Oppo Pad 3 Pro Launched : ઓપ્પોએ પોતાનું લેટેસ્ટ ફ્લેગશિપ ટેબ્લેટ ઓપ્પો પેડ 3 પ્રો લોન્ચ કર્યું છે. ઓપ્પો પેડ 3 પ્રો ને કંપનીએ ફાઇન્ડ એક્સ8 સીરીઝ સાથે ઇવેન્ટમાં રજૂ કર્યું હતું. ઓપ્પો પેડ 3 પ્રોમાં ડોલ્બી વિઝન, પેન્સિલ 2 પ્રો સ્ટાયલસ અને સ્નેપડ્રેગન 8 જેન 3 ચિપસેટ આપવામાં આવ્યા છે. જાણો ઓપ્પો પેડ 3 પ્રો ની કિંમત અને ફિચર્સ વિશે. જોકે કંપનીએ ઓપ્પો પેડ 3 પ્રોના ગ્લોબલ લોન્ચ સાથે જોડાયેલી કોઇ જાણકારી હજુ સુધી જાહેર કરી નથી.
ઓપ્પો પેડ 3 પ્રો ની કિંમત
ઓપ્પો પેડ 3 પ્રો ને 3,299 યુઆન (લગભગ 40,000 રૂપિયા)માં 8 જીબી રેમ અને 256 જીબી સ્ટોરેજ સાથે ઉપલબ્ધ કરાવવામાં આવ્યું છે. 12 જીબી રેમ અને 256 જીબી સ્ટોરેજ, 16 જીબી રેમ અને 512 જીબી સ્ટોરેજ અને 16 જીબી રેમ અને 1 ટીબી સ્ટોરેજ વેરિઅન્ટમાં પણ આવે છે. ઓપ્પોનું આ ટેબલેટ પ્રી-ઓર્ડર માટે ઉપલબ્ધ છે અને ચીનમાં તેનું વેચાણ 30 ઓક્ટોબરથી શરૂ થશે.
ઓપ્પો પેડ 3 પ્રો સ્પેસિફિકેશન્સ
ઓપ્પો પેડ 3 પ્રોમાં 12.1 ઇંચની મોટી એલસીડી સ્ક્રીન છે અને સ્ક્રીનનો રિફ્રેશ રેટ 144 હર્ટ્ઝ છે. ડિસ્પ્લેમાં 3200 x 2120 પિક્સલ રિઝોલ્યુશન આપવામાં આવ્યું છે. સ્ક્રીન ડોલ્બી વિઝન સપોર્ટ, 900 નીટની પીક બ્રાઇટનેસ સાથે આવે છે. ડિસ્પ્લેની પિક્સેલ ડેન્સિટી 303 પીપીઆઇ અને આસ્પેક્ટ રેશિયો 7:5 છે.
આ પણ વાંચો – Airtel ની દિવાળી ઓફર! લોન્ચ કર્યા સસ્તા રિચાર્જ પ્લાન, 1 લાખ રુપિયા ઇન્સ્યોરન્સ કવરેજ પણ મળશે
ઓપ્પો પેડ 3 પ્રો ટેબ્લેટ માં ક્વોલકોમ સ્નેપડ્રેગન 8 જેન 3 ચિપસેટ આપવામાં આવ્યું છે. જે 4 એનએમ ફેબ્રિકેશન પ્રોસેસ પર આધારિત છે. ઓપ્પોના આ હેન્ડસેટમાં 16 જીબી સુધીની રેમ અને 1 ટીબી સુધીની ઇનબિલ્ટ સ્ટોરેજનો વિકલ્પ આપવામાં આવ્યો છે. ટેબ એન્ડ્રોઇડ 14 આધારિત કલરઓએસ 14.1 સાથે આવે છે.
13 મેગાપિક્સલનો પ્રાઇમરી રિયર કેમેરા
ઓપ્પોના આ ટેબલેટમાં 13 મેગાપિક્સલનો પ્રાઇમરી રિયર કેમેરા આપવામાં આવ્યો છે. સેલ્ફી અને વીડિયો કોલિંગ માટે ડિવાઇસમાં 8 મેગાપિક્સલનો ફ્રન્ટ કેમેરો આપવામાં આવ્યો છે. આ ટેબનું ડાઇમેંશન 268.66×195.06×6.49mm છે અને વજન 586 ગ્રામ છે.
ઓપ્પો પેડ 3 પ્રોમાં કનેક્ટિવિટી માટે ડ્યુઅલ બેન્ડ વાઇ-ફાઇ 7, બ્લૂટૂથ 5.4, 5જી શેરિંગ અને એનએફસી કનેક્ટિવિટી જેવા ફીચર્સ આપવામાં આવ્યા છે. આ ટેબને પાવર આપતી 9510એમએએચની બેટરી આપવામાં આવી છે, જે 67 ડબ્લ્યુ સુપરવોક ફાસ્ટ ચાર્જિંગને સપોર્ટ કરે છે.
