Premium

Investment Tips : પાંચ વર્ષમાં પૈસા ત્રણ ગણુ રિટર્ન આપનાર 5 સ્કિમ, લાંબા સમયથી રિટર્ન આપવામાં અવ્વલ

Investment Tips : રોકાણ ટિપ્સ | રોકાણ હંમેશા સારૂ વળતર મળે ત્યાં કરવામાં આવે છે, ત્યારે અમે તમને જણાવી એવા લાર્જ કેપ અને મિડ કેપ ફંડ્સ સ્કીમ, જેમાં પાંચ વર્ષમાં ત્રણ ગણુ વળતર મળ્યું છે.

March 1, 2024 17:32 IST

સારૂ વળતર આપનાર પાંચ ફંડ્સ – રોકાણ ટિપ્સ (પ્રતિકાત્મક તસવીર)

Investment Tips | લાર્જ અને મિડકેપ ફંડ્સ : જો તમે 5 વર્ષ માટે રોકાણ કરો છો અને આટલા સમયમાં તમારા પૈસા 3 ગણા વધી જાય તો, કલ્પના કરો કે આ સોદો તમારા માટે કેટલો ફાયદાકારક સાબિત થઈ શકે છે. જો આવું થાય તો તમારા 1 લાખ રૂપિયા 5 વર્ષમાં વધીને 3 લાખ રૂપિયાથી વધુ થઈ જશે. મહત્ત્વની વાત એ છે કે, મૂડીબજારમાં આ શક્ય બની રહ્યું છે. ઇક્વિટી મ્યુચ્યુઅલ ફંડની લાર્જ અને મિડકેપ ફંડ કેટેગરીમાં આવી ઘણી યોજનાઓ છે, જેણે 5 વર્ષમાં 20 થી 23 ટકા વાર્ષિક વળતર આપ્યું છે. એવું કહી શકાય કે, આ યોજનાઓમાં 5 વર્ષમાં સંપૂર્ણ વળતર 235 ટકા સુધી વધી રહ્યું છે. આ લાભ FD, NSC અથવા RD જેવી પરંપરાગત રોકાણ યોજનાઓ કરતાં અનેક ગણુ વધારે છે. આ યોજનાઓમાં પૈસા બમણા થવામાં 9 થી 10 વર્ષનો સમય લાગી જાય છે.

લાર્જકેપ અને મિડકેપ સ્કીમ શું છે?

બ્લુ ચિપ એટલે કે લાર્જ કેપ શેરો વિશે એવું માનવામાં આવે છે કે, તેમની પાસે બજારની વધઘટનો સામનો કરવાની અને લાંબા ગાળે સ્થિર વળતર આપવાની મજબૂત ક્ષમતા હોય છે. આને ઇક્વિટીની અન્ય શ્રેણીઓ કરતાં વધુ સુરક્ષિત ગણવામાં આવે છે.

મિડકેપ શેરોની વિશેષતા એ છે કે, તેઓ માર્કેટની રેલીમાં તે ઊંચું વળતર આપી શકે છે. જો કે, જો તમને બંને કેટેગરીના સ્ટોક જોઈએ છે, તો તમારે તેમાં અલગ-અલગ રોકાણ કરવું પડશે. પરંતુ એક રીત એ છે કે, લાર્જ અને મિડકેપ મ્યુચ્યુઅલ ફંડ સ્કીમમાં તમારે નાણાંનું રોકાણ કરવું, જેના દ્વારા તમારા મજબૂત પોર્ટફોલિયોમાં બંને પ્રકારના શેરોનો સમાવેશ કરવામાં આવશે, જ્યારે તમને વૈવિધ્યકરણનો લાભ પણ મળશે.

લાર્જ અને મિડકેપ ફંડ સ્કીમમાં બ્લુચિપ અને મિડકેપ કંપનીઓના સ્ટોકનો સમાવેશ થાય છે. માત્ર લાર્જ કેપ ફંડ અથવા માત્ર મિડકેપ ફંડ્સમાં રોકાણ કરવા કરતાં આ એક સારો વિકલ્પ છે.