Motorola Edge 60 Stylus Launch: મોટોરોલા એજ 60 સ્ટાયલસ સ્માર્ટફોન ભારતમાં લોન્ચ થયો છે. મોટોરોલા એજ 60 સ્ટાયલસ ફોનમાં 5000mAhની મોટી બેટરી, 68W વાયર્ડ અને 50MP ટ્રિપલ રિયર કેમેરા સેટઅપ આપવામાં આવ્યું છે. એવો દાવો કરવામાં આવે છે કે આ સેગમેન્ટનો પહેલો સ્માર્ટફોન છે જે બિલ્ટ-ઇન સ્ટાયલસ સાથે આવે છે. મોટોરોલા એજ 60 સ્ટાયલસમાં IP68 ડસ્ટ અને વોટર-રેઝિસ્ટન્ટ રેટિંગ આવે છે. જાણો મોટોરોલાના નવા સ્માર્ટફોનની કિંમત અને ફીચર્સ વિશે વિગતવાર.
Motorola Edge 60 Stylus Price : મોટોરોલા એજ 60 સ્ટાયલસ કિંમત
મોટોરોલા એજ 60 સ્ટાયલસની કિંમત 8 જીબી રેમ અને 256 જીબી સ્ટોરેજ વેરિઅન્ટ માટે 22,999 રૂપિયા છે. આ ફોન 23 એપ્રિલથી બપોરે 12 વાગ્યે ફ્લિપકાર્ટ, મોબાઇલ ઇન્ડિયા વેબસાઇટ અને પસંદગીના રિટેલ સ્ટોર્સ પર દેશમાં ખરીદી માટે ઉપલબ્ધ થશે.
ફ્લિપકાર્ટ પરથી આ મોટો ફોન ખરીદવા પર તમને 1000 રૂપિયાનું એક્સચેન્જ ડિસ્કાઉન્ટ મળશે. એટલે કે હેન્ડસેટની અસરકારક કિંમત 21999 રૂપિયા હશે. એક્સિસ બેંક અને આઈડીએફસી ક્રેડિટ કાર્ડ યૂઝર્સ 1000 રૂપિયાના ડિસ્કાઉન્ટ પર આ ડિવાઈસનો લાભ લઈ શકે છે. રિલાયન્સ જિયોના ગ્રાહકોને 2000 રૂપિયા સુધીના કેશબેક ઉપરાંત શોપિંગ, ફ્લાઇટ અને હોટલ બુકિંગ ડીલ પર 8000 રૂપિયા સુધીનો ફાયદો મળશે.
Motorola Edge 60 Stylus Features : મોટોરોલા એજ ૬૦ સ્ટાયલસ ફીચર્સ
મોટોરોલા એજ 60 સ્ટાયલસ સ્માર્ટફોનમાં 6.67 ઇંચની 1.5કે (1,220×2,712 પિક્સલ) 2.5D pOLED ડિસ્પ્લે છે, જેનો રિફ્રેશ રેટ 120 હર્ટ્ઝ, 300 હર્ટ્ઝનો ટચ સેમ્પલિંગ રેટ અને પીક બ્રાઇટનેસ લેવલ 3000 નિટ્સ છે. આ ડિવાઇસ એક્વા ટચ સપોર્ટ અને કોર્નિંગ ગોરિલા ગ્લાસ 3 પ્રોટેક્શન સાથે આવે છે.
હેન્ડસેટમાં Snapdragon 7s Gen 2 પ્રોસેસર આપવામાં આવ્યું છે. ડિવાઇસમાં 8 જીબી રેમ અને 256 જીબી ઇનબિલ્ટ સ્ટોરેજ છે. મોટોરોલા એજ 60 સ્ટાયલસ માઇક્રોએસડી કાર્ડ દ્વારા 1 ટીબી સુધી વધારી શકાય છે. આ ફોન એન્ડ્રોઇડ 15 બેઝ્ડ Hello UI સ્કિન સાથે આવે છે અને કંપનીએ બે મોટા OS અપગ્રેડ અને ત્રણ સિક્યોરિટી અપડેટ્સ આપવાનું વચન આપ્યું છે.
કેમેરાની વાત કરીએ તો મોટોરોલા એજ 60 સ્ટાયલસ સ્માર્ટફોનમાં 50 મેગાપિક્સલનું Sony LYTIA 700C પ્રાઇમરી, 13 મેગાપિક્સલનું અલ્ટ્રાવાઇડ સેન્સર અને 3 ઇન-1 લાઇટ સેન્સર અને કેમેરા સેટઅપ આપવામાં આવ્યું છે. સેલ્ફી અને વીડિયો કોલિંગ માટે ફોનમાં 32 મેગાપિક્સલનો ફ્રન્ટ કેમેરો આપવામાં આવ્યો છે.
મોટોરોલાનો આ ફોન બિલ્ટ-ઇન સ્ટાયલસ સાથે આવે છે. આ ડિવાઇસ Moto AI ફીચર્સને સપોર્ટ કરે છે. મોટો એજ 60 સ્ટાયલસમાં Adobe Doc Scan ઇન્ટિગ્રેટેડ છે. આ હેન્ડસેટમાં ડોલ્બી એટમોસ સપોર્ટ સાથે ડ્યુઅલ સ્ટિરિયો સ્પીકર્સ છે. આ સ્માર્ટફોનમાં MIL-STD-810H મિલિટરી-ગ્રેડ ડ્યુરબિલિટી સર્ટિફિકેટ આપવામાં આવ્યું છે અને તે IP68 ડસ્ટ અને વોટર રેઝિસ્ટન્સને સપોર્ટ કરે છે.
મોટોરોલા એજ 60 સ્ટાયલસને પાવર આપવા માટે 5000 mAhની મોટી બેટરી આવે છે જે 68W વાયર્ડ અને 15W વાયરલેસ ચાર્જિંગ સપોર્ટ કરે છે. સિક્યોરિટી માટે ફોનમાં ઇન-ડિસ્પ્લે ફિંગરપ્રિન્ટ સેન્સર આપવામાં આવ્યું છે. તેમાં 5જી, 4જી, વાઇ-ફાઇ 6ઇ, બ્લૂટૂથ 5.4, જીપીએસ, એનએફસી અને ટાઇપ-સી કનેક્ટિવિટી આપવામાં આવી છે. હેન્ડસેટની ડાયમેન્શન 162.15×74.78×8.29 મીમી છે અને તેનું વજન 191 ગ્રામ છે.
