Samsung Galaxy F06 5G launched: સેમસંગે ભારતમાં તેનો સસ્તો ગેલેક્સી F06 સ્માર્ટફોન લોન્ચ કર્યો છે. Samsung Galaxy F06 5G એક બજેટ હેન્ડસેટ છે અને તે 4 વર્ષ સુધી Android OS અપડેટ્સ સાથે આવે છે. ડિવાઇસમાં મીડિયાટેક ડાયમેન્શન 6300 પ્રોસેસર, ડ્યુઅલ રિયર કેમેરા સેટઅપ જેવા ફીચર્સ આપવામાં આવ્યા છે. આ સ્માર્ટફોનમાં ભારતમાં બે રેમ અને સ્ટોરેજ વેરિઅન્ટમાં ઉપલબ્ધ કરાવવામાં આવ્યો છે. નવા Galaxy F06 5G સ્માર્ટફોનમાં શું છે ખાસ? જાણો હેન્ડસેટની કિંમત અને ફીચર્સ વિશે.
Samsung Galaxy F06 5G કિંમત
Galaxy F06 સ્માર્ટફોન ભારતમાં બે વેરિઅન્ટમાં ઉપલબ્ધ કરાવવામાં આવ્યો છે. 4 જીબી રેમ અને 128 જીબી સ્ટોરેજ વિકલ્પની કિંમત 10,999 રૂપિયા છે. જ્યારે 6 જીબી રેમ વેરિઅન્ટ 11,499 રૂપિયામાં આવે છે. કંપની 500 રૂપિયાનું બેંક કેશબેક પણ ઓફર કરી રહી છે. Galaxy F06 સ્માર્ટફોનને બ્લુ અને વાયોલેટ કલરમાં ઉપલબ્ધ કરાવવામાં આવ્યો છે.
Samsung Galaxy F06 5G વિશિષ્ટતાઓ
Samsung Galaxy F06 5G સ્માર્ટફોન ડ્યુઅલ સિમ સપોર્ટ કરે છે. તેમાં 6.7 ઇંચની મોટી ડિસ્પ્લે છે જે HD+ રિઝોલ્યુશન ઓફર કરે છે. સ્ક્રીનની બ્રાઇટનેસ 800 nits છે. મીડિયાટેક ડાયમેન્શન 6300 પ્રોસેસર હેન્ડસેટમાં હાજર છે. ફોનમાં 4 GB અને 6 GB રેમના વિકલ્પો છે. સ્ટોરેજ માટે, હેન્ડસેટમાં 128 જીબીનો વિકલ્પ છે.
આ સેમસંગ સ્માર્ટફોન એન્ડ્રોઇડ 15 આધારિત One UI 7.0 સાથે આવે છે. સેમસંગે હેન્ડસેટમાં 4 વર્ષ માટે એન્ડ્રોઇડ અને સિક્યોરિટી અપડેટ્સ આપવાનું વચન આપ્યું છે.
કેમેરા વિશે વાત કરીએ તો Galaxy F06 5G સ્માર્ટફોનમાં અપર્ચર F/1.8 અને 2-મેગાપિક્સલનો ડેપ્થ લેન્સ સાથેનો 50-મેગાપિક્સલનો પ્રાઈમરી રીઅર કેમેરા છે. ફોનમાં સેલ્ફી અને વીડિયો કોલિંગ માટે 8 મેગાપિક્સલનો ફ્રન્ટ કેમેરો છે.
આ પણ વાંચોઃ- આઈફોન 16 અને આઈફોન 15 ખરીદવાની શાનદાર તક, ફ્લિપકાર્ટ પર ધમાકેદાર ડીલ
આ સ્માર્ટફોનને પાવર આપવા માટે સેમસંગે મોટી 5000mAh બેટરી પ્રદાન કરી છે જે 25W ફાસ્ટ ચાર્જિંગને સપોર્ટ કરે છે. કનેક્ટિવિટી વિશે વાત કરીએ તો, આ ફોન દેશમાં 12 5G બેન્ડને સપોર્ટ કરે છે. ઉપકરણમાં સેમસંગ નોક્સ વૉલ્ટ, વૉઇસ ફોકસ અને ક્વિક શેર જેવી સુવિધાઓ પણ છે. ફોનના પાવર બટનમાં જ ફિંગરપ્રિન્ટ સ્કેનર આપવામાં આવ્યું છે.
