Cheapest Cryptocurrency Price: ક્રિપ્ટો માર્કેટમાં ઘણા પ્રકારની ક્રિપ્ટો કરન્સી છે, જેમા ઘણી મોંઘી ડિજિટલ કરન્સી અને અમુક સસ્તી ક્રિપ્ટો કરન્સી સામેલ છે. દુનિયાની સૌથી મોંઘી ક્રિપ્ટો કરન્સી બિટકોઈન વિશે લગભગ દરેક વ્યક્તિ જાણે છે, પરંતુ શું તમે જાણો છો કે ક્રિપ્ટો માર્કેટમાં અમુક એવી પણ ક્રિપ્ટો કરન્સી છે, જેની કિંમત 1 રૂપિયાથી પણ ઓછી છે. આજે અમે તમને આવી ડિજિટલ કરન્સી વિશે માહિતી આપી રહ્યા છીએ, આવો જાણીએ …
પેપે ટોકન (PEPE Toke)
ક્રિપ્ટો કરન્સીની કિંમતને ટ્રેક કરતી વિવિધ વેબસાઇટ અનુસાર, 11 જૂન, 2025 (બુધવાર) ના રોજ એક પેપે કોઇનની કિંમત 0.001094 રૂપિયા છે એટલે કે તેની કિંમત 1 રૂપિયાથી પણ ઓછી છે. આ કિંમત મુજબ તમને 100 રૂપિયામાં 91407 પેપે કોઇન મળી જશે. પેપે કોઇનની માર્કેટકેપ લગભગ 460,305,053,723 રૂપિયા છે.
શીબા ઇનુ (Shiba Inu)
શિબા ઇનુ કોઇનની કિંમત હાલ 0.001134 રૂપિયા છે. આ ભાવ મુજબ તમને 100 રૂપિયામાં લગભગ 88183 શિબા ઇનુ ક્રિપ્ટો કોઇન મળશે. શિબા ઇનુ કોઇનની માર્કેટકેપ 667,527,686,445 રૂપિયાની આસપાસ છે. છેલ્લા 24 કલાકમાં શીબા ઇનુ કોઇનની કિંમતમાં લગભગ 3.0 ટકાનો વધારો થયો છે.
બોન્ક (Bonk)
બોન્ક કોઇનની માર્કેટ કેપ 116,640,974,388 રૂપિયાની આસપાસ છે. ક્રિપ્ટોની કિંમતને ટ્રેક કરતી વિવિધ વેબસાઇટ અનુસાર, એક બોન્ક કોઇનની કિંમત 0.001506 રૂપિયા છે. આ કિંમતના હિસાબે તમને 100 રૂપિયામાં 66401 બોન્ક કોઇન મળી જશે. છેલ્લા 24 કલાકમાં બોન્ક કોઇનની કિંમતમાં 2 ટકાથી વધુ તેજી જોવા મળી છે.
ક્રિપ્ટો કરન્સી ક્યાંથી ખરીદી શકાય?
દુનિયાના ઘણા દેશોમાં ક્રિપ્ટો કરન્સીને કાયદાકીય માન્યતા મળી છે જો કે ભારતમાં હજી બાકી છે. ક્રિપ્ટો કરન્સીમાં ખરીદ-વેચાણ અને રોકાણ ઓનલાઇન થાય છે. ક્રિપ્ટો કરન્સીમાં ટ્રેડિંગ માટે ઘણા ક્રિપ્ટો એક્સચેંજ પ્લેટફોર્મ CoinDCX, Zebpay, coinswitch વગેરે છે, જ્યાંથી ક્રિપ્ટો કરન્સી ખરીદી શકાય છે. ક્રિપ્ટો કરન્સી ખરીદવા માટે યુઝર્સે આ ક્રિપ્ટો એક્સચેન્જ પર એકાઉન્ટ બનાવવું પડશે અને કેવાયસી પ્રક્રિયા પૂર્ણ કરવી પડશે. તે પછી ક્રિપ્ટો એક્સચેન્જમાં પૈસા જમા કરો અને તમે જે પણ ક્રિપ્ટોકરન્સી ખરીદવા માંગો છો તેનો ઓર્ડર આપો. આ રીતે તમે ભારતમાં સરળતાથી ક્રિપ્ટો કરન્સી ખરીદી શકો છો.
સૌથી મોંઘી ક્રિપ્ટો કરન્સી કઇ છે?
દુનિયાની સૌથી મોંઘી ક્રિપ્ટો કરન્સીનું નામ બિટકોઇન છે. હાલ તેની કિંમત 93,55,711 રૂપિયાની આસપાસ છે.
ક્રિપ્ટો કરન્સી શું છે?
ક્રિપ્ટોકરન્સી વર્ચ્યુઅલ કરન્સી છે. તેને ક્રિપ્ટો તરીકે પણ ઓળખવામાં આવે છે. આ ક્રિપ્ટોને સુરક્ષિત રાખવા માટે ક્રિપ્ટોગ્રાફીનો ઉપયોગ થાય છે.
[ડિસ્ક્લેમર: આ લેખ માત્ર માહિતી માટે છે અને તેને કોઈ પણ રીતે રોકાણની સલાહ તરીકે ગણવી જોઈએ નહીં. ઈન્ડિયન એક્સપ્રેસ તેના વાચકો અને દર્શકોને કોઈ પણ નાણાકીય નિર્ણય લેતા પહેલા તેમના નાણાકીય સલાહકારોની સલાહ લેવાની સલાહ આપે છે.]
