 ફોલ્ડેબલ ફોનમાં 8.03 ઇંચની ફોલ્ડેબલ AMOLED ઇનર ડિસ્પ્લે છે જેનું રિઝોલ્યુશન 2,480×2,200 પિક્સલ છે. ફોનમાં 6.53 ઇંચની AMOED કવર સ્ક્રીન છે, જેનું રિઝોલ્યુશન 2,748×1,172 પિક્સલ છે. બંને ડિસ્પ્લે પેનલનો રિફ્રેશ રેટ 120 હર્ટ્ઝ છે, જે 4500 નીટની પીક બ્રાઇટનેસ ધરાવે છે. ફોનમાં TÜV Rheinland ગ્લોબલ આઇ પ્રોટેક્શન 3.0 છે.
Vivo X Fold 5 ફોલ્ડેબલ ફોનમાં સ્નેપડ્રેગન 8 જેન 3 પ્રોસેસર, 16GB સુધીની રેમ અને 512GB સુધીની ઇનબિલ્ટ સ્ટોરેજ આપવામાં આવી છે. આ ફોન એન્ડ્રોઇડ 15 બેઝ્ડ FuntouchOS 15 સાથે આવે છે.
કેમેરાની વાત કરીએ તો વીવો એક્સ ફોલ્ડ 5 ફોલ્ડેબલ ફોનમાં ઓપ્ટિકલ ઇમેજ સ્ટેબિલાઇઝેશન (ઓઆઇએસ) સાથે 50 મેગાપિક્સલનું Sony IMX921 પ્રાઇમરી રિયર સેન્સર આપવામાં આવ્યું છે. આ સ્માર્ટફોનમાં 3x ઓપ્ટિકલ ઝૂમ સુધી 50 મેગાપિક્સલનું Sony IMX882 ટેલિફોટો સેન્સર અને અપર્ચર F/2.05 સાથે 50 મેગાપિક્સલનો Samsung JN1 અલ્ટ્રાવાઇડ કેમેરા આવે છે.
સેલ્ફી અને વીડિયો કોલિંગ માટે એપર્ચર એફ/ 2.4 માટે 20 મેગાપિક્સલનું ફ્રન્ટ સેન્સર છે. ફોનમાં AI Image Studio ફીચર સપોર્ટ છે. સુરક્ષા માટે હેન્ડસેટની બાજુમાં ફિંગરપ્રિન્ટ સેન્સર છે. કનેક્ટિવિટી વિકલ્પોમાં ડ્યુઅલ નેનો-સિમ, વાઇ-ફાઇ, બ્લૂટૂથ 5.4, જીપીએસ, ઓટીજી, એનએફસી અને યુએસબી ટાઇપ-સી પોર્ટનો સમાવેશ થાય છે. ફોલ્ડ કરવામાં આવે ત્યારે ડિવાઇસની જાડાઈ 9.2mm અને જ્યારે ખોલો ત્યારે 4.3mm હોય છે. ફોલ્ડ કરવામાં આવે ત્યારે ફોનનું વજન 217 ગ્રામ હોય છે.
આ પણ વાંચો | ઇન્ફિનિક્સ હોટ 60 5જી સ્માર્ટફોન AI બટન સાથે લોન્ચ, કિંમત 10 હજારથી ઓછી
વીવો એક્સ ફોલ્ડ 5 સ્માર્ટફોનને પાવર આપવા માટે 6000mAhની મોટી બેટરી આપવામાં આવી છે, જે 80W વાયર્ડ અને 40W વાયરલેસ ચાર્જિંગને સપોર્ટ કરે છે. સ્માર્ટફોનમાં પાણી અને ડસ્ટ રેઝિસ્ટન્સ માટે IPX8+IPX9+IP5X રેટિંગ આપવામાં આવ્યું છે.
