Kia Carens Clavis EV Launched in India: ઇલેક્ટ્રિક વાહનોના વધતા બજારને ધ્યાને રાખી કિયા ઇન્ડિયાએ ભારતમાં તેની ત્રીજી ઇલેક્ટ્રિક કાર કેરેન્સ ક્લેવિસ EV લોન્ચ કરી છે. તેની કિંમત 17.99 લાખ રૂપિયા (એક્સ-શોરૂમ) થી શરૂ થાય છે. આ કંપનીની પહેલી માસ-માર્કેટ EV છે, જે સામાન્ય ગ્રાહકોને ધ્યાનમાં રાખીને ડિઝાઇન કરવામાં આવી છે. અગાઉ કિયાએ ભારતમાં પ્રીમિયમ સેગમેન્ટ EV6 અને EV9 લોન્ચ કરી હતી.
નવી ઇલેક્ટ્રિક કાર Clavis EV બે વર્ઝન સ્ટાન્ડર્ડ રેન્જ અને એક્સટેન્ડેડ રેન્જમાં આવી છે. કિંમતની દ્રષ્ટિએ કંપનીની નવી EV 4 વિકલ્પોમાં ઉપલબ્ધ હશે. કંપની કુલ 6 કલર વિકલ્પોમાં કિયા Carens Clavis EV ઓફર કરી રહી છે. આમાં ગ્લેશિયર વ્હાઇટ પર્લ, ગ્રેવીટી ગ્રે, ઓરોરા બ્લેક પર્લ, પ્યુસ્ટર ઓલિવ, ઇમ્પિરિયલ બ્લૂ અને આઇવરી સિલ્વર મેટ કલર વિકલ્પોનો સમાવેશ થાય છે.
ભારતમાં વેરિઅન્ટના આધારે નવી કારની કિંમત
નવી કિયા કેરેન્સ ક્લેવિસ EV ની કિંમત વેરિઅન્ટ અનુસાર નક્કી કરવામાં આવી છે. સ્ટાન્ડર્ડ રેન્જમાં, HTK+ વેરિઅન્ટની કિંમત 17.99 લાખ રૂપિયા અને HTX વેરિઅન્ટની કિંમત 20.49 લાખ રૂપિયા છે. જ્યારે વિસ્તૃત રેન્જ મોડેલમાં, HTX વેરિઅન્ટ 22.49 લાખ રૂપિયા અને HTX+ વેરિઅન્ટ 24.49 લાખ રૂપિયાની કિંમતે ઉપલબ્ધ થશે. આ બધી કિંમતો એક્સ-શોરૂમ છે.
આ ઇલેક્ટ્રિક SUV ખાસ કરીને એવા ગ્રાહકો માટે લાવવામાં આવી છે જેઓ પ્રીમિયમ ફીચર્સ સાથે બજેટમાં EV ખરીદવા માંગે છે. તેની સ્ટાઇલિશ ડિઝાઇન, મજબૂત રેન્જ અને ઓછી કિંમત નવી ઇલેક્ટ્રિક કારને ભારતીય બજારમાં Tata Nexon EV અને Mahindra XUV400 જેવા મોડલ્સ સાથે સ્પર્ધા કરવા માટે તૈયાર બનાવે છે.
Kia Carens Clavis EV ફિચર્સ
નવી Kia Carens Clavis EV ફિચર્સની દ્રષ્ટિએ તેના ICE મોડેલ જેવી જ છે અને તેમાં ઘણી પ્રીમિયમ ફીચર્સ આપવામાં આવી છે. તેમાં પાવર્ડ અને વેન્ટિલેટેડ ડ્રાઇવર સીટ, આગળ અને પાછળ બંને મુસાફરો માટે વાયરલેસ ફોન ચાર્જિંગ, રીઅર એસી વેન્ટ્સ, ડ્યુઅલ-ઝોન ઓટોમેટિક ક્લાઇમેટ કંટ્રોલ, પેનોરેમિક સનરૂફ અને ઓટો-ડિમિંગ ઇનસાઇડ રીઅરવ્યુ મિરર (IRVM) જેવી કમ્ફર્ટ સુવિધાઓ સામેલ છે.
