Infinix ZERO Flip 5G Launched In India: ઈન્ફિનિક્સે ભારતમાં પોતાનો ફોલ્ડેબલ સ્માર્ટફોન લોન્ચ કર્યો છે. ઈન્ફિનિક્સ ZERO Flip 5G સૌથી મોટા કવર ડિસ્પ્લે અને સેગમેન્ટમાં મોટી બેટરી સાથે આવે છે. કંપનીએ 50000 રૂપિયાથી ઓછી કિંમતે ઈન્ફિનિક્સ ઝેરો ફ્લિપ 5જી લોન્ચ કર્યો છે. નવા ઈનફિનિક્સ સ્માર્ટફોનમાં 6.9 ઇંચની પ્રાઇમરી ડિસ્પ્લે, ડાયમેન્સિટી 8020 પ્રોસેસર અને 512 જીબી સુધી સ્ટોરેજ જેવા ફીચર્સ આપવામાં આવ્યા છે. ઈન્ફિનિક્સ ઝેરો ફ્લિપ 5જીની કિંમત અને ફીચર્સ વિશે વિગતવાર જાણો.
Infinix ZERO Flip 5G Price : ઈન્ફિનિક્સ ઝેરો ફ્લિપ 5જી કિંમત
ઇનફિનિક્સ ઝીરો ફ્લિપ 5જી સ્માર્ટફોન રોક બ્લેક અને વાયોલેટ ગાર્ડન કલરમાં ખરીદી શકાય છે. હેન્ડસેટનું વેચાણ ફ્લિપકાર્ટ પર 24 ઓક્ટોબરથી શરૂ થશે.
ઈન્ફિનિક્સ ઝેરો ફ્લિપ 5G સ્માર્ટફોનના 8 જીબી રેમ અને 512 જીબી સ્ટોરેજ વેરિઅન્ટની કિંમત 49999 રૂપિયા છે. આ ફોનને બેંક ઓફર્સ સાથે મર્યાદિત સમયગાળા માટે 44999 રૂપિયાની કિંમતે લઈ શકાય છે.
Infinix ZERO Flip 5G Features : ઈન્ફિનિક્સ ઝેરો ફ્લિપ 5જી ફીચર્સ
ઈન્ફિનિક્સ ઝેરો ફ્લિપ 5જીમાં 6.9 ઇંચની ફ્લેક્સિબલ એમોલેડ, એલટીપીઓ પ્રાઇમરી ડિસ્પ્લે છે, જે રિઝોલ્યુશન (1080 x 2640 પિક્સલ) ધરાવે છે. સ્માર્ટફોનની સ્ક્રીન પીક બ્રાઇટનેસ 1400 નીટ છે અને તે યુટીજી પ્રોટેક્શન પ્રદાન કરે છે. ડિવાઇસમાં રિઝોલ્યુશન (1056 x 1066 પિક્સેલ્સ) સાથે 3.6 ઇંચની એમોલેડ કવર ડિસ્પ્લે છે. આ સ્ક્રીનને ગોરિલા ગ્લાસ વિક્ટસ 2 પ્રોટેક્શન સાથે રજૂ કરવામાં આવી છે.
ઈન્ફિનિક્સના આ લેટેસ્ટ હેન્ડસેટમાં ગ્રાફિક્સ માટે મીડિયાટેક ડિમેન્સિટી 8020 પ્રોસેસર, Mali G77 MP9 GPU આપવામાં આવ્યું છે. આ ફોન એન્ડ્રોઇડ 14 બેઝ્ડ XOS 14 સાથે આવે છે. સ્માર્ટફોન બે OS અપડેટ્સ અને 3 વર્ષના સિક્યોરિટી પેચનું વચન આપે છે. ફોનમાં 8 જીબી ઇનબિલ્ટ રેમનો ઓપ્શન આપવામાં આવ્યો છે. રેમને વર્ચ્યુઅલ રીતે 8 જીબી સુધી વધારી શકાય છે.
ઈનફિનિક્સ ઝીરો ફ્લિપ 5Gમાં 512 જીબી સુધીનું ઇનબિલ્ટ સ્ટોરેજ છે. ડિવાઇસમાં OIS સાથે 50 મેગાપિક્સલનો પ્રાઇમરી કેમેરો આપવામાં આવ્યો છે. ફોનમાં 2 મેગાપિક્સલનો સેકન્ડરી અલ્ટ્રાવાઇડ કેમેરો છે જે LED ફ્લેશ સાથે આવે છે. આ ડિવાઇસમાં PDAF સાથે 50 મેગાપિક્સલનો સેલ્ફી કેમેરો આપવામાં આવ્યો છે.
આ પણ વાંચો | રેડમી નો સૌથી સસ્તો 5G સ્માર્ટફોન ભારતમાં લોન્ચ, જાણો ખાસિયતો
સ્માર્ટફોનને પાવર આપવા માટે 4720mAhની બેટરી આપવામાં આવી છે. કનેક્ટિવિટી માટે ડ્યુઅલ સિમ, 5જી, 4જી એલટીઇ, બ્લૂટૂથ 5.1, વાઇ-ફાઇ, જીપીએસ અને ઓટીજી જેવા ફીચર્સ આપવામાં આવ્યા છે. ફ્લિપ ફોનનું ડાયમેન્શન અનફોલ્ડ કરવામાં આવે ત્યારે 170.35 x 73.4 x 7.64 mm છે. હેન્ડસેટને રોક બ્લેક અને વાયોલેટ ગાર્ડન કલરમાં ખરીદી શકાય છે.