આ પણ વાંચો – ટાટાએ આપી ખુશખબરી, આ 2 ઇલેક્ટ્રિક કાર પર હવે લાઇફટાઇમ બેટરી વોરંટી મળશે
સુરક્ષાની દ્રષ્ટિએ નવી કારમાં 6 એરબેગ્સ, ફ્રન્ટ અને રીઅર પાર્કિંગ સેન્સર, ટાયર પ્રેશર મોનિટરિંગ સિસ્ટમ (TPMS), બ્લાઇન્ડ સ્પોટ મોનિટરિંગ સાથે 360-ડિગ્રી કેમેરા અને લેવલ-2 ADAS ટેકનોલોજી છે, જે તેને આ સેગમેન્ટમાં શ્રેષ્ઠ અને સલામત ઇલેક્ટ્રિક SUV બનાવે છે.
નવી Kia Carens Clavis EV ની ઇંટીરિયર ડિઝાઇન અને લેઆઉટ મોટાભાગે ICE મોડલ જેવા જ છે, પરંતુ તેમાં કેટલાક ખાસ ફેરફારો કરવામાં આવ્યા છે જે તેને સંપૂર્ણપણે ઇલેક્ટ્રિક કારનો અનુભવ આપે છે. તેમાં ડ્યુઅલ 12.3-ઇંચ કનેક્ટેડ સ્ક્રીન, 2-સ્પોક સ્ટીયરિંગ વ્હીલ અને EV વિશિષ્ટ ગ્રાફિક્સ સાથે એક નવું ડિજિટલ ડિસ્પ્લે મળે છે. વધુ સ્ટોરેજ સ્પેસ માટે નીચલા સેન્ટર કન્સોલમાં ફેરફાર કરવામાં આવ્યો છે અને આગળની સીટો વચ્ચે રિટ્રેક્ટેબલ-લિડ સ્ટોરેજ કમ્પાર્ટમેન્ટ આપવામાં આવ્યો છે. ઇંટીરિયરને પ્રીમિયમ લુક આપવા માટે બ્લેક એન્ડ વ્હાઇટ ડ્યુઅલ-ટોન થીમનો ઉપયોગ કરવામાં આવ્યો છે.
બીજી બાજુ એક્સટીરિયર વાત કરીએ તો Clavis EV ICE મોડલ જેવું જ દેખાય છે, પરંતુ કેટલાક ખાસ EV એલિમેન્ટ્સ ઉમેરવામાં આવ્યા છે. તેમાં ક્લોઝ ફ્રન્ટ ગ્રિલ આપવામાં આવી છે, જેમાં ચાર્જિંગ પોર્ટ સંકલિત છે. પાછળના ભાગમાં, ICE મોડેલની જેમ કનેક્ટેડ LED લાઇટ બાર અને વધુ સારા પ્રદર્શન માટે નવા એરોડાયનેમિક એલોય વ્હીલ્સ અને ફરીથી ડિઝાઇન કરેલા બમ્પર છે.
બેટરી અને રેન્જ
નવી Kia Carens Clavis EV બે બેટરી વિકલ્પો સાથે ઓફર કરવામાં આવી છે. તેની મોટી 51.4kWh બેટરી પેક લગભગ 490 કિમી સુધીની સિંગલ ચાર્જ રેન્જ આપવા સક્ષમ છે. જ્યારે એક સસ્તા વિકલ્પ તરીકે તેમાં એક નાની 42kWh બેટરી વેરિઅન્ટ પણ આપવામાં આવ્યું છે, જે લગભગ 404 કિમીની રેન્જ પ્રદાન કરે છે. આ EV માં ફ્રન્ટ-વ્હીલ-ડ્રાઇવ (FWD) સેટઅપ સાથે ઇલેક્ટ્રિક મોટર મળે છે, જે વેરિઅન્ટના આધારે લગભગ 135PS થી 170PS સુધીની પાવર જનરેટ કરી શકે છે. આ પાવરફુલ અને લોંગ રેન્જ બેટરી વિકલ્પો તેને ડેઇલી યુઝ અને લાંબી મુસાફરી બંને માટે આદર્શ બનાવે છે.
બુકિંગ 22 જુલાઈથી શરૂ થશે
કિયા ક્લેવિસ EV ની કિંમત 17.99 લાખ રૂપિયાથી 24.49 લાખ રૂપિયા (એક્સ-શોરૂમ) ની વચ્ચે છે. કંપની 22 જુલાઈથી તેનું બુકિંગ શરૂ કરવા જઈ રહી છે.
